ფაროსანას დაბრუნება, ანტიოკუპაციური ტალღა, მოსამართლეები უალტერნატივოდ, რობაქიძის საქმე და ტრამპის ამერიკა

      უქმეებსა და ახალ კვირაშიც, დღის მთავარი თემა რა თქმა უნდა ოკუპირებულ ცხინვალში გარდაცვლილი ახალგაზრდა ქართველი ჯარისკაცის თემაა. ამასვე ემატება სასამართლო ხელისუფლების უვადო მოსამართლეები, ფაროსანას მწერობა თუ არამწერობა და დღის კიდევ ერთი ტრაგიკული ამბავი - გია მაისაშვილის გარდაცვალება.

საქართველოს და მსოფლიოს ამბები / 26 თებერვალი, 2018 /

      ორშაბათი დავიწყოთ საკვირაო ქადაგებით - ილია მეორე - ეკლესია მართლმადიდებელი რომ არ ყოფილიყო, ძნელი წარმოსადგენია, რა იქნებოდა საქართველო.

      ოკუპირებულ ტერიტორიაზე, ციხეში გარდაცვლილი ქართველი ჯარისკაცის საქმე - საქართველოს პარლამენტი საერთაშორისო საზოგადოებას არჩილ ტატუნაშვილის გარდაცვალების საკითხის სათანადო შეფასებისკენ მოუწოდებს. აქვე ვისაუბროთ ოკუპაციასა და მომიჯნავე თემებზე - გიორგი მარგველაშვილი - საქართველოს გამთლიანება მოხდება არა სამხედრო გზით, არამედ საზოგადოების გაერთიანებით. ირაკლი კობახიძე - ჩვენთვის ძალიან მტკივნეულია ის, რაც ცხინვალში მოხდა. მიხეილ ჯანელიძე არჩილ ტატუნაშვილის გარდაცვალების საკითხს გაეროს ხელმძღვანელ პირებთან ორმხრივ შეხვედრებზე დააყენებს. ლინას ლინკევიჩუსი არჩილ ტატუნაშვილის გარდაცვალების საკითხს ევროკავშირის საგარეო საქმეთა საბჭოს სხდომაზე დააყენებს. სოზარ სუბარი - არჩილ ტატუნაშვილის გარდაცვალება არის კიდევ ერთი მტკივნეული ისტორია და მტკივნეული შედეგი საქართველოს ოკუპაციის და რუსეთის აგრესიის. კერსტი კალიულაიდი - რუსეთი რთული მეზობელია, რომელიც იმედგაცრუებას იწვევს. ხატია დეკანოიძე - ტატუნაშვილი და სხვა ოფიცრები არიან მსხვერპლი დღევანდელი ხელისუფლების. ევროკავშირი - ტატუნაშვილის სიკვდილი და 2 მოქალაქის დაკავება სერიოზული აღშფოთების წყაროა, მზად ვართ, სადამკვირვებლო მისიის საშუალებით მხარი დავუჭიროთ მიმდინარე გამოძიებას. მამუკა არეშიძე არჩილ ტატუნაშვილზე - მხოლოდ ჟენევის ფორმატით პრობლემები ვერ მოგვარდება, ხელისუფლებამ სხვა, მათ შორის არაოფიციალური ზომებიც უნდა გამოიყენოს. საპარლამენტო უმრავლესობა არჩილ ტატუნაშვილის გარდაცვალების საკითხზე რეზოლუციის მიღებას გეგმავს. გიორგი აბაშიშვილი - სუს-ი, ისევე როგორც ყველა სხვა შესაბამისი სტრუქტურა, აქტიურად მუშაობს, რომ დროულად იქნას გადმოცემული არჩილ ტატუნაშვილის ცხედარი. მაია კოციანჩიჩი - ცხინვალში მომხდარი ფაქტი ხაზს უსვამს დამატებითი ზომების მიღების საჭიროებას გამჭვირვალეობისა და ნდობის უზრუნველყოფისათვის. მიხეილ ჯანელიძე არჩილ ტატუნაშვილის და გიგა ოთხოზორიას საკითხზე გაერო-ს ადამიანის უფლებათა საბჭოზე და გენერალურ მდივანთან შეხვედრაზე ისაუბრებს. არჩილ ტატუნაშვილის გარდაცვალების საქმეზე, ერგნეთში ინციდენტების პრევენციის და მათზე რეაგირების მექანიზმის მონაწილეების არაგეგმური შეხვედრა ჩაინიშნა. გიორგი მარგველაშვილი - ეთნიკურ უმცირესობებს მოვუწოდებ, აქტიურად ჩაერთონ საქართველოს დამოუკიდებლობის საზეიმო აღნიშვნაში. საპარლამენტო უმრავლესობამ ბიუროს სხდომაზე არჩილ ტატუნაშვილის გარდაცვალების საკითხზე რეზოლუციის მიღების ინიციატივა დააყენა. სალომე სამადაშვილი - რეზოლუციის მოთხოვნა დაგვიანებულია, "ქართულმა ოცნებამ" მრავალი წელი უმოქმედობით დაკარგა.

      სასამართლო ხელისუფლება - გაურკვევლობაში მყოფი პრეზიდენტი - გიორგი მარგველაშვილი - გაუგებარია რანაირად გყავს ქვეყანაში 200-მდე კანონით დამტკიცებული პოლიტპატიმარი და არავინ არის ამაში დამნაშავე - თან გყავდეს მსხვერპლი და არ გყავდეს ჯალათი. გიორგი მიქაუტაძე - შესაძლოა პრემიერს არ ჰქონდა სრულყოფილი ინფორმაცია მოსამართლეების უვადოდ დანიშვნის საკითხთან დაკავშირებით. ლია მუხაშავრია - ისეთი მოსამართლეების უვადოდ განმწესება, რომლებთანაც საზოგადოებას კითხვები აქვს, თეა წულუკიანის რეფორმების "დამსახურებაა". ნაზი ჯანეზაშვილი სააპელაციო სასამართლოს სისხლის სამართლის საქმეთა პალატის თავმჯდომარის პოსტზე ლევან თევზაძის კანდიდატურას მხარს არ უჭერს. იუსტიციის მინისტრის მოადგილე გვარის შეცვლის გამკაცრებასთან დაკავშირებულ გარკვეულ დეტალებზე საუბრობს. ანა დოლიძე - სამწუხაროდ, იუსტიციის საბჭოს წევრების ნაწილი აგრძელებს უარყოს ის მძიმე ვითარება, რა ვითარებაშიცაა მოხვედრილი სასამართლო ხელისუფლება. ნაზი ჯანეზაშვილი - არ მაქვს იმედი, რომ ჯგუფი, რომელიც სასამართლო სისტემას მართავს, კეთილსინდისიერ გადაწყვეტილებას მიიღებს. ნაზი ჯანეზაშვილი - დღითიდღე ვრწმუნდებით, რომ სასამართლო იმართება კონკრეტული ჯგუფის მიერ და ეს უფრო საშიშ ფორმებს იღებს.

      ფაროსანას აქტუალურობა - ლევან დავითაშვილი - ფაროსანა არის სასოფლო-სამეურნეო მავნებელი, მწერი და ამაზე ამდენი ყურადღების გამახვილება ცოტა გადაჭარბებულიც არის. ისევ სოფელი და ბუნება - ლევან დავითაშვილმა საერთაშორისო და არასამთავრობო ორგანიზაციებს “ტყის კოდექსის“ კანონპროექტის სამუშაო ვერსია გააცნო. "საქართველოს ფერმერთა ასოციაციის" თავმჯდომარე ფიქრობს, რომ აზიური ფაროსანასგან მიყენებული ზარალი წელს ისეთი არ იქნება, როგორიც შარშან იყო. არჩილ თალაკვაძე მიზანშეწონილად მიიჩნევს, აზიურ ფაროსანასთან ბრძოლის მიმართულებით მოხალისეთა კორპუსის მობილიზაცია მოხდეს. აკაკი ბობოხიძე - აზიური ფაროსანა კალენდარს არ უყურებს, ის უყურებს ტემპერატურას, ძალიან თბილი ზამთარია და გაცილებით ადრე მოგვიწევს ამ პრობლემასთან შეტაკება. გიგი უგულავა - ფაროსანასთან ბრძოლაში მოსაშველებელია თურქეთი და აზერბაიჯანი, სალაპარაკოა რუსეთთან, რადგან ეპიცენტი სოჭიდან მოდის. დავით ჭიჭინაძე - სულ მცირე, არაკორექტულია, რომ აზიური ფაროსანა უბრალოდ მწერად მოვიხსენიოთ. ოთარ დანელია - მნიშვნელოვანია, რომ აზიური ფაროსანა არ გახდეს რაიმე საარჩევნო კამპანიის ნაწილი. ლევან დავითაშვილი - აზიურ ფაროსანასთან დაკავშირებით პოპულიზმი მოსახლეობაში უიმედობას ნერგავს. ლევან დავითაშვილი - ინფრასტრუქტურის სამინისტროსთან ყოველდღიური კომუნიკაცია გვაქვს როგორც ფაროსანასთან დაკავშირებულ, ისე სხვა საკითხზე. ლევან დავითაშვილი - მთავრობას აქვს აბსოლუტურად ადეკვატური პასუხი ფაროსანასთან დაკავშირებულ გამოწვევაზე. ლევან დავითაშვილი - სასოფლო-სამეურნეო მიწას პასუხისმგებლობით უნდა მოვეპყროთ, უნდა არსებობდეს რეგულაციები - ტოტალურ აკრძალვაზე არასდროს გვისაუბრია.

      უარი თანამშრომლობას და სხვა მერიული ამბები - კახა კალაძე „ნაცმოძრაობაზე“ - დესტრუქციულ, მარგინალურ ძალასთან არ ვაპირებთ თანამშრომლობას და ეს ასე იქნება, სანამ არ დალაგდებიან და გაერკვევიან, რა უნდათ. ვაკელისა და ჭილაძის ქუჩებზე მოძრაობის სქემები სატესტო რეჟიმში შეიცვალა. თბილისის მერიამ, შესაძლოა, ბანერებზე მხოლოდ უცხოენოვანი წარწერების აღსაკვეთად პარლამენტს კანონის გამკაცრების მოთხოვნით მიმართოს. კახა კალაძის ინფორმაციით, მეტროსადგურების რეაბილიტაცია ექსპერტიზის დასკვნების გამოქვეყნების შემდეგ გააგრძელდება. ზედამხედველობის სამსახურის უფროსი - მინდა ყველას მოვუწოდო, დაიცვან ქართული ენა და „რეკლამის შესახებ კანონი”. კახა კალაძე - ჰარი-ჰარალე და გაურკვეველი მშენებლობები დედაქალაქში დამთავრდა. კახა კალაძე - დედაქალაქის მიწათსარგებლობის გენერალურ გეგმას სპეციალური ჯგუფი ერთი თვის ვადაში შეისწავლის. არჩილ თალაკვაძე - წინაპრებმა ქართული დამწერლობა იმისთვის არ დაგვიტოვეს, რომ ქალაქის მთავარ ქუჩებში მხოლოდ უცხოური წარწერები იყოს. „რეკლამის შესახებ“ საქართველოს კანონის დარღვევისთვის საჯარიმო სანქციები გამკაცრდება

      საინფორმაციო ტალღები - საგარეო საქმეთა სამინისტრო უვიზო მიმოსვლის შესახებ საინფორმაციო კამპანიის მესამე ტალღას იწყებს. დეკანოზი კახაბერ გოგოტიშვილი - ვიზალიბერალიზაცია დიდი მონაპოვარია და არ გვაქვს უფლება ვიაზროვნოთ არასახელმწიფოებრივად.

      რობაქიძის საქმე - დღეს დაიკითხა ირაკლი ოქრუაშვილი, რომელსაც, როგორც თავად ამბობს, ამირან რობაქიძის საქმეზე დეტალების გახსენება უჭირს. ბუტა რობაქიძის მამა ოქრუაშვილს - სჯობს სიმართლე თქვა ირაკლი. ირაკლი ოქრუაშვილმა ამირან რობაქიძის საქმეზე რაიმე სახის უკანონო ბრძანების გაცემა უარყო. ირაკლი ოქრუაშვილი - როგორც ჩანს, დღეს მე ორივე მხარეს იმედები გავუცრუე, ორივე მხარე ელოდებოდა, რომ ერთის დანაშაული მემტკიცებინა და მეორის – უდანაშაულობა. ირაკლი ოქრუაშვილი სოსო რობაქიძეს - შენ იცი კონკრეტული ადამიანი, ვის გამოც შვილი დაგეღუპა, მოგცემ იარაღს და მოსთხოვე პასუხი. სოსო რობაქიძე ირაკლი ოქრუაშვილს - ახლა რომ იარაღი მქონდეს, პირდაპირ გესროდი. ია მეტრეველი - ირაკლი ოქრუაშვილმა რომ განაცხადოს, დანაშაულის შესახებ იცოდა, ისიც დამნაშავე გამოვა დანაშაულის დაფარვისთვის.

      გარდაცვალება - გია მაისაშვილი გარდაიცვალა. საქართველოს პრეზიდენტი გია მაისაშვილის გარდაცვალების გამო მწუხარებას გამოთქვამს. პრემიერ-მინისტრი გია მაისაშვილის გარდაცვალების გამო მწუხარებას გამოთქვამს.

      კარგი ამბები ტრადიციულად სპორტიდან - ქართველმა ძიუდოისტმა ვარლამ ლიპარტელიანმა დიუსელდორფის გრანდ სლემზე ოქროს მედალი მოიპოვა.

საზღვარგარეთულები:

      მსოფლიო ხელისგულზე - კოსმოსის გლობალური ათვისების პროექტის ფარგლებში BTU-ს კონცეფცია NASA-ში გაიგზავნა.

      ტრამპის ამერიკა - დონალდ ტრამპი - დადგა დრო, როდესაც ამერიკელები უნდა გაერთიანდნენ, უამრავი უთანხმოების მიუხედავად. აშშ-ს პრეზიდენტის პოსტზე დონალდ ტრამპის საქმიანობას დადებითად გამოკითხული ამერიკელების მხოლოდ 35% აფასებს. დონალდ ტრამპი - საპრეზიდენტო არჩევნებში იმიტომ გავიმარჯვე, რომ გაცილებით უკეთესი კანდიდატი ვიყავი, ვიდრე ჰილარი კლინტონი.

      კომპარტია ჩინეთში - ჩინეთის კომპარტია მოითხოვს, კონსტიტუციიდან ამოიღონ მუხლი, რომლის თანახმადაც პრეზიდენტისა და ვიცე-პრემიერის თანამდებობის დაკავება მხოლოდ ორი ვადით შეიძლება.

      აფეთქება ინგლისში - ინგლისში, ერთ-ერთ სასურსათო მაღაზიაში მომხდარი აფეთქების შედეგად კრიტიკულ მდგომარეობაში მყოფი ოთხივე ადამიანი გარდაიცვალა.

      სასიკვდილო განაჩენი ერაყში - ერაყის სასამართლომ „ისლამურ სახელმწიფოსთან“ თანამშრომლობაში ბრალდებულ თურქეთის 15 მოქალაქეს სიკვდილით დასჯა მიუსაჯა.

      ღალატი უპატიებელია - რეჯეფ თაიფ ერდოღანი - ჩვენ მოკავშირეებს არ ვღალატობთ და პატივცემას არ გამოვიჩენთ მათ მიმართ, ვინც გვიღალატა.

      საუბრის მნიშვნელობა - სამხრეთ კორეის პრეზიდენტი - მნიშვნელოვანია, რომ შეერთებულმა შტატებმა და ჩრდილოეთ კორეამ რაც შეიძლება მალე დაიწყონ მოლაპარაკებები.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 188

ტეგები: qwellynews, ბლოგი, თებერვალი, ნიუსები, სიახლეები

Kakha: თებერვალი 27, 2018||10:55pm

ერდოღანი რა მორალისტია ))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

Qwelly World

free counters