ტკბილხმოვანებას დავაბრალო, თავმდაბალი კაცის იმიჯი არ მაძლევს მაგის საშუალებას. თან, ვფიქრობ, რეალობასთან უფრო ახლოს იქნება, თუ ვიტყვი, რომ პეპელა სააბაზანოში, იმ ერთადერთი ნათელი წერტილის გამო შემოფრინდა, რომელიც საშხაპის თავზე ანათებდა.

      სიმღერაში გართულს, ხელზე პატარა, მაგრამ არა გასლიკულ-გალეული, საკმაოდ ჩაპუტკუნებული პეპელა დამაფრინდა. ფერზე შევატყვე, რომ ნათურაზე გაზრდილი, მოვლილი, კაი ოჯახიშვილი პეპელა იყო. ხელზე დამაფრინდა და გმირულად, ნაბიჯ-ნაბიჯ გაემართა სიცოცხლის წყაროსკენ. შავი თვალები ჰქოდა და ეს იყო ერთადერთი შავი წერტილი, მის ნათელ სხეულზე, რომელიც, ნათურასთან მიხელოებისთანავე ალბათ ინთებოდნენ. სიმღერას თავი დავანებე და პეპელას შეუსაბამოდ ბავშვური სისასტიკით გავუმასპინძლდი. წყლის ნაკადი ჯერ მცირე დოზით გადავუღობე გზაზე, შემდეგ, ფეხები კარგად დაუსველდა და აქ უკვე საქმეში ფრთებიც ჩაერთო. მერე ხელი უფრო დაბლა დავწიე, რომ დაბრკოლება გამემძაფრებინა. პეპელა არ ნებდებოდა, იდაყვს ამოცდა და მხრებისკენ მოიწევდა, საბოლოოდ წყლის ძლიერმა ნაკადმა, ფეხქვეშ მოსაჭიდი გამოაცალა, სიცივეში ორთქლით გაჟღენთილმა ოთახმა, თავიდანვე დაუმძიმა ფრთები, და ... პეპელა იატაკს დაენარცხა.

მინდვრად დაგიჭერ პეპელას, თუ გამოდგება მარაოდ, ჩამოგაფარებ სახეზეეე, და მზისგან დაააგიფაარავოო ♪♫♪♫ - გავაგრძელე ღიღინი.

      ცოტა ხნის შემდეგ მოვტრიალდი და პეპელა ფარდაზეა ასული, მეტად მშრალი და ნაკლებად ბოროტი ფეხმოსაჭიდი უპოვია.

      გინახავთ პეპელა როგორ იმშრალებს საცეცებს? კატის პირისბანვით ვის გავაკვირვებ ახლა, მაგრამ კალია მინახავს, ფუტკარიც, გაგიკვირდებათ და ქილაში გამომწყვდეულ კოღოსაც კი დავკვირვებივარ ერთი წვეთი სისხლის შემდეგ როგორ იწმენდდა ხორთუმს, მაგრამ პეპელა პირველად ვნახე. დიდი მონდომებით ჩამოიწმინდა ხელ-ფეხი, დაიფერთხა ფრთები და ყოველგვარი გეგმა A და გეგმა B-ს გარეშე გაემართა სინათლისკენ. (მოკლედ, ამ პეპელამ სიმღერა არ მაცადა). მიფრინავს, ავიდა ნათურამდე, გარშემო შემოუარა, ის-ისაა უნდა მიეახლოს რომ ჭერზე ფეხი გაუსრიალდა და კედელს მიენარცხა. კედელი სველია, მთლიანად დანამული. პეპელა ცურდება, რასაც მაღლა მიიწევს, ორ იმდენს ქვემოთ ჩამოდის. ზუსტად საშხაპის თავზეა, ამიტომ ორთქლი კიდევ უფრო ასუსტებს. თვალში წყალი ჩამესხა და მოვტრიალდი. როცა გავახილე, პეპელა იატაკზე ეგდო და აფრენას ცდილობდა. დავიხარე და თითი შევუშვირე. პირველად იუარა, გაიწია. მერე თითი გავიმშრალე და როგორც იქნა ამოცოცდა. ავწიე მაღლა და ის აფრინდა, არ გამოუვიდა და მოწყვეტით დაეშვა ძირს. ვიდრე დაეცემოდა, ისევ დავიჭირე, ამჯერად ხელის გულით და კარგი ფრენბურთელივით ფარდის მიღმა გადავაფრინე.

