ნატოს ღია დახურული კარი, აქციებით გამარჯვება, ეკონომიკური ინიციატივები, სასჯელდამძიმებული ახალაია და ლეკიანობა ახალი წესებით

      ნატო ისევ დამალობანას გვეთამაშება, თან კიო თან არაო - მოკლედ, უფრო დაახლოებისკენ მოგვიწოდებს, მაგრამ ზედმეტ დაახლოებასაც არ აპრიებს. ამას გარდა, ქვეყანაში მნიშვნელოვანი იყო საოკუპაციო ხაზი და კიდევ რამდენიმე გატაცებული ქართველი, ეკონომიკური ინიციატივების შეფასებები, ახალაიასთვის დამატებული 9 წელი და სხვა ამბები. ასევე სომხური გამარჯვება - აქციებმა შედეგი გამოიღეს, ახლადარჩეული პრემიერი გადადგა!

საქართველოს და მსოფლიოს ამბები / 23 აპრილი, 2018 /

      ლეკობა ოკუპაციის ხაზზე - საოკუპაციო ხაზთან ახლოს ე.წ. მესაზღვრეებმა საქართველოს კიდევ ერთი მოქალაქე დააკავეს. 1-ელი იანვრიდან 11 აპრილამდე პერიოდში, ე.წ. საზღვრის უკანონოდ კვეთის ბრალდებით აფხაზეთში - 16, ხოლო ცხინვალის რეგიონში საქართველოს 19 მოქალაქე დააკავეს. მიხეილ ჯანელიძე ოკუპირებულ ტერიტორიებზე ადამიანის უფლებათა დარღვევების ფაქტებზე აშშ-ში ვიზიტის დროს მაღალი დონის შეხვედრებზე ისაუბრებს. ირაკლი კობახიძე - რუსეთის რევანშისტული საგარეო პოლიტიკა უმთავრესი გამოწვევაა რეგიონული უსაფრთხოებისათვის. ლევან იზორია - ოკუპირებულ ტერიტორიებზე კონტროლს რუსეთი ახორციელებს, ამიტომ ყველა ქმედება, რომელიც დაკავშირებულია უკანონობასთან, რუსეთია პასუხისმგებელი. გიორგი მარგველაშვილი - საქართველო დაძლევს რუსული მავთულხლართებით შექმნილ ვითარებას, ისე, როგორც გერმანელებმა დაანგრიეს ბერლინის კედელი.

      საქართველო საერთაშორისოდ - მიხეილ ჯანელიძე - ლიბიაში დაკავებული ქართველი მეზღვაურების საკითხზე საქართველოს საგარეო საქმეთა სამინისტრო ინტენსიურად მუშაობს. მიხეილ ჯანელიძე - აშშ-ის სახელმწიფო დეპარტამენტის ანგარიშში ის პროგრესია ასახული, რომელიც საქართველოში გატარდა. მარია ზახაროვა - რუსეთსა და საქართველოს შორის ურთიერთობები თანდათანობით უმჯობესდება. სალომე სამადაშვილი - რუსეთი ძალიან კმაყოფილი უნდა იყოს და არის კიდეც საქართველოს დღევანდელი ხელისუფლებით და მის მიერ გატარებული პოლიტიკით. საქართველოსა და კანადას შორის გაფართოებული ფორმატის პოლიტიკური კონსულტაციები გაიმართება. მიხეილ ჯანელიძე - საქართველო ევროატლანტიკურ სტრუქტურებთან ისე ახლოს არასდროს ყოფილა, როგორც დღეს არის. პარლამენტის მუდმივმოქმედი დელეგაცია ევროპის საბჭოს საპარლამენტო ასამბლეის საგაზაფხულო სესიაში მიიღებს მონაწილეობას. ნატო-ს საპარლამენტო ასამბლეის პრეზიდენტი - ერთ მშვენიერ დღეს საქართველო ნატო-ს წევრი გახდება, მანამდე კი უნდა გავაღრმავოთ თანამშრომლობა. ირაკლი კობახიძე - ევროკავშირმა და ნატო-მ, მიუხედავად შიდა სირთულეებისა, არ უნდა შეიკავონ თავი გაფართოებაზე. გიორგი მარგველაშვილი - საქართველოსთვის მთავარი გამოწვევა რუსეთის პოლიტიკასთან გამკლავებაა, რომელიც აწარმოებს ჰიბრიდულ, პროპაგანდისტულ და საინფორმაციო ომს ჩვენი ქვეყნის წინააღმდეგ. ნატო-ს საპარლამენტო ასამბლეის თავმჯდომარე - შავი ზღვის რეგიონში სტაბილურობა მნიშვნელოვანია არა მხოლოდ საქართველოსთვის, არამედ ევროპისთვისაც. საქართველო ნატო-ს საპარლამენტო ასამბლეის სემინარს მასპინძლობს. სოფიო ქაცარავა - დარწმუნებული ვარ, ალიანსი სათანადოდ შეაფასებს ჩვენს ძალისხმევას და შესაბამის გადაწყვეტილებებში წინ წასწევს ნატო-ში გაწევრიანების საკითხს. გიორგი მარგველაშვილმა ნატო-ს საპარლამენტო ასამბლეის პრეზიდენტთან სასამართლოსა და მედიის დამოუკიდებლობის საკითხები განიხილა.

      ეკონომიკური ინიციატივები - მამუკა ბახტაძე - ჩვენ გვაქვს სრული მხარდაჭერა იმ ინიციატივის, რომელიც მცირე და საშუალო ბიზნესის წახალისებას უკავშირდება. ტაო ჟანგი - კმაყოფილები ვართ იმ პროგრესით, რომელსაც საქართველომ რეფორმების განხორციელებისა და ეკონომიკური ზრდის თვალსაზრისით მიაღწია. მამუკა ბახტაძე – ევროპის საინვესტიციო ბანკი და სხვა საერთაშორისო საფინანსო ინსტიტუტები მხარს უჭერენ სასტარტო კაპიტალით უზრუნველყოფის რეფორმას. ფინანსთა სამინისტრო - საერთაშორისო საფინანსო კორპორაცია ქვეყნისთვის პრიორიტეტული სფეროების დაფინანსებას მომავალშიც გააგრძელებს. ირაკლი კობახიძე - მაღალი ეკონომიკური ზრდის პირობებში დაგვჭირდება რამდენიმე წელიწადი იმისთვის, რომ სიღარიბე საბოლოოდ აღმოიფხვრას.

      წამების საქმეზე დადანაშაულებული ახალაია - სერგო თეთრაძის წამების საქმეზე დღეს ბაჩო ახალაიას მიმართ განაჩენი გამოცხადდა. ბაჩო ახალაიას სერგო თეთრაძის წამების საქმეზე 9 წლით თავისუფლების აღკვეთა მიესაჯა. სერგო თეთრაძის მეუღლე - ადამიანის სიცოცხლე ბევრად უფრო ღირებული უნდა იყოს, ვიდრე ის ვადა, რომელიც ბაჩო ახალაიას მიესაჯა. ბაჩო ახალაია - რამდენი წელიც არ უნდა დაჭირდეს ყველაფერს გავაკეთებ, რომ ჩემს შვილებს, ჩემს ოჯახს, საზოგადოებას სწორედ ამ მოსამართლეების პირიდან მოვასმენინო სრული სიმართლე. პროკურორი - სასამართლომ ბაჩანა ახალაია და ნიკოლოზ ძიმცეიშვილი დამნაშავედ ცნო ყველა ბრალდებაში, რასაც ბრალდების მხარე ედავებოდა.

      ტყიბულის შახტები - ტყიბულში უკრაინელი ექსპერტები ჩავლენ, რომლებიც შახტებში არსებულ ვითარებაზე დასკვნას მოამზადებენ.

      პეკინში წარმატებული ქართული კინო - პეკინის საერთაშორისო კინოფესტივალის 10 მთავარი ჯილდოდან 4 ქართულ ფილმებს გადაეცა.

      ბარნოვის მკვლელობა - ნათია მეზვრიშვილი - ბარნოვის ქუჩის ტრაგედიამ გამოავლინა, რომ შესაბამისმა უწყებებმა ვალდებულებები და ფუნქციები სრულად უნდა გააცნობიერონ.

      მოსაყდრის ბოდიში - სასულიერო აკადემიის რამდენიმე კურსდამთავრებული პატრიარქის მოსაყდრისგან ბოდიშის მოხდას მოითხოვს. „ჩვენ ვითხოვთ, რომ საქმეში ჩაერიოს პროკურატურა და ვითხოვთ პროტოპრესვიტერ მამა გიორგი ზვიადაძის მხრიდან ფიზიკური და სიტყვიერი შეურაცხყოფის ფაქტების გამოძიებას. ჩვენ მოვითხოვთ ასევე პატრიარქის მოსაყდრემ შიო მუჯირმა მოიხადოს ბოდიში, რადგანაც მან ჩვენ ცილისმწამებლებად დაგვასახელა ისე, რომ არ გადაუმოწმებია ფაქტები“,- განაცხადა აკადემიის კურსდამთავრებულმა გიორგი ტიგინაშვილმა.

      საბაგიროს შეწირულობა ანუ თბილისური საქმეები - მთაწმინდის საბაგიროს მშენებლობის დასაწყებად მეცნიერებათა აკადემიის ეზოს მიმდებარე ტერიტორიიდან, სავარაუდოდ, 11-მდე ოჯახის გასახლება იქნება საჭირო. კოოპერატიული ბინათმშენებლობით დაზარალებულები თბილისის მერთან შეხვედრას ითხოვდნენ და შეხვდნენ, ოღონდ ვიცემერს. ირაკლი როსტომაშვილი - თბილისის ტროტუარები დედაქალაქის ეკონომიკის ხერხემალია.

      ოცნების ხმა - ირაკლი კობახიძე - თითოეული ჩვენგანი წვლილს შევიტანთ იმაში, რომ ჩვენმა საპრეზიდენტო კანდიდატმა სათანადოდ და დიდი უპირატესობით გაიმარჯვოს. პრემიერი - ქვეყნის გამთლიანებისთვის არსებობს რეცეპტი, რომელიც “ქართულმა ოცნებამ” შემოიტანა - ეს არის პრაგმატული, სწორი, გონივრული საგარეო პოლიტიკა და ეკონომიკურად გაძლიერება. კახა კალაძე - კარგად გვახსოვს ის წლები, როდესაც განსხვავებული აზრისა და შეხედულების გამო ადამიანებს სასტიკად უსწორდებოდნენ - ეს ძალადობა წარსულს ჩავაბარეთ. ირაკლი კობახიძე - გვაქვს ძალიან სერიოზული მიღწევები საგარეო პოლიტიკის მიმართულებით, მნიშვნელოვნადაა გაუმჯობესებული უსაფრთხოებისა და სტაბილურობის ხარისხი. ირაკლი კობახიძე - საპრეზიდენტოდან საპარლამენტო არჩევნებამდე პერიოდში, გვექნება დაახლოებით, ორი წელი, რათა პარტიის შემდგომ განვითარებაზე ვიზრუნოთ.

      აითვისეთ თორემ გავასხვსებთ! - ოთარ დანელია - თუ უცხო ქვეყნის მოქალაქეები არ აითვისებენ მათ საკუთრებაში არსებულ სასოფლო-სამეურნეო მიწებს, არ გამოვრიცხავთ, დავავალდებულოთ, რომ გაასხვისონ.

      ჯანდაცვა - ამირან გამყრელიძის ინფორმაციით, დმანისისა და ბოლნისის მუნიციპალიტეტი სიმსივნით დაავადებულთა რაოდენობით გამორჩეული არ არის. ამირან გამყრელიძე - ახლა გვიტევს წითელა, მოვუწოდებ მშობლებს, აცრან ბავშვები.

