თალიბების ავღანეთი, კოვიდი საქართველოში და ბელარუსთან თანამშრომლობა

      დღე მსოფლიოს ამბით იყო განპირობებული - თალიბებმა ავღანეთი საბოლოოდ დაისაკუთრეს და საკუთარი წესრიგი დაამყარეს. მოსახლეობის ნაწილი ქვეყნიდან გაქცევას ლამობს. ჩვენს ქვეყანასი კვლავ კოვიდ ებრძვიან და სტატისტიკით შეშინებული მოსახლეობა უფრო და უფრო მეტად მიიწევს ვაქცინაციისკენ. #აცრაგვიცავს! არის მთავარი ლოზუნგი. ვალუტის კურსი - 1 აშშ დოლარი - 3.1175 ლარია.

საქართველოს და მსოფლიოს ამბები | 16 აგვისტო, 2021

qwellynews, სიახლეები, ნიუსები, ამბები, აგვისტო

      #კოვიდსაქართველო - საქართველოში კორონავირუსის 2676 ახალი შემთხვევა გამოვლინდა, 30 ადამიანი გარდაიცვალა. აფხაზეთის ავტონომიური რესპუბლიკის მთავრობა დევნილებს COVID-19-ის საწინააღმდეგო ვაქცინაციის პროცესში აქტიურად ჩართვისკენ მოუწოდებს. აჭარაში კორონავირუსის საწინააღმდეგო ვაქცინა საერთო ჯამში 94 472 პირმა გაიკეთა. ჯანდაცვის მინისტრის ინფორმაციით, თბილისში საველე ჰოსპიტალი 500 პაციენტისთვის მოეწყობა და საწოლთა უმეტესობა ჟანგბადით იქნება აღჭურვილი. საქართველოში ჯამურად 806 681 აცრა ჩატარდა, სრულად ვაქცინირებულია 238 871 ადამიანი. პოლიციამ იზოლაციისა და კარანტინის წესების განმეორებით დარღვევის გამო ხელვაჩაურში მდებარე რესტორანი დალუქა. ეკატერინე ტიკარაძის განცხადებით, საქართველოს ყველა რეგიონში რეგისტრაციის გარეშე აცრის პუნქტები ამოქმედდება. „ტოცილიზუმაბის“ შემოტანა გრძელდება - ზოგიერთმა კლინიკამ გარკვეული მარაგი შეიძინა, რომელიც იმ მომენტისთვის არ ესაჭიროებოდა, შევეცდებით მოვახდინოთ პრეპარატის თანაბარი გადანაწილება. ჩვენი მოლოდინია, რომ სატრანსპორტო შეზღუდვები გამოიღებს დადებით დინამიკას - ორი კვირის შემდეგ ჩვენი მოლოდინი არის ეპიდვითარების 80%-ით გაუმჯობესება. დაიწყება თუ არა სწავლა საკლასო ოთახებში, ამაზე საუბარი ჯერ ნაადრევია. ისრაელმა ვერ წარმოადგინა საკმარისი დოკუმენტაცია კორონავირუსის საწინააღმდეგო პრეპარატის საქართველოში გამოსაცდელად. ჯანდაცვის სამინისტრო - არის შემთხვევები, როცა ვაქცინაციაზე მისულ პირს ექიმი უარს ეუბნება აცრაზე, მოსახლეობას მივმართავთ, უარის შემთხვევაში, მიზეზის დაფიქსირება წერილობით მოითხოვონ. ჯანდაცვის მინისტრის მოადგილის ინფორმაციით, საველე ჰოსპიტალი 500-მდე პაციენტისთვისაა განკუთვნილი და თუ საჭიროება იქნება, სამხედრო ექიმებიც ჩაერთვებიან. ვაქცინაციის პროცესის ეფექტიანად განხორციელების პროცესში საქართველოს თავდაცვის ძალები ჩაერთვება. ბიძინა კულუმბეგოვი - სამწუხაროა, რომ პანდემიიდან წელიწადნახევრის შემდეგ, საველე ჰოსპიტლების გაშლა გვჭირდება, თუმცა სწორი გადაწყვეტილებაა, რადგან სახლში ვერ დავტოვებთ ჟანგბადდამოკიდებულ პაციენტებს. თავდაცვის სამინისტრო გამოხატავს მზაობას, „დელტას“ ბაზაზე ყოველთვიურად ათასამდე დამატებით საწოლი დაამზადოს, მობილური სამხედრო - სამედიცინო ჯგუფები კი საჭიროების მიხედვით ჩაერთვებიან პროცესებში. ვაქცინაციის ძირითადი ცენტრების მიმართულებით ავტობუსების დამატებითი მარშრუტები დაინიშნა.