      ზემოთ ვიყურები. უკვე 5 წუთი გავიდა. ნუთუ მოკვდა? ეჰ, საწყალი პეპელა. ზუსტად მაშინ გავიფიქრე - ხვალ რამეს დავწერ მაგ პეპელაზე.

და სიყვარულთან თამაში დელიაააა, სასტიკად აკრძალულიაა დეეელიიიაააა ♪♫♪♫.

      უცბად იატაკზე ნაცრისფერი სილუეტი გამოჩნდა, ჩემი ჩრდილი არ იყო. ავიხედე და პეპელა ნათურის გარშემო დაფრინავს, გარშემო უვლის ბედნიერი და სრულიად განათებული, აღარც ორთქლი აშინებს, აღარც წყალი. დაფრინავს, დაფრინავს, ის ცოცხალია. მისი ბედნიერება მეც გადმომედო და უაზროდ ვიღიმოდი ჭერში მზირალი.

      ახლა უფრო ხალისიანი ღიღინის დრო იყო.

* * *

      აბანოდან გამოსულმა ინსტიქტურად ჩავაქრე შუქი და გამოვხურე კარი.

      15 წუთის შემდეგ შებრუნება მომიწია.

      თვალგახელილილი პეპელა უსულოდ ჩასჭიდებოდა ფარდას, აღარ ინძრეოდა, მოკვდა.

Qwelly, ბლოგი, ქველი, სიცოცხლე, შეუპოვრობა, ბრძოლა, გადარჩენა, ბოროტება, აბაზანა, პეპელა, pepela

ასეა, სიცოცხლის წყაროს გარეშე კვდები ადამიანიც, თორემ, რაა კაცთა სიბოროტე? რაა ცხოვრების შეჭირვებები?

ნახვა: 286

ტეგები: Qwelly, აბაზანა, ბლოგი, ბოროტება, ბრძოლა, პეპელა, სიცოცხლე, ქველი

BrOliKa: ოქტომბერი 20, 2016||2:49pm
კარგიი რა :( რა იყო ეხლა ეს ბედნიერ დასასრულს ველოდი :'(
ლაშა: ოქტომბერი 20, 2016||4:57pm

პეპელაც მასე ელოდა, მაგრამ არ გამოუვიდა (

BrOliKa: ოქტომბერი 20, 2016||6:11pm
იქნებ არ მომკვდარა :( სულ არ გავს აქ მკვდარს :'(
Kakha: ოქტომბერი 20, 2016||6:30pm

თორმეტი გმირობა არ დასცალდა თორე ეგრევე ოლიმპო ელოდებოდა!! )

ლაშა: ოქტომბერი 20, 2016||6:58pm

ხელოვნურ სუნთქვას ვერ ჩავუტარებდი :D 

ლაშა: ოქტომბერი 20, 2016||10:17pm

ჰო, პეპლებსაც ექნებათ თავიანთი ოლიმპო )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 0 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

როგორ იღებენ ფინალური ფანტაზია XIV მოთამაშეები Taffeta Cloth?

გამოაქვეყნა Selena_მ.
თარიღი: ნოემბერი 24, 2021.
საათი: 6:30am 0 კომენტარი

Players who have entered the charm of Final Fantasy XIV must have heard of Taffeta Cloth suits, which are known for their attractive appearance. To make this suit, players need Taffeta Cloth, which is specifically for Taffeta Shawl and Loincloth. Any craftsman in Final Fantasy XIV will know that rare crafting materials usually require a lot of polishing. Taffeta Cloth is no exception. Player retainers are the only way to Buy FFXIV Gil.

To obtain Taffeta Cloth, Final Fantasy XIV…

გაგრძელება

აზარტული თამაშების აკრძალვები, სოც. გარემო და დასჯილი პრეზიდენტი

გამოაქვეყნა Giorgi_მ.
თარიღი: ნოემბერი 22, 2021.
საათი: 11:23pm 1 კომენტარი

      როგორც ჩანს თბილი გიორგობა გვექნება და ზამთარსაც, მეტწილად თბილად შევხვდებით. ვნახოთ, როგორ გამართლდება სინოპტიკოსების პროგნოზი. ქვეყანაშიც დათბა და აქციებიც კვლავ ანონსდება. მსჯავრდებული პრეზიდენტი უკეთ არისო და მის სტუდია კვლავ აქტიურია, პრემიერი და მისი ინიციატივები იყო დღეს მეინსტრიმული, განსაკუთრებით აზარტული თამაშები და სოც. დახმარებები. დოლარის ღირებულება - 3.1134 ლარია.…

გაგრძელება

Qwelly World

free counters