რაც დრო გადის, პიკის პიკი უფრო ახლოვდება და უფრო აქტუალური ხდება ვაქცინაცია. ვაქსერები და ანტივაქსერები ახლა უკვე სტატუსია და შესაძლოა მალე პირადობის მოწმობებშიც ჩაწერონ. მძიმე კოვიდ ვითარების პარალელურად, არ წყდება აქტიური კამპანია და მალე ნებაყოფლობით ძალდატანების კამპანიაც დაიწყება ვაქცინაციის წარმატებისთვის. დღეს აქტუალური იყო მუზეუმის დაცვა, ეკონომიკა ვენეციის კომისია. ასევე ბაიდენი და რუსეთი. ვალუტის კურსი - 1 აშშ დოლარი - 3.0927 ლარია.

საქართველოს და მსოფლიოს ამბები | 5 აგვისტო, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 3 670 ახალი შემთხვევა გამოვლინდა, გარდაიცვალა კიდევ 38 ადამიანი. შსს - უწყების სხვადასხვა დანაყოფის თანამშრომლების COVID-19-ის საწინააღმდეგო მასობრივი ვაქცინაციის პროცესი რეგიონებში აქტიურად მიმდინარეობს. გაერთიანებულმა სამეფომ კორონავირუსის გავრცელების გამო, საქართველო ე.წ. „წითელ ზონაში“ შეიყვანა. თამარ გაბუნიას განცხადებით, ჰოსპიტალურ სექტორში 6886 საწოლია მობილიზებული, სადაც 6219 პაციენტი იმყოფება, რეანიმაციულ განყოფილებაშია 269 ადამიანი. ჯანდაცვის სამინისტრო ალტერნატიულ გეგმაზე მუშაობს, თუმცა საუბარი არ არის, რომ სადღაც საველე სივრცეში კარვები გაიშალოს. იმედი გვაქვს, რომ საგანმანათლებლო სისტემის თანამშრომლები აქტიურად ჩაერთვებიან ვაქცინაციის პროგრამაში. ახლა პიკის ფაზაში ვართ, დაახლოებით, 10 აგვისტოდან მოსალოდნელია, რომ შემთხვევების რაოდენობამ დაიკლოს. ინფიცირებულთა ზრდას ტურიზმს ვერ დავაბრალებთ - მთავარი „ბუსტერი“ არის ქორწილი, დიდი თავშეყრა. დამატებითი შეზღუდვების ქაღალდზე დატანა ეპიდემიოლოგიურ სცენარს არ შეცვლის - შეზუდვის დაწესება ფორმალური ხასიათის იქნება, თუ არ მოხდა მისი აღსრულება. ვირუსის ყველაზე მაღალი გავრცელება ექიმების ჯგუფში იყო და ამან შეაფერხა მათი ვაქცინაცია, რადგან თავიდან ინფექციის გადატანიდან ვაქცინაციამდე ინტერვალი 120 დღე იყო. ამირან გამყრელიძე - ფესტივალების გაუქმება ნამდვილად იყო ჩვენს რეკომენდაციებში, კიდევ ბევრი რეკომენდაცია გვქონდა, მაგრამ ამას ღია ეთერში ვერ გეტყვით. დღევანდელი მონაცემებით, სამედიცინო პერსონალის 46% არის ერთი დოზით აცრილი. გამოვალთ ინიციატივით, რომ დაწესებულებებს, სადაც თანამშრომელთა 70-80 % სრულად ვაქცინირებულია, კორონავირუსისგან უსაფრთხო დაწესებულების სტატუსი მიენიჭოს. პიკური პერიოდი შესაძლოა 15-20 აგვისტომდე გაგრძელდეს. მკაცრად დავიცვათ ის რეკომენდაციები, რაზეც ხშირად ვსაუბრობთ, მაინც და მაინც ქაღალდზე დაწერილი და ბეჭედდარტყმული უნდა იყოს? პაატა იმნაძე - თბილისსა და ბათუმში ინფიცირების თითქმის 100% „დელტა შტამია“ - აცრა, სასწრაფოდ აცრა ყველას! ჩემი პირადი რეკომენდაციაა, რომ აცრილებისთვის შეზღუდვები არ იყოს, აუცრელებისთვის - იყოს. ირაკლი ღარიბაშვილი - იმ ფონზე, როცა ქვეყანამ შემოიტანა 2 მლნ დოზაზე მეტი ვაქცინა, აბსოლუტურად გაუმართლებელია ქვეყნის ხელახლა ჩაკეტვა. უწყებათაშორისი საკოორდინაციო საბჭო მოქალაქეებს მოუწოდებს, დაიცვან რეგულაციები, ატარონ პირბადე და არ გამართონ აკრძალული ხალხმრავალი ღონისძიებები. ბიძინა კულუმბეგოვი - ვაქცინაციის შემდეგ 3-4 ანაფილაქსიური ტიპის რეაქციაა გამოვლენილი, დანარჩენი რეაქციები შიშთან, სტრესთან ასოცირდება. მოიმატა იმუნიზაციის ცენტრებიდან უსაფუძვლოდ გამობრუნებული ადამიანების რაოდენობამ - გამოსავალია, წერილობით მიეცეს ექიმის განმარტება, რა მიზეზით გახდა აუცილებელი აცრის გადადება. ძალიან საშიშია ჰუმანიტარული კატასტროფა არ მოხდეს და სახლში არ დაგვეღუპონ ადამიანები. კვლევებით დასტურდება, რომ ვაქცინაცია არც დაორსულებაზე და არც მამაკაცების განაყოფიერების ფუნქციებზე უარყოფით გავლენას არ ახდენს. აჭარაში 102 წლის ქალი covid-19 -ის საწინააღმდეგო ვაქცინით აიცრა. ნიდერლანდების გადაწყვეტილებით, საქართველოს 8 აგვისტოდან „ძალიან მაღალი რისკის ქვეყნის“ სტატუსი მიენიჭება.