      პრეზიდენტი ეთერში - გიორგი მარგველაშვილი - მსხვერპლი მიდის პოლიციის განყოფილებაში და ამბობს, რომ მოკლავენ, მიდის ეს ადამიანი სახლში და მას კლავენ - ამაში დამნაშავე არის პრეზიდენტი? გიორგი მარგველაშვილი - რამდენიმე საკითხია, სადაც ძალიან გული მწყდება, რომ მე და “ქართულმა ოცნებამ“ ვერ მოვახერხეთ კოორდინირებული მოქმედება. გიორგი მარგველაშვილი - დეპუტატების მხრიდან გარკვეული მწვავე თემების აგრესიით გადაფარვის მცდელობა ჩემთვის ახალი არ არის.

      აფრასიძეების საქმე - დოდო აფრასიძე - მე ჯერ კიდევ იმედით ვცხოვრობ, რომ სამართლიანობა აღდგება. გია ბარამიძე - კატეგორიულად მოვითხოვ პროკურატურისგან, გამოიძიონ აფრასიძეების საქმე და უთხრან საზოგადოებას სიმართლე. დოდო აფრასიძე - სიმართლე არის ის, რომ გია ბარამიძე არის მკვლელი, სისხლისმსმელი და ყაჩაღი.

საზღვარგარეთულები:

      სომხური საპროტესტო აქტიურობა და ერთობის ძალა - ერევანში დილიდან ოპოზიციის მსვლელობები განახლდა. ლენა ნაზარიანი აქციის მონაწილეებს - გამოაცხადეთ გაფიცვა, არ იაროთ უნივერსიტეტებში და დილიდან ყველგან აქციები დაიწყეთ. არმენ სარქისიანი - სომხეთში ვითარებამ საშიშ ზღვარს მიაღწია და შეუქცევად შედეგამდე შეიძლება მიგვიყვანოს. სომხეთის ეროვნული უსაფრთხოების სამსახური - გარკვეული ჯგუფი სომხეთში კონსტიტუციური წესრიგის წინააღმდეგ დანაშაულების ჩადენას გეგმავს. „რადიო თავისუფლების“ ინფორმაცით, სომხეთში საპროტესტო გამოსვლებს სამხედროებიც შეუერთდნენ. სომხეთის პოლიციამ ერევანში მიმდინარე საპროტესტო აქციაზე 37 ადამიანი დააკავა. სერჟ სარგსიანი გადადგა. სერჟ სარგსიანი - ნიკოლ ფაშინიანი მართალი იყო, მე შევცდი. ნიკოლ ფაშინიანი - სომხეთის რესპუბლიკის ამაყო მოქალაქევ, შენ გაიმარჯვე! სომხეთის პრემიერ-მინისტრის მოვალეობას დროებით პირველი ვიცე-პრემიერი კარენ კარაპეტიანი შეასრულებს. სომხეთის პრეზიდენტმა მთავრობა გადააყენა.

      პარაგვაის ახალი პრეზიდენტი მარიო აბდო ბენიტესი გახდა.

      ეგეც ევროკავშირი - ექსპერტთა ჯგუფის ანგარიში - ევროპის საბჭოს საპარლამენტო ასამბლეის ზოგიერთი წევრი, დიდი ალბათობით, აზერბაიჯანის ხელისუფლების ინტერესების ლობირებისთვის ქრთამს იღებდა. უკრაინული გამოცემა - ევროპის საბჭოს საპარლამენტო ასამბლეა აზერბაიჯანთან დაკავშირებული კორუფციული სკანდალის გამო, საგანგებო რეზოლუციას მიიღებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 151

ტეგები: qwellynews, აპრილი, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რა შორი ყოფილა შენამდე, თბილისო ანუ ისევ მარშრუტკები?!

გამოაქვეყნა ლაშა_მ.
თარიღი: მაისი 29, 2021.
საათი: 11:30pm 2 კომენტარი

სკოლაში მათემატიკას კარგად ვსწავლობდი.

მეუბნებოდნენ, A წერტილიდან უმოკლესი მანძილი B წერტილამდე ტოლია, B წერტილიდან A წერტილამდე უმოკლესი მანძილისო.

® მარი კიური

      ის ჟურალისტი ხომ გახსოვთ, „სერჩის“ ცოდნას რომ გვამადლიდა? ჰოდა, რომ „დასერჩოთ“ მცხეთა, გუგლისავე აღწერილობაში ამოიკითხავთ - მცხეთა თბილისიდან დაშორებულია 20 კილომეტრით. ახლა,…

გაგრძელება

შუაშისტი გუმათელები, ქირურგია სასამართლოში და 2024-ში ევროკავშირში თან კი, თან არა!

გამოაქვეყნა Giorgi_მ.
თარიღი: მაისი 28, 2021.
საათი: 11:31pm 2 კომენტარი

      ჯერ-ჯერობით წრეზე დავდივართ, იგულისხმება ის რომ დღის ამბებში კვლავ ამნისტიის კანონპროექტი, მოსამართლეების დანიშვნა-არ დანიშნვა ისმის და მისთანები. დღეს ასევე გახარიას პარტიის ლოგო გამოჩნდა და ხვალი პრეზენტაციის ანონსები. გუშინ გუმათში დაკავებულების სასამართლოებიც ჩაინიშნა და პროტესტის ორჭოფობული გამოხმაურებებიც. ევროკავშირში გველიან, მაგრამ არ მიგვიღებენ. დოლარმაც ცოტა კიდევ დაიწია - ჩვენს ქვეყანაში, 1 აშშ დოლარი - 3.2779 ლარია.…

გაგრძელება

რიონელები გუმათთან საპროტესტო ყიჟინით, გაძვირებული გაზი და ამნისტიის დამტკიცბის დასაწყისი

გამოაქვეყნა Giorgi_მ.
თარიღი: მაისი 27, 2021.
საათი: 11:00pm 0 კომენტარი

      მაისი ბოლო ისევ აქტიური იქნება და ბუნებაც გააქტიურდება, როგორც ააონსებენ - წვიმები და ძლიერი ქარები გველის. რაც შეეხება პოლიტიკურ ასპარეზს - პარლამენტმა დღეს ამნისტიის კანონპროექტი ნახევრად დაამტკიცა, ასევე დღეს, პოლონელი კოლეგა ესტუმრა ჩვენს პრეზიდენტს, პრემიერსა და პარლამენტის თავმჯდომარეს. დღის მთავარი საინფორმაციო ამბავი მაინც რიონის მცველების შეუპოვარი პროტესტია, ამჯერად ისევ ხეობაში, გუმათთან. დოლარმაც ცოტა კიდევ დაიწია - ჩვენს…

გაგრძელება

ჰესით პარალიზება შუაგულ თბილისში, ამნისტიის პოლიტიკური ამბები და მინსკი სკანდალში

გამოაქვეყნა Giorgi_მ.
თარიღი: მაისი 24, 2021.
საათი: 11:30pm 1 კომენტარი

      თბილისი უქმებიდან მოყოლებული აქციების მთავარ ეპიცენტად იქცა, როგორც ადრე. ამჯერად აქციას პარტიებისგან არც ისე მოწონებული და დაფასებული მოძრაობა მართავს, რომელიც ჰესის წინააღმდეგ გაერთიანდა და ხელისუფლებას მოთხოვნებიც წაუყენა. დღის მთავარი ამბავი სწორედ ეს აქციებია, თბილისის პიკეტირება და პარალიზება - როგორც თავად აანონსებენ. საერთაშორისო სკანდალია მინსკში. ჩვენთან, ამინდები გაუარესდებაო იუწყებიან სინოპტიკოსები - 25 მაისს, დღის მეორე…

გაგრძელება

Qwelly World

free counters