ცხედრის დაბრუნება სამშობლოში, ხელწერილით გათავისუფლებული მოძალადეები, მიწის აუქციონი და დაკავებული ექსპრეზიდენტი

      დღე წყება ამინდის პროგნოზით, მინიმუმ იმ დონეზე, როცა ფარდებს გავწევთ და ფანჯრებში ვიხედებით. ამიტომ საღამოც დავასრულოთ მომდევნო დღის პროგნოზით - საქართველოში ხვალ ამინდი გაუარესდება, ძლიერმა ნალექმა, შესაძლოა, მდინარეებზე წყლის დონის მატება გამოიწვიოს. რაც შეეხება დღევადელ დღეს - ტეტუნაშვილის ცხედარი გადმოასვენეს საქართველოში, 15 000-ასად შეფასებული მიწა 5 მილიონად გაიყიდა, რუსთავი ორის წინ შეკრებილი „მშვიდობიანი ქრისტიანები“ გაათავისუფლეს და ა.შ.

საქართველოს და მსოფლიოს ამბები / 20 მარტი, 2018 /

      პარლამენტის საქმიანობა - საპარლამენტო უმრავლესობის სხდომა გუშინ ხმაურის ფონზე მიმდინარეობდა. პარლამენტარების მიერ ერთმანეთის პულტების გამოყენების შემთხვევებზე რეგლამენტი მკაცრდება. „გირგვლიანის შესწორებების“ ფარგლებში სპეციალური სუბიექტის შესახებ ნორმის შემოტანა იგეგმება, რომელიც სახელმწიფო პოლიტიკურ თანამდებობის პირებს შეეხება. სავალდებულო გენდერული კვოტირება, შესაძლოა, მაჟორიტარულ სისტემასაც შეეხოს. დეპუტატს, რომელიც პლენარულ სხდომაზე რეგისტრაციას არ გაივლის, ხელფასი დაექვითება. ირაკლი კობახიძე - დეცენტრალიზაცია აუცილებელი პირობაა დემოკრატიული მმართველობის სისტემის გამართული ფუნქციონებისთვის.

      ამერიკის წვლილი - ირაკლი კობახიძე - ჩვენ დიდად ვაფასებთ ამერიკის წვლილს ჩვენი სახელმწიფოებრიობის გაძლიერებაში და ბატონ ელჩის პირად წვლილს ჩვენს ქვეყნებს შორის ურთიერთობის განმტკიცებაში.

      ტაქსების რეგულაციები - რეგიონული პოლიტიკისა და თვითმმართველობის კომიტეტმა ტაქსებთან დაკავშირებულ რეგულაციას სესიაზე გასატანად მხარი დაუჭირა.

      ტეტუნაშვილის გადმოცემის ამბავნარი - ქეთევან ციხელაშვილი ვერ ადასტურებს ინფორმაციას, რომ დე ფაქტო ხელისუფლება ქართულ მხარეს გარდაცვლილ არჩილ ტატუნაშვილის ცხედარს 20 მარტს გადმოსცემს. მამუკა მდინარაძე ტატუნაშვილთან დაკავშირებულ რეზოლუციაზე - ჩვენ მივიღებთ ერთიან და პრინციპულ დოკუმენტს, რომელიც გამომდინარეობს ეროვნული ინტერესებიდან. სოფო კილაძე ტატუნაშვილთან დაკავშირებულ რეზოლუციაზე - ძალიან მნიშვნელოვანია, რომ ჩვენ ყველამ ერთად შევძელით კონსენსუსის მიღწევა. სერგი კაპანაძე - ”ოთხოზორია - ტატუნაშვილის სიაში” შესულების მიმართ დაწესდება სანქციები ქვეყნის შიგნით, ასევე, მთავრობას ექნება ვალდებულება იმუშაოს ქვეყნის გარეთ და პარტნიორებსაც დააწესებინოს სანქციები. ”ოკუპირებული ცხინვალის რეგიონში, ე.წ. სამხრეთ ოსეთში საქართველოს მოქალაქე არჩილ ტატუნაშვილის სიცოცხლის ხელყოფის თაობაზე“ რეზოლუციის პროექტი უმაღლესი საბჭოს სხდომაზე განიხილება. ცხინვალის დე ფაქტო ხელისუფლებამ „წითელ ჯვარს“ არჩილ ტატუნაშვილის ცხედარი გადასცა. არჩილ ტატუნაშვილის ცხედარი საქართველოს ხელისუფლების მიერ კონტროლირებად ტერიტორიაზე გადმოასვენეს. ქეთევან ციხელაშვილი - ტატუნაშვილის ცხედარს თბილისში ექსპერტიზა ჩაუტარდება, რის შემდეგაც მას ოჯახში გადაასვენებენ. ალექსანდრე ხოჯევანიშვილი - ხელისუფლებამ გააკეთა ყველაფერი, რომ არჩილ ტატუნაშვილის ცხედარი ოჯახს გადასცემოდა. „წითელი ჯვარი“ - ტატუნაშვილის ცხედრის გადმოსვენება „წითელი ჯვრის საერთაშორისო კომიტეტის“ ხელშეწყობითა და ცხედრის გადმოსვენების სტანდარტული პროცედურების სრული დაცვით მოხდა. „რეს“-ი - არჩილ ტატუნაშვილის მიმართ გამოყენებული იყო ფიზიკური ძალა.

      აკრძალვები იმპორტზე - ლევან დავითაშვილი - თურქეთიდან კარტოფილის იმპორტის რამდენიმე თვით აკრძალვა არის დროებითი ზომა ფერმერების დასაცავად.

      ქართული მინერალები მსოფლიო ქსელებში - დიმიტრი ქუმსიშვილი - „ქართული მინერალური მასალების“ ახალი საწარმო მოამარაგებს ისეთ ბრენდებს, როგორიცაა: „კაპაროლი“, „კნაუფი“ და „ჰენკელი“.

      სწავლა ონლაინ - უნივერსიტეტების პროფესორები სკოლის მოსწავლეებისთვის ონლაინ გაკვეთილებს ჩაატარებენ. მიხეილ ჩხენკელი - შემოწმდება, რა მიიტანა პედაგოგმა ტრენინგებიდან საკლასო ოთახამდე და მოხდება გარდაქმნა, როგორ ჩატარდეს გაკვეთილები.

      რუსთავი ორის აყალმაყალი - ნილს სკოტი - რაც "რუსთავი 2"-თან დაკავშირებით მოხდა, აბსოლუტურად მიუღებელია. „ქართული მარშის“ დაკავებული წევრებიდან 1 ხელწერილით გაათავისუფლეს, 2 საავადმყოფოშია, 3-ის პროცესი კი დღეს გაიმართება. გია ვოლსკი - საზოგადოებამ ადეკვატური გამოხმაურება უნდა გააკეთოს ასეთი სახის გამოხტომებზე, რაც „რუსთავი 2“-ის ერთ-ერთმა წამყვანმა დაუშვა. მამუკა მდინარაძე დარწმუნებულია, რომ სამართალდამცველები ობიეტურად შეფასებენ იმას, რაც „რუსთავი 2“-ის შენობასთან მოხდა. „ქართული მარშის“ წევრები სასამართლო დარბაზიდან ხელწერილის საფუძველზე გათავისუფლდნენ. ანა დოლიძე - შეიძლება მიუღებელი იყოს რომელიმე პირის, ჟურნალისტის გამოთქმა, მაგრამ ერთადერთი ფორმა, რომლის გამოყენებაც შეიძლება, ეს არის არაძალადობრივი ფორმა. ადვოკატი ”რუსთავი 2”-თან მომხდარ ინციდენტზე - „ქართული მარშის“ წევრები იცავდნენ თავიანთ სარწმუნოებას და რელიგიას - არ მიგვაჩნია, რომ ეს აგრესიული ფორმა იყო. ირაკლი კობახიძე - ძალადობას არ აქვს არავითარი გამართლება და სჭირდება აღკვეთა.

      ავარიების სტატისტიკა - თბილისში ყველაზე მეტი ავარია კახეთის გზატკეცილზე, აღმაშენებლის ხეივანსა და წერეთლის გამზირზე ხდება.

      სადედაქალაქო საქმე - მიწათსარგებლობის გენგეგმაზე მომუშავე ჯგუფის ხელმძღვანელი - მერიის საბოლოო პასუხს 28 მარტისთვის ველოდებით, ასევე ჯარიმის საკითხზე მათ დაზუსტებებს. კახა კალაძე - ყველანაირი რესურსი გვაქვს, რომ თბილისის სატრანსპორტო კომპანიამ ”სითი პარკის” ფუნქციები შეასრულოს - იქ მომუშავე ადამიანების ბედიც მაღელვებს და მათ აუცილებლად მივხედავთ. კახა კალაძე - ვეთანხმები აუდიტის სამსახურს, რომ ავტობუსების მიერ ჰაერის დაბინძურების თვალსაზრისით სერიოზული პრობლემაა. კახა კალაძე - გენგეგმის დოკუმენტაციაზე ჩვენი სამსახურები მუშაობენ და როდესაც ვადები ამოიწურება, შესაბამის გადაწყვეტილებას მივიღებთ. კახა კალაძე ორბელიანისა და აბჟანდაძის ქუჩების რეაბილიტაციის პროცესს გაეცნო. მამუკა სალუქვაძე - თუ მერია გენგეგმას არ მოიწონებს, ქალაქს კარგი არაფერი ელის, ისევ ამ ქაოსში ვიცხოვრებთ.

      მიწა აუქციონით - „დმანისის გადარჩენის ფონდის“ წევრები 16 ჰექტარი მიწის შესაძენად ელექტრონულ აუქციონში საჯაროდ იღებდნენ მონაწილეობას. ნიკა მელია - დღეს ელექტრონულ ფორმატში შევეცდებით მოვიპოვოთ გამარჯვება, ხვალ კი რეალურ გამარჯვებას მთელი საზოგადოება მოიპოვებს. დმანისში 16 ჰექტარ მიწის ნაკვეთზე აუქციონის ღირებულებამ მილიონ ლარს გადააჭარბა (შეგახსენებთ, დასაწყისში 15 000 ლარი იყო) და საბოლოოდ, დმანისში, 16 ჰექტარი მიწის ნაკვეთი იჯარით, 5 056 320 ლარად გაიცა

      ალტერნატიული პენსია - პარტია "სოციალ დემოკრატები" საპენსიო რეფორმის ალტერნატიული წინადადებით გამოდის.

      ინდუსტრიული ჯგუფის ყაზგრანსგაზი - საქართველოს ინდუსტრიული ჯგუფი ადასტურებს, რომ ყაზახურ მხარესთან “ყაზტრანგაზ-თბილისის“ შეძენაზე შეთანხმება მიღწეულია. ლევან ვეფხვაძე - ყაზახურ მხარესთან პრინციპული შეთანხმება „ყაზტრანგაზ-თბილისში“ მათ საკუთრებაში არსებული წილის გასხვისების შესახებ, მიღწეულია.

      მოკვლევა საბაგიროზე - საერთაშორისო კომპანია „ბიურო ვერიტასის“ წარმომადგენლებმა, რომლებიც საქართველოს მთავრობის მოწვევით მესამე დღეა გუდაურში იმყოფებიან, ძირითადი მოკვლევა დაასრულეს და დასკვნის მოსამზადებლად იწყებენ მუშაობას. კომპანიის ექსპერტებმა შეისწავლეს როგორც დოკუმენტაცია, ასევე უშუალოდ საძელეს საბაგიროზე ჩაატარეს დეტალური კვლევა შემთხვევის მიზეზების დასადგენად. გუდაურში დაშავებული შვედი ტურისტი, რომელიც ორსულადაა, კლინიკიდან გაწერეს.

      ევროპარლამენტის რეზოლუცია - ევროპარლამენტი საქართველოს ტერიტორიების ოკუპაციაზე რეზოლუციის მიღებას გეგმავს.

საზღვარგარეთულები:

      ფეისბუკი, როგორც თანამდებობის დატოვების მიზეზი - ნორვეგიის იუსტიციის მინისტრმა „ფეისბუქზე“ გაკეთებული კომენტარის გამო, თანამდებობა დატოვა.

      ექსპრეზიდენტის დაკავებაც ევროპულია - საფრანგეთის პოლიციამ ჩვენების მიცემის მიზნით, ნიკოლა სარკოზი დააკავა.

      რუსეთის აქტუალურობა - აშშ-ს პრეზიდენტის ადმინისტრაცია - რუსეთის საპრეზიდენტო არჩევნების შედეგებით გაოცებული არ ვართ. უკრაინის პრეზიდენტის წარმომადგენელი - ჯერ არ დამდგარა ის მომენტი, როდესაც უკრაინამ რუსეთთან დიპლომატიური ურთიერთობები უნდა გაწყვიტოს. ბორის ჯონსონი - სერგეი სკრიპალის მოწამვლაში დამნაშავე ვლადიმერ პუტინი და კრემლია. დიმიტრი პესკოვი - ტრამპმა რომ პუტინს საპრეზიდენტო არჩევნებში გამარჯვება არ მიულოცა, ამას არამეგობრულ ნაბიჯად არ მივიჩნევთ. ანატოლი ბიბილოვი ვლადიმერ პუტინს - სამხრეთ ოსეთში თქვენი გამარჯვება ძალიან გაგვიხარდა.

      ამერიკა ნარკოტიკების წინააღმდეგ - დონალდ ტრამპი ნარკომოვაჭრეების მიმართ სასჯელის გამკაცრების, მათ შორის სიკვდილით დასჯის შემოღების ინიციატივით გამოვიდა.

      მილოცვა კრიტიკით - დონალდ ტრამპმა ირანული ახალი წლის მისალოც სიტყვაში ირანის ხელისუფლება გააკრიტიკა.

      ერდოღანი - აშშ-მ უნდა შეწყვიტოს ჩვენი მოტყუება - ამერიკამ ტერორისტებს იარაღით სავსე 5 000 სატვირთო ავტომობილი გაუგზავნა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 211

ტეგები: qwellynews, ბლოგი, მარტი, ნიუსები, სიახლეები

ლაშა: მარტი 21, 2018||10:43am
ან სინოპტიკოსები გამოკეთდნენ ან ამინდი გახდა მათი დამჯერი.

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

წინწაგდებული საქმე ხიდის მშენებლობაზე

გამოაქვეყნა ლაშა_მ.
თარიღი: დეკემბერი 4, 2022.
საათი: 12:32am 0 კომენტარი

      მართალია, ჩემს უბნელებსაც კი ღიმილისმომგვრელად ეჩვენათ ჩემი იდეა, საბჭოთა „აზნევთის“, ევროპული, კლასიკური, არაორიგინალური სახელწოდებით „ხიდისუბანით“ ჩანაცვლებაზე, მაგრამ ეგ არაფერი - ფაქტი ერთია - აქამდე ორი ხიდი გვქონდა უბნის გადმოსახედზე, ახლა უკვე სამი გვაქვს.

      მცხეთის მუნიციპალიტეტის ვებ გვერდზე, 2019 წლის, 22 მარტით დათარიღებულ სტატიაში ვკითხულობთ „საქართველოს რეგიონული განვითარებისა და ინფრატსრუქტურის სამინისტროს,…

გაგრძელება

ვრცელი დღე ყოფილი პრეზიდენტის გარშემო

გამოაქვეყნა Giorgi_მ.
თარიღი: დეკემბერი 2, 2022.
საათი: 11:39pm 0 კომენტარი

      როგორც ჩანს დეკემბერი ცივი იქნება - ხვალიდან თოვლს ველოდებით. მთავარი ამბებიც ნელ-ნელა ერთფეროვნდება. ბოლო დღეები მთლიანად მიხეილ სააკაშვილის გარშემო ვითარდება. დღევანდელი მეინსტრიმიც ასეთი იყო - მიშა პატიმარი, მიშა ავადმყოფი, მიშა მოწამლული და ა.შ. ცხადია, ხმაურიანი უნდა ყოფილიყო რუსეთის აფხაზური „მივლინებების“, ასევე შიდა პოლიტიკური ნიუსები და ა.შ. დღეს 1 აშშ დოლარის ოფიციალური ღირებულება 2.7056 ლარია.…

გაგრძელება

On the difficulty of RuneScape stories

გამოაქვეყნა Nfkjasfas_მ.
თარიღი: დეკემბერი 2, 2022.
საათი: 10:00am 0 კომენტარი

On the difficulty of RuneScape stories, do not by any ignore the questlines OSRS GP. Here I've skilled gothic horror Epic myth, epic fantasy and one person's desire to bake a cake. I will never forget the time I spent inside the Temple of Light, although I occasionally wish I may want to. And then there's Old School RuneScape via which I can go back in time back to the game I fell in love with.

I've taken breaks, frequently during my time absorbed in the latest game that is, RuneScape…

გაგრძელება

მაღალი დონის შეხვედრები, პრეზიდენტის სამსჯავრო ჯანმრთელობა და მინისტრი პარლამენტში

გამოაქვეყნა Giorgi_მ.
თარიღი: დეკემბერი 1, 2022.
საათი: 11:30pm 0 კომენტარი

      დეკემბრის დადგომას ჯერ თოვლი არ მოყოლია, მეტიც, ბათუმში ცოტაც და საბანაოდ შევიდოდნენ ზღვაში. პოლიტიკურ ამბებში ის სიახლეებია, რომ ჩვენი პრემიერი და პარლამენტის უფროსი, საერთაშორისო შეხვედრებს მართავენ, სააკაშვილის ჯამრთელობის ამბავი დღის მეინსტრიმია, ასევე განათლების მინისტრის საათი პარლამენტში და ეკონომიკის მინისტრის სიახლეები. ჯანდაცვა და ომიც არ გვავიწყდება. დღეს 1 აშშ დოლარის ოფიციალური ღირებულება 2.7112 ლარია.…

გაგრძელება

Qwelly World

free counters