ფილმების მოყვარულებს, დღევანდელ ბლოგპოსტში კიდევ ერთ ოსკაროსან ფილმს გაგახსენებთ. ნელ-ნელა 21-ე საუკუნეში გადმოვაბიჯეთ. გახსოვთ ალბათ, წინა ოსკაროსანი ფილმი, რომელიც ბლოგში წარვადგინეთ, იყო 1992 წელს გადაღებული და ერთი წლის თავს ოსკარით დამშვენებული, კლინტ ისტვუდის "უპატიებელი". დაკვირვებული მკითხველი ალბათ იკითხავს, 1993 წლიდან პირდაპირ ოცდამეერთე საუკუნეში როგორ გადავხტითო. საქმე ისაა, რომ მომდევნო ფილმები ან უწინ მქონდა ნანახი ან ძალიან პოპულარულია ჩვენს თაობაში, ასე მაგალითად, 90-იანებში ოსკარები გადანაწილდა: შინდლერის სია (1994); ფორესტ გამპი (1995); მამაცი გული (1996); ინგლისელი პაციენტი (1997) - ეს ფილმი ნანახი არ მაქვს, მაგრამ რაღაც ძალამ მითხრა გამომეტოვებინა. შემდეგ, ტიტანიკი (1998); შეყვარებული შექსპირი (1999) - ამან ინგლისელი პაციენტის ბედი გაიზიარა. და აჰაა, მოვედით 2000 წელზე და XXI საუკუნეში.

Chicago, Chicago 2002, Qwelly, blog, movie, ბლოგი, დრამა, კინომანია, ლუსი ლუ, მიუზიკლი, ოსკარი, ფილმები, ფილმი, ქველი

      დღეს უნდა ვისაუბროთ მარტინ რიჩარდსის და რობ მარშალის დრამაზე, მიუზიკლზე - "ჩიკაგო" (Chicago). ეს ფილმი, 1926 წელს, მაურინ დალას უათკინსის ამავე სახელოწდების სცენარის ადაპტაციაა. 2003 წელს მან აიღო 6 ოსკარი. გარდა საუკეთესო ფილმისა, ოსკარები გადაეცათ ქეთრინ ზეტა-ჯონსს ქალის მეორე ხარისხოვანი როლის საუკეთესო შესრულებისთვის, ოსკარები მიიღეს დეკორატორებმა და კოსტუმების დიზაინერებმა, მემონტაჟეებმა და მუსიკოსებმა. დიახ, მუსიკა არის დაუვიწყარი და გამაოგნებელი. თითოეულს ორ-ორჯერ ვუსმენდი.

      პირველივე კადრებიდან ქეთრინ ზეტა-ჯონსი იწყებს მსმენელ-მაყურებლის დატყვევებას და ფილმი ისე სრულდება, რომ თავად დასასრულის არსებობას აპროტესტებ. შინაარსი მარტივია - მთავარი გმირი, როქსი ჰარტი (რენე ზელვეგერი), ქერა, პოპულარულობაზე მეოცნებე ამერიკელი გოგონა კლავს საყვარელს, დაიჭერენ, ციხეში გაიცნობს ქეთრინის გმირს ველმა კელის, აიყვანს ცნობილ ადვოკატს ბილი ფლინს (რიჩარდ გირი) და მთელი ფილმი ვითარდება სასამართლოს მოლოდინსა და შიდა დაპირისპირებებში.

      თუ ოსკარების რაოდენობა, მუსიკა და ჩამოთვლილი სახელები არ კმარა, კიდევ შემიძლია რამდენიმე დეტალი გაგიმხილოთ, იმაზე საპასუხოდ, თუ რატომ უნდა უყუროთ ფილმს?!

  • აი, "მაკულატურა" (Pulp Fiction) ხომ ყველას მოსწონს და დაუვიწყარია ტრავოლტასა და უმა თურმანის ცეკვა, აქ გაცილებით მეტ ცეკვას ნახავთ და ყველას დაუვიწყარს.

  • ფილმში შესანიშნავად ნახავთ, რას ნიშნავს სკანდალისტების პოპულარობა და რა მოკლე დროითი პერიოდისთვისაა ის განწირული. იქნებ ამის შემდეგ, მაინც გადაიფიქროს მავანმა სკანდალებით მოპოვებულ პოპულარობაზე ოცნება? ლუსი ლუს გმირმა, კინაღამ როქსი ჰარტი წამებში გაანადგურა.

  • ფილმში ნახავთ, როგორები არიან ქალები, როდესაც სიკვდილი მოელით და მაინც იპრანჭებია - აბა, შეუხედავი მკვდრები ხომ არ იქნებიან?

  • თუ ციხეში მოხვედრაზე გიფიქრიათ და წარმოიდგენთ, როგორი იქნება ქალი ზედამხედველი, ამ ფილმში ამასაც ბრწყინვალედ წარმოგიდგენენ:

  • თუ ჯერ კიდევ არ გაქვთ გააზრებული რა არის ადვოკატის პროფესია, მოუსმინეთ რიჩარ გირს - "აიწონა-დაიწონა" ან "მიზნის მიღწევის ძალა"

      ენას კბილს ვაჭერ და დროდადრო ტექსტს ვშლი ძალიან დიდი სპოილერი რომ არ გამომივიდეს ამ პოსტის სახით, მაგრამ ბოლო დიალოგი მთელი შოუ ბიზნესის იდეის წარმოჩენა იყო და ვერ გამოვტოვებ.

      დიალოგი:

- ეს საქმე, არ გამოვა!
- რატომაც არა?
- იმიტომ, რომ მძულხარ!
- ეს არის ერთადერთი საქმე მსოფლიოში, სადაც ეგ, პრობლემა არ არის.

      საფინალო სიმღერაც და პოსტს ამით დავასრულებ:

ნახვა: 347

ტეგები: Qwelly, ბლოგი, დრამა, კინომანია, მიუზიკლი, ოსკაროსანი, ქველი

BrOliKa: მაისი 20, 2016||6:18pm
მე მგონია, ეს ფილმი ყველას ნანახი უნდა ქონდეს :D
Kakha: მაისი 21, 2016||6:03pm

კომიქსების კინოში გაცოხლებით ამერიკამ (ჩრ) ბოლო ტვინის უჯრედი მოიკლა( (შოუ ბიზნესთან პიდპაირ კავშირშია). უნდა დავუკვეთოთ ზღაპარი შესაძლებლობების მქონე გმირების შექმნა და რომ ნატრობს ეს ქვეყანა შოუ ბიზნესს გვექნება კიდეც, განიდევნებიან, სურამელა, ჩხეიძე - მეიძეები, წურწუმიები - ჯოხაძეები, უნდა ამ ქვეყანას ეს? რესტორანში მერე კაპიტანი ამერიკა იმღერებს? :D

ლაშა: მაისი 21, 2016||8:19pm
უნდა დაჩქარდეს ეგ პროცესი თორემ ჩამოთვლილი გვარების ცნობილ შოუბიზნეს წარმომადგენლებს მალე ეროვნული საგანძურის სტატუსი მიენიჭებათ. :D
Kakha: მაისი 21, 2016||10:32pm

ხოდა მუზეუმში ოქროს ფონდში რომ გადაიტანენ იქ უნდა მიუწყოს ხალხმა ჩაბეტონება )

თამუნა ქადაგიძე: მაისი 22, 2016||9:38pm

დავამატებდი რომ ფილმი "ჩიკაგო" ყურადსაღებია მონტაჟის ოსტატობით. (განსაკუთრებით ციხის პირველი სცენა ქალების მონოლოგებით) მონტაჟი ამ ფილმში უმაღლეს დონეზეა შესრულებული და დახვეწილი. მოგეხსენებათ, რომ სწორედ მონტაჟი ქმნის კინო-ფილმს, როგორც ასეთს, კინოხელოვნების მასალაა

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 0 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

ჩანაწერები საპატრიარქოზე და არჩევნები ნარკოტესტებზე

გამოაქვეყნა Giorgi_მ.
თარიღი: სექტემბერი 13, 2021.
საათი: 11:00pm 0 კომენტარი

      არჩევნების მთავარი ამბავი ნარკოტესტი და ბანერებია. კანდიდატების დაფიპირისპირება ვირტუალურ რეალობაში გადადის. ახლოვდება არჩევნები და ყველა თემა მის გარშემო აქტუალურდება. დღეიდან საზოგადოებრივი ტრანსპორტის მოძრაობა აღდგა და კოვიდიც გააქტუალურდა. ტრანსპორტი კი ამუშავდა, მაგრამ როგორც კალაძე ამბობს - არც ერთი საზოგადოებრივი ტრანსპორტი არ დაიძვრება, თუ მგზავრი პირბადის გარეშე იქნება. დღის ახალი სკანდალი - ხელისუფლება საპატრიარქოს უსმენს, უმაღლესი…

გაგრძელება

Qwelly World

free counters