სანამ წვიმა თოვლი არ მოვაო. ჰოდა არ მოდის. სანაცვლოდ მინისტრი ტიკარაძე წავიდა და ეს საღამოს ნიუსი ხვალ უკვე ტრენდში იქნება - ტიკარაძე რა საოცრად წავიდა. ამას გარდა კვლავ მიშას ბლოკია აქტიური და ფულის გამთეთრებლების ანუ ხაზარაძე-ჯაფარიძე-წერეთლის საქმე. კალაძეც არ იყო ჩრდილში. დოლარის ღირებულება - 3.1140 ლარია.

საქართველოს და მსოფლიოს ამბები | 9 დეკემბერი, 2021

qwellynews, სიახლეები, ნიუსები, ამბები, დეკემბერი

      #კოვიდსაქართველო - საქართველოში კორონავირუსით ინფიცირების 3562 ახალი შემთხვევა დაფიქსირდა, გარდაიცვალა კიდევ 63 პაციენტი. ნათია თურნავა - ყოველდღიურ რეჟიმში ვაკვირდებით, რა გამოწვევები ახლავს „მწვანე პასპორტის“ შემოღების პროცესს და ბიზნესთან უკუკავშირი გვაქვს. ამირან გამყრელიძე - ქვეყანაში დაახლოებით 26 000-მდე „ბუსტერია“ გაკეთებული - ვინც ორჯერ არის აცრილი, მესამე აცრა საჭიროა.

      ტიკარაძე გადადგა - ეკატერინე ტიკარაძე ჯანდაცვის მინისტრის თანამდებობას ტოვებს. მიხეილ სააკაშვილი - ივანიშვილმა ჯანდაცვის მინისტრს არ აპატია ობიექტური სპეციალისტების მიერ დაკომპლექტებული კომისიის შექმნა - მინდა, ტიკარაძეს მადლობა გადავუხადო, რომ რთულ სიტუაციაში ადამიანობა შეინარჩუნა. დავით დარჩიაშვილი - ტიკარაძეს უთანხმოება ჰქონდა პრემიერთან - გადადგომა პრინციპულობის მატარებელი ნაბიჯია, მიუხედავად იმისა, რომ უცნაურ ფორმაშია შეფუთული: „პარტიაში ე.ი. ბიძინასთან ვრჩები, მაგრამ ღარიბაშვილთან აღარ“.

      რა ხდება სააკაშვილთან?! - გურამ მაჭარაშვილი - მიხეილ სააკაშვილი პოლიტიკური ტვირთი გახდა ოპოზიციისთვის, განსაკუთრებით, „ნაციონალური მოძრაობისთვის“. "ქართული ოცნება" პატიმრის ციხიდან გათავისუფლების არანაირ სამართლებრივ ბერკეტებს არ ფლობს! ანრი ოხანაშვილი - როგორც ჩანს, მიხეილ სააკაშვილს არაფერი აქვს სათქმელი სასამართლო სხდომაზე, რა უნდა თქვას - არაჟნებთან ერთად როგორ შემოიპარა?! მიხეილ სააკაშვილის წინასასამართლო პროცესი ყოფილი პრეზიდენტის გარეშე მიმდინარეობს. გიორგი გელხაური - დავაყენებთ შუამდგომლობას სააკაშვილის მიმართ სისხლის სამართლებრივი დევნის შეწყვეტასთან დაკავშირებით, ვინაიდან საქმე არის პოლიტიკურად მოტივირებული. ბექა ბასილაია - ნებისმიერი ადამიანი, რომელმაც სააკაშვილს დახმარება გაუწია, არის ნამდვილი გმირი და არა სისხლის სამართლის დამნაშავე. პროკურორი - მიხეილ სააკაშვილს საზღვრის უკანონოდ გადმოკვეთაში ძალოვანი სტრუქტურიდან წინა ხელისუფლების ყოფილი მაღალჩინოსანი ეხმარებოდა. ადვოკატები მიხეილ სააკაშვილის საქმეზე სახელმწიფო ინსპექტორის ანგარიშის მტკიცებულების სახით დართვას ითხოვენ. მიხეილ სააკაშვილის ბრალდების საქმეს, რომელიც სახელმწიფო საზღვრის უკანონო კვეთას ეხება, მტკიცებულებად სახელმწიფო ინსპექტორის დასკვნაც დაერთო. შალვა პაპუაშვილი მიხეილ სააკაშვილზე - ყველანაირ გზას ეძებს, პასუხისმგებლობისგან თავი დაიძვრინოს. მოსამართლემ მიხეილ სააკაშვილს სატელეფონო ზარებით სარგებლობის უფლება კვლავ არ მისცა. ლევან ვარშალომიძე - მე ჩამოვედი უკრაინიდან სააკაშვილის მოსანახულებლად - მას 30 წელზე მეტია ვიცნობ, ვიცი, როგორი იყო მისი ენერგია, მაგრამ დღეს სულ სხვა ადამიანია. მიხეილ სააკაშვილის ბრალდების საქმე, რომელიც სახელმწიფო საზღვრის უკანონო კვეთას ეხება, სასამართლოს არსებითად განსახილველად გადაეცა. პროკურორი - დაცვის მხარე რას დავობს, გაუგებარია, რადგან ბრალდებულ მიხეილ სააკაშვილს ოფიციალურად არ გადმოულახავს სახელწიფო საზღვარი და ის იმყოფება საქართველოში, რაც დანაშაულია. გიული ალასანია - ასეთი ჩემი შვილი არ მახსოვს, სულ მოძრაობაში იყო და რა გააჩერებდა, ახლა სულ ლოგინისკენ უჭირავს - გადაყვანა თუ იქნება, უნდა იყოს ნორმალურ კლინიკაში, რადგან სჭირდება რეაბილიტაცია.

      თბილისში დაგეგმილები - კახა კალაძე - დიდი პასუხისმგებლობაა, რომ თბილისის მოსახლეობამ მეორედ მომცა მანდატი და ნდობა, რათა ვემსახურო ამ ქალაქსა და აქ მცხოვრებ ადამიანებს. კახა კალაძე გამგებლებს ავალებს, კვირაში ორი დღე მოქალაქეების მიღებისთვის გამოყონ. დიდ დიღომში საფეხბურთო ცენტრის მიმდებარე ტერიტორიაზე რეკრეაციული სივრცე მოეწყობა. დედაქალაქის მთავარი ნაძვის ხე 10 დეკემბერს აინთება, 24 დეკემბერს კი „საახალწლო სოფელი“ გაიხსნება. იპოდრომთან მდებარე ჩოგბურთის კორტების ყოფილი ტერიტორია აუქციონზე გაიყიდა. კახა კალაძის განცხადებით, მიუსაფარი ცხოველების საკითხზე 2022 წლიდან საკანონმდებლო ბაზის მოსაწესრიგებლად მუშაობა დაიწყება. კახა კალაძე მედიას - მოდიხართ, იღებთ და არ აშუქებთ - თუ ასე გაგრძელდება, მოგვიწევს, გადავხედოთ ჩვენს ურთიერთობას და მივიღებთ კონკრეტულ ზომებს.

      კონგრესმენები - გრიგოლ გეგელია - მივესალმები კონგრესმენების, კინზინგერისა და კოტონის განცხადებებს აშშ-სა და საქართველოს შორის სამხედრო და ეკონომიკური კავშირების გაღრმავების აუცილებლობაზე. ნიკოლოზ სამხარაძე - საქართველოს აქვს აშშ-ს მძლავრი ორპარტიული მხარდაჭერა და ეს ნაბიჯები მომავალში ქმედით დახმარებად გადაიქცევა ნატო-ში ინტეგრაციის გზაზე.

      პრემიერის საქართველო - ირაკლი ღარიბაშვილი - კორუფციის წინააღმდეგ ბრძოლის დღეს საქართველო თვალსაჩინო მიღწევებით ხვდება, ხელისუფლების პროგრესულ პოლიტიკას არაერთი საერთაშორისო რეიტინგი ადასტურებს.

      ეროვნულის ინფლაცია - დავით ჭიჭინაძე - ეროვნული ბანკის პრეზიდენტი უპასუხისმგებლოა, როდესაც აცხადებს, რომ ინფლაცია თავისით შეწყდება.

      პედაგოგიკა ჩვენში - პედაგოგები, რომელთაც მასწავლებლის საგნობრივი კომპეტენციის დამადასტურებელ გამოცდაზე ზღვარი ვერ გადალახეს, პარლამენტთან აქციას მართავენ. შალვა პაპუაშვილი - სახელმწიფოს პასუხისმგებლობაა, რომ მოსწავლესთან კომპეტენციის მქონე პროფესიონალი შევიდეს. განათლებისა და მეცნიერების კომიტეტის სხდომაზე განათლების სფეროს სხვადასხვა საფეხურთან დაკავშირებით მომზადებულ კანონპროექტებზე იმსჯელეს. პრაქტიკოსი მასწავლებლების ნაწილს, რომელმაც კომპეტენცია ვერ აიმაღლა, სისტემაში დარჩენის შესაძლებლობა კვლავ ექნება.

საზღვარგარეთულები:

      #კოვიდმსოფლიო - დანიაში, კორონავირუსის გავრცელების შესაჩერებლად, დაწყებითი სკოლები, რესტორნები და ბარები იხურება. სომხეთში კორონავირუსის 300 ახალი შემთხვევა დადასტურდა და 19 ადამიანი გარდაიცვალა. რუსეთში კორონავირუსის 30 209 ახალი შემთხვევა გამოვლინდა და 1 181 ადამიანი გარდაიცვალა. ჯანდაცვის მინისტრი - გაერთიანებულ სამეფოში, თვის ბოლომდე, შესაძლოა „ომიკრონ“ შტამით ინფიცირების 1 მილიონამდე შემთხვევა გამოვლინდეს.

      რუსეთის გენშტაბის ხელმძღვანელი - დონბასში კიევის ნებისმიერ პროვოკაციას ჩავახშობთ.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 116

ტეგები: qwellynews, ამბები, ბლოგი, დეკემბერი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Ensure

გამოაქვეყნა Nfkjasfas_მ.
თარიღი: თებერვალი 2, 2023.
საათი: 12:00pm 0 კომენტარი

To ensure that players are not so reliant on health potions D2R Items, Wilson said that defeated monsters will now drop the globes that contain health. This method is also designed to keep players active which means there will be virtually no interruptions between battles.

Offering players the possibility to do more than charge and click was also an important element on the part of Diablo's Diablo team, according to Wilson. Aside from the berserker-like monster, Wilson explained that…

გაგრძელება

Camera Settings

გამოაქვეყნა dakunlee_მ.
თარიღი: თებერვალი 2, 2023.
საათი: 6:00am 0 კომენტარი

Rocket League's selection of Rocket League Credits  Camera Settings provide a complicated and deep degree of customization this is frequently just clearly no longer available in video games in recent times. What that does suggest, though, is which you possibly need to know what your exceptional bet is so you can grow to be a Rocket League god in no-time in any respect!

Now, there are many matters to look at while thinking about which Camera Settings you need to use in Rocket League.…

გაგრძელება

ახალი თავმჯდომარე კარგად „გვისო“

გამოაქვეყნა Giorgi_მ.
თარიღი: იანვარი 31, 2023.
საათი: 11:22pm 0 კომენტარი

      თებერვალი დადგება და თოვლი ძალას მოიკრეფსო, ამბობენ სინოპტიკოსები და მაღალ მთაში 2 თებერვლიდან დიდთოვლობა გველის. ეს იანვარიც ასე მიილია. თვის ბოლოს კვლავ ოპოზიციური პარტია იყო მეინსტრიმის წამმართველი - ნაციონალურ მოძრაობაში არჩევნები ჩატარდა და მასში ლევან ხაბეიშვილმა გაიმარჯვა. დღის ერთ-ერთი მთავარი ამბავი არჩევნების შეფასებები იყო, ცხადია სააკაშვილის თემაც არ კარგავს აქტუალობას და ასევე ეკონომიკური პროგნოზები, კორუფცია, ომი უკრაინაში და…

გაგრძელება

ხელნაკეთი სავარძელი

გამოაქვეყნა Tamila Moshiashvili_მ.
თარიღი: იანვარი 29, 2023.
საათი: 10:48pm 0 კომენტარი

      ახალღა დავაკვირდი, რომ ჩემი ბლოგის მკითხველებისთვის ჯერ 2023 წელიც არ მიმილოცია. გილოცავთ, სიკეთით და სიხარულით სავსე ყოფილიყოს ეს ახალი წელიწადი, ხვავით და ბარაქით დატვირთული.

      სიმდიდრე ნამდვილად არ აკლია ჩემს დღევანდელ პოსტს და საერთოდ, მგონია რომ ამ კულტურაში სიმდიდრე სულ სხვაგვარად ესმით. ეგვიპტეში უნდა ვიმოგზაუროთ, იქ სადაც ათასწლეულების წინაც კი სხვა განზომილებაში ხედავდნენ კულტურას, შემოქმედებას, სიმდიდრეს და ამის მშვენიერი…

გაგრძელება

Qwelly World

free counters