თაობა, რომელსაც მე წარმოვადგენ, დამოუკიდებლობაში დაიბადა. პირადად მე, დამოუკიდებლობიდან ზუსტად ერთი წლის თავზე მოვევლინე ამ ქვეყანას (გულწრფელობას გამოვიჩენ და სიმართლეს ვიტყვი - დიდად, ჩემი არჩევანი არ ყოფილა აქ რომ დავიბადე, მაგრამ ასე მოხდა და საწუწუნო არაფერი მაქვს).

Independence Day, Qwelly, blog, ბლოგი, ბრძოლა, გრძნობა, დამოუკიდებელი თაობა, დამოუკიდებლობა, დამოუკიდებლობის აღდგენა, დამოუკიდებლობის დღე, საქართველოს დამოუკიდებლობა, ტანკები, ქველი, ჯავშანტექნიკა

      დღეს ვუყურებდი მცხეთის ცენტრში გამართულ კონცერტზე მოსულ ხალხს, ძირითადად ბავშვებს (ისეთებს, წინა საუკუნეს საერთოდ რომ არ იცნობენ), ვხედავდი ზეიმს და კონცერტის მაყურებელთა ზურგს უკან საბრძოლო, საომარ ჯავშანტექნიკას. ვუყურებდი მთელს ამ პერფორმანსს, თავისი პიარით, მარკეტინგით, გაყიდვებით, დროშებით, ეროვნული ატრიბიტიკით, ნაციონალური სამოსით, ფოლკლორით, მილოცვებით. ალბათ, ეროვნულ სულს უნდა გაეღვიძა სადმე ახლო-მახლო, მაგრამ არა! მეტიც, კონცერტი ჰიმნითაც კი დაიწყო, სადაც, მგონი, მხოლოდ წამყანს ეჭირა გული მარჯვენით, თუმცა დამოუკიდებლობის სული მაინც არსად ჩანდა. ვუყურებდი ამ ყველაფერს და მიჩნდებოდა კითხვა ავბედითი - "ეს ყველაფერი კარგი... მაგრამ რა?!"

- გილოცავ!
- დიდი მადლობა, მეც გილოცავ!

- ვა, ვა, ვა, როგორ ხარ? გილოცავ დღევანდელ დღეს!
- მეც გილოცავ, მრავალს დაესწარი.

- დამოუკიდებლობის დღეს გილოცავ შალვა!
- შენიანათ, შენიანათ.

      აქა-იქ გაიგონებდით ასეთ მილოცვებს. სცენაზე გამოსულ მომხსენებლებსაც ვუსმინე დამოუკიდებლობის მნიშვნელობაზე მცირე ლექციებით და შეგონებებით.

      მაგრამ გრძნობა? გრძნობა, რომ დამოუკიდებლები ვართ?! სადაა გრძობა, რომ ეს დამოუკიდებლობა რამეს ნიშნავს? ანდა სასიხარულოა?

      ბავშვებს უხაროდათ მანქანებზე ბღოტიალი და თოფებთან სურათების გადაღება, ჩემი თაობა ან კონცერტს უყურებდა და აფასებდა, ან ანალოგიურად ტექნიკას ათვალიერებდა და ასაკისთვის შესაფერის კითხვებს სვამდა, უფროსები ბავშვებს დასდევდნენ ან დაღლილი სახით უსმენდნენ-უყურებდნენ კონცერტს, მარტო მაშინ ფხიზლდებოდნენ, თუ სცენაზე თავიანთი შვილი, ძმისშვილი, ბიძაშვილი ან ნაცნობი სახე გამოჩნდებოდა - მაშინ, მეტი მონდომებით უკრავდნენ ტაშს. ვერ გეტყვით, რომ იქ იგრძნობოდა დამოუკიდებლობის სიხარული. უცნაურია არა? რატომაა ასე? იქნებ იმიტომ, რომ პრინციპში არც გვესმის და ვერც ვგრძნობთ დამოუკიდებლობას და როდესაც ვერ გრძნობ, უფრო მეტი ექსტაზია საჭირო, ვიდრე ფოლკლორი, ბეტეერები და დროშები (მერე რა, რომ ექსტაზით მოსული ემოცია ყალბი იქნება, ეს მეორეხარისხოვანია).

      დამოუკიდებლობის აღდგენის დღესასწაული ჩვენს თაობას და უფრო პატარებს, რომ არ ესმოდეთ რა არის გასაკვირი, ჩვენ ხომ სუნთქვაც კი დამოუკიდებელ საქართველოში დავიწყეთ, მაგრამ უფროსებს? იქ რა პრობლემაა?! იქნებ, პრობლემა ისაა, რაზეც რამდენიმე თვის წინ ერთ პოსტში ვსაუბრობდი - ჩვენი ფუნქციის, ჭამა-სმისა და რეპროდუქციის უნარზე დაყვანა. ჩვენი მიჯაჭვულობა მატერიალურ-ეკონომიკურ კეთილდღეობაზე მარადჟამს შეგვიქმნის პრობლემას გრძნობით ვიზეიმოთ ისეთი დღესასწაულები, როგორიცაა დამოუკიდებლობის დღე, თავისუფლების დღე, მშვიდობის დღე, მადლიერების დღე და ა.შ.

      პოსტს დღეს გაგონილი ერთი დიალოგით დავასრულებ:

- დედა, რატომ დგას ეს ტანკები აქ?
- დამოუკიდებლობის დღეა შვილო.
- ამათმა დააარსეს დამოუკიდებლობა?

      აღარ მომისმენია დედამ რა უპასუხა, თუმცა მართლაც - რატომ ვზეიმობთ დამოუკიდებლობას ტანკებით?!

ნახვა: 259

ტეგები: Qwelly, ბლოგი, ბრძოლა, გრძნობა, დამოუკიდებლობა, თაობა, საქართველო, ტანკები, ქველი, ჯავშანტექნიკა

Kakha: მაისი 26, 2016||10:21pm

წმინდა ქალაქში როგრო შეიძლება შეკითხვა დამოუკიდებლობა ამათმა დაარსეს? მას ფუნდამენტურად აქვს მოპოვებული დამოუკიდებლობა, ავტოკეფალურია! :D

ლაშა: მაისი 26, 2016||10:47pm

ტანკები - სიმბოლო დამოუკიდებლობისა :D 

BrOliKa: მაისი 27, 2016||12:02am
ეს შაბათობის მსგავსადაა ოჯახის ქალები ხაიჩებს და საბნებს, რომ "ამზიურებენ" :D მასე მზიურდება ჩვენი ტანკები და ა.შ :D
ლაშა: მაისი 29, 2016||5:09pm

შენ გინდა თქვა, რომ ჩვენს ტანკებს ჩრჩილიც მოერევა? (( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

სოლო+გიტარის მონოფონური მელოდია

გამოაქვეყნა xiumin_მ.
თარიღი: იანვარი 27, 2021.
საათი: 9:30am 0 კომენტარი

In most cases, the lead guitar is composed of monophonic melody, melody and music, so when learning how to use an electric guitar as a solo instrument, it is important to master the sound pickup technique correctly. In order to pick up the sound cleanly and accurately, you should place the pickup close to the tip, so that only a small part of it can touch the strings. This will give you more control when you choose. Try to make all movements as small as possible, and don't make the picking…

გაგრძელება

რეგლამენტი და მანდატი, გახარიას კოვიდ შეზღუდულობა

გამოაქვეყნა Giorgi_მ.
თარიღი: იანვარი 26, 2021.
საათი: 10:16pm 0 კომენტარი

      აქციებს ხალხი არ სწყალობს, თუმცა სულ უფრო და უფრო მეტ ადამიანს უჩნდება პროტესტი გაურკვეველი შეზღუვების ან კიდევ უფრო გაურკვეველი ვითომ შემსუბუქების შესახებ. პარლამენტარები რეგლამენტსა და მანდატებზე საუბრობენ, პრემიერი კოვიდ ამბებს აფასებს და მეტი მოთმინებისკენ მოგვიწოდებს. რაც შეეხება კორონავირუსს - დადასტურებული შემთხვევა - 254822, გუშინ დილის შემდეგ - 1006; გამოჯანმრთელებული - 244446, გუშინ დილის შემდეგ - 1050; გარდაცვლილი - 3096, გუშინ…

გაგრძელება

მზის საათი

გამოაქვეყნა nunu qadagidze_მ.
თარიღი: იანვარი 26, 2021.
საათი: 3:00pm 0 კომენტარი

      მართლაც იგავმიუწვდომელია ახალი ამბების გავრცელების სისწრაფე: ახლადამოსულ მზეს ჯერაც ხეირიანად არ შეემაღლებინა... მზის საათთან წერწეტა ჩრდილი იწვა, რომლის ბოლოც უსასრულობას ერწყმოდა შორეთს მიღმა, როცა ხალხმა უკვე იწყო თავმოყრა სურამის ციხესთან. ხმა გავარდნილიყო, ვიღაც საშიშ დამნაშავეს ციხის კედელში ცოცხლად უპირებენ ჩატანებასო. სულ მალე გაივსო იქაურობა ჩქარი სიარულისგან აქოშინებული, სახეაწითლებული ადამიანებით. სურამის ციხის თაობაზე ისედაც…

გაგრძელება

რეგულაციების პროტესტი, დაულაგებელი ოპოზიცია და NDI კვლევას ართულებს

გამოაქვეყნა Giorgi_მ.
თარიღი: იანვარი 25, 2021.
საათი: 10:30pm 0 კომენტარი

      მას შემდეგ რაც რეგულაციების შემსუბუქება თითქმის არაფრის შემსუბუქებას ჰგავდა არაერთი აქცია დაიგეგმა და ზოგიერთ ჩატარდა კიდეც. განსაკუთრებული ხალხმრავლობით არა, მაგრამ მაინც. ოპოზიციის შიგნით კვლავ არეულობა და აულაგებლობაა. NDI-მ ახალი კვლევა დადო. რაც შეეხება კორონავირუსს - დადასტურებული შემთხვევა - 253816, გუშინ დილის შემდეგ - 298; გამოჯანმრთელებული - 243396, გუშინ დილის შემდეგ - 1311; გარდაცვლილი - 3071, გუშინ დილის შემდეგ - 16; კარანტინის…

გაგრძელება

Qwelly World

free counters