თბილი დეკემბერია. დღე ისეთი მზიანია რომ ზამთარსაც კი დაგავიწყებს. ასე გაგრძელდება 9 დეკემბრამდეო. პოლიტიკაშიც არაა მაინცდამაინც გაციებული ამბები - კოვიდზე ჯერ დაპირისპირებაა მმართველ-ხელმძღვანელებშიო, თან არ არის დაპირისპირებაო და ა.შ. მოკლედ, კოვიდი თავად არ წასულა, მაგრამ მართვაში გარღვევებია. დღის მთავარი თემა კალაძის მთავრობა იყო, რომელიც საკრებულოს წინაშე წარსდგა. მიშას კადრები კი ღირსების შემლახავად დასახელდა. დოლარის ღირებულება - 3.0909 ლარია.

საქართველოს და მსოფლიოს ამბები | 7 დეკემბერი, 2021

      #კოვიდსაქართველო - საქართველოში კორონავირუსით ინფიცირების 4509 ახალი შემთხვევა დაფიქსირდა, გარდაიცვალა კიდევ 59 პაციენტი. ბოლო 24 საათში კორონავირუსის საწინააღმდეგო ვაქცინით 12 194 ადამიანი აიცრა. გიორგი ღიბრაძე საკოორდინაციო საბჭოს სხდომაზე ეკატერინე ტიკარაძესა და ამირან გამყრელიძესთან დაპირისპირებას უარყოფს. ღამის კლუბების გახსნის საკითხზე ჯანდაცვის სამინისტრო აღნიშნულ სეგმენტთან ინტენსიურ რეჟიმში მუშაობს. უწყებათაშორისმა საკოორდინაციო საბჭომ "მწვანე პასპორტის" მუშაობის პროცესი და ვაქცინაციის მიმდინარეობა განიხილა. ჯანდაცვის სამინისტროში საკოორდინაციო საბჭოზე პრემიერ-მინისტრსა და ეკატერინე ტიკარაძეს შორის დაპირისპირების შესახებ გავრცელებულ ინფორმაციას უარყოფენ. საქართველოში ე.წ. ბუსტერ დოზის გაკეთების ვადა, 6-დან 5 თვემდე შემცირდა.

      დამტკიცებული მთავრობა ანუ კალაძე საკრებულოს წინაშე - სოფო ჯაფარიძე - კახა კალაძე გეგმავს თანამდებობაზე ის ადამიანები დაამტკიცოს, რომლებსაც 4 წელი არაფერი გაუკეთებიათ - დღევანდელ სხდომას დავესწრებით, რადგან ბატონ კალაძესთან ბევრი კითხვა გვაქვს. საბა ბუაძე - კახა კალაძის სახელზე არის ბევრი შეცდომა და დანაშაული, როგორც საარჩევნო, ისე საქმიანი. გიორგი ტყემალაძე - კახა კალაძის მიერ წარმოდგენილ გუნდს ზურგს უმაგრებს თბილისი მთავრობა, რომელსაც 4-წლიანი წარმატებული საქმიანობა აქვს. ირაკლი ხმალაძე ოპოზიციაზე - მათ კორუფციული სქემები ელანდებათ, უმრავლეს შემთხვევაში ცრუ ბრალდებები იყო. თუ მუნიციპალიტეტში კორუფციის შემთხვევა გვექნება, სათანადო რეაგირება მოჰყვება. მეტროსადგურ “გოცირიძის“ სარეაბილიტაციო სამუშაოები ივნის-ივლისის თვეში დასრულდება. კახა კალაძე - თბილისი არ არის ქალაქი, რომელშიც უბრალოდ - ცხოვრობ, მუშაობ და მდორედ მიუყვები ცხოვრებას. თბილისი უფრო სიცოცხლით სავსეა, ვიდრე ოთხი წლის წინ იყო. 2022 წლიდან დაგეგმილი გვაქვს ქალაქის მასშტაბით არსებული საბჭოთა დროინდელი ავარიული შენობები სრულად ჩანაცვლდეს. გვინდა, რომ სიმდიდრე, რომელიც თბილისს გააჩნია, იყოს სრულად მოწესრიგებული და ასე გადავცეთ ჩვენს მომავალ თაობას. 60 წელს გადაცილებული მოქალაქეები მუნიციპალიტეტის საკუთრებაში არსებული ინფრასტრუქტურით უფასოდ ისარგებლებენ. გეფიცებით, ჩემი მერობის პერიოდში არასდროს მიღებულა გადაწყვეტილება, რომ ადამიანები დახმარების თვალსაზრისით პოლიტიკური ნიშნით გაგვეყო, ეს იქნებოდა ყველაზე დიდი ბოროტება. ოპოზიციასთან თანამშრომლობა ცალ კარში თამაშს ჰგავს. კალაძე მეტრო "ვარკეთილზე" - 4 წლის განმავლობაში შეიძლება, ვიღაცამ წამომაძახოს, ერთი მეტროსადგური ვერ გაგიკეთებიაო, ვიღებ შენიშვნას და ეს პრობლემა მოგვარდება. კალაძე "ნაციონალური მოძრაობის" წევრებს - ცხოველების მიმართ თქვენი დამოკიდებულება, ძალიან მსიამოვნებს, მაგრამ ადამიანების მიმართ რომ გქონოდათ ეს დამოკიდებულება წლების განმავლობაში, თქვენთვის იქნებოდა უკეთესი. ლევან ხაბეიშვილი, საკრებულოს ნომერ პირველი ჯამბაზი, ირაკლი ნადირაძემ ჩაანაცვლა - მივცეთ იმის შესაძლებლობა, რომ გავერთოთ. საკუთარი ექიმების დანიშნული წამლების მიღება თუ ვინმეს წამება ჰგონია, ჰკითხეთ მეგის ქარდავას, ზედმიწევნით აგიხსნით და გაჩვენებთ, რა იყო წამება. ლილე ლიპარტელიანი გამოდის და გვეუბნება, ჩვენი პარტიის მხრიდან სიძულვილის ენა ძალიან უცხოა, არასდროს გაგვიკეთებია, არასდროს გვიკადრიაო - ქალბატონო ლილე, მეკაიფებით?​ კახა კალაძე საბა ბუაძეს - კორუმპირებულები და თაღლითები საკუთარი პარტიის ბოსებში მოიკითხეთ - რამდენ ტყუილსაც იტყვით, იმდენჯერ მოგხვდებათ სიმართლე ცხვირ-პირში. გოგა ონიანი კახა კალაძეს - როცა ე.წ.გირგვლიანის თემა, 7 ნოემბერი უკვე მომხდარი იყო, თქვენ ეწეოდით მის პიარს. როდის შეგეცვალათ მიხეილ სააკაშვილის მიმართ დამოკიდებულება? საბა ბუაძე საკრებულოში „ქართული ოცნების“ წევრებს - კალაძეს თქვენი დაცვა არ სჭირდება, დიდი ბიჭია უკვე, დაცვაში თამაშობდა. კახა კალაძე საბა ბუაძეს - იცოდე, შეურაცხყოფის მიყენებას არავინ გაგიტარებს, მიიღებ პასუხს, ძალიან მტკივნეულსაც. გიორგი ტყემალაძე თბილისის მთავრობის წევრობის კანდიდატებზე - ეს არის გუნდი, რომელმაც ოთხი წლის განმავლობაში წარმატებული პროექტები განახორციელა. ოპოზიციას - რა დღეში ხართ, არ გრცხვენიათ? - არ იქნება კითხვა, გაითიშება მიკროფონი, არ გექნებათ სურვილი გაგრძელების, კარგად ბრძანდებოდეთ ირაკლი ნადირაძე კალაძეს - წინა მერობის დროს 60 მლნ ლარი მოიპარეთ, ავტობუსების შემდეგი ტენდერიდან რამდენი მილიონის მოპარვას აპირებთ? კიდევ რამდენი მილიონი უნდა გაზიდოთ მილანში? თბილისის საკრებულოსთან აქტივისტებმა ბანერები მიიტანეს წარწერით: „კახი ნაგვამდის”, „რამდენი იშოვე კალაძე”, „კ-ახია შენზე”. ლილე ლიპარტელიანი კალაძეს - კარგი რა, ბატონო კახი, რა გჭირთ, ტო. საბოლოოდ თბილისის საკრებულომ დედაქალაქის მთავრობა დაამტკიცა.