      არჩევნების სამზადისი - ცესკო-ს პრესსპიკერის განცხადებით, საოლქო-სარჩევნო კომისიებში საუბნო-საარჩევნო კომისიის წევრთა არჩევის პროცესი დასრულდა. ვატო შაქარიშვილი თვითმმართველობის არჩევნებში საბურთალოს მაჟორიტარობის დამოუკიდებელი კანდიდატი იქნება. გაერთიანებული ოპოზიციიდან ფოთის მერობის კანდიდატი თინა ბოკუჩავა იქნება.

      სტატისტიკა - „საქსტატი“ - საქართველოში განხორციელებული პირდაპირი უცხოური ინვესტიციების მოცულობამ 2020 წელს 572.0 მლნ დოლარი შეადგინა, რაც 2019 წლის მონაცემებზე 57.2%-ით ნაკლებია. წინასწარი მონაცემებით, 2021 წლის II კვარტლის ბოლოსთვის მსხვილფეხა რქოსანი პირუტყვის სულადობა წინა წლის შესაბამის მაჩვენებელთან შედარებით 2.2%-ით გაიზარდა.

      ირაკლი ქარსელაძე ხელოვნების მუზეუმიდან ექსპონატების დროებით სხვა სივრცეში გადატანაზე - როდესაც მუზეუმებზეა საუბარი, სიფრთხილე აუცილებელია, ეს სიფრთხილე დაცულია.

      უსაფრთხო თანამშრომლობა ბელარუსთან - საქართველოს სახელმწიფო უსაფრთხოების სამსახურსა და ბელარუსის რესპუბლიკის სახელმწიფო უსაფრთხოების კომიტეტს შორის თანამშრომლობის შესახებ შეთანხმება 2016 წელს გაფორმდა. ხელშეკრულების გაფორმების შემდეგ საქართველოს ხელისუფლების მხრიდან შესაბამის ვადებში გადაიდგა ყველა ნაბიჯი დოკუმენტის ძალაში შესვლისათვის, ხოლო ბელარუსის რესპუბლიკამ 2016 წელს გაფორმებული დოკუმენტი მიმდინარე წლის აგვისტოში აამოქმედა, რის შესახებაც ინფორმაცია ხელმისაწვდომი გახადა მედიის საშუალებით. შეთანხმება მიზნად ისახავს მხარეებს შორის თანამშრომლობას ტერორიზმის, კორუფციისა და სხვა სახელმწიფო უსაფრთხოების წინააღმდეგ მიმართული საერთაშორისო და ტრანსნაციონალური ორგანიზებული დანაშაულების წინააღმდეგ ბრძოლის საკითხებზე. გიორგი კანდელაკი სუს-ისა და ბელარუსის უსაფრთხოების კომიტეტს შორის შეთანხმებაზე - ეს დოკუმენტი წარმოადგენს საფრთხეს ქვეყნის ეროვნული უშიშროებისთვის. საქართველოს უსაფრთხოების სამსახურსა და ბელარუსის სახელმწიფო უსაფრთხოების კომიტეტს შორის თანამშრომლობის ხელშეკრულების ძალაში შესვლამ საქართველოს მეგობრების, მხარდამჭერებისა და ევროატლანტიკურ სტრუქტურებში გაწევრიანების მოსურვეების გაოგნება გამოიწვია. ირაკლი ბერაიას განცხადებით, სუს-სა და ბელარუსის შესაბამის უწყებას შორის გაფორმებულ შეთანხმებაში პრობლემური და შემაშფოთებელი არაფერია. მარინა კალიურანდი - მოვუწოდებ საქართველოს ხელისუფლებას, გააუქმოს ბელარუსის სახელმწიფო უსაფრთხოების კომიტეტთან ