კათოლიკური ეკლესიის იერარქი კრეტაზე გასამართ კრებაზე

      კათოლიკური ეკლესიის დამოკიდებულება და შეხედულება მართმადიდებლური კრების შესახებ,რომელიც ფარდას ახდის სინამდვილეში კრების მიზნებსა და გაზრახვებს.

      რომის პაპი ფრანცისი მიიჩნევს, რომ მართლმადიდებელთა მსოფლიო შეკრება მნიშვნელოვანი მოვლენაა ყველა ქრისტიანი მორწმუნისათვის.

      ფრანცისი მართლმადიდებელთა კრებაზე კრეტაში კათოლიკური ეკლესიის მაღალი იერარქიის წარმომადგენლებს გააგზავნის დამკვირვებლებად და ეს იქნება მართლმადიდებელი ეკლესიისადმი მხარდაჭერის გამოხატულება.

      პაპ ფრანცისს დამკვირვებელთა გაგზავნა ამ კრებაზე თავად კონსტანტინოპოლის პატრიარქმა - ბართლომემ სთხოვა და პაპმაც 2 კანდიდატურა შეარჩია: "ქრისტიანთა გაერთიანების ხელშემწყობი საბჭოს" პრეზიდენტი, კარდინალი კურტ კოხი და ამავე საბჭოს მდივანი - ეპისკოპოსი ბრაიან ფარელი.

      ვატიკანის საუკეთესო ეკუმენისტი ოფიცრების გაგზავნით დემონსტრირდება პაპის გადაწყვეტილება, რომ ეს უაღრესად მნიშვნელოვანია ჩვენთვის, ჩვენი ურთიერთობისათვის მართლმადიდებელ ეკლესიასთან და გარდა ამისა, მსოფლიოს ყველა ქრისტიანი მორწმუნისათვის, რომლებიც სულ უფრო და უფრო დაბნეულნი არიან რელიგიის როლთან დაკავშირებით - განაცხადა ეპისკოპოსმა ფარელმა.

      14 ავტოკეფალური ეკლესიის 24 ეპისკოპოსისგან შემდგარმა საბჭომ უნდა დაამტკიცოს 6 დოკუმენტი:

  1. მართლმადიდებელი ეკლესიის მისია თანამედროვე სამყაროში;
  2. მართლმადიდებელი დიასპორა;
  3. ავტონომია და მისი გამოცხადების წესი;
  4. ქორწინების საიდუმლო და მისი დამაბრკოლებელი მიზეზები;
  5. მარხვის მნიშვნელობა და მისი შენახვა დღეს;
  6. მართლმადიდებელი ეკლესიის დამოკიდებულება დანარჩენი ქრისტიანული სამყაროსადმი.

      კრების შესახებ მსჯელობა 100 წლის წინ დაიწყო და 1960 წლიდან იგეგმებოდა მისი ორგანიზება, მაგრამ ახლა, როცა მისი ჩატარების დრო მოახლოვდა, არის საშიშროება, რომ ყველა 14 ეკლესია არ გაგზავნის კრებაზე თავიანთ დელეგაციებს.

      1 ივნისს ბულგარეთის მართლმადიდებელმა ეკლესიამ მოითხოვა კრების გადადება იმ დრომდე, ვიდრე შეტანილი არ იქნება ცვლილებები იმ პუნქტებში, რომლებიც კრიტიკის საგანი გახდა. ბულგარეთის ეკლესია აპროტესტებს აგრეთვე უცხო დამკვირვებელთა მოწვევას კრებაზე და აცხადებენ რომ ისინი არ მიიღებენ მონაწილეობას, თუკი კრება ისე არ ჩატარდება, როგორც დაგეგმილი იყო.

      მას შემდეგ, რაც ასეთივე პოზიცია დააფიქსირა ანტიოქიის ეკლესიამაც, რუსეთის ეკლესიის მეთაურმა მოითხოვა კრებისწინა შეხვედრა არსებული პრობლემების გადასაჭრელად.

      თუმცა მსოფლიო პატრიარქმა განაცხადა რომ კრების ჩატარების ვადა არ შეიცვლება და მოუწოდა 14-ვე ეკლესიას, რომ მონაწილეობა მიიღონ კრებაში.

      კათოლიკური ეკლესია იმედოვნებს, რომ კრება შედგება - ამბობს ფარელი.

      "ყველა პროცესი, რომელიც აძლიერებს ქრისტიანთა ერთიანობას, შეესაბამება სახარებას და პროცესები, რომლებსაც არ მოაქვს ერთიანობა, უარყოფს იესოს ლოცვას საიდუმლო სერობაზე" რომ მისი მოწაფეები ყოფილიყვნენ ერთნი - განაცხადა ფარელმა. "ქრისტიანთათვის და განსაკუთრებით კათოლიკეებისთვის მეტად მნიშვნელოვანია, რომ მართლმადიდებელთა შეკრება იყოს ნიშანი მართლმადიდებელთა ერთობისა".

      ეპისკოპოსმა ფარელმა განაცხადა, რომ კრების გახსნა სულთმოფენობის დღესასწაულზე არის არა სიმბოლური დამთხვევა არამედ იმის სულიერი მტკიცება, რომ კრება წარიმართება სულიწმინდის მადლით.

      ყველა სხვა ეკლესიასთან და ქრისტიანულ საზოგადოებებთან კათოლიკურ ეკლესიას აქვს ოფიციალური ურთიერთობა, მხოლოდ მართლმადიდებელ ეკლესიასთან ურთიერთობა არის უნიკალური. კათოლიკური ეკლესია მას "და ეკლესიად" მიიჩნევს., რომელმაც შემოინახა მოციქულებრივი მემკვიდრეობა - ეპისკოპოსობა, ჭეშმარიტი მღვდლობა და საიდუმლოებები. თუმცა ზოგიერთი მართლმადიდებელი ეკლესია და ცალკეული სექტორები ეკლესიების შეგნით არ მიიჩნევენ კათოლიკურ ეკლესიას "და ეკლესიად"; კრების დოკუმენტი - მართლმადიდებელი ეკლესიის დამოკიდებულება დანარჩენი ქრისტიანული სამყაროსადმი - პირდაპირ ვერ გადაჭრის პრობლემას, მაგრამ ამტკიცებს, რომ ეკუმენისტური დიალოგი "აუცილებელი პირობაა".

      "კათოლიკური თვალსაზრისით" - ამბობს ფარელი - "მართლმადიდებლობა ეკლესიის აღმოსავლური ნაწილია და როგორც პაპი იოანე პავლე არაერთხელ ამბობდა, ჩვენ ვნატრობთ დღეს, როცა ეკლესია ორივე ფილტვით ისუნთქებს" - აღმოსავლეთით და დასავლეთით.

      "კრება შეიძლება იქცეს სწორი მიმართულებით გადადგმულ დიდ ნაბიჯად" - განაცხადა ფარელმა.

      "გვინდა, რომ ჩვენი დასწრება ამ შეკრებაზე იყოს ჩვენი მხარდაჭერა მართლმადიდებელი ეკლესიის ერთიანობისადმი, მათი მცდელობისადმი, რომ რეაგირება მოახდინონ ცხოვრების გამოწვევებზე თანამედროვე საზოგადოებაში და გააკეთონ ეს, როგორც ერთმა სხეულმა და არა როგორც დამოუკიდებელ ეკლესიებად დანაწევრებულებმა" - აღნიშნა ფარელმა.

უწმინდესისა და უნეტარესის, სრულიად საქართველოს კათოლიკოს პატრიარქის, ილია II კრების შესახებ

სახელითა მამისათა და ძისათა და სულისა წმინდისათა.
ჩვენთან არს ღმერთი.

      უფალი ჩვენი იესო ქრისტე გვეუბნება: "მე ვარ გზა, ჭეშმარიტება და სიცოცხლე" (იოანე 14,6).

      ბედნიერია ის ადამიანი და ის ერი, რომელიც დაადგება უფლის გზას.

      ჩვენ ვცხოვრობთ ძალიან ცუდ დროს, როცა ჩვენი ყოველდღიური ცხოვრება წარმოშობს სხვადასხვა პრობლემებს და ადამიანი უნდა იყოს ფრთხილი, რომ არ ჩავარდეს უფსკრულში, არ გააკეთოს ისეთი საქმე, რომლის გამოსწორებაც შემდეგ ძნელი იქნება.

      დღეს არის ჩვენი პირველი ქრისტიანი მეფე – დედოფლის, წმინდა მირიანისა და ნანას ხსენება. მათი ლოცვით ღმერთმა ინებოს, რომ მტკიცედ ვიდგეთ ჭეშმარიტების გზაზე, მტკიცედ ვიდგეთ მართლმადიდებელ სარწმუნოებაში.

      თქვენ იცით, რომ 17 ივნისიდან იწყება კრება საბერძნეთში. ჩვენ ვერ მივიღებთ, რადგან ზოგიერთი საკითხი რთული და ჩვენთვის მიუღებელია. ამავე დროს ჩვენ ყველაფერი უნდა გავაკეთოთ იმისათვის, რომ დავიცვათ მართლმადიდებელი ეკლესიების ერთობა, დავიცვათ ერთსულოვნება, მაგრამ ერთსულოვნება უნდა იყოს ჭეშმარიტების გზაზე, უფლის გზაზე.

      ღმერთი მოწყალეა და დაგვეხმარება, რომ დავიცვათ ის მცნებები, ის მადლი, რომელიც უფალმა ჩვენმა იესო ქრისტემ გადმოგვცა…

      თბილისში დატირალებული სტიქიური უბედურების წლისთავთან დაკავშირებით, სამშაბათს გარდაცვლილთა სულების საოხად აღევლინება პანაშვიდი.

      დალოცვილი და გახარებული გამყოფოთ მამა ზეციერმა.
      ჩვენთან არს ღმერთი!

სამების საკათედრო ტაძარი
12 ივნისი 2016 წელი

ნახვა: 230

ტეგები: Qwelly, ბლოგი, დიდი_კრება, ილიაII, კრეტა, მართლმადიდებლების_კრება, მსოფლიო_კრება, პატრიარქი, ქველი, წმინდა_კრება

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დასკვნები ცუდ განვითარებაზე და მოწყალება შეწყალების გარეშე

გამოაქვეყნა Giorgi_მ.
თარიღი: სექტემბერი 17, 2019.
საათი: 11:04pm 0 კომენტარი

      ისევ აცივდა, ისევ გაწვიმდა და ვინ იცის როდემდე გაგრძელდება. როგორც იტყობინებიან, საქართველოში რამდენიმე დღის განმავლობაში არამდგრადი ამინდია მოსალოდნელი. დღეს კი, ვიდრე წვიმა შეგვაწუხებდა, დღის…

გაგრძელება

ადამი და ყვავილების გვირგვინი

გამოაქვეყნა nunu qadagidze_მ.
თარიღი: სექტემბერი 17, 2019.
საათი: 10:30pm 0 კომენტარი

გაცოცხლებული ქარაგმა (გაგრძელება)

      არა, არ შეუძლია სხვანაირად. არაფერს შეგარჩენს, აუცილებლად წასართმევად გამოგენთება, თუნდაც არაფრად…

გაგრძელება

სწავლის დასაწყისი და განათლების ეროვნულობა, პატრიოტიზმი „ანტირუსული“ ძახილით

გამოაქვეყნა Giorgi_მ.
თარიღი: სექტემბერი 16, 2019.
საათი: 11:30pm 0 კომენტარი

      სექტემბერის მთელი ხიბლი სწორედ დღევანდელ დღეს გადმოიღვარა - სწავლა დაიწყო და ათეთრებული, აბავშვებული, ამხიარულებული და გაოცებული ქალაქი მშვენიერი სანახავი იყო. დღის ამბავიც სწორედ, განათლების და…

გაგრძელება

ველური ბუნების ფოტოისტორია

გამოაქვეყნა Tamila Moshiashvili_მ.
თარიღი: სექტემბერი 15, 2019.
საათი: 11:32pm 2 კომენტარი

      უკვე 5 წელია, რაც ბუნების ისტორიის მუზეუმი, ლონდონში, ყოველწლიურად მართავს „წლის ველური ბუნების ფოტოგრაფიის“ კონკურსს. კონკურსისთვის, მთელი მსოფლიოდან იგზავნება ფოტოები - 100 ქვეყნის, 50 000…

გაგრძელება

Qwelly World

free counters