გარემონტებული ვარკეთილი, წითელას ეპიდაფეთქება, პრეზიდენტის ინსტიტუტი, საკანონმდებლო სიახლეები და გააქტიურებული ამერიკა

      მეტრო ისევ ყველაზე უსაფრთხო ტრანსპორტად რჩება, თუ მეტროსადგურებს არ ჩავთვლით. დღის მთავარი მოვლენა, მეტროსადგურ ვარკეთილზე მომხდარი ამბავი იყო - ჭერი ჩამოიშალა.

საქართველოს და მსოფლიოს ამბები / 30 იანვარი, 2018 /

      გარემონტებული მეტრო „ვარკეთილი“ - მეტროსადგურ „ვარკეთილში“ 10:30-ზე ჭერი ჩამოინგრა, რის შედეგადაც 14 ადამიანი დაშავდა. კახა კალაძე მეტროსადგურ „ვარკეთილში“, შემთხვევის ადგილზე მივიდა. მეტროსადგურ „ვარკეთილში“ მომხდარი შემთხვევის შედეგად დაშავებულები საავადმყოფოებში გადაიყვანეს. საგანგებო სიტუაციების სამსახური - კადრების განკარგულებაში არა მეხანძრე-მაშველები, არამედ მენეჯმენტი და სხვადასხვა სამსახურის ხელმძღვანელები არიან გადაყვანილი. კახა კალაძე - მეტროსადგურ „ვარკეთილში“ მომხდარ ფაქტს ძალიან მკაცრი რეაგირება მოყვება და ყველა დამნაშავე უმკაცრესად დაისჯება. მეტროსადგურ „ვარკეთილში“ სარეაბილიტაციო სამუშაოები 5 თვის წინ დასრულდა და ის შპს „ყვარელრემმშენმა“ 347 852 ლარად განახორციელა. გიორგი ტყემალაძე - თუ მეტროსადგურ „ვარკეთილში“ მომხდარის შესწავლისას კომპანიის მხრიდან ხარისხთან დაკავშირებული პრობლემები გამოვლინდა, შესაბამისი გადაწყვეტილებები იქნება მიღებული. ირაკლი ნადირაძე - ყველა სარემონტო სამუშაო, რომელიც აქამდე მეტროპოლიტენში ჩატარებულა, თავიდან უნდა გადაიხედოს. იმ მეტროსადგურებში, რომელთა რეაბილიტაციაც ბოლო პერიოდში განხორციელდა, ექსპერტიზა ჩატარდება. ექიმი - მეტროსადგურ „ვარკეთილიდან“ კლინიკაში გადმოყვანილია 4 პაციენტი, რომელთაც გულ-მკერდის, ქვედა კიდურების და თავის ტვინის ტრავმები აღენიშნებათ. დავით მესხიშვილი - დედაქალაქის ტრანსპორტის პოლიტიკა თავზე ჩამოგვენგრა. მეტროსადგურ „ვარკეთილში“ ჭერის ჩამონგრევის შედეგად დაშავებულთა ნაწილს ტვინის შერყევა აღენიშნება, ნაწილს კი ოპერაცია ჩაუტარდა. გიგი უგულავა - ყველა მერის დროს გაკეთებული შეიძლება გაფუჭდეს, ამაზე პოლიტიკური კივილი, ნიშნის მოგება ის წინაღობაა, რომელიც წინ გახედვის საშუალებას არ გვაძლევს. ირაკლი კობახიძე - მეტროსადგურები სერიოზულ რეაბილიტაციას საჭიროებს და ამაზე მუშაობა უკვე დაწყებულია. დავით ნარმანიას განცხადებით, მეტროსადგურ „ვარკეთილში“ სარემონტო სამუშაოები წესების დაცვით ჩატარდა. კახა კალაძე - ძალისხმევას არ დავიშურებთ, რომ მეტრო „ვარკეთილში“ მომხდარის მიზეზები დადგინდეს და ყველამ თავისი დანაშაულის შესაბამისად აგოს პასუხი. დავით ნარმანია - გამოძიება დადებს თავის შედეგებს და ამის მერე შეიძლება ვისაუბროთ პასუხისმგებლობაზე. შს სამინისტრომ მეტროსადგურ ”ვარკეთილში” მომხდარ ფაქტთან დაკავშირებით გამოძიება დაიწყო. დავით ნარმანია - მეტროსადგურების რეაბილიტაცია იმიტომ დავიწყეთ, რომ იქ კრიტიკული მდგომარეობა იყო - დეტალებზე კითხვით სატრანსპორტო კომპანიას უნდა მივმართოთ.

