უგულავა ისევ დაკავებულია და პროპორციებით საკუთარი წილების დათმობა არავის უნდა

      ყინვიანი კვირა დაიწყო და ჯერ მხოლოდ შესავალიაო ამბობენ, რადგან დღეს და ხვალ ყინვა კიდევ უფრო მოიკრებს ძალებს, ხოლო 12_ში თოვლიც იგეგმება და ზღვაზე კი შტორმი. პოლიტიკური შტორმი კი დაკავებით დაიწყო - დღეს გიგი უგულავას ფონდის საქმეზე 3 წლიანი პატიმრობა მიუსაჯა და დააკავა კიდეც - უგულავა თავად გამოცხადდა შსს-ში. როგორც პოლიტიკოსის დაკავებისას ხდება ხოლმე, დღის მთავარი თემა სწორედ ეს ამბავი იყო. არჩევნები კარზეა მომდგარი და ჯერ კიდევ ვერ შეთანხმდნენ პროპორციებზე.

საქართველოს და მსოფლიოს ამბები / 10 თებერვალი, 2020

      ვის რამდენი კაცი უნდა პარლამენტში? - დიმიტრი ხუნდაძე - 100/50 -ზე შეთავაზება ის უკიდურესი კომპრომისია, რომლის იქითაც მმართველი გუნდი ოპოზიციას სახიფათო თამაშში აღარ უნდა შეჰყვეს - წინააღმდეგ შემთხვევაში, მაჟორიტარები და არა მხოლოდ ისინი, მუხრუჭს კიდევ ერთხელ გამოვიყენებთ. ოთარ კახიძე - კონფიგურაცია 130/20-ზე ან 135/15-ზე ოპოზიციაში განხილვის აქტიურ ფაზაშია. ნიკა მელია - 100/50 სისტემა კომიკურია და ღიმილისმომგვრელიც, ამაზე არავინ დათანხმდება. ფრაქცია „დამოუკიდებელი დეპუტატები" იმ სამი პირობას აყენებს, რა შემთხვევაშიც არჩევნების ჩატარებას 100/50-ზე მოდელით მხარს დაუჭერს. მამუკა მდინარაძე - ოპოზიციამ უნდა გაგვცეს პასუხი რა ვარიანტზე თანხმდებიან, თუ ისევ ულტიმატუმს აყენებენ და ე.წ. გერმანულ მოდელზე არიან გაჩერებული. გრიგოლ ვაშაძის განცხადებით, 120/30 გადანაწილების პრინციპი დიპლომატიური კორპუსის იდეა იყო და ამის განხილვა ჯერ ოპოზიციის წარმომადგენლებს შორის არ მომხდარა. ნინო ბურჯანაძე - ჩვენი ამოცანაა, ნებისმიერი სისტემა, რომელზეც შევთანხმდებით პროპორციულთან მაქსიმალურად იყოს მიახლოებული და გამოირიცხოს კრიზისების მექანიზმი. გიგა ბოკერია - ცუდი სცენარის შემთხვევაში, თბილისში მაჟორიტარების საკითხთან დაკავშირებით დავიწყეთ კონსულტაციები. გიორგი ვაშაძე - პროპორციებთან დაკავშირებით პოზიციას რამდენიმე დღეში ჩამოვაყალიბებთ - 100/50 კატეგორიულად მიუღებელია. მამუკა მდინარაძე - დიდი მადლობა ოპოზიციის წარმომადგენლებს, რომ ისინი ჩვენს უალტერნატივო გამარჯვებაში ღრმად დარწმუნებულები არიან. არ ვიცი რამდენად სერიოზულად უნდა ვისაუბროთ 144/6 ან 148/2 ვერსიებზე - ველოდებით ოპოზიციის კომპრომისულ ვარიანტს

      უგულავას ფონდების საქმეზე 3 წელი მიესაჯა - უზენაესმა სასამართლომ გიგი უგულავა ე.წ ფონდის საქმეზე თანხის გაფლანგვაში დამნაშავედ ცნო და 3 წლით და 2 თვით პატიმრობა შეუფარდა. დიმიტრი ხუნდაძე გიგი უგულავას საქმეზე - პოლიტიკა არავისთვის იმუნიტეტი არ არის. ირაკლი აბესაძე - გიგი უგულავას გაჩერების მცდელობაა, მისი ციხეში გამოკეტვის გზით. დავით ბაქრაძე ხელისუფლებას - გიგი უგულავას დაპატიმრება იქნება იმ რუბიკონის გადალახვა, რომლიდანაც უკან ვეღარ დაბრუნდებით. დავით ბაქრაძე - ბურთი მთლიანად ხელისუფლების მოედანზეა და ყველაფერი იმაზეა დამოკიდებული, რა ნაბიჯებს გადადგამენ. ნინო წილოსანი - პოლიტიკური დევნა და უსამართლო დაპატიმრებები „ნაციონალური მოძრაობის“ მმართველობის დროს დასრულდა და ის პერიოდი უკან არასდროს დაბრუნდება. ნიკა მელია უგულავას საქმეზე -სამართლის ისტორიაში არ არსებობს შემთხვევა, როცა სისხლის სამართლის ერთ საქმეზე ერთი პიროვნება ორჯერ გაესამართლებინოთ. გიგი უგულავას ადვოკატი - ბიძინა ივანიშვილმა დააანონსა, რომ დაჭერები გაგრძელდება, ეს მოიყვანა სისრულეში და პირველივე მსხვერპლი გიგი უგულავაა. გიგი უგულავა - ბიძინა ივანიშვილმა უვიცი მერაბ გაბინაშვილის და უდიპლომო შალვა თადუმაძის ხელით მომისაჯა ეს ბოდვა. ნუგზარ წიკლაური გიგი უგულავას საქმეზე - სრულიად ცხადია, რომ პოლიტიკური დევნაა და პირდაპირ დაკავშირებულია არჩევნებთან, რომელიც გვიახლოვდება. გურამ მაჭარაშვილი - თუკი ვინმეს არ მოსწონს სასამართლოს გადაწყვეტილება, ეს არ არის ქვეყნის დასასრული, ეს არ ნიშნავს იმას, რომ აქ პოლიტიკური დევნა არსებობს. ირაკლი კობახიძე ინფორმაციას, რომ გიგი უგულავას ერთი და იმავე საქმისთვის ორჯერ უწევს სასჯელის მოხდა, არასწორს უწოდებს. გიგი უგულავა - ბიძინა ივანიშვილი ძალაუფლებას ჩაბღაუჭებული ფულიანი მდაბიოა. ბატონი ივანიშვილი რაც უფრო მაგრად გაწელავს ზამბარას, მით უფრო მტკივნეულად მოხვდება ცხვირში. ბექა ბასილაიას ინფორმაციით, სასამართლოს განჩინება უკვე ჩაბარდა და გიგი უგულავას პენიტენციურ დაწესებულებაში სავარაუდოდ, უახლოეს რამდენიმე საათში გადაიყვანენ. გიგი უგულავა - თავისუფლების გზა თუ ციხეზე გადის, მზად ვარ მესამეჯერ წავიდე ციხეში - მე ამაზე არ ვწუხვარ. გიგი უგულავა - ყველა ნივთი, წიგნი მომზადებული მაქვს - ეს წინასწარ ვიცოდი და შესაბამისად, მე თვითონ მივალ მათ მიერ მითითებულ ციხეში. გრიგოლ ვაშაძე - აუცილებლად გაგხევთ ნაკერავზე, ვინც არ უნდა ჩასვათ ციხეში. გიგა ბოკერია - სამიზნედ ამოღებული იყო გამორჩეული ლიდერი. დავით ბაქრაძე - ხელისუფლებამ მოსპო მოლაპარაკებების სივრცე - გიგი უგულავას განაჩენის დადგომის მომენტიდან, ყოველგვარი მოლაპარაკება წყდება. გია ვოლსკი - ძალიან ვწუხვარ, იმდენად არ მომწონს ადამიანის დაკავება, მაგრამ ამ საკითხის მიმართ ჩემი პერსონალური დამოკიდებულება მას ვერ გადაწყვეტს. გიგი უგულავა - შორიდან იქნება თუ ჯურღმულიდან, მე მაინც გავაგრძელებ ბრძოლას. გიგი უგულავა შსს-ში ოპოზიციონერმა ლიდერებმა ტაშით შეაცილეს, თავად კი მხარდამჭერებს დაემშვიდობა - აბა თქვენ იცით! დროებით!

      ამერიკას მოვუყევით ჩვენზე და მათგანა ახალი კომენტარები გვაქვს - ადამ კინზინგერი - მადლობას მოვახსენებ პარლამენტის თავმჯდომარე თალაკვაძეს ვიზიტისთვის ჩვენი ალიანსის მნიშვნელობის განხილვის მიზნით - მე ვაფასებ ჩვენს მეგობრობას! ადამ კინზინგერი - მართალია, მიღწეულია პროგრესი, მაგრამ ცხადია, რომ მომავალში ოპოზიციასა და მმართველ პარტიას შორის დარჩება გადაუჭრელი განსხვავებები, უთანხმოება. ეკონომიკის მინისტრის მოადგილე - რეალურად მზად ვართ, რომ აშშ-სთან თავისუფალი ვაჭრობის შესახებ მოლაპარაკებები დავიწყოთ, მხოლოდ პოლიტიკური ნებაა დარჩენილი. ირაკლი კობახიძე თალაკვაძის აშშ-ში ვიზიტზე - ჩვენ ვიხილეთ კონგრესმენების განცხადებები, რაც ნათელი დასტურია, რომ კარგი დისკუსია შედგა.

      ევროპარლამენტარები თავისი რეკომენდაციებით გვანებივრებენ - ევროპარლამენტარი მარკეტა გრეგოროვა - თუ საქართველოში რეფორმები არ განხორციელდება, ამას გარკვეული საპასუხო რეაქცია მოჰყვება. მგონია, რომ რუსეთი საქართველოში ცდილობს გააკეთოს ის, რისი გაკეთებაც შეუძლია - ვფიქრობ, ნატო ასეთი შეშინებული არ უნდა იყოს.

      საფრანგეთის ელჩსაც აქვს დარიგებები - საფრანგეთის ელჩი - ადამიანს უნდა შეეძლოს საკუთარი თავის შენახვა ევროპაში ყოფნისას, ამიტომ ეს არის ის, რაც მკაცრად უნდა შემოწმდეს საქართველოშიც და საფრანგეთშიც. საფრანგეთის ელჩის განმარტებით, იმისთვის, რომ საქართველოსა და სხვა უსაფრთხო ქვეყნების მოქალაქეების მიერ უვიზო მიმოსვლის პირობების დარღვევის რაოდენობა შემცირდეს, საფრანგეთში კანონმდებლობა შეიცვალა.

      აჭარა კი თოვლში გუნდაობს - დიდთოვლობა აჭარაში - თორნიკე რიჟვაძემ, დიდთოვლობასთან დაკავშირებით, აჭარის ექვსივე მუნიციპალიტეტის საკოორდინაციო შტაბში შეხვედრები გამართა. ხულოს მუნიციპალიტეტში, უხვი ნალექის გამო, სკოლებსა და ბაღების უმრავლესობაში სასწავლო პროცესი ჩაიშალა.

საზღვარგარეთულები:

      მსოფლიო პანიკა - ჩინეთში კორონავირუსთან საბრძოლველად მსოფლიო ექსპერტთა ჯგუფი ჩავა. იაპონიაში, საკრუიზო ლაინერზე კორონავირუსით დაავადებულთა რიცხვმა 130-ს მიაღწია. ჩინეთის ელჩი - ზოგიერთმა ქვეყანამ უგულებელყო ჯანდაცვის მსოფლიო ორგანიზაციის რჩევები და უმაღლესი შემზღუდველი ზომები მიიღო - ეს არა მხოლოდ საზიანოა ეპიდემიის პრევენციისა და კონტროლისთვის, არამედ აძლიერებს პანიკას.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 486

ტეგები: qwellynews, ამბები, ბლოგი, თებერვალი, ნიუსები, სიახლეები

Kakha: თებერვალი 10, 2020||11:47pm

უგულვებელყო რჩევებიო, არადა ერთ გემზე 130 კაცია დაინფიცირებული, არ მესმის სოციალისტების რაც უფრო დამალავენ ფაქტებს უფრო კარგად გამოჩნდებიან? :D 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

უზენაესი გამარჯვება რუსეთზე და ცივი აცრა

გამოაქვეყნა Giorgi_მ.
თარიღი: იანვარი 21, 2021.
საათი: 11:03pm 0 კომენტარი

      დავაში გამარჯვებული ქვეყნის სტატუსი გვაქვს - რუსეთს მოვუგეთ. მართალია ომიც მოვუგეთ 2008-ში, მაგრამ აღმოჩნდა რომ არ მოგვიგია. ახლა კი სტრასბურგში მოვუგეთ - უზენაესი სამართლის სახელით მოღვაწე ამ ორგანიზაციაში. ქვეყანა ამ გამარჯვებას ზეიმობს, იქით კოვიდის ვაქცინაციას იწყებს, აქეთ ელიაშვილის ოპოზიციონერობას განიხიავს. მელაშვილისა და ილიჩოვას საქმის გამოძიებაც დასრულდა. ბაიდენი - პრეზიდენტია! რაც შეეხება კორონავირუსს - დადასტურებული შემთხვევა -…

გაგრძელება

გირჩულ-ელისაშვილური ტანდემი, პანდემიის შემცირება და ნავალნის დაპატიმრება

გამოაქვეყნა Giorgi_მ.
თარიღი: იანვარი 18, 2021.
საათი: 10:30pm 3 კომენტარი

      როცა შიდა ამბებში აქტიურობა კლებულობს, გარედან მეტი ნიუსი ისმისო, უთქვამთ. ასე იყო დღესაც - ნავალნის რუსეთში ჩასვლა და მისი დაპატიმრება ჩვენი პოლიტიკური ამბების ნაწილიც გახდა და შეფასებებიც ისმოდა ქართულ ინტერვიუებში. ქვეყნის შიგნით ელისაშვილის და გირჩის დამეგობრების და დანარჩენ ოპოზიციასთან კინკლაობის ამბავია. რაც შეეხება კორონავირუსს - დადასტურებული შემთხვევა - 247915, გუშინ დილის შემდეგ - 110; გამოჯანმრთელებული - 234636, გუშინ დილის შემდეგ…

გაგრძელება

კაპიტოლიუმის დაცვა

გამოაქვეყნა Tamila Moshiashvili_მ.
თარიღი: იანვარი 17, 2021.
საათი: 6:46pm 1 კომენტარი

      უკვე დიდი ხანია, ამერიკას ასეთი რამ არ უნახავსო, ასეთი სირცხვილი არ უგემია და ასეთი უსუსური არ ყოფილაო - ასეთი შეფასებები ისმოდა ტრამპის მხარდამჭერების კაპიტოლიუმში შეჭრის შეფასებებში. ეს ამბავი, მართლაც იანვრის მთავარი ნიუსი იყო და სულ მალე, შეჭრილი „აჭრილები“ მსოფლიოს ვირუსულად მოედნენ, გაპოპულარულდნენ და გავარსკვლავდნენ.…

გაგრძელება

შეცვალე შენი ცხოვრება - გაუხსენი გზა პირად განვითარებას

გამოაქვეყნა EFTcheat_მ.
თარიღი: იანვარი 15, 2021.
საათი: 2:30pm 0 კომენტარი





Sometimes we reach a point in our life whenever we are ready for change and self improvement. Items aren't going so well for all of us, or painful or disappointing events seem to be to keep repeating themselves in our lives. You know very well what I mean; such things as continually choosing the wrong partner or the wrong job, or maybe it's just the feeling you are stuck in a rut with absolutely nothing exciting to look forward to on the horizon. A person start to think, "I need…

გაგრძელება

Qwelly World

free counters