      მიშას პარაგრაფი - სოზარ სუბარი - ყველა იმ ადამიანის ახლობლების საკონტაქტო ნომერს მივაწვდი სააკაშვილს, რომლებიც მისი ბრძანებით მოკლეს ქუჩაში, გააუპატიურეს ციხეში და აწამეს, მოუხადოს ყველას ბოდიში. სახელმწიფო ინსპექტორმა მიხეილ სააკაშვილის პერსონალური მონაცემების გასაჯაროების გამო იუსტიციის სამინისტროს და პენიტენციურ სამსახურს ადმინისტრაციული პასუხისმგებლობა დააკისრა. სახელმწიფო ინსპექტორის შეფასებით, გლდანის №18 პენიტენციურ დაწესებულებაში მიხეილ სააკაშვილის იძულებით შესახლების კადრების გასაჯაროება „ღირსების შემლახავია“. მიხეილ სააკაშვილი - საქართველოში არსებობს მინიმუმ 2 დამოუკიდებელი ინსტიტუტი - სახალხო დამცველის და სახელმწიფო ინსპექტორის სახით, ნიშანდობლივია, რომ ორივეს ქალი ხელმძღვანელობს. მიხეილ სააკაშვილი - ვწყვეტ ყველანაირ სამედიცინო მკურნალობას. დავით ჭიჭინაძის განცხადებით, ვინც ჯერ კიდევ თბილ კაბინეტებშია, თუ მართლა უნდათ ვადამდელი საპარლამენტო არჩევნები, დატოვონ პარლამენტი და ხალხს დაუდგნენ გვერდით.

      კონსტიტუციები - ნინო წილოსანი - საკონსტიტუციო ცვლილებები საბოლოო შედეგამდე იმ შემთხვევაში მივა, თუკი ოპოზიციურ პარტიებს კონსტრუქციულ რეჟიმში თანამშრომლობის სურვილი ექნებათ. ირაკლი კობახიძე საკონსტიტუციო ცვლილებებზე - მკაფიო წინაპირობაა, რომ ოპოზიციამ ნეგატიური დღის წესრიგი ჩაანაცვლოს პოზიტიურით, ნეგატიურ დღის წესრიგში რიგგარეშე არჩევნებთან დაკავშირებით მოთხოვნა იგულისხმება.

საზღვარგარეთულები:

      #კოვიდმსოფლიო - სომხეთში კორონავირუსის 240 ახალი შემთხვევა დადასტურდა და 27 ადამიანი გარდაიცვალა. რუსეთში კორონავირუსის 31 096 ახალი შემთხვევა გამოვლინდა და 1182 ადამიანი გარდაიცვალა.

      ბოიკოტები ბეიჯინგს - პეკინის ზამთრის ოლიმპიადას ახალი ზელანდიაც ბოიკოტს უცხადებს. ჩინეთის საელჩო - პეკინის ოლიმპიადის მიმართ აშშ-ის ბოიკოტი ყოყოჩური ქმედებაა და არავის აინტერესებს ეს ხალხი მოვა თუ არა. ჩინეთის საგარეო უწყება - შეერთებულ შტატებს პეკინის ოლიმპიადის მიმართ ბოიკოტისთვის ფასის გადახდა მოუწევს.