ხშირია შემთხვევები, როდესაც ქერა სტატუსია და არა ვარცხნილობა. დღევანდელი ჩემი პოსტის იდეაშიც, ქერა სწორედ სტატუსია, მით უფრო რომ არა კონკრეტულად რომელიმე სქესის სტატუსი, არამედ ამაზე გაცილებით მეტი.

      გახსოვთ, ჩოკაგოზე რომ ვსაუბრობდით, მაშინ ჩვენი საუკუნის პირველი ოსკაროსანი ფილმი გამოვტოვეთ. 2000 წელს 5 ოსკარი აიღო სემ მენდესის, (რომელსაც იქამდა არც იმის შემდეგ ამ დრომდე მსგავსი დონის ფილმი არ გადაუღია) ფილმმა "ამერიკული სილამაზე", ან გნებავთ "სილამაზე ამერიკულად" (American Beauty).

      ისეთი განცდა მაქვს, რაც უფრო თანამედროვე ფილმებზე ამოვდივარ, მით უფრო მეტ ადამიანს აქვს ნანახი და ცოტა მიჭირს რაიმე ისეთით დაგაინტერესოთ, რაც ფილმის ნახვისას ვერ შეამჩნიეთ.

      დავიწყოთ ტრადიციული ქება დიდებით:

      ფილმმა ოსკარები აიღო ნომინაციებში: საუკეთესო ფილმი, საუკეთესო სცენარი, საუკეთესო კინემატოგრაფია, საუკეთესო რეჟისორი და საუკეთესო მსახიობი. (მუსიკის გამო ამ ფილმს ნუ ნახავთ, განსაკუთრებული არაფერი ისმის, კუბრიკისგან ძალიან შორს დგას)

      მეორე საქებარი - მთავარ როლშია კევინ სპეისი. ფილმი სწორედ მისი ხათრით ვნახე. მაინტერესებდა ამ კაცმა როდის აიღო ოსკარი მთავარი როლის შესრულებისთვის, რადგან აღმოჩნდა, რომ მსოფლიო შედევრში ("ეჭვმიტანილები" (The Usual Suspects)) განსახიერებული კაიზერ სუზა, მხოლოდ მეორეხარისხოვანი როლის ბრწყინვალე შესრულებისთვის მიღებული ოსკარის მიზეზი გახდა, აი "ამერიკულ სილამაზეში" კი ოსკარი მიიღო მთავარი გმირის ბრწყინვალედ წარმოჩენისთვის.

      სახელი ლესტერ ბარნემი. წარუმატებელი მუშაკი, წარუმატებელი მამა და მეუღლე, მოკლედ ხელმოცარული ტიპი.

      ფილმი იწყება მკვდარი კაცის თხრობით, რომელიც ისე უაზროდ კვდება, მეტი რომ არ შეიძლება.

      ფილმი ფსიქოლოგიური დრამაა, თუმცა დრამასთან ერთად, სატირაც, კომედიაც, ფენტეზიც და ალბათ საშინელებათა ჟანრიც. ფილმში ერთნაირად დასცინიან ფაშისტებს და ებრაელებს, ჰომოსექსუალებს და მათ მოძულეებს, გაყიდვების დამწყებ აგენტებს და წარმატებულ ბიზნესმენებს. სილამაზე ამერიკულად ამერიკული ოცნების მასხრად აგდებაა. მართალია, ამ შემთხვევაში ეს ამერიკული ოცნება ქერაა, პატარა და კეკლუცი, მაგრამ ზუსტად ისეთია, როგორადაც თავად ამერიკა იხატება მრავალთა გონებაში.

      ბევრ რამეში და განსაკუთრებით იმაში ვეთანხმები, რომ "ძნელია დარჩე შეშლილად, როდესაც სამყაროში ამდენი სილამაზეა". თითქოს, მეტი ხატოვანებისთვის პირიქით უნდა თქმულიყო - დარჩე ჭკვიანადო, მაგრამ არა...

      პოსტს აქ დავასრულებ და სპოილერის ნაცვლად, ფილმის მოკლე შინაარს გადმოქცემთ ქართული ინტერნეტისთვის აპრობირებულად.

      ქართულ ინტერნეტ სივრცეში ფილმს ასე დაარქმევდნენ - კაცს თავისი შვილის თანაკლასელი შეუყვარდება და რაც შემდეგ მოხდება, შოკში ჩაგაგდებთ. დიახ, ეს მართლაც ასეა და თქვენ დაიშოკებით როცა ამ ფილმს ნახავთ!

      ვისაც ნანახი აქვს ველოდები კომენტარებში, ხოლო ვინც მისალოცთა სიაში ხართ (პირველად ნახვის ბედნიერების მილოცვას ვგულისხმობ), თქვენც აქვე დაგელოდებით.

ნახვა: 488

ტეგები: Qwelly, ბლოგი, კინომანია, ოცნება, სილამაზე, ფილმი, ქველი

ლაშა: მაისი 31, 2016||4:57pm

31 მაისი, ქერების მსოფლიო საერთაშორისო დღე ყოფილა. მივულოცავ ყველას :D 

Kakha: ივნისი 2, 2016||2:12pm

რადგან ქერებზეა, მერლინ მონროს 90 წელი შეუსრულდა! :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 0 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

ჩანაწერები საპატრიარქოზე და არჩევნები ნარკოტესტებზე

გამოაქვეყნა Giorgi_მ.
თარიღი: სექტემბერი 13, 2021.
საათი: 11:00pm 0 კომენტარი

      არჩევნების მთავარი ამბავი ნარკოტესტი და ბანერებია. კანდიდატების დაფიპირისპირება ვირტუალურ რეალობაში გადადის. ახლოვდება არჩევნები და ყველა თემა მის გარშემო აქტუალურდება. დღეიდან საზოგადოებრივი ტრანსპორტის მოძრაობა აღდგა და კოვიდიც გააქტუალურდა. ტრანსპორტი კი ამუშავდა, მაგრამ როგორც კალაძე ამბობს - არც ერთი საზოგადოებრივი ტრანსპორტი არ დაიძვრება, თუ მგზავრი პირბადის გარეშე იქნება. დღის ახალი სკანდალი - ხელისუფლება საპატრიარქოს უსმენს, უმაღლესი…

გაგრძელება

Qwelly World

free counters