      NDI-ს ხელმძღვანელობა - ლორა თორნტონი - ჩემი პირადი მოსაზრების გამო ბოდიშის მოხდას არ ვაპირებ. მამუკა მდინარაძე - თუ ქალბატონ ლორას სურს გააკრიტიკოს თავისი ქვეყნის პრეზიდენტი, ამისთვის აუცილებელი არ არის, შეურაცხყოფა მიაყენოს ქართულ სახელმწიფოს. ლორა თორნტონმა თავის კომენტართან დაკავშირებით განმარტებები გააკეთა. ირაკლი კობახიძე - მოხარული ვარ, რომ ლორა თორნტონმა თავისი გამონათქვამი შეასწორა - ირაკლი მეზურნიშვილს მადლობას გადავუხდი, რომ პრობლემაზე ყურადღება გაამახვილა.

      საკანონმდებლო სიახლეებიც - „ქართული ოცნების“ საკანონმდებლო ინიციატივით, ხელისუფლების წარმომადგენლების მიერ წინასწარი შეცნობით მართლმსაჯულებისთვის ხელისშეშლაზე სანქციები გამკაცრდება. რომან გოცირიძე - დღევანდელი ხელისუფლების წარმომადგენლები მათ მიერვე გამკაცრებული კანონით გასამართლდებიან. ირაკლი აბესაძე - ”ქართული ოცნების” დაანონსებული ცვლილება, რომელიც თითქოს მართლმსაჯულების აღსრულებისთვის ხელის შეშლას დანაშაულად აცხადებს, მორიგი ფარსია. ირაკლი სესიაშვილი - გირგვლიანის საქმიდან გამომდინარე, ახალ საკანონმდებლო ინიციატივაზე ოპონენტებისა და პრეზიდენტის ადმინისტრაციის რეაქცია გასაკვირია. რამაზ საყვარელიძე - როგორც ჩანს, შეიძლება თანამდებობის პირებში იყოს ჩადებული საფრთხე, რომ გარკვეული მფარველობა გაუწიონ დანაშაულს. ირაკლი სესიაშვილი - პარლამენტში წარმოდგენილი პროექტი მყარი საფუძველი იქნება, რომ სარეზერვო სამსახური სწორად ჩამოყალიბდეს და განვითარდეს.

      პრეზიდენტობა საქართველოში - მამუკა მდინარაძე - ქართული საზოგადოება მთელი თვე აკვირდებოდა, როგორ ხმაშეწყობილად, ტანდემში საუბრობდნენ სააკაშვილი და მარგველაშვილი. მამუკა მდინარაძე - პრეზიდენტი მარგველაშვილი არ იძლევა საშუალებას, პოლიტიკური დაპირისპირება თავიდან ავიცილოთ. ანა ნაცვლიშვილი - ვხედავთ საკმაოდ აგრესიულ კამპანიას პრეზიდენტის ინსტიტუტის მიმართ. ირაკლი სესიაშვილი - მარგველაშვილის მიერ სააკაშვილის პერიოდში გარკვეული ქმედებების გამართლების მცდელობა, პოლიტიკური ცოდვაა, რომლის გაღებაც მას უწევს გაკოტრებული „ნაციონალების“ ხმების მოსაპოვებლად.

      სისტემური დანაშაული - ფიქრია ჩიხრაძე - სისტემას უნდა ჩამოშორდნენ ის პროკურორები, სპეცსამსახურების წარმომადგენლები და მოსამართლეები, რომლებიც ამ სისტემას ქმნიდნენ. ანა ნაცვლიშვილი - შემსრულებლები, დამკვეთები არა მხოლოდ სისტემაში რჩებიან, არამედ დაწინაურებულები და აღზევებულები არიან და რა "გირგვლიანის პაკეტზეა" საერთოდ საუბარი?!

      პოლიციის ნდობა - ვახტანგ ძაბირაძე - პოლიციამ მოსახლეობის ნდობა დაკარგა და საკმაოდ რთული ვითარებაა საზოგადოებასა და პოლიციას შორის. მაია მწარიაშვილი - თუ პროკურატურა თავის ფუნქციას არ ასრულებს, პოლიციას ყოველთვის აქვს მიდრეკილება, რომ სტატისტიკით მანიპულაცია მოახდინოს. მაია მწარიაშვილი - საზოგადოების თავშეყრის ადგილებში ძალადობის, ცეცხლსასროლი და ცივი იარაღით ჩადენილი დანაშაულების მიზეზი დაუსჯელობის სინდრომია.

      ბაღების თემა არ დასრულებულა - კახაბერ გვანცელაძე - იყო რამდენიმე შემთხვევა, რომ დაგვიანებით შევიდა ბაღებში პროდუქტი, თუმცა ახლა ვითარება გამოსწორებულია. ირაკლი ნადირაძე - კახაბერ გვანცელაძემ თქვა, რომ ფაქტობრივად სამი წლის განმავლობაში რა საკვებსაც აძლევდა „ქართული ოცნება“ ბავშვებს, იწვევდა დიაბეტს და სიმსუქნეს.

      მომატებული წითელა - 2017 წლიდან საქართველოში წითელას შემთხვევების ზრდა დაფიქსირდა, წელს უკვე 102 შემთხვევაა აღრიცხული. დაავადებათა კონტროლის ცენტრი - წითელა ბავშვთა დაავადებად ითვლება, მაგრამ შეიძლება დაავადდეს ნებისმიერი ასაკის ადამიანი. ამირან გამყრელიძე - ჩვენ არავის ვაშინებთ, მოსახლეობას ვაფრთხილებთ და მოვუწოდებთ, გაიკეთონ წითელას საწინააღმდეგო აცრა. ამირან გამყრელიძის ინფორმაციით, ქვეყანაში საკმაო მარაგია წითელას დამატებითი იმუნიზაციისთვის, ვაქცინის ხარისხი მაღალია. აჭარის ჯანდაცვის მინისტრი მოსახლეობას მოუწოდებს, წითელას საწინააღმდეგო ვაქცინაცია დროულად ჩაიტარონ. ამირან გამყრელიძე - შეიძლება ითქვას, რომ აჭარაში წითელას ეპიდაფეთქებაა.

      პოროშენკოს შემოთავაზება - ირაკლი კობახიძე - პოროშენკოს შემოთავაზებაზე პასუხი არ გაგვიცია - ყველა საკითხი გადაწყდება ჩვენი ეროვნული ინტერესების შესაბამისად.

საზღვარგარეთულები:

      ამერიკიდან გზავნილები - გამარჯვება ისლამურ სახელმწიფოზე - აშშ-ის შეიარაღებული ძალების ცენტრალური სარდლობის მეთაური „ისლამურ სახელმწიფოზე“ გამარჯვებას რამდენიმე კვირაში პროგნოზირებს. გენერალი ჯოზეფ ვოტელი - ამერიკელი სამხედროები სირიის ქალაქ მანბიჯიდან გამოსვლას არ აპირებენ. აშშ-ში 11 ქვეყნიდან ლტოლვილების შესვლაზე მოქმედი სრული აკრძალვა გაუქმდა. აშშ-ს ცენტრალური სადაზვერვო სააგენტოს დირექტორი - რუსეთი გააგრძელებს აშშ-ში არჩევნებზე გავლენის მოხდენას, მათი გავლენა უმნიშვნელო იქნება. აშშ-ს ხაზინის დეპარტამენტმა ”კრემლის სია” გამოაქვეყნა, სადაც რუსეთის თითქმის ყველა თანამდებობის პირი და მსხვილი მეწარმეები არიან შესული. დონალდ ტრამპი - აშშ ომისგან განადგურებულ ავღანეთში თალიბანთან მოლაპარაკებას არ დაიწყებს. აშშ-ს სადაზვერვო სააგენტოს დირექტორი – ჩინეთის მცდელობები, გაზარდოს დასავლეთზე ფარული გავლენა, ისეთივე შემაშფოთებელია, როგორც რუსეთის ჩარევა.

      რუსეთიდან გზავნილებიც - რუსეთის ვიცე-პრემიერი ე.წ. კრემლის სიაზე - ჩავატარებთ ვითარების მონიტორინგს და აუცილებლობის შემთხვევაში რეაგირებას მოვახდენთ. რუსეთის გენშტაბი - სამხრეთ ოსეთის ჯარების ცალკეული შენაერთების რუსეთის შემადგენლობაში შესვლა, ცალკე ოსური ფორმირებების შექმნას არ ითვალისწინებს. დიმიტრი პესკოვი - „კრემლის სიაში“ შეყვანილი რუსი პოლიტიკოსები და ბიზნესმენები აშშ-ს დე-ფაქტო მტრებად მოიხსენიებიან. რუსეთში აშშ-ს ელჩი ე.წ. კრემლის სიაზე - საჭირო არ არის ემოციები რომ სჭარბობდეს, ეს არ არის ახალი სანქციები. ვლადიმერ პუტინი - სოჭში მიმდინარე ფორუმი მოწოდებულია თითქმის შვიდწლიანი სამხედრო კონფლიქტის შემდეგ კვლავ გააერთიანოს სირიელი ხალხი.

      ანტიბაშარული პოზიციები - ნიკი ჰეილიმ გაერო-ს უშიშროების საბჭოს მოუწოდა, ერთობლივად გამოვიდნენ სირიის პრეზიდენტის ბაშარ ასადის წინააღმდეგ.

      გრძელდება თურქეთის ციხეების გავსება - თურქეთში „ტერორიზმის პროპაგანდის“ ბრალდებით 311 ადამიანი დააკავეს

      გენიოსია ეს კაცი - იან კელი - ნატო-ში საქართველოს წევრობა არ უნდა იყოს დამოკიდებული სხვა ქვეყანაზე.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 175

ტეგები: qwellynews, ბლოგი, იანვარი, ნიუსები, სიახლეები

vako: იანვარი 31, 2018||12:04am
ისევ მაგათი გაყვანილი არაა ტენდერში ეგ კომპანიაა? რა არი მანდ ახალი რო ფული იშოვეს
vako: იანვარი 31, 2018||12:07am

რა ნაგვები არიან პროსტა სუ ფეხზე კიდიათ რო ჩახოცილიყვნენ კიდეც

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დაკარგული სახეები

გამოაქვეყნა nunu qadagidze_მ.
თარიღი: ოქტომბერი 21, 2020.
საათი: 2:30pm 0 კომენტარი

      - მე ერთხელ ძალიან მაგრად გამიმართლა...

      ასეთი სიტყვები ანკესივითაა, აუცილებლად მიიპყრობს ყურადღებას. აბა, ვინ არ ოცნებობს ასეთ რამეზე? მეც ძალაუნებურად მივუგდე ყური. ვიღაც ჭაღარა მამაკაცი ყვებოდა თავის ამბავს, ხის მერხზე ჩამომჯდარი.

      - აეროპორტში ვიყავი, საქონელს ველოდებოდი. სტიუარდესა მყავდა ერთი შეგულებული. გამოაცხადეს, რეისი იგვიანებსო. მოსაცდელ დარბაზს მივაშურე, იქ მებუფეტესთან მქონდა რაღაც ანგარიშები…

გაგრძელება

RuneScape continues to grow more than ever

გამოაქვეყნა Megaomgchen_მ.
თარიღი: ოქტომბერი 20, 2020.
საათი: 4:00am 0 კომენტარი

Naturally the team and I are saddened that some gamers are upset about free spins and some also do not enjoy the capacity to also purchase extra spins, however, the truth is 90% of our members are still enjoying the Squeal of Fortune on a daily basis and RuneScape gold more than 70 percent of our free players use the Squeal of Fortune daily also - which makes it a number of the most widely appreciated content release thus far. Nearly all our players also continue to take advantage of the…

გაგრძელება

ათასეული კორონა და ქება-კრიტიკა საარჩევნოდ

გამოაქვეყნა Giorgi_მ.
თარიღი: ოქტომბერი 19, 2020.
საათი: 10:57pm 0 კომენტარი

      მეორედ ათასეულს ზემოთ ანუ 1186 ახალი შემთხევა 24 საათში და რა გასაკვირია, რომ დღის მთავარი ამბავი სწორედ კოვიდ19-ია. მთავრობის განცხადებები, გამოსვლები, გადაწყვეტილებები და კრიტიკა ცუდ მენეჯმენტზე. ამას ემატება კარზე მომდგარი არჩევნები და საარჩევნოდ ხმების მოსაგროვებლად გაკეთებული მრავალი განცხადება და თავის ქება-სხვების ლანძღვა. ადგილობრივი კორონა რიცხვებში - დადასტურებული შემთხვევა - 18663, გამოჯანმრთელებული - 8338, გარდაცვლილი - 143,…

გაგრძელება

ველოარტი ანუ ხელოვნება ველოსიპედით

გამოაქვეყნა Tamila Moshiashvili_მ.
თარიღი: ოქტომბერი 18, 2020.
საათი: 10:24pm 0 კომენტარი

      იმ თაობის გოგოებს მივეკუთვნები, რომაული არდადეგები რომ ყველაზე რომანტიკული და საყვარელი ფილმი მიაჩნიათ და ველოსიპედით კატაობა არა უბრალო გართობა, არამედ გრეგორისთან ერთად სეირნობად აღიქმებოდა. ოდრი ხომ ყველა ჩვენგანის სათაყვანებელი გოგო იყო. კალათიანი ველოსიპედი იშვიათობა იყო ჩვენს ქალაქში, მაგრამ ბიჭებისგან ნათხოვარს, კბილს ვინ გაუსინჯავდა რომ დაეწუნებინა? რას მოვაყოლე ამხელა ტექსტი? ამ ველოსიპედის ჯაჭვები „ცეპები“ ხშირად წყდებოდა და უბის…

გაგრძელება

Qwelly World

free counters