კოვიდ შეზღუდვები, მინისტრების ტრიბუნები და საჯარო ხელფასების დაპირებები

      აგვისტოს ცხელი თვე ცხელი ამბების გარეშე მიდის. დღეს მთელი დღე პრემიერმა და მინისტრებმა ჩაიგდეს ხელთ ნიუსფიდი (სიახლეების ლენტი). ჯერ კოვიდის ახალი შეზღუვები დაწესდა და აცრის აუცილებლობა და პრივილეგიები კიდე ერთხელ გაჯღერდა, შემდეგ ეკონომიკასა და ფინანსებზე მინისტრებმა ისაუბრეს, მინისტრის ინფორმაციული დღე იყო საგარეო საქმეთა მიმართულებითაც. პრემიერმა მერების წახალისებაც მოიფიქრა მომავალი წლისთვის. ვალუტის კურსი - 1 აშშ დოლარი - 3.1050 ლარია.

საქართველოს და მსოფლიოს ამბები | 9 აგვისტო, 2021

qwellynews, სიახლეები, ნიუსები, ამბები, აგვისტო

      #კოვიდსაქართველო - 9 აგვისტოს მონაცემებით, საქართველოში 641 242 აცრა ჩატარდა, სრულად ვაქცინირებულია 197 118 ადამიანი. საქართველოში კორონავირუსის 2236 ახალი შემთხვევა გამოვლინდა, გარდაიცვალა 44 ადამიანი. „ფაიზერის“ მეორე დოზაზე აცრა 15 აგვისტოდან დაიწყება. ირაკლი ღარიბაშვილი - ერთ-ერთი მთავარი არგუმენტი, რომლის საპირისპირო კონტრარგუმენტი უბრალოდ არ არსებობს, არის შემდეგი - აცრა ადამიანებს სიკვდილისგან იცავს. ჩვენი ამოცანა უნდა იყოს კოვიდ უსაფრთხო არჩევნების ჩატარება, ჩვენს და სხვა პარტიის კანდიდატებს მინდა მოვუწოდო, ვაქცინაციის პროცესში ჩაერთონ. საკოორდინაციო საბჭო ცალკეული შემზღუდავი ღონისძიებების შესახებ ინფორმაციას ავრცელებს - ხვალიდან, პირბადის ტარება სავალდებულო ხდება ღია სივრცეში ყველგან, სადაც 5 და მეტი ადამიანი იკრიბება; მთავრობის დადგენილებით აკრძალულია ისეთი სოციალური ღონისძიებების გამართვა, როგორიცაა ქორწილი, ქელეხი, თუ სხვადასხვა სახის იუბილე. მსგავსი ღონისძიებების მასპინძლობისთვის კვების ობიექტებს თუ სხვადასხვა სარიტუალო დარბაზებს პირველ ჯერზე დაეკისრებათ ფინანსური სანქცია - 10 ათასი ლარის ოდენობით, ხოლო მსგავსი ქმედების განმეორებით განხორციელების შემთხვევაში, აღნიშნული ობიექტები დაილუქება. თამარ გაბუნია - როგორც კლინიცისტები აღწერენ, მესამე ტალღისგან განსხვავებით, მძიმე შემთხვევები ნებისმიერ ასაკში შეიძლება გამოვლინდეს. ამ ეტაპზე სამედიცინო დაწესებულებებში 7 000 საწოლია მობილიზებული და კიდევ 500 საწოლი დაემატება. სოფელში მცხოვრები მოსახლეობის ვაქცინაციის პროცესში მობილური ამბულატორიები ჩაერთვებიან - ასევე მოხდება მოსახლეობის ტრანსპორტირება, რომ მუნიციპალურ საავადმყოფოში აიცრან. უცხოეთიდან შემოსული კოვიდგადატანილი და ერთჯერადად აცრილი პირები სრულად ვაქცინირებულად ჩაითვლებიან. ქვეყანაში შემოსვლისას პირებზე, რომლებსაც გადატანილი აქვთ კოვიდ-19 და ერთჯერადად ვაქცინირებულები არიან, საზღვრის კვეთისას იგივე რეგულაცია გავრცელდება, რაც 2 დოზით აცრილ პირებზე. ამირან გამყრელიძის განცხადებით, დაწესებული შემზღუდავი ზომების ეფექტი 2 კვირის შემდეგ იქნება. არჩევნების წინა პერიოდის უსაფრთხოებისთვის ერთიანი სტანდარტი უნდა შემუშავდეს. 4 დიდ ქალაქში უნივერსიტეტებთან ამცრელი ცენტრები მოეწყობა. ეროვნული სატყეო სააგენტოს თანამშრომლების ვაქცინაციის პროცესი მიმდინარეობს. კელი დეგნანი - ძალიან მნიშვნელოვანია, ვაქცინაციის პროცესი უფრო სწრაფი გახდეს, რადგან ყოველდღიურად, დაავადების შემთხვევები იზრდება. ეკატერინე ტიკარაძე - საწოლფონდის სერიოზული დეფიციტია. პრეზიდენტის ადმინისტრაცია - ეპიდემიოლოგიური ვითარების გამო, პრეზიდენტი მასშტაბურ ღონისძიებებში მონაწილეობას არ მიიღებს

      ეკონომიკა და ფინანსები - პრემიერის განცხადებით, Fitch-ის რეიტინგის მიხედვით ჩვენი ქვეყანა პრაქტიკულად დაუბრუნდა პანდემიამდელ მაჩვენებელს. ლაშა ხუციშვილი - საჯარო მოხელეების ხელფასები პოლიტიკური სპეკულაციების საგანი არ უნდა იყოს - ეს კონკრეტულ ფორმულაზე ან ინდექსაციაზე დაფუძნებული უნდა იყოს. ნათია თურნავას განცხადებით, ინვესტორებს საპრივატიზებოდ შესთავაზეს ქონება, რომელიც ჯამში, 90 მილიონ ლარზე მეტია. Fitch-ის გაუმჯობესებული რეიტინგი ასახავს უფრო გაზრდილ ნდობას საერთაშორისო ინვესტორების მხრიდან. ჩვენი მთავარი ამოცანაა, რომ სახელმწიფო ქონება, მათ შორის გაჩერებული საწარმოები, ჩაერთოს ეკონომიკურ ბრუნვაში, შექმნას დოვლათი და დაასაქმოს ადამიანები. აშშ-დან საქართველოში სატვირთო ფრენები შესრულდება, რაც ძალიან პოზიტიური ფაქტია ეკონომიკისთვის.

      კეთილი ნების ცვლილებები - მიხეილ სარჯველაძე - საკონსტიტუციო ცვლილებებთან დაკავშირებით წინასწარი პროგნოზების გაკეთება რთულია - რთულია წინასწარ ვიცოდეთ, რა რეზულტატით დასრულდება განხილვის პროცესი. ვახტანგ მეგრელიშვილი - საკონსტიტუციო ცვლილებებთან დაკავშირებით "ქართულმა ოცნებამ" „ნაცმოძრაობის" ჯინაზე შეიძლება რამე მოიფიქროს. გია ვოლსკი - წინასწარ ვერ გეტყვით, საკონსტიტუციო ცვლილებების პროექტის განხილვების დროს როგორ გადაწყვეტილებას მივიღებთ. ლევან იოსელიანის ინფორმაციით, საკონსტიტუციო ცვლილებების განხილვის საყოველთაო-სახალხო კომისია 18 აგვისტომდე ორი შეხვედრის გამართვას გეგმავს.

      გახარიას კამპანია - გიორგი გახარია - ერთგულების ერთი ფიცი მაქვს დადებული და ეს ფიცი ჩემი ქვეყანა, ჩემი ხალხი, ჩემი სახელმწიფოა და სხვა არავინ. არავის გეგონოთ, რომ რიგგარეშე არჩევნები არ იქნება - არჩევნები კიდევ უფრო სწრაფად იქნება. ჩვენც „ოცნებიდან“ მოვდივართ - მათ რაც უნდა იკადრონ, ჩვენ არ უნდა ვიკადროთ, რომ წარსული ვლანძღოთ და ვაძაგოთ.

      საქართველოდან განხორციელებული ატმისა და ვაშლატამას ექსპორტის ღირებულება 23.4 მლნ დოლარს შეადგენს.

      პრემიერის ამბები - ირაკლი ღარიბაშვილი - წარმატებული ვიზიტი და შეხვედრა მქონდა ერდოღანთან, რომლის ინიციატივით, ორმხრივი უმაღლესი დონის სტრატეგიული საბჭოს შეხვედრა წლის ბოლოს გაიმართება. ჩვენი მედიაციით აზერბაიჯანელებთან და სომხებთან ერთად მივაღწიეთ შეთანხმებას, რომლითაც შესაძლებელი გახდა სომეხი სამხედროების გათავისუფლება.

      საგარეო პოლიტიკა - ირაკლი ღარიბაშვილი - ბოლო 8 წლის განმავლობაში, წარმატებული საგარეო პოლიტიკის ფარგლებში, ჩვენ მართლაც შთამბეჭდავი შედეგები გვქონდა. 10 წლის პერსპექტივაში ჩვენი მთავარი ამოცანა ქვეყნის დეოკუპაციის მიღწევა უნდა იყოს. დავით ზალკალიანი - 2030 წლისთვის ქვეყნის დეოკუპაციის პროცესი დაწყებული და მისი მიმდინარეობა შეუქცევადი უნდა იყოს. აშშ-საქართველოს შორის არსებული მტკიცე სტრატეგიული პარტნიორობის საფუძველზე შეიქმნება ყოვლისმომცველი ჩამოყალიბებული ალიანსი. პრემიერ-მინისტრის დავალებით და ხელმძღვანელობით ჩამოყალიბდა კომისია, რომლის მთავარი მიზანი იქნება დეოკუპაციის სტრატეგიის შემუშავება. საქართველოს მიზანი ევროპის ქვეყნებთან არსებული მაღალი დონის ორმხრივი ურთიერთობების ფორმატების სტრატეგიულ დონეზე აყვანაა. ათი წლის შედეგად საქართველოს, როგორც რეგიონის ლიდერი სახელმწიფოს როლი გამყარდება. სრულიად მიუღებელი და წარმოუდგენელია, რომ 21-ე საუკუნეში საოკუპაციო ძალა ბერლინის კედლებს გვიშენებს საქართველოს შუაგულში. ათი წლისთავზე ჩვენი მიზანია საქართველოს ნატო-ში საბოლოო გაწევრიანების უზრუნველყოფა. მომდევნო წლების მიზანია 2024 წელს ევროკავშირში წევრობაზე განაცხადის შეტანა, 2030 წლამდე კი, წევრობის კანდიდატის სტატუსის მოპოვება. ვინც მიიჩნევს, რომ ჩვენი მომავალი საერთო ევროპულ ოჯახში, ნატო-შია, ამ მიზნის მიღწევაში უნდა გავერთიანდეთ - დაპირისპირების დრო არ არის. კელი დეგნანი - რუსეთმა აუცილებლად უნდა გაიყვანოს საქართველოდან სამხედრო ძალები.

      მერის დაფასება - ირაკლი ღარიბაშვილი - 2022 წლის იანვრიდან საჯარო მოსამსახურეების ხელფასების ზრდას ეტაპობრივად დავიწყებთ, მერების ხელფასები პრაქტიკულად გაორმაგდება. ნიკოლოზ სამხარაძე - უბრალოდ წარმოუდგენელია, ქალაქის მერს მოსთხოვო მუშაობა მაშინ, როდესაც მისი ხელფასი 2000 ლარია. გიორგი ნონიაშვილი - საჯარო მოხელეებისთვის დაანონსებული ხელფასების ზრდა წინასაარჩევნოდ ხელისუფლების სასარგებლოდ ადმინისტრაციული რესურსის შემოკრებას ნიშნავს.

      უგვანი - ანატოლი ბიბილოვი და ასლან ბჟანია ახალგორში, ქსნის ერისთავების სასახლეში იმყოფებოდნენ.

საზღვარგარეთულები:

      #კოვიდმსოფლიო - სომხეთში კორონავირუსის 140 ახალი შემთხვევა დაფიქსირდა, 3 ადამიანი დაიღუპა. რუსეთში კორონავირუსის 22 160 ახალი შემთხვევა გამოვლინდა, დაიღუპა 769 ადამიანი. აზერბაიჯანში კორონავირუსის 1 101 ახალი შემთხვევა გამოვლინდა და 9 ადამიანი გარდაიცვალა.

      აზერბაიჯანის თავდაცვის უწყება - სომხეთის შეიარაღებული ძალების ქვედანაყოფებმა აზერბაიჯანის არმიის პოზიციებს ცეცხლი გაუხსნეს.

      რუსეთი კურილის კუნძულებზე სამხედრო ინფრასტრუქტურის მშენებლობის პროგრამას აფართოებს.

      ცეცხლის სეზონი - კალიფორნიაში ტყის ხანძრის მხოლოდ 21%-ია ლიკვიდირებული. თურქეთის ხელისუფლება - ქვეყანაში ორი ხანძრის გარდა ყველა ლოკალიზებულია.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 112

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ჩხუბი ამერიკის ტერიტორიაზე და ელჩობისგან გადადგომა

გამოაქვეყნა Giorgi_მ.
თარიღი: ივლისი 1, 2022.
საათი: 11:00pm 0 კომენტარი

      ეს ორი დღე ისევ აცივდებაო, წვიმებიც იქნება, სეტყვა-ქარბორბალაც, ჭექაც და ქუხილიც. მოკლედ, ზაფხული დაიწყო და ცხელი ივლისიც, „ამერიკაში“ ქართველების ჩხუბით გაიხსნა - გუშინ იჩხუბეს, დღეს განიხილეს. პარლამენტარი და ტელევიზიის დამფუძნებელი პირდაპირ საელჩოში დაეტაკნენ ერთმანეთს - კადრები ჯერ არ გასაჯაროვებულა. ცხადია, მთელი დღე ამ თემას დაეთმო. ასევე საფრანგეთის ელჩის განცხადებას წასვლაზე და ევროპული აგიტაციის დახვედრას რეგიონებში. ლარის ამბავი - 1…

გაგრძელება

ჩრდილოელები ნატოში და ჩვენ კვლავ ჭიშკართან

გამოაქვეყნა Giorgi_მ.
თარიღი: ივნისი 29, 2022.
საათი: 11:00pm 0 კომენტარი

      ნატომ მოსაწვევები დააგზავნა, მაგრამ არც კი უფიქრია ჩვენთვის გამოეგზავნა - შვედეთი და ფინეთი არიან მიწვეულები ჩახო-ში გასაწევრიანებლა. ნატოს სამიტზე ჩვენი პრემიერიც იმყოფებოდა და დღის ამბებში ეგეც აქტუალური იყო. ცხადია ოცნება ხმაურიანად დატოვო და მეორე დღეს მეინსტრიმი არ მიიღო, არ გამოდის - ასე მოხდა სამ დეპუტატსაც. დღეს ასევე აქტუალური იყო უკრაინაში ომი და მესა პეტრეს ტაძარში. ლარის ამბავი - 1 დოლარის ღირებულება - 2.9289 ლარია.…

გაგრძელება

ისტორიები ბენგალის მასწავლებელთან

გამოაქვეყნა Mosely_მ.
თარიღი: ივნისი 29, 2022.
საათი: 12:30pm 0 კომენტარი

C. J. Uzomah went toward Twitter toward chat in excess of the Cincinnati Bengals' Director of Rehabilitation and Efficiency, Nick Cosgray. "My gentleman acquired me again towards my Achilles problems in the direction of include the least difficult period of my occupation Isaiah Prince Jersey. "Uzomah was sidelined for 14 online games previous period with an Achilles harm, and disregarded highest of the year. Yet he arrived back again inside of 2021 towards background vocation highs within…

გაგრძელება

ცინცინატის მოგზაური

გამოაქვეყნა Mosely_მ.
თარიღი: ივნისი 29, 2022.
საათი: 12:00pm 0 კომენტარი

The 2022 NFL offseason is made up of now been the craziest a single in just existing memory, quite possibly at any time. This offseason is made up of been total of the equilibrium of electrical power transforming, trades and currently unheard of monster contracts. Several franchises comprise devoted towards heading all-inside of, and the unforgiving pendulums of standards are within comprehensive swing. There seems to be towards contain been a recognizable transfer within just staff…

გაგრძელება

Qwelly World

free counters