ინფორმაცია

ფილოსოფია

ფილოსოფია

საზოგადოების სიბრძნის მოყვარე და ცხოვრების წესით მოაზროვნე ნაწილის მეცნიერება. ანტიკური, შუა საუკუნეების და თანამედროვე ეპოქის ფილოსოფია.

საიტი: http://www.qwelly.com/
ადგილი: მეცნიერება
წევრები: 221
უკანასკნელი აქტიურობა: სექტემბერი 21

რას ვაკეთებთ აქ...

დაწერე შენი ან სხვისი ფილოსოფია.

ახალი პოსტი

შეკითხვები დააკომენტარეთ.

ფორუმი

დეკარტის მეთოდური სკეპტიციზმი

ავტორი ლაშა, აგვ. 14. 0 გამოხმაურება

      დეკარტი, ეჭვის გააბსოლუტურებით, ადამიანური ცოდნის რადიკალურ შემოწმებას მიმართავს. მკვლევარი ამ დროს უკიდურესი სკეპტიკოსია, მაგრამ რადგან ეჭვი მისთვის უეჭველის დასადგენი საშუალებაა მხოლოდ და არა მიზანი, შემოწმების ამ პროცესს მეთოდური სკეპტიციზმი ეწოდება. დეკარტის აზრით, ამგვარ ყოვლისმომცველ და უკიდურეს ეჭვს ვერ უძლებს, უპირველეს ყოვლისა, ჩვენი გრძნობადი ცოდნა, რომელიც გამოცდილებისაგანაა მიღებული. მე ერთ დროს მეგონა, გვაუწყებს დეკარტი, რომ ჩვენს ცნობიერებაში არც ერთი იდეა არაა ისეთი, რომელსაც შეგრძნებებში არ გაევლოს და ისე მოხვედრილიყოს ჩვენს ცნობიერებაში (6,82). როგორც ცნობილია, ეს დებულება ყოველგვარი ემპირიზმისა და სკეპტიციზმის ძირითადი დებულებაა. ეს დებულება არისტოტელემ მიიღო, როგორც ჩვენს ცნობიერებაში იდეის შინაარსის მოხვედრის გენეტიკური გზის აღწერა. ამასთანავე, არისტოტელე თვლიდა, რომ ამგვარი ახსნა ხელს არ უშლის იდეის შინაარსის რაციონალისტურ გაგებას. ასე ესმოდა ეს პრინციპი იოანე პეტრიწს (XI-XII სს.) და სხვა ნეოპლატონიკოსებს. დეკარტი თავისი განვითარების იმ პერიოდზე მიგვითითებს, როცა მას არისტოტელეს კვალად სწამდა, რომ იდეები ჩვენს სულში (ცნობიერებაში) მხოლოდ გამოცდილებიდან ხვდება. შემდეგ იგი გაიზიარებს პლატონის პოზიციას იმის თაობაზე, რომ გამოცდილება მხოლოდ აღვიძებს ჩვენი ცნობიერების (სულის) თანშობილ, მაგრამ მატერიალურში მისი მოქცევის შემდეგ დავიწყებულ შინაარსს.      რაციონალისტი დეკარტი მიმართავს მეთოდურ ეჭვს. იგი ამტკიცებს, რომ არავითარ ემპირიულ ცოდნას არა აქვს აუცილებლობა, ე.ი. ჩვენ ვერ ვიტყვით, რომ საგნისათვის ჩვენ მიერ მიწერილი რაიმე ნიშანი (რაიმე მახასიათებელი, რაიმე პრედიკატი) უდავოა და მუდმივი. მაგალითად, როგორია სანთლის ცვილი? მაგარი, რბილი, თუ თხევადი? ჩვენ ამას ემპირიულად ვერ დავადგენთ, რადგან სხვადასხვა ტემპერატურაზე იგი სხვადასხვა სახეს იღებს. მეტიც, ჩვენ ისიც კი არ ვიცით, უეჭველია თუ არა თავად ჩვენი სხეულებრივი არსებობა. კერძოდ ის, რომ მე ახლა ბუხრის წინ ვზივარ. თითქოს სასაცილოა ამაში შეეჭვება, მაგრამ მე ხომ ხშირად დამსიზმებია ამგვარი რამ? ზოგჯერ გამოფხიზლების შემდეგ, უცებ ძნელია გაერკვე ეს სიზმარი იყო თუ ცხადი. თუ დავუკვირდებით, გავაცნობიერებთ,…გაგრძელება

ტეგები: თევზაძე, დეკარტი, განხილვა, ფილოსოფია, Qwelly

მატერიალურ საგანთა არსებობისა და ადამიანის გონსა და სხეულს შორის სხვაობის შესახებ

ავტორი ლაშა, ივლ. 14. 0 გამოხმაურება

რენე დეკარტი - მეტაფიზიკური მედიტაციებიმეექვსე მედიტაციამატერიალურ საგანთა არსებობისა და ადამიანის გონსა და სხეულს შორის რეალური სხვაობის შესახებ      ახლა განსახილველია არსებობს თუ არა მატერიალური საგნები; ყოველ შემთხვევაში უკვე ის მაინც ვიცი, რომ როგორც წმინდა მათემატიკის საგანს, მე მათ შევიცნობ ნათლად და გარკვევით. ეჭვგარეშეა, რომ ღმერთის უნარის შეწევნით წარმოიქმნება ყოველივე ის, რისი ასე გარკვევით შეცნობის უნარიც მე მაქვს. აზრი, რომ ღმერთს არ შეუძლია რაიმე საგნის შექმნა, მიჩნდებოდა მხოლოდ იმის გამო, რომ წინააღმდეგობის გარეშე არ შემეძლო გარკვევით საგნის შეცნობა.      გარდა ამისა, მატერიალური საგნების არსებობაში მე შეუძლია დამარწმუნოს ჩემში არსებულმა წარმოდგენის უნარმა, რომლითაც ვსარგებლობ მატერიალური საგნების განხილვისას, რაც დასტურდება ცდით. მართლაც, ყურადღებით თუ განვიხილავ, რა არის წარმოდგენა, აღმოჩნდება რომ იგი სხვა არაფერია, თუ არა შემეცნებითი უნარის გარკვეული გამოყენება სხეულის მიმართ, რომელიც უშუალოდ წარმოუდგება მას და მაშასადამე, არსებობს.      ეს რომ ცხადი გავხადო, თავდაპირველად განვიხილავ სხვაობას, რომელიც არსებობს წარმოდგენასა და წმინდა გაგებას /ლ ’ ინტელლეცტიონ/ შორის. მაგალითად, როდესაც წარმოვიდგენ სამკუთხედს, გონებით მხოლოდ იმას კი არ შევიცნობ, რომ ეს არის სამი ხაზისაგან შემდგარი ფიგურა, არამედ, მაშინვე გონითი მზერით მე ასევე ვხედავ ამ სამ ხაზს, როგორც ჩემ წინაშე არსებულთ; სწორედ ეს არის ის, რასაც წარმოდგენას ვუწოდებ. თუ ახლა მოვისურვებ მოვიაზრო ჰილიოგინი, ცხადია, გონებით ვიცი, რომ ეს არის ათასი გვერდისაგან შემდგარი ფიგურა, ისევე როგორც ვიცი, რომ სამკუთხედი არის სამგვერდიანი ფიგურა; მაგრამ სამკუთხედისაგან განსხვავებით, მე არ შემიძლია წარმოვიდგინო ხსენებული ათასი გვერდი, ე. ი. მე მათ ვერ ვხედავ როგორც ჩემ წინაშე არსებულთ. და თუმცა ჩვევის გამო სხეულებრივ საგანზე ფიქრისას ყოველთვის ვსარგებლობ წარმოდგენის უნარით, ამ შემთხვევაში, ჰილიოგინზე ფიქრისას, ბუნდოვნად წარმომიდგება რაღაც ფიგურა, რომელიც, ცხადია, არ არის ჰილიოგინი, რადგან იგი არაფრით განსხვავდება იმისაგან, რასაც წარმოვიდგენდი მაშინ, როცა მირიოგონზე,[1] ან…გაგრძელება

