მედიის სრული ყურადღება ჯანდაცვის სფეროს ეთმობა, კოვიდ სტატისტიკა, მკურნალობა და ჰოსპიტალიზაცია. სულ მალე არჩევნები იქნება და ნელ-ნელა gvote21 ტრენდდება. მსოფლიოს მზერა კვლავ ავღანეთისკენ არის მიმართული. ვალუტის კურსი - 1 აშშ დოლარი - 3.1283 ლარია.

საქართველოს და მსოფლიოს ამბები | 18 აგვისტო, 2021

qwellynews, სიახლეები, ნიუსები, ამბები, აგვისტო

      #კოვიდსაქართველო - საქართველოში კორონავირუსის 5914 ახალი შემთხვევა გამოვლინდა, 49 ადამიანი გარდაიცვალა. 18 აგვისტოს მონაცემებით, საქართველოში ჯამურად 857 056 აცრა ჩატარდა, სრულად ვაქცინირებულია 251 447 ადამიანი. სამხედრო ექიმები მოსახლეობის ვაქცინაციის პროცესში ჩაერთნენ. პირებს, რომლებსაც ჯანმრთელობის მდგომარეობის გამო გადაადგილება არ შეუძლიათ, კორონავირუსის საწინააღმდეგო ვაქცინაცია ბინაზე ჩაუტარდებათ. ჯანდაცვის მინისტრი სწავლის განახლებაზე - მნიშვნელოვანია დავაკვირდეთ ეპიდემიის გავრცელებას. ეკატერინე ტიკარაძე - დიღმის საველე ჰოსპიტალი დღეიდან მზადაა პაციენტების მისაღებად, მაგრამ მაქსიმალურად ვეცდებით, ყველა პაციენტმა მომსახურება ჰოსპიტალურ სექტორში მიიღოს. ვერ ვიტყოდი, რომ მთავრობა შეზღუდვების პირობებში ლოიალურია. კვირის ბოლომდე აჭარის რეგიონს დამატებით 120 საწოლი გადაეცემა, იმერეთის რეგიონს კი 150 საწოლამდე. სასწრაფო დახმარების ექიმები 500-ლარიან დანამატს მიიღებენ. პაციენტების მიერ მეტადონის დოზების გატანის საკითხზე მსჯელობა მიმდინარეობს და 5 დღის დოზასთან დაკავშირებით გადაწყვეტილებას ხარვეზების აღმოფხვრის შემდეგ მიიღებენ. ექიმებმა კორონავირუსით ინფიცირებული ორსულის გადასარჩენად ყველაფერი გააკეთეს, თუმცა, შედეგი ვერ დადგა. მცდარია გავრცელებული ინფორმაცია, რომ მუნიციპალური ტრანსპორტის გაჩერების შემდეგ, ამცრელ დაწესებულებაში დასაქმებული ექიმები სახლში საკუთარი სახსრებით ბრუნდებიან. საველე ჰოსპიტლის მოწყობაზე არის მითქმა-მოთქმა, თითქოს რამდენიმე მილიონი დაჯდა, თუმცა მისი მოწყობისთვის მხოლოდ 150 000 ლარია დახარჯული. რეგიონებში შემდეგი მასობრივი ვაქცინაციის ცენტრის გახსნა ქუთაისში იგეგმება. მინისტრი ხელფასებზე - კოვიდკლინიკებში დასაქმებული ექთნების ხელფასი 1400-დან 1600 ლარამდეა, სანიტრების - 800 ლარამდე, ექიმების კი 5 000-ს ლარს აღემატება. ამირან გამყრელიძე - სჯობს, ვინც რთველში ჩაერთვება, ყველა ორჯერადად აცრილი იყოს. რამდენიმე დიდი მარათონი რომ მოეწყოს და დღეში 50 000 ადამიანი ავცრათ, შესაძლებელია, სისტემას ამის გატარება შეუძლია, ვაქცინების მარაგიცაა. ქვეყანაში აცრილთა რაოდენობა იზრდება და აგვისტოში ივლისთან შედარებით ეს მონაცემი გასამმაგებულია. საქართველოში 12 წელს ზემოთ მოსახლეობის ვაქცინაცია, სავარაუდოდ, შემოდგომაზე დაიწყება. როცა მოსახლეობის დიდ ნაწილს ავცრით ორჯერადად, მაშინ მიზანშეწონილი იქნება მესამე დოზაზე საუბარი. თამარ გაბუნია - ინფიცირების შემთხვევების გავრცელების ტემპი კვლავაც მაღალია, სტაბილიზაციის ნიშნები არც ერთ რეგიონში არ არის. ამ დროისთვის საველე ჰოსპიტლები თბილისშია მოწყობილი, თუმცა, საჭიროების შემთხვევაში არსებობს გეგმა, რომ დანარჩენ რეგიონებშიც განთავსდეს.

      #GVOTE21 - ირაკლი ღარიბაშვილი - ხალხის მსახური უნდა იყოს ყველა მერი და ყველა მმართველი, პრემიერი იქნება, პარლამენტარი თუ სხვა. ზაალ უდუმაშვილი - დღეიდან ვერთვებით ბრძოლაში, ვიშლებით მთელი საქართველოს მასშტაბით ყველა კანდიდატი და 2 ოქტომბერს აუცილებლად ვიზეიმებთ გამარჯვებას. მიხეილ სააკაშვილი - მართლა სრული ფარჩაკები უნდა ვიყოთ, რომ ესენი ვერ გავყაროთ. მამუკა მდინარაძე - „ნაციონალური მოძრაობა“ ნელ-ნელა პოლიტიკიდან უნდა გავიდეს და მისი ადგილი საღმა, პროგრესულმა ძალამ დაიჭიროს. იაგო ხვიჩია - "ქართულ ოცნებას" ფანტაზია არ უვარგა და ახალი რაღაცების მოფიქრება არ შეუძლია, ამიტომ რამდენი წელიც არ უნდა გავიდეს, მაინც სხვის 9 წელზე ილაპარაკებს. ვახტანგ ბერიძე - ხულოს აქვს დიდი ტურისტული პოტენციალი, რომელსაც ბოლომდე ავითვისებთ. ოპოზიციის ბათუმის საკრებულოს თავმჯდომარეობის კანდიდატი ვახტანგ კალოიანი, მერობის კანდიდატი კი გიორგი კირთაძე იქნება. ნიკა მელია - ხელისუფლება ახლოსაც ვერ მიუახლოვდება 40%-ს, ამაში, როგორც არასდროს, ისე ვარ დარწმუნებული.

      ანწუხელიძის იუბილე - ირაკლი ღარიბაშვილი - გიორგი ანწუხელიძე ქართული სულის სიმტკიცის განსახიერება იყო. როცა ანწუხელიძე და მისნაირი გმირები თავს სწირავდნენ სამშობლოს, ეს მასხარა კაცი, სააკაშვილი, ლაჩარი, მიწაზე გართხმული გარბოდა ბრძოლის ველიდან. კახა კალაძე - გიორგი ანწუხელიძე სამუდამოდ დარჩა 24 წლის ბიჭად, რომელიც დაიბადა იმისთვის, რომ თავისი გმირობით ეჩვენებინა, ყველაზე მთავარი ღირებულება იყო და არის სამშობლო. კახა კუჭავა - გიორგი ანწუხელიძე, რომლის დაბადების დღეა დღეს, არის გმირი, რომელმაც ჩვენი ქვეყნის დამოუკიდებლობას და თავისუფლებას თავი შესწირა.

      ზვიადაურის საქმე - ადვოკატი - ზურაბ ზვიადაური კანონიერ ფორმებში მოქმედებდა - მისი ქმედება არის მართლზომიერი, არ გაცდენილა ის აუცილებელი მოგერიების ფარგლებს. პროკურატურამ ზურაბ ზვიადაურს განზრახ მკვლელობის ფაქტზე ბრალი წარუდგინა. ადვოკატის განცხადებით, ოლიმპიური ჩემპიონები ლაშა ბექაური და ლაშა ტალახაძე მზად არიან, ზურაბ ზვიადაურს თავდებში ჩაუდგნენ.

საზღვარგარეთულები:

      #კოვიდმსოფლიო - ჯანმო - მსოფლიოში გასულ კვირას კოვიდ 19-ით ინფიცირების 4.4 მილიონზე მეტი ახალი შემთხვევა გამოვლინდა, ვირუსს 66 506 ადამიანის სიცოცხლე ემსხვერპლა. რომის პაპი მოქალაქეებს ვაქცინაციისკენ მოუწოდებს. რუსეთში კორონავირუსის 20 914 ახალი შემთხვევა დაფიქსირდა და 799 ადამიანი გარდაიცვალა. სომხეთში კორონავირუსის 504 ახალი შემთხვევა დაფიქსირდა, დაიღუპა 3 ადამიანი. აზერბაიჯანში კორონავირუსის 4 129 ახალი შემთხვევა გამოვლინდა, გარდაიცვალა 20 ადამიანი. ჯანმო - ამჟამინდელი მონაცემები არ მიუთითებს იმაზე, რომ COVID-19-ის საწინააღმდეგო ვაქცინების გამაძლიერებელი დოზებია საჭირო.

      აზერბაიჯანი სომხეთს ცეცხლის გახსნაში ადანაშაულებს. ნიკოლ ფაშინიანი - სომხეთი მზად არის მთიანი ყარაბაღის თემაზე მოლაპარაკებები უმაღლეს დონეზე განაახლოს.

      ავღანეთის ამბები - გაერთიანებული სამეფო 20 000 ავღანელი ლტოლვილის მიღებას გეგმავს. ბორის ჯონსონი - „თალიბანს“ განვსჯით არა მისი სიტყვების, არამედ ქმედებების მიხედვით. ავღანეთიდან 2 200-ზე მეტი ადამიანია ევაკუირებული. სალომე ზურაბიშვილი - მსურს, გულწრფელი მადლიერება გამოვხატო უნგრეთის მიმართ, ქაბულიდან საქართველოს 6 მოქალაქის ევაკუაციაში აღმოჩენილი დახმარების გამო. “თალიბანის” წარმომადგენელი - ჩვენი ლიდერები საკუთარ თავს მსოფლიოს თანდათანობით გააცნობენ. ქაბულის აეროპორტის შესასვლელთან მომხდარი ჭყლეტის შედეგად 17 ადამიანი დაშავდა. ავღანეთში, „თალიბანის“ საწინააღმდეგო აქციაზე 3 ადამიანი დაიღუპა. ევროპარლამენტის თავმჯდომარე - ევროპა ავღანეთიდან მიგრანტთა მისაღებად უნდა მოემზადოს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 122

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ჩხუბი ამერიკის ტერიტორიაზე და ელჩობისგან გადადგომა

გამოაქვეყნა Giorgi_მ.
თარიღი: ივლისი 1, 2022.
საათი: 11:00pm 0 კომენტარი

      ეს ორი დღე ისევ აცივდებაო, წვიმებიც იქნება, სეტყვა-ქარბორბალაც, ჭექაც და ქუხილიც. მოკლედ, ზაფხული დაიწყო და ცხელი ივლისიც, „ამერიკაში“ ქართველების ჩხუბით გაიხსნა - გუშინ იჩხუბეს, დღეს განიხილეს. პარლამენტარი და ტელევიზიის დამფუძნებელი პირდაპირ საელჩოში დაეტაკნენ ერთმანეთს - კადრები ჯერ არ გასაჯაროვებულა. ცხადია, მთელი დღე ამ თემას დაეთმო. ასევე საფრანგეთის ელჩის განცხადებას წასვლაზე და ევროპული აგიტაციის დახვედრას რეგიონებში. ლარის ამბავი - 1…

გაგრძელება

ჩრდილოელები ნატოში და ჩვენ კვლავ ჭიშკართან

გამოაქვეყნა Giorgi_მ.
თარიღი: ივნისი 29, 2022.
საათი: 11:00pm 0 კომენტარი

      ნატომ მოსაწვევები დააგზავნა, მაგრამ არც კი უფიქრია ჩვენთვის გამოეგზავნა - შვედეთი და ფინეთი არიან მიწვეულები ჩახო-ში გასაწევრიანებლა. ნატოს სამიტზე ჩვენი პრემიერიც იმყოფებოდა და დღის ამბებში ეგეც აქტუალური იყო. ცხადია ოცნება ხმაურიანად დატოვო და მეორე დღეს მეინსტრიმი არ მიიღო, არ გამოდის - ასე მოხდა სამ დეპუტატსაც. დღეს ასევე აქტუალური იყო უკრაინაში ომი და მესა პეტრეს ტაძარში. ლარის ამბავი - 1 დოლარის ღირებულება - 2.9289 ლარია.…

გაგრძელება

ისტორიები ბენგალის მასწავლებელთან

გამოაქვეყნა Mosely_მ.
თარიღი: ივნისი 29, 2022.
საათი: 12:30pm 0 კომენტარი

C. J. Uzomah went toward Twitter toward chat in excess of the Cincinnati Bengals' Director of Rehabilitation and Efficiency, Nick Cosgray. "My gentleman acquired me again towards my Achilles problems in the direction of include the least difficult period of my occupation Isaiah Prince Jersey. "Uzomah was sidelined for 14 online games previous period with an Achilles harm, and disregarded highest of the year. Yet he arrived back again inside of 2021 towards background vocation highs within…

გაგრძელება

ცინცინატის მოგზაური

გამოაქვეყნა Mosely_მ.
თარიღი: ივნისი 29, 2022.
საათი: 12:00pm 0 კომენტარი

The 2022 NFL offseason is made up of now been the craziest a single in just existing memory, quite possibly at any time. This offseason is made up of been total of the equilibrium of electrical power transforming, trades and currently unheard of monster contracts. Several franchises comprise devoted towards heading all-inside of, and the unforgiving pendulums of standards are within comprehensive swing. There seems to be towards contain been a recognizable transfer within just staff…

გაგრძელება

Qwelly World

free counters