ღამეა, წვიმის ხმაურმა და ნოსტალგიურმა სურნელმა, ღამისეული სიმყუდროვე შემოაფრქვია ნაცრისფერი გარემოდან საძინებელში.. როგორც ყოველთვის ჩაფიქრებული ვარ, ბევრს ვფიქრობ და ვწყდები გარემოს.. რიტორიკული კითხვები კი თან დამყვება.. მაინც რა იწვევს ადამიანში სიცარიელეს?! მარტოობას?! როცა უამრავი ადამიანი გყავს გვერდით, რომლებიც სითბოთი და სიყვარულით განებივრებენ, მაგრამ თავს მაინც დაცარიელებულად და გრძნობაგამოცლილივით გრძნობ.. უცნაურია.. გაგეცინა არაა?? შენ ხომ სიცარიელე ყოველდღიურობაში გაქვს გამჯდარი.. რა ცივი და ცარიელი თვალებით მომშტერებიხარ.. მაინც გკითხავ რა იწვევს ადამიანში სიცარიელეს? სიცარიელე ხომ შენებური სამყაროა და მასში ხარ ფესვებგამჯდარი..

– მხიბლავს მარტოობა, სადაც მხოლოდ მე და ჩემი "მეები" დავტანტალებთ. აქ ვერ შეხვდები გულნაღრძობ და სულგათელილ ბრბოს, ვერ ნახავ სიყალბეთი შემოსილ ხალხს, ვერ ნახავ ღვარძლიან ადამიანებს.. აქ სიმყუდროვეა.. იყო მარტო, მოჩვენებითი ადამიანებისგან შორს, ძალიან შორს ეს ერთგვარი ფუფუნებაა, მართალია ჩემ სამყაროში ყველაფერი ნაცრისფერია და სიცივეა გამეფებული (რასაც უკვე შევეჩვიე), მაგრამ მეკომფორტება მაინც, ვარ ისეთი, როგორიც სინამდვილეში ვარ, არ ვეძებ ადამიანებს, რომლებიც გამიგებენ.. ასე გაცილებით იოლია სულდგმულობა.. გაორებული ჩანხარ..

– მხოლოდ შენ შეგიძლია აღმიქვა და დამინახო ისეთი, როგორიც რეალობაში ვარ.. სწორად აღნიშნე, გაორებული ვარ.. ერთ მხარეს ღიმილ–მზიანი ადამიანები არიან, რომლებიც ზრუნავენ ჩემზე, გასიყვარულისფერებული სამყაროა, სადაც ყველა ბედნიერია და ერთმანეთის ბედნიერებით ბედნიერობენ.. და კიდევ ჩემი სახლია, სადაც ყოველთვის მემყუდროვება.. რა ხდება მეორე მხარეს?? აქ ყველაფერი გაუგებრობაში და სიყალბეშია გახვეული.. აქ მუდამ დარდი და სინანული მსდევს აჩრდილივით.. აქ ყველაფერი მარტოობისფერია.. არაფერში შთანთქმული ყველაფერია.. ჰო ჰოო, არაფერში შთანთქმული ყველაფერი.. ამ ორ მხარეს შორის გადებულ სიცარიელეს ვერ ვავსებ.. არ შემწევს უნარი გავაერთიანო ეს ყველაფერი ერთმანეთში და სამუდამოდ განვაგდო ჩემი სამყაროდან სიცარიელე.. მღლის ეს გაორება.. სულს მიკაწრავს და ღრმა კვალს ტოვებს სიცარიელის შეგრძნება..

– მოგეწონება აქაურობა დამიჯერე

– რატომ ფიქრობ, რომ მომეწონება?

– ვიცი, რომ სიცარიელეში თავს კარგად გრძნობ

– არა, არა..! ცდები, შენს სამყაროში ძალიან ცივა!

– ცივა? სიცივე ერთგვარი ხიბლია სიცარიელისა და მარტოობისა

– არ მიყვარს სიცივე, არ მინდა სიცივე, მე სითბოს ნაჩვევი, ჰარმონიულ სამყაროში მოხეტიალე ადამიანი ვიყავი..

– მაშ შეეცადე გათბე, ჩაიცვი სითბო და გაათბე შენი სამყარო

– მცივა.. ძალიან მცივა.. სიცარიელით გაჟღენთილი მარტოობა შემოვიკეცე და ჩავთბი, გავათბე ჩემში უნებართოდ შემოჭრილი არეული სამყარო..

გესმის ჩემი?? მიპასუხე რამე.. გესმის??

ხედავ შენც არ შეგიძლია ჩემი გაგება..

02.06.2014    03:47

Qwelly, ადამიანი, ბლოგი, დღიური, მარტოობა, მელანქოლია, ურთიერთობა, ფიქრი, ღამე

ნახვა: 938

ტეგები: Qwelly, ადამიანი, ბლოგი, დღიური, მარტოობა, მელანქოლია, ურთიერთობა, ფიქრი, ქველი, ღამე

diik kartozia: ივნისი 3, 2014||11:45am

 ამან მე ეს გამახსენა, კარგია :)) 

"არასოდეს ისე მარტო არ ვგრძნობ თავს, როგორც მეგობართან გულის გადაშლისას, რადგან ამ დროს ბევრად უკეთ ვხედავ გადაულახავ ბარიერს. აქვეა ადამიანი, ვხედავ ჩემკენ მომართულ მის ნათელ მზერას, რომლის მიღმაც ჩემთვის უცნობი სულია. მისმენს. ნეტა რას ფიქრობს? ჰო, რას ფიქრობს? გეცნობა ეს ტანჯვა? იქნებ ვეზიზღები? ვეჯავრები, ან იქნებ აბუჩად მიგდებს? ფიქრობს ჩემს ნათქვამზე, მკიცხავს, დამცინის, მადანაშაულებს, ნორმალურად ან გიჟად მთვლის. როგორ გავიგო, რას ფიქრობს? როგორ გავიგო, მასაც ისევე ვუყვარვარ თუ არა, როგორც მე მიყვარს? რა აზრებითაა მოცული ეს ციცქნა, მრგვალი თავი? რამხელა იდუმალებაა სხვათა დაფარულ და უსაზღვრო ფიქრებში, რომლებსაც ვერ ამოვიცნობთ, ვერ ვმართავთ, ვერ დავიმორჩილებთ, რომელზეც ვერ გავიმარჯვებთ!
მე ძალიანაც მინდა სრულიად გავხსნა საკუთარი თავი, გავაღო სულის ყველა კარი, მაგრამ ბოლომდე ამას ვერასოდეს ვახერხებ. შორს, სულის სიღრმეში ,,მეს" საიდუმლო სამყოფელია, სადაც ვერავინ ჩაღრმავდება, ვერავინ შეაღწევს და ვერავინ ვერაფერს აღმოაჩენს, რადგან არავინ მგავს, რადგან არავის არავისი არ ესმის."

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ცესკომ მანდატები დაარიგა, ოპოზიცია მტკიცე უარზეა, მინისტრები აქტიურობენ

გამოაქვეყნა Giorgi_მ.
თარიღი: დეკემბერი 3, 2020.
საათი: 10:44pm 0 კომენტარი

      ნატოში სულ კარგ რამეებს ამბობენ - უნდა დავახლოვდეთო, საქართველო ჩვენთვის მნიშვნელოვანიაო მაგრამ ჯერ ვერ მიგიღებთო. ცესკომ, საბოლოოდ დაადგინა შედეგები და გამარჯვებულ-დამარცხებულებიც ოფიციალურად წარადგინა. საქმე ისაა, რომ ოპოზიცია კვლავაც მტკიცეს დგას თავის უარზე, ხოლო კორონავირუსი ყველა პრობლემის სათავეს წარმოადგენს. სვანები არ გეგონოთ - კოვიდიანები - 147636 დადასტურებული, აქედან გამოჯანმრთელებული - 124568, გარდაცვლილი - 1387, კარანტინში -…

გაგრძელება

ცხოვრება კიდევ უფრო გაძვირდება!

გამოაქვეყნა Giorgi_მ.
თარიღი: დეკემბერი 2, 2020.
საათი: 11:00pm 1 კომენტარი

      ზამთრის სუსხში გაზის ფასი გაეზრდა იურიდიულ პირებს, გარდა პურის მწარმოებლებისა. სავალალო ანონსია. პური არ გაძვირდება აპრილამდე და მერე ვნახოთო. ოპოზიციამ, ვადამდელი არჩევნებია ჩვენი ერთადერთი სასაუბრო თემაო და მეორე მხრივ, პოლიტიკოსების სასამართლო საქმეებს აპროტესტებენ. ვაქცინას ველოდებით ორ-სამ კვირაში, იქამდე კი ვითვლით კოვიდიანებს - 143376 დადასტურებული, აქედან გამოჯანმრთელებული - 121621, გარდაცვლილი - 1342, კარანტინში - 1980. რაც შეეხება…

გაგრძელება

სასესხო დოკუმენტები - შესაძლებლობები და პრობლემები

გამოაქვეყნა EFTcheat_მ.
თარიღი: დეკემბერი 2, 2020.
საათი: 9:00pm 0 კომენტარი

When Notary Signing Agents go to the signing table, they bring countless pages of documents, and borrowers often have questions about them. But there is fine line between what an NSA can and cannot say, and Servicenummer often gets phone calls asking relating to this.

Whilst you may explain loan documents, you are never permitted to make clear how loan documents will affect borrowers. Yet how can you define "explain, " and how do you know when you have crossed the line?

Why…

გაგრძელება

ახალ ოცწლედში შესვლის ბიუჯეტი და კარტოგრაფია სასამართლოში

გამოაქვეყნა Giorgi_მ.
თარიღი: დეკემბერი 1, 2020.
საათი: 11:00pm 0 კომენტარი

      დეკემბერი დადგაო და არაფერიც არ შეიცვალა - ოპოზიცია ისევ ინარჩინებს პრინციპულობას შეუსვლელობაზე, მეათე მოწვევის პარლამენტი კი პირველი სხდომისთვის ემზადება და სავარაუდოდ, 11 დეკემბერს გამართავს. დღის მთავარი ამბავი 2021 წლის ბიუჯეტის განყოფა იყო და კარტოგრაფიაც კვლავ აქტუალურია. კოვიდ-პოპულაცია - 139343 დადასტურებული, აქედან გამოჯანმრთელებული - 117560, გარდაცვლილი - 1303, კარანტინში - 1978. რაც შეეხება დოლარს, მისი ფასი 3.3185…

გაგრძელება

Qwelly World

free counters