      ქვეყნის ფულები - ირაკლი ღარიბაშვილი - 6 თვის განმავლობაში 12,8%-იანი ეკონომიკური ზრდა გვაქვს, რამაც საშუალება მოგვცა 1,2 მლრდ ლარით გაგვეზარდა ბიუჯეტი, წელსვე დაიწყება საგარეო ვალის შემცირების პროცესიც. ლაშა ხუციშვილი - ეკონომიკური რეფორმები მაღალი ეკონომიკური ზრდის მთავარი ინსტრუმენტია. გამარტივდება და გაუქმდება მთელი რიგი ტრანზაქციები კომპანიასა და შემოსავლების სამსახურს შორის. საჯარო ფინანსების მართვის მიმართულებით დაგეგმილი რეფორმები გაგრძელდება. გაუქმდება არაეფექტური შეღავათები და გამოთავისუფლებული რესურსი უფრო მაღალი ეფექტების მქონე პროგრამების დაფინანსებაზე მიემართება. ფინანსთა მინისტრი - წელს სრულად იქნება კომპენსირებული ეკონომიკური ვარდნა, რომელიც ქვეყანამ პანდემიის პირველ წელს მიიღო.

      ვენეციის კომისია - მიხეილ სარჯველაძე ევროკომისიის ანგარიშზე - ვენეციის კომისიის რეკომენდაციები სრულფასოვნად არის შესრულებული. საგარეო უწყება - საქართველო უვიზო რეჟიმის მოთხოვნებს კვლავ აკმაყოფილებს და ევროკომისიის წინა წლის რეკომენდაციების შესრულების კუთხითაც პროგრესს განიცდის. ლაშა დამენია - „ოცნების“ პირობებში ვიზალიბერალიზაციასთან დაკავშირებული რეფორმები ვერ განხორციელდება. კახა კუჭავა ევროკომისიის ანგარიშზე - რეალობაა ის, რომ მიშელის დოკუმენტში აღნიშნული მოთხოვნები მოსამართლეების დანიშვნამდე უკვე ასახულია საკანონმდებლო სივრცეში. გიგა ბოკერია - ივანიშვილის რეჟიმი თავისი მოქმედებებით საფრთხეს უქმნის საქართველოს ყველა მიღწევას.

      სკოლები - საქართველოს საჯარო სკოლებში 34 129 - უფროსი, 8 400 - წამყვანი და 308 მენტორის სტატუსის მქონე მასწავლებელია. სკოლებში, სადაც მოსწავლეთა რაოდენობა 1000-ს აღემატება, 15 სექტემბრამდე სამედიცინო კაბინეტები უნდა მოეწყოს.

      პუტინიზაცია - მიხეილ სარჯველაძე პუტინის მიერ ცხინვალის რეჟიმთან შეთანხმების დამტკიცებაზე - რუსეთის მხრიდან დესტრუქციული გადაწყვეტილებები მოსალოდნელია, მაგრამ არ მგონია, ამას დიდი პერსპექტივა ჰქონდეს.

      მუზეუმის დაცვა - არასამთავრობო ორგანიზაციებმა ხელოვნების მუზეუმთან „ცოცხალი ჯაჭვი“ გააკეთეს და განაცხადეს, რომ მზად არიან შენობა „ფიზიკურადაც დაიცვან”.

      2018 წლიდან 2021 წლის 1-ელი ივლისის ჩათვლით, საზოგადოებრივი წესრიგის დამცველის მიმართ წინააღმდეგობის, ასევე პოლიციელზე თავდასხმის ბრალდებით სისხლის სამართლებრივი დევნა 779 პირის მიმართ დაიწყო

      „საერთაშორისო გამჭვირვალობა“ – „საქართველოს რკინიგზამ“ უნდა წარმოადგინოს არგუმენტები, თუ რატომ გახდა აუცილებელი რელსების მხოლოდ საბაჟო კავშირში შემავალი ქვეყნებიდან შესყიდვა

      გათავისუფლება - 15 წლის ლუკა სირაძის გარდაცვალების საქმეზე მსჯავრდებული გამომძიებელი მარიანა ჩოლოიანი საპატიმროდან გაათავისუფლეს. ლუკა სირაძის ძმა - მარიანა ჩოლოიანის გათავისუფლება მისი მფარველების მეშვეობით მოხდებოდა - ციხეში კარგი ყოფაქცევისთვის გარეთ სხვებს არ უშვებენ. ნიკა სიმონიშვილი მარიანა ჩოლოიანის გათავისუფლებაზე - აღშფოთებული და გაბრაზებული ვართ - ეს არის წაქეზება დანაშაულისა, რომელიც შეიძლება სამართალდამცავებმა ჩაიდინონ და დაუსჯელი დარჩნენ. ადვოკატი - მარიანა ჩოლოიანის საპატიმროდან გათავისუფლებას საფუძვლად დაედო როგორც მისი ჯანმრთელობის მძიმე მდგომარეობა, ასევე ყოფაქცევა.

      ბაიდენი ჩვენს როლზე - ჯო ბაიდენი - ვიმედოვნებთ, საქართველოს მხარდაჭერით სომეხი სამხედრო ტყვეების გათავისუფლების მიმართულებით პროგრესი მნიშვნელოვანი საფუძველი იქნება რეგიონული თანამშრომლობისთვის. დავით ზალკალიანი ბაიდენის განცხადებაზე - ეს არის აშშ-ის პრეზიდენტის მხრიდან საქართველოს მნიშვნელოვანი როლის და იმ საშუამავლო პროცესის აღიარება, რომელიც უშუალოდ პრემიერ-მინისტრის ჩართულობით განხორციელდა.

      რუსული მზაობა - რუსეთის საგარეო უწყება - მზად ვართ აღვადგინოთ ურთიერთობები, რამდენადაც ამისთვის მზად არის ქართული მხარე - რუსეთს არასდროს დაუსვამს ტოლობის ნიშანი სააკაშვილის დანაშაულებრივ რეჟიმსა და ქართველ ხალხს შორის. ირაკლი კობახიძე რუსეთის საგარეო უწყების განცხადებაზე - გამომდინარე იქიდან, რომ წითელი ხაზები არსებობს, დიპლომატიურ ურთიერთობებზე საუბარი ვერ იქნება.

საზღვარგარეთულები:

      #კოვიდმსოფლიო - სომხეთში კორონავირუსით ინფიცირების 329 ახალი შემთხვევა გამოვლინდა და 7 ადამიანი გარდაიცვალა. მსოფლიოში კორონავირუსით ინფიცირებულთა რაოდენობამ 201 მილიონს გადააჭარბა, კოვიდ 19-ს დღემდე 4.2 მილიონზე მეტი ადამიანი ემსხვერპლა. აზერბაიჯანში კორონავირუსის 1 196 ახალი შემთხვევა გამოვლინდა და 4 ადამიანი გარდაიცვალა. ინგლისში საფრანგეთიდან დაბრუნებული სრულად ვაქცინირებული მგზავრებისთვის კარანტინის გავლა სავალდებულო აღარ იქნება. იაპონია კორონავირუსის გავრცელებით გამოწვეული საგანგებო მდგომარეობის გამო 8 პრეფექტურაში შეზღუდვების დაწესებას გეგმავს. რუსეთში კორონავირუსის 23 120 ახალი შემთხვევა დაფიქსირდა და 794 ადამიანი გარდაიცვალა. საფრანგეთი და გერმანია, ჯანმო-ს მოწოდების მიუხედავად, მოქალაქეების დამატებითი დოზით აცრას გეგმავენ. Bloomberg - ევროკავშირში სრულად ვაქცინირებულია მოსახლეობის 50%.

      ვლადიმერ ზელენსკი - უკრაინელებმა, რომლებიც თავს რუსებად გრძნობენ, დონბასი უნდა დატოვონ, წავიდნენ და ეძებონ ადგილი რუსეთში.

      ანგელა მერკელი - გერმანია მთიანი ყარაბაღის კონფლიქტის მშვიდობიანი გზით მოგვარების მცდელობის მხარდაჭერას განაგრძობს.

      ისრაელმა ლიბანის ტერიტორიაზე ავიაიერიში განახორციელა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 129

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters