შემაშინებელი სტატისტიკა და პირბადის ტრიუმფი, გარჩევა და არჩევნები

      კოვიდის ექვსი ათასი დღიური შემთხვევა და პირბადის დაბრუნება როგორც კოვიდ სასჯელი. მთელი დღის თემა სწორედ კოვიდამბები იყო და მასთან ერთად არჩევნებიც, რომლის წინასწარი პროგრამა უკვე კარგად ძალამოკრებილია. დღესვე იუსტიციის სამინისტროსა და საზოგადოებრივ ცენტრებში კოვიდ-ბარათების გაცემა დაანონსდა და დაიწყო. წვიმები გველის - 18-19 აგვისტოს საქართველოს ზოგიერთ რაიონში წვიმაა მოსალოდნელი. ვალუტის კურსი - 1 აშშ დოლარი - 3.1191 ლარია.

საქართველოს და მსოფლიოს ამბები | 17 აგვისტო, 2021

qwellynews, სიახლეები, ნიუსები, ამბები, აგვისტო

      #კოვიდსაქართველო - საქართველოში კორონავირუსის 6208 ახალი შემთხვევა გამოვლინდა, 47 ადამიანი გარდაიცვალა. დღეიდან შიდა და გარე სივრცეში პირბადის გამოყენება სავალდებულო გახდა. ჯანდაცვის მინისტრი არ გამორიცხავს, რომ თუ ქვეყანაში ეპიდემიოლოგიური სიტუაცია დამძიმდება, დამატებითი რეგულაციები დაწესდეს. ჯანდაცვის მინისტრის განცხადებით, რეგულაციები სულ რამდენიმე დღეა რაც შემოღებულია, ვირუსის გავრცელების შემცირების ეფექტი ჯერჯერობით მოსალოდნელი არ არის. თბილისში კიდევ ერთი ლოკაცია ემატება, სადაც იქნება მასობრივი ვაქცინაცია. საწოლფონდთან დაკავშირებით მდგომარეობა საკმაოდ რთულია, საწოლფონდი სრულად გაჯერებულია პაციენტებით. ერთი დოზით აცრილებიდან, კლინიკაში მოხვდა 2.85%, ორი დოზით აცრილებში - 2.13% - კლინიკაში მკურნალობს 95% იმ ადამიანების, რომლებსაც არც ერთი ვაქცინა არ ჰქონდათ გაკეთებული. ამირან გამყრელიძე - დღეს კორონავირუსით ინფიცირების დადებითობის მაჩვენებელი მაისის ტალღის პიკზე 3-ჯერ მეტია - ჯანდაცვის სისტემა დაძაბულობის ზღვარზე მუშაობს. იმ შემთხვევაში, თუ ის ჯგუფები, რომლებიც სახელმწიფოს მიერ სავალდებულოდ იტესტებიან, არ აიცრებიან, მათთვის ტესტის ჩატარება ფასიანი გახდება. ვაქცინაციის პროცესში წახალისება, მარათონები და ღონისძიებები იგეგმება. ღმერთმა არ ქნას, ამ ტიპის სიტუაცია იყოს სექტემბრისთვის, როცა სწავლა უნდა დაიწყოს, დაავადებათა კონტროლის ცენტრი ვერ გასცემს რეკომენდაციას სწავლის დაწყებაზე. ირაკლი ღარიბაშვილი - პანდემიის დამარცხების გზა მხოლოდ ვაქცინაციაზე გადის, აცრა გვიცავს სიკვდილისგან. თენგიზ ცერცვაძე - ჩვენმა ჯანდაცვამ ეფექტიანობის მსოფლიო რეკორდი დაამყარა, მაგრამ ეს არ არის უსაზღვრო, შეიძლება დადგეს მომენტი, რესურსი ამოიწუროს. მაინც ეწყობა ხალხმრავალი ქორწილები, შეხვედრები და იუბილეები, რაც შემთხვევების მატების ერთ-ერთი ძირითადი მიზეზია. შემთხვევების კატასტროფულად გაზრდილ ფონზე გარდაცვალების შემთხვევების მატება გარდაუვალია - როგორ უნდა მივაღწიოთ შემცირებას? - ვაქცინაცია, ვაქცინაცია, ვაქცინაცია. ბერდია სიჭინავა - შეზღუდვების დარღვევისთვის გამოწერილი ჯარიმების მოქალაქეებისთვის უპირობო ჩამოწერამ, მთავრობის მიერ დაწესებული რეგულაციების დარღვევის ფაქტები წაახალისა.

      აღმშენებლობა - ირაკლი ქარსელაძე - პროგრამის „განახლებული რეგიონები“ პროექტებზე მიმდინარე სამუშაოების პირველი შედეგები სექტემბრის ბოლოსთვის გვექნება.

      მერების და კანდიდატების ამბები - თამარ კორძაია - სასამართლოში პრევენციულ აღიარებით სარჩელს წარვადგენთ, რადგან კახა კალაძეს უფლება არ აქვს დარეგისტრირდეს როგორც მერობის კანდიდატი. ნიკა მელია - არასდროს ყოფილა ასე ადვილად გასაკეთებელი არჩევანი, როგორიც წელსაა! ერთ მუშტად შეკვრის დროა, განსხვავებები გვერდზე უნდა გადავდოთ. ზურაბ ჯაფარიძე - თუ 2 ოქტომბერს „ქართული ოცნება“ დამარცხდება, რაშიც დარწმუნებული ვარ, ამ შემთხვევაში, ქვეყანა ხელახალ არჩევნებზე გავა. დავით უსუფაშვილი - არავითარ შემთხვევაში არ უნდა მოხდეს უკან დახევა იმ ძირითადი პრინციპული შეთანხმებისგან, რაც ეხება პროპორციულ არჩევნებს, ბარიერს და პროკურორის დანიშვნის წესს. მიხეილ სარჯველაძე ოპოზიციის ნაწილის მიერ წარდგენილ საერთო კანდიდატებზე - არც ერთი მათგანი არ არის ისეთი, რომელსაც შეუძლია „ქართული ოცნების“ კანდიდატებს კონკურენცია გაუწიოს. გიორგი გახარია - იმ რიგითებს ვპირდები, რომ ვინც არაკანონიერ დავალებებს გასცემს, მოეკითხებათ. ნიკა მელია - ბევრ ოლქში პირველივე ტურში მოვიგებთ ამ არჩევნებს. ოპოზიციური პარტიების ნაწილმა თბილისის მაჟორიტარობის საერთო კანდიდატები წარადგინა. ელენე ხოშტარია - გთავაზობთ ისტორიულ გადაწყვეტილებას - კოალიციურ მმართველობას, ჩვენი მაჟორიტარები ამ კოალიციური მმართველობის პირველი ყველაზე მკაფიო ნიშანია.

      კონსტიტუცია - დავით უსუფაშვილი საკონსტიტუციო ცვლილებებზე - გავუფრთხილდეთ მიღწეულ შეთანხმებას, ჩვენ შეთანხმების გზით სიარული გვჭირდება. თეონა აქუბარდია - არსებობს ვარაუდი, რომ შესაძლოა, „ქართულმა ოცნებამ“, როგორც მას სჩვევია ხოლმე, უკან წაიღოს შეთანხმება, რომელსაც ოპოზიციურმა წარმომადგენლებმაც პარლამენტში ხელი მოვაწერეთ. ლევან იოსელიანი - მთავარი, რაც კონსტიტუციაში დაგეგმილმა ცვლილებებმა უნდა უზრუნველყოს არის ის, რომ მივიღოთ პარლამენტი, რომელიც ჩვენს სახელმწიფო მოწყობას შეესაბამება.

      ცნობადი გარჩევა წინანდალში - წინანდალში ზურაბ ზვიადაურის ძმისა და კიდევ 2 პირის მკვლელობის საქმეზე ორი პირი დააკავეს. წინანდალში 3 ადამიანის მკვლელობის საქმეზე დაკავებულთა შორის ერთ-ერთი ოლიმპიური ჩემპიონი ზურაბ ზვიადაურია. განზრახ მკვლელობის ბრალდებით დაკავებული ზურაბ ზვიადაური დუმილის უფლებას იყენებს, მას ბრალი ოფიციალურად ხვალ წარედგინება.

      „საქსტატი“ - 2021 წლის II კვარტალში საქართველოში 100 ერთეული ცხოველთა და ფრინველთა სასაკლაო ფუნქციონირებდა

საზღვარგარეთულები:

      #კოვიდმსოფლიო - სომხეთში კორონავირუსის 357 ახალი შემთხვევა დაფიქსირდა, დაიღუპა 11 ადამიანი. ახალ ზელანდიაში მკაცრი „ლოქდაუნი“ კორონავირუსის ერთი შემთხვევის გამო გამოცხადდა. რუსეთში კორონავირუსის 20 958 ახალი შემთხვევა დაფიქსირდა და 805 ადამიანი გარდაიცვალა. აზერბაიჯანში კორონავირუსის 3 322 ახალი შემთხვევა გამოვლინდა, გარდაიცვალა 18 ადამიანი. გაერთიანებულ სამეფოში „მოდერნას“ ვაქცინის 12-17 წლის ასაკის პირებში გამოყენების ნებართვა გასცეს.

      საფრანგეთში ტყის ხანძარს ებრძვიან.

      ილჰამ ალიევი - სომხებისგან მოყენებული ზიანის გამო საერთაშორისო სასამართლოებში კომპენსაციას მოვითხოვთ.

      მოწყალე და აღმშენებელი თალიბანი - „თალიბანმა“ მთავრობის წარმომადგენლებისთვის ამნისტია გამოაცხადა. მევლუთ ჩავუშოღლუ - თურქეთი ავღანეთში ყველა მხარესთან, მათ შორის „თალიბანთან“, მოლაპარაკებებს აწარმოებს. „თალიბანი“ ქალებს მთავრობაში იწვევს. სერგეი ლავროვი - რუსეთი „თალიბანის“ ხელისუფლების აღიარებას არ ჩქარობს. ჯორჯ ბუში აშშ-ის მთავრობას მოუწოდებს, ავღანელ ლტოლვილებს დახმარება სასწრაფოდ აღმოუჩინოს. „თალიბანი“ - მსოფლიოს ლიდერები ვალდებული არიან ავღანეთს აღდგენაში დაეხმარონ. საბერძნეთის მიგრაციის მინისტრი - ავღანელი ლტოლვილებისთვის კარიბჭე ვერ გავხდებით. ავღანეთში მყოფი საქართველოს მოქალაქე, რომელიც ამჟამად ნატო-ს სპეციალურ ბაზაზე იმყოფება, აცხადებს, რომ ჯერჯერობით სამშობლოში დაბრუნებას ვერ ახერხებს. „თალიბანი“ - 20 - წლიანი ომის შემდეგ, გავათავისუფლეთ ქვეყანა და გავაძევეთ უცხოელები - არ გვსურს რაიმე პრობლემა საერთაშორისო საზოგადოებასთან. ჟოზეფ ბორელი - ევროკავშირი უნდა ესაუბროს "თალიბანს", რადგან მათ მოიგეს ომი ავღანეთში.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 158

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ჩხუბი ამერიკის ტერიტორიაზე და ელჩობისგან გადადგომა

გამოაქვეყნა Giorgi_მ.
თარიღი: ივლისი 1, 2022.
საათი: 11:00pm 0 კომენტარი

      ეს ორი დღე ისევ აცივდებაო, წვიმებიც იქნება, სეტყვა-ქარბორბალაც, ჭექაც და ქუხილიც. მოკლედ, ზაფხული დაიწყო და ცხელი ივლისიც, „ამერიკაში“ ქართველების ჩხუბით გაიხსნა - გუშინ იჩხუბეს, დღეს განიხილეს. პარლამენტარი და ტელევიზიის დამფუძნებელი პირდაპირ საელჩოში დაეტაკნენ ერთმანეთს - კადრები ჯერ არ გასაჯაროვებულა. ცხადია, მთელი დღე ამ თემას დაეთმო. ასევე საფრანგეთის ელჩის განცხადებას წასვლაზე და ევროპული აგიტაციის დახვედრას რეგიონებში. ლარის ამბავი - 1…

გაგრძელება

ჩრდილოელები ნატოში და ჩვენ კვლავ ჭიშკართან

გამოაქვეყნა Giorgi_მ.
თარიღი: ივნისი 29, 2022.
საათი: 11:00pm 0 კომენტარი

      ნატომ მოსაწვევები დააგზავნა, მაგრამ არც კი უფიქრია ჩვენთვის გამოეგზავნა - შვედეთი და ფინეთი არიან მიწვეულები ჩახო-ში გასაწევრიანებლა. ნატოს სამიტზე ჩვენი პრემიერიც იმყოფებოდა და დღის ამბებში ეგეც აქტუალური იყო. ცხადია ოცნება ხმაურიანად დატოვო და მეორე დღეს მეინსტრიმი არ მიიღო, არ გამოდის - ასე მოხდა სამ დეპუტატსაც. დღეს ასევე აქტუალური იყო უკრაინაში ომი და მესა პეტრეს ტაძარში. ლარის ამბავი - 1 დოლარის ღირებულება - 2.9289 ლარია.…

გაგრძელება

ისტორიები ბენგალის მასწავლებელთან

გამოაქვეყნა Mosely_მ.
თარიღი: ივნისი 29, 2022.
საათი: 12:30pm 0 კომენტარი

C. J. Uzomah went toward Twitter toward chat in excess of the Cincinnati Bengals' Director of Rehabilitation and Efficiency, Nick Cosgray. "My gentleman acquired me again towards my Achilles problems in the direction of include the least difficult period of my occupation Isaiah Prince Jersey. "Uzomah was sidelined for 14 online games previous period with an Achilles harm, and disregarded highest of the year. Yet he arrived back again inside of 2021 towards background vocation highs within…

გაგრძელება

ცინცინატის მოგზაური

გამოაქვეყნა Mosely_მ.
თარიღი: ივნისი 29, 2022.
საათი: 12:00pm 0 კომენტარი

The 2022 NFL offseason is made up of now been the craziest a single in just existing memory, quite possibly at any time. This offseason is made up of been total of the equilibrium of electrical power transforming, trades and currently unheard of monster contracts. Several franchises comprise devoted towards heading all-inside of, and the unforgiving pendulums of standards are within comprehensive swing. There seems to be towards contain been a recognizable transfer within just staff…

გაგრძელება

Qwelly World

free counters