ტეგები: ფილოსოფია, გონი, სხეული, მეტაფიზიკა, მედიტაცია

მატერიალურ საგანთა არსის შესახებ

ავტორი ლაშა, ივლ. 9. 0 გამოხმაურება

რენე დეკარტი - მეტაფიზიკური მედიტაციები მეხუთე მედიტაცია მატერიალურ საგანთა არსის შესახებ კვლავ ღმერთის არსებობის დადასტურება       გამოსაკვლევი მრჩება მრავალი საკითხი, რომელიც ეხება ღმერთის ატრიბუტებსა და ჩემს საკუთარ ბუნებას, ე. ი. ჩემი გონისას; მაგრამ მათ განხილვას, ალბათ, სხვა დროს დავუბრუნდები. ამჟამად კი, მას შემდეგ, რაც შევნიშნე, რას უნდა მოვერიდო და რა გავაკეთო ჭეშმარიტების მისაღწევად, ყველაზე არსებითად მეჩვენება განთავისუფლება ეჭვებისაგან, რომლებიც ამ ბოლო დღეებში დამეუფლა; ასევე, არსებითია, შესაძლებელია თუ არა რაიმე უტყუარის ცოდნა მატერიალური საგნების შესახებ. ვიდრე გავარკვევდე არსებობს თუ არა ამგვარი, ჩემ მიღმა არსებული საგნები, უნდა შევეხო მათ იდეებს, რაკი ეს უკანასკნელნი აღბეჭდილან ჩემს აზროვნებაში. ამ გზით გამოჩნდება თუ რომელია მათ შორის გარკვეული და რომელი - ბუნდოვანი.      ცხადია, გარკვევით წარმოვიდგენ სიდიდეს, რასაც ფილო სოფოსები, ჩვეულებრივ, უწოდებენ უწყვეტ სიდიდეს ანუ განფენილობას სიგრძეში, სიგანეში და სიღმეში, რომელსაც შეიცავს ეს სიდიდე, ან ამ სიდიდის მქონე საგანი. ამ უკანასკნელში მე ვითვლი სხვადასხვა ნაწილს; მათგან თითოეულს მივაწერ ნებისმიერ სიდიდეს, ფიგურას, მდებარეობას, სასურველ ლოკალურ მოძრაობას, ხოლო თითოეულ ამ მოძრაობას - ნებისმიერ ხანგრძლივობას.      და ამ გზით, ზოგადად განხილული საგნების შესახებ ვიღებ არა მხოლოდ გამჭვირვალე, ბოლომდე ცხად ცოდნას, არამედ, თუ მეტ ყურადღებას ვიჩენ, ვიღებ უამრავ კერძო პერცეფციას ფორმის, რიცხვის, მოძრაობისა და სხვა მისთანათა შესახებ. ამ უკანასკნელთა ჭეშმარიტება იმდენად ცხადია და ისე ეთანადება ჩემს ბუნებას, რომ მათი აღმოჩენისას მგონია, რაიმე ახალს კი არ ვიგებ, არამედ, უმალ, ვიხსენებ იმას, რაც ადრე უკვე ვიცოდი; მეჩვენება, თითქოს პირველად ვაპყრობდე მზერას საგნებს, რომლებიც, ცხადია, დიდი ხანია არსებობდნენ ჩემში, თუმცა ჩემი გონითი მზერა ჯერ კიდევ არ იყო მათკენ მიპყრობილი.      ის, რაც აქ ყველაზე უწინ უნდა განვიხილო, გახლავთ შემდეგი: ჩემში ვპოულობ ცნობილი საგნების უამრავ იდეას, რომლებიც შეუძლებელია იყოს არარა. შესაძლოა, ისინი არც არსებობენ ჩემი აზროვნების მიღმა და არც ჩემი გამოგონილნი არიან. მართალია, მე თავისუფალი…გაგრძელება

ტეგები: მატერია, ღმერთი, ფილოსოფია, მეტაფიზიკა, დეკარტი

ჭეშმარიტისა და მცდარის შესახებ

ავტორი ლაშა, ივნ. 26. 0 გამოხმაურება

რენე დეკარტი - მეტაფიზიკური მედიტაციებიმეოთხე მედიტაციაჭეშმარიტისა და მცდარის შესახებ      ბოლო ხანებში ისე შევეჩვიე გონების განთავისუფლებას გრძნობებისაგან და იმდენი გულმოდგინება გამოვიჩინე, რომ შევნიშნე, თუ რა ძალზე ცოტა ჭეშმარიტი პერცეფცია გაგვაჩნია სხეულებრივ საგნებზე, რომ ბევრად უფრო მეტი რამ ვიცით ადამიანის გონის, კიდევ უფრო მეტი - ღმერთის შესახებ; ასე რომ, ახლა, ჩემთვის ძალზე იოლია, საკუთარი აზროვნება ჩამოვაშორო გრძნობად საგნებს და მივაპყრო იგი ყოველგვარ მატერიისაგან თავისუფალ, წმინდა გონებისმიერ საგნებს. ცხადია, ჩემი იდეა ადამიანური გონის შესახებ - რამდენადაც გონი არის მოაზროვნე რამ, არაგანფენილი სიგრძესა, სიგანესა და სიღრმეში, თავისუფალი ყოველივე იმისაგან, რაც დამახასიათებელია სხეულებრივი საგნისათვის - ბევრად უფრო გარკვეულია, ვიდრე ნებისმიერი სხეულებრივი საგნის იდეა. ვითვალისწინებ რა რომ ვეჭვობ, ე. ი. ვარ არასრული და დამოკიდებული რამ, იდეა დამოუკიდებელი და სრულყოფილი არსების ანუ ღმერთისა, წარმომიდგება ძალზე ნათლად და გარკვევით; მხოლოდ იმის საფუძველზე, რომ ასეთი იდეა არის ჩემში, ანდა სხვაგვარად, ის, რომ მე, ვინც ვატარებ ამ იდეას, ვარსებობ, მაძლევს საშუალებას ასევე ცხადად დავასკვნა, რომ ღმერთი არსებობს და ჩემი არსებობა სავსებით დამოკიდებულია მასზე სიცოცხლის ყოველ წუთს, რომ შეუძლებელია ადამიანის გონებამ შეიცნოს რაიმე ამაზე უფრო ცხადი და უფრო ჭეშმარიტი. ახლა უკვე მგონი ვხედავ გზას, რომლითაც ამგვარი ჭვრეტით ჭეშმარიტი ღმერთისა - მასში კი დაუნჯებულია მეცნიერებისა და სიბრძნის ყველა საგანძური - შევიმეცნებთ ყველა სხვა საგანს.      უპირველეს ყოვლისა, შეუძლებელად მიმაჩნია, რომ ღმერთი მატყუებდა; ყოველგვარი სიცრუე თუ თაღლითობა ხომ არასრულყოფილების ნიშანია. თუმცა, ეტყობა, მოტყუების უნარი მიგვანიშნებს პიროვნების გამჭრიახობასა თუ ძალაზე, ეჭვგარეშე მოწმობს მის ეშმაკობას ან სისუსტეს, რაც შეუძლებელია ახასიათებდეს ღმერთს.      გამოცდილება მარწმუნებს, რომ მაქვს განსჯის გარკვეული უნარი, რაც, ისე როგორც ყოველივე დანარჩენი, რაც ჩემშია, ცხადია, ბოძებულია ღმერთისაგან; რაკი შეუძლებელია ღმერთმა ინებოს ჩემი მოტყუება, ცხადია, მანვე იმიტომ მომცა აღნიშნული უნარი, რომ მისი სწორად…გაგრძელება

ტეგები: ფილოსოფია, ჭეშმარიტება, მეტაფიზიკა, მედიტაცია, დეკარტი

ღმერთის არსებობს დამტკიცება

ავტორი ლაშა, ივნ. 22. 0 გამოხმაურება

რენე დეკარტი - მეტაფიზიკური მედიტაციებიმესამე მედიტაციაღმერთის შესახებ დამტკიცება, რომ იგი არსებობს      ახლა დავხუჭავ თვალებს, დავიცობ ყურებს, ყველა ჩემს გრძნობას ჩამოვიცილებ, ჩემი გონებიდან ამოვძირკვავ ყველა სხეულებრივი საგნის ხატს, ანდა, რაკი ეს თითქმის შეუძლებელია, ყოველ შემთხვევაში, მათ ჩავთვლი არაფრად - ფუჭად და მცდარად; მხოლოდ საკუთარ თავთან საუბრითა და ღრმა თვითგანხილვით შევეცდები, თანდათანობით, მეტად და ახლოს გავიცნო ჩემი თავი. მე ვარ ისეთი არსება, რომელიც აზროვნებს, ე.ი. რომელიც ეჭვობს, ამტკიცებს დადებითად, უარყოფს, იცის ძალზე ცოტა, არ იცის ბევრი რამ, რომელსაც სურს, არ სურს, აქვს წარმოდგენა და გააჩნია გრძნობა. როგორც ზემოთ შევნიშნე, შეიძლება საგნები, რომელთაც მე შევიგრძნობ ან წარმომიდგენია, ჩემ გარეშე თავისთავად არც არსებობს, მე მაინც დარწმუნებული ვარ, რომ აზროვნების ეს მოდალობები[1] - ჩემი სახელდებით შეგრძნებები და წარმოდგენები, რაკი ისინი მხოლოდ აზროვნების გარკვეული მოდუსებია, არიან ჩემში. ამ ერთი-ორი სიტყვით, მგონი, გამოვთქვი ყველაფერი, რაც ვიცი უეჭველად ანდა, ყოველ შემთხვევაში, აქამდე მეგონა, რომ ვიცოდი.      ახლა კი ჩემი ცოდნის შემდგომი გაფართოებისა და საგულდაგულოდ გამოკვლევის მიზნით ყურადღებას მივაპყრობ - ხომ არ არის ჩემში სხვა საგნები, რომლებისკენაც აქამდე არ მიმიმართავს ჩემი მზერა. დარწმუნებული ვარ, რომ მე ვარ მოაზროვნე არსება. ასევე განა არ ვიცი, თუ რა არის საჭირო, რათა საერთოდ დავრწმუნდეთ რაიმეში? ცხადია, ამ პირველ ცოდნაში სხვა არაფერია, თუ არა ნათელი და გარკვეული აღქმა იმისა, რასაც მე ვამტკიცებ; ეს კი, მართლაც, არ იკმარებდა საგნის ჭეშმარიტებაში ჩემს დასარწმუნებლად, თუ ოდესმე საგანი, ჩემი ესოდენ ნათელი და გარკვეული აღქმის ობიექტი, აღმოჩნდებოდა მცდარი; აქედან გამომდინარე, უკვე მეჩვენება, რომ შემიძლია ზოგად წესად დავადგინო შემდეგი: ყველაფერი, რასაც მე ვწვდები ნათლად და გარკვევით, ჭეშმარიტია.      მაგრამ ადრეც ხომ დავუშვი, რომ მრავალი საგანი აბსოლუტურად უეჭველი და ცხადია, მოგვიანებით კი მივხვდი, რომ ისინი მცდარი იყო. რა იყო ეს საგნები? ეს იყო მიწა, ცა, მნათობები და ყველა სხვა არსებული, რომელთაც მე აღვიქვამდი…გაგრძელება

ტეგები: მეტაფიზიკა, ფილოსოფია, მედიტაცია, დეკარტი, ღმერთი

ადამიანის გონის ბუნების შესახებ

ავტორი ლაშა, ივნ. 19. 0 გამოხმაურება

რენე დეკარტი - მეტაფიზიკური მედიტაციებიმეორე მედიტაციაადამიანის გონის (L ’ ESPRIT) ბუნების შესახებ მისი შეცნობის უპირატესობა სხეულის ბუნების გაგებასთან შედარებით      გუშინდელმა მედიტაციამ ეჭვებით ისე აღმივსო გონება, რომ ამიერიდან მათი დავიწყება Gაღემატება ჩემს ძალას. იმასაც ვერ ვხედავ, როგორ შევძლებდი მათ გადაწყვეტას. ასე მგონია, მოულოდნელად ჩავვარდი ღრმა მორევში და, თავზარდაცემულს, არც ფსკერზე ფეხებით დაყრდნობა შემიძლია და არც ცურვით წყლის ზედაპირზე ამოსვლა. თავს ძალას დავატან და შევეცდები, კვლავ იმ გზით წავიდე, გუშინ რომ დავადექი; გავერიდები როგორც ძირისძირობამდე მცდარს, ისე ყველაფერს, რაც ჩემში თუნდაც იოტისოდენ დაეჭვებას გამოიწვევს. ამ გზას გავყვები მანამდე, ვიდრე არ შევიცნობ რაიმე უტყუარს ანდა, ყოველ შემთხვევაში, ასეთი რამის, როგორც უტყუარის, მიუღწევლობის გამო არ შევიტყობ, რომ ნამდვილად არაფერია უტყუარი ამქვეყნად.      არქიმედე, ადგილიდან დედამიწის სფეროს დასაძრავად მხოლოდ ერთ მყარ და უძრავ წერტილს ითხოვდა; ჩემი იმედიც ის არის, რომ აღმოვაჩინო თუნდაც უმცირესი ვითარება, რომელიც იქნება უეჭველი და უთუო. ამრიგად, ვუშვებ, რომ ყველა საგანი, რომელსაც მე ვხედავ, მცდარია; ვარწმუნებ თავს, რომ არასოდეს არსებულა ის, რასაც ჩემი მაცდური მეხსიერება წარმომიდგენს, არ გამაჩნია არავითარი გრძნობა; სხეული, ფორმა, განფენილობა, მოძრაობა და ადგილი მოჩვენებებია. მაშ რაღაა ჭეშმარიტად ნამდვილი? ალბათ, ერთადერთი: არაფერია ჭეშმარიტი!      მაგრამ საიდან ვიცი, იქნებ არსებობს ისეთი რამ - ჩემ მიერ ახლახან ჩამოთვლილ საგნებისაგან სრულიად განსხვავებული, რომლის ნამდვილობაში დაეჭვების უმცირესი საბაბიც არ იქნება?! ხომ არ არსებობს რაიმე, ან ვინმე - ღმერთი, ან მნიშვნელობა არა აქვს რას ვუწოდებ მას, რომელიც მინერგავს ამ აზრებს? არადა, რატომ არ შეიძლება თავად მე ვიყო აღნიშნული შეხედულებების ავტორი? თუ ეს ასეა, ხომ არ ვარ თავად მე რაიმე? მაგრამ მე ხომ უკვე ვაღიარე, რომ არავითარი გრძნობა, არავითარი სხეული არ გამაჩნია და მაინც ვყოყმანობ, რადგან რა გამომდინარეობს აქედან? ნუთუ იმდენად მიჯაჭვული ვარ სხეულსა და გრძნობებზე, რომ მათ გარეშე არ შემიძლია არსებობა? მაგრამ მე ხომ დავარწმუნე საკუთარი თავი, რომ…გაგრძელება

ტეგები: გონი, სული, ფილოსოფია, მეტაფიზიკა, დეკარტი

კომენტარების დაფა

ლაშა: იანვარი 27, 2013||8:53pm

ცნობისმოყვარეობას :) 

სოფიო: იანვარი 27, 2013||9:18pm

shemecnebaa da sibrzne 

Kakha: თებერვალი 28, 2013||1:23pm

არ ღებულობ, ის ხო კარს გიმტვრევს რა :D:D:D

ლაშა: თებერვალი 28, 2013||4:52pm

აი, რა ცუდია ლათინური შრიფტით წერა.. :) 

კახა, იქნებ ვგებულობ ეწერა გიორგის და არა ვღებულობ... :D

Kakha: მარტი 7, 2013||2:21pm

შენც მაგარი ხარ, ანუ რა წერია "მე არ ვგებულობ"?

რაც დავწერე ის არის სწორი და ჩეკიც დამეთანხმება :D:D

მერი მაღლაკელიძე: ნოემბერი 1, 2013||11:49am

მარადისობა...ვინ გებულობს მას?

ლაშა: ნოემბერი 1, 2013||12:05pm

მერი ის ვინც შეურთდება მარადისობას :) 

ლაშა: ნოემბერი 23, 2013||8:58pm

დაკოჟრილი ხელებით ხო? :)

Kakha: ნოემბერი 24, 2013||2:09pm

ჩეკი პაპაშენს მგონი ბედს შეეგუა, ანუ დანებდა და ახლა ცდილობს რომ სხვასაც ეს ურჩიოს,დარწმუნებული ვარ ის ასე არ ფიქრობს, ახალგაზდა რომ იყოს აუცილებლად საწინააღმდეგოდ მოიქცეოდა :))))

Kakha: ნოემბერი 24, 2013||3:41pm

 მჯერა რომ ასეთი იყო, მაგრამ ასეთი ადამიანი სულაც არ კმარა რომ ფილოსოფოსი იყო, ანუ ბუნებრივად უნდა გიყვარდეს ის,ძალით ვერავინ ვერ შეგაყვარებს,პაპაშენს არ უყვარდა და თვლიდა(ანუ ეს მისი პირადი აზრი იყო რომ ჯერ ჯობია უფრო მნიშვნელოვანი რამით დავკავდეთ, მისი პრიორიტეტი სხვა რამ იყო, მაგრამ ეს სულაც არ ნიშნავს რომ მისი მოსაზრება სწორია) პირობითად სწორად ჩაითვლება მაშინ როცა თითონ ფილოსოფოსი იტყვის რომ ეს ყველაფერი სიტყვების რახა-რუხია და სხვა არაფერი, გარედან შეფასება რამის ეს მხოლოდ მოსაზრებაა და სხვა არაფერი :))))  

კომენტარი

თქვენ უნდა გახდეთ ფილოსოფია_ს წევრი რომ შეძლოთ კომენტარის გაკეთება!

 

წევრები (221)

 
 
 

ღონისძიებები

ბლოგ პოსტები

RuneScape continues to grow more than ever

გამოაქვეყნა Megaomgchen_მ.
თარიღი: ოქტომბერი 20, 2020.
საათი: 4:00am 0 კომენტარი

Naturally the team and I are saddened that some gamers are upset about free spins and some also do not enjoy the capacity to also purchase extra spins, however, the truth is 90% of our members are still enjoying the Squeal of Fortune on a daily basis and RuneScape gold more than 70 percent of our free players use the Squeal of Fortune daily also - which makes it a number of the most widely appreciated content release thus far. Nearly all our players also continue to take advantage of the…

გაგრძელება

ათასეული კორონა და ქება-კრიტიკა საარჩევნოდ

გამოაქვეყნა Giorgi_მ.
თარიღი: ოქტომბერი 19, 2020.
საათი: 10:57pm 0 კომენტარი

      მეორედ ათასეულს ზემოთ ანუ 1186 ახალი შემთხევა 24 საათში და რა გასაკვირია, რომ დღის მთავარი ამბავი სწორედ კოვიდ19-ია. მთავრობის განცხადებები, გამოსვლები, გადაწყვეტილებები და კრიტიკა ცუდ მენეჯმენტზე. ამას ემატება კარზე მომდგარი არჩევნები და საარჩევნოდ ხმების მოსაგროვებლად გაკეთებული მრავალი განცხადება და თავის ქება-სხვების ლანძღვა. ადგილობრივი კორონა რიცხვებში - დადასტურებული შემთხვევა - 18663, გამოჯანმრთელებული - 8338, გარდაცვლილი - 143,…

გაგრძელება

ველოარტი ანუ ხელოვნება ველოსიპედით

გამოაქვეყნა Tamila Moshiashvili_მ.
თარიღი: ოქტომბერი 18, 2020.
საათი: 10:24pm 0 კომენტარი

      იმ თაობის გოგოებს მივეკუთვნები, რომაული არდადეგები რომ ყველაზე რომანტიკული და საყვარელი ფილმი მიაჩნიათ და ველოსიპედით კატაობა არა უბრალო გართობა, არამედ გრეგორისთან ერთად სეირნობად აღიქმებოდა. ოდრი ხომ ყველა ჩვენგანის სათაყვანებელი გოგო იყო. კალათიანი ველოსიპედი იშვიათობა იყო ჩვენს ქალაქში, მაგრამ ბიჭებისგან ნათხოვარს, კბილს ვინ გაუსინჯავდა რომ დაეწუნებინა? რას მოვაყოლე ამხელა ტექსტი? ამ ველოსიპედის ჯაჭვები „ცეპები“ ხშირად წყდებოდა და უბის…

გაგრძელება

ნახევრადღია არჩევნები და გაცხარებული ურთიერთკრიტიკა

გამოაქვეყნა Giorgi_მ.
თარიღი: ოქტომბერი 16, 2020.
საათი: 10:30pm 0 კომენტარი

      შესავალ სიტყვაში მხოლოდ არჩევნების თემა დომინირებს, ასევე კორონასგან გამოწვეული ახალი შეზღუდვები და დახურული სკოლა-ბაღები. კარტოგრაფიამ გარეჯიდან თბილისში, თბილისიდან კი სტრასბურგში გადაინაცვლა და იქ საჩივრდება. რაც შეეხება კორონას რიცხვებს - დადასტურებული შემთხვევა - 15327, გამოჯანმრთელებული - 7613, გარდაცვლილი - 124. რაც შეეხება ჩვენი ეკონომიკის მეტრს - აშშ დოლარის ფასი 3.2186 ლარია.

საქართველოს და მსოფლიოს ამბები / 16 ოქტომბერი,…

გაგრძელება

Qwelly World

free counters