რელიგიური გრძნობების დაცვა, მოზარდების საქმე, ნატომოსურნე საქართველო და სირიამობეზრებული ტრამპი

      შედარებით მშვიდი და შეფასებებით დატვირთული დღე იყო. ნაწილი ევროპას აფასებდა, ნაწილი სომხეთს, ვიეთნიმე პრეზიდენტს და ვიღაცეები რელიგიურ გრძნობებს. დიახ, რელიგიური გრძნობების შეურაცხყოფაზე კანონით დასჯა შეიძლება დაწესდეს, თუმცა ჯერ არავინ იცის რომელია ეგ გრძნობები. სხვა მნიშვნელოვანი ამბები ნატოს უკავშირდებოდა, მოზარდების მკვლელობის გამოძიებას და სომხეთს.

უერთდებით მილოცვას და გულითადად მოგილოცავთ Qwelly-ს დაბადების დღეს!

საქართველოს და მსოფლიოს ამბები / 24 აპრილი, 2018 /

      თავმოწონებები ნატოსთვის, ევროპისთვის, მსოფლიოსთვის - ირაკლი კობახიძე - ჩვენი უმთავრესი პრიორიტეტი და მიზანია, გავხდეთ ევროპული და ევროატლანტიკური ოჯახის წევრი. ირაკლი სესიაშვილი - ნატოს სემინარზე გამოითქვა მოსაზრებები, რომ ოკუპირებულ ტერიტორიებზე საქართველოს პოლიტიკის მსგავსი მიდგომები გამოყენებული იყოს სხვა ქვეყნებშიც. არჩილ თალაკვაძე ბათუმში, ნატო-ს საპარლამენტო ასამბლეის 97-ე როუზ-როსის სემინარზე სიტყვით გამოვიდა. ევროპარლამენტის უსაფრთხოებისა და თავდაცვის ქვეკომიტეტი საქართველოში უსაფრთხოების მდგომარეობაზე იმსჯელებს. მიხეილ გიორგაძე - ევროკავშირის მიერ 2018 წლის კულტურული მემკვიდრეობის წლად გამოაცხადებას საქართველოც უერთდება. ნატოს საპარლამენტო ასამბლეის როუზ-როსის სემინარზე საქართველოში განხორციელებული დემოკრატიული რეფორმების შესახებ იმსჯელეს.

      საზღვაო სეზონზე ზრუნვა - მაია ცქიტიშვილმა კომპანიებისგან ქობულეთის სანაპიროზე დამცავი კედლის რეაბილიტაციის და ახალი ბულვარის მოწყობის სამუშაოებზე ვადაგადაცილების გამო განმარტება მოითხოვა.

      ისნის სპეცოპერაციიც კვალზე - პროკურორი - მოწმეებმა ისაუბრეს იმაზე, რომ შოაიფ ბორზიევი დაკავებისას მათ წინააღმდეგობას უწევდა და ემუქრებოდა. ადვოკატი - ბორზიევს სამართალდამცველებისთვის წინააღმდეგობა არ გაუწევია, მიუხედავად იმისა, რომ ამის შესაძლებლობა ჰქონდა.

      ვიზები, დაუთმობელნი - ლინას ლინკევიჩიუსი - გვწამს, რომ საქართველოს მთავრობა ყველაფერს იღონებს, რათა ვიზალიბერალიზაციასთან დაკავშირებით ყველა ეჭვი და კითხვა გააქარწყლოს. ლინას ლინკევიჩიუსი - საქართველოს შეუძლია ჰქონდეს ლიტვის მხარდაჭერის იმედი.

      განათლება - ნათია მეზვრიშვილი - სკოლაში პოლიციის ადგილი არ არის.

      შპარგალკიანი ხელისუფლება - ანა ნაცვლიშვილი - ხელისუფლების წარმომადგენლებს ერთ-ერთ ტელევიზიაში „შპარგალკა“დარჩათ, სადაც ეწერა „პრეზიდენტი არის მავნებელი“.

      შიდასაუმრავლესობო ამბები - გედევან ფოფხაძე - რომ მიმაჩნდეს, უმრავლესობიდან უნდა გავიდე, აქამდე გავიდოდი - ახლა მე უმრავლესობის სხდომას ველოდები.

      ჰაერის მონიტორინგი გვაქვს! - საქართველოში ატმოსფერული ჰაერის ხარისხის მონიტორინგის მობილური ავტომატური სადგური ამოქმედდა.

      ბრიტანული გამოძიება თბილისში, ალბათ სკოტლანდ იარდი? - საქართველოში ბრიტანელი ექსპერტები ჩამოვლენ, რომლებიც ხორავას ქუჩაზე მოზარდების მკვლელობის საქმეზე ალტერნატიულ ექსპერტიზას ჩაატარებენ. ხორავას ქუჩაზე მცხოვრები - დავინახე, რომ ერთი მოზარდი ჩაიკეცა, ეს იყო დავით სარალიძე, თუმცა, ვისთან ჰქონდა კონფლიქტი, ეს ვერ დავინახე. თბილისის საქალაქო სასამართლოსთან აქცია სახელწოდებით „ნუ მომკლავ, აღასრულე სამართალი“ გაიმართა. ხორავას ქუჩაზე მოზარდების მკვლელობის საქმეზე პროკურატურამ სამხარაულის ექსპერტიზის ბიუროს დასკვნა წარადგინა. ხორავას ქუჩაზე მოკლულის მამა - ექსპერტიზის დასკვნით დაუდგენელია, რომელი დანით ან ვინ მიაყენა სასიკვდილო ჭრილობა ჩემს შვილს. მოზარდების მკვლელობის საქმის პროკურორი - ექსპერტიზის დასკვნით იდენტიფიცირებულია დანა, რომლითაც დავით სარალიძეს სასიკვდილო ჭრილობა მიაყენეს. ადვოკატი - მტკიცებულებებით დასტურდება, რომ კიდევ არა ერთი პირი მონაწილეობდა დავით სარალიძის დაჭრაში და ისინი პასუხისგებაში მიცემულები არ არიან. ხორავას ქუჩაზე მოზარდების მკვლელობის საქმეზე ბრალდებულის ადვოკატი - ჩემი დაცვის ქვეშ მყოფს არც ერთი პირის მკვლელობაში არ მიუღია მონაწილეობა.

      რელიგიური შეურაცხყოფა! - ადამიანის უფლებათა დაცვის კომიტეტმა იდეის დონეზე მხარი დაუჭირა პროექტს, რომლითაც რელიგიური გრძნობების შეურაცხყოფა სისხლის სამართლის წესით დასჯადი ხდება. სოფიო კილაძე - აღმაშფოთა ბოლო პერიოდში განვითარებულმა მოვლენებმა, როდესაც მართლმადიდებლური სიწმინდეების გამოხატვა არასათანადო ფორმით მოხდა. დავით მათიკაშვილი - არ შემიძლია ხაზი არ გავუსვა იმ რთულ საკითხს, რაც ეხება ბეჭდვით თუ სხვა მედიასაშუალებებში ისეთ გამოხატულებებს რელიგიასთან მიმართებაში, რაც შეურაცხყოფას აყენებს იმ სათუთ გრძნობებს, რომელიც არის ძალიან ინტიმური ადამიანისთვის. გედევან ფოფხაძე - სახელმწიფოს უნდა გააჩნდეს პოზიტიური ვალდებულება, დაიცვას ადამიანის რელიგიური გრძნობები.

      ყაჩაღობა ფერმში - სოფელ ფერმის მკვიდრი - სამმა კაცმა დაგვაყაჩაღა, დედაჩემს ცხვირი მოაჭრეს, მამაჩემს სახე აქვს დასერილი - წაგვართვეს ფული, ოქრო.

      კანდიდატები - ორი უკვე ცნობილი, გირჩის პრეზიდენტი ჯაფარიძე იქნება, ლეიბორისტების ნათელაშვილი. დავით უსუფაშვილი - დიახ, მე მზად ვარ, ვიყო ერთ-ერთი კანდიდატი საპრეზიდენტო არჩევნებში.

საზღვარგარეთულები:

      სომხური სიახლეები - ფაშინიანი - ხალხის რჩეული ახალი პრემიერი უახლოეს კვირაში უნდა დაინიშნოს. აშშ-ს სახელმწიფო დეპარტამენტი - ვიმედოვნებთ, რომ სომხეთის ახალ მთავრობასთან მჭიდრო თანამშრომლობა გვექნება. ნიკოლოზ ვაშაკიძე - სომხეთს საგარეო კურსის რადიკალური ცვლილება გაუჭირდება. დიმიტრი პესკოვი - სომხეთი ჩვენთვის ღირებული პარტნიორია, ვიმედოვნებთ, რომ ქვეყანაში წესრიგი შენარჩუნდება. ექსპერტი ალექსანდრე ისკანდერიანი - რაც ერევანში მოხდა, ხავერდოვან რევოლუციას ეძახიან, ყველაფერმა სისხლისღვრის გარეშე ჩაიარა. ალექსანდრე ლუკაშენკო ევრაზიის ეკონომიკური კავშირის ქვეყნებს - გინდათ თქვათ, რომ ჩვენ არ ვართ დამნაშავე იმაში, რაც სომხეთში მოხდა? ნიკოლ ფაშინიანი მზადაა, სომხეთის პრემიერმინისტრი გახდეს.

      მსოფლიოს ბურჯები? - ემანუელ მაკრონი - საფრანგეთსა და აშშ-ს დიდი პასუხისმგებლობა ეკისრებათ.

      ანტირუსული მსოფლიო - „დიდი შვიდეულის“ ქვეყნებმა შესაძლოა, რუსეთს ახალი სანქციები დაუწესონ.

      დონალდ ტრამპი - მსურს გამოვიდე სირიიდან, მსურს დავაბრუნო ჩვენი შესანიშნავი მებრძოლები სახლში.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 163

ტეგები: qwellynews, აპრილი, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რა შორი ყოფილა შენამდე, თბილისო ანუ ისევ მარშრუტკები?!

გამოაქვეყნა ლაშა_მ.
თარიღი: მაისი 29, 2021.
საათი: 11:30pm 2 კომენტარი

სკოლაში მათემატიკას კარგად ვსწავლობდი.

მეუბნებოდნენ, A წერტილიდან უმოკლესი მანძილი B წერტილამდე ტოლია, B წერტილიდან A წერტილამდე უმოკლესი მანძილისო.

® მარი კიური

      ის ჟურალისტი ხომ გახსოვთ, „სერჩის“ ცოდნას რომ გვამადლიდა? ჰოდა, რომ „დასერჩოთ“ მცხეთა, გუგლისავე აღწერილობაში ამოიკითხავთ - მცხეთა თბილისიდან დაშორებულია 20 კილომეტრით. ახლა,…

გაგრძელება

შუაშისტი გუმათელები, ქირურგია სასამართლოში და 2024-ში ევროკავშირში თან კი, თან არა!

გამოაქვეყნა Giorgi_მ.
თარიღი: მაისი 28, 2021.
საათი: 11:31pm 2 კომენტარი

      ჯერ-ჯერობით წრეზე დავდივართ, იგულისხმება ის რომ დღის ამბებში კვლავ ამნისტიის კანონპროექტი, მოსამართლეების დანიშვნა-არ დანიშნვა ისმის და მისთანები. დღეს ასევე გახარიას პარტიის ლოგო გამოჩნდა და ხვალი პრეზენტაციის ანონსები. გუშინ გუმათში დაკავებულების სასამართლოებიც ჩაინიშნა და პროტესტის ორჭოფობული გამოხმაურებებიც. ევროკავშირში გველიან, მაგრამ არ მიგვიღებენ. დოლარმაც ცოტა კიდევ დაიწია - ჩვენს ქვეყანაში, 1 აშშ დოლარი - 3.2779 ლარია.…

გაგრძელება

რიონელები გუმათთან საპროტესტო ყიჟინით, გაძვირებული გაზი და ამნისტიის დამტკიცბის დასაწყისი

გამოაქვეყნა Giorgi_მ.
თარიღი: მაისი 27, 2021.
საათი: 11:00pm 0 კომენტარი

      მაისი ბოლო ისევ აქტიური იქნება და ბუნებაც გააქტიურდება, როგორც ააონსებენ - წვიმები და ძლიერი ქარები გველის. რაც შეეხება პოლიტიკურ ასპარეზს - პარლამენტმა დღეს ამნისტიის კანონპროექტი ნახევრად დაამტკიცა, ასევე დღეს, პოლონელი კოლეგა ესტუმრა ჩვენს პრეზიდენტს, პრემიერსა და პარლამენტის თავმჯდომარეს. დღის მთავარი საინფორმაციო ამბავი მაინც რიონის მცველების შეუპოვარი პროტესტია, ამჯერად ისევ ხეობაში, გუმათთან. დოლარმაც ცოტა კიდევ დაიწია - ჩვენს…

გაგრძელება

ჰესით პარალიზება შუაგულ თბილისში, ამნისტიის პოლიტიკური ამბები და მინსკი სკანდალში

გამოაქვეყნა Giorgi_მ.
თარიღი: მაისი 24, 2021.
საათი: 11:30pm 1 კომენტარი

      თბილისი უქმებიდან მოყოლებული აქციების მთავარ ეპიცენტად იქცა, როგორც ადრე. ამჯერად აქციას პარტიებისგან არც ისე მოწონებული და დაფასებული მოძრაობა მართავს, რომელიც ჰესის წინააღმდეგ გაერთიანდა და ხელისუფლებას მოთხოვნებიც წაუყენა. დღის მთავარი ამბავი სწორედ ეს აქციებია, თბილისის პიკეტირება და პარალიზება - როგორც თავად აანონსებენ. საერთაშორისო სკანდალია მინსკში. ჩვენთან, ამინდები გაუარესდებაო იუწყებიან სინოპტიკოსები - 25 მაისს, დღის მეორე…

გაგრძელება

Qwelly World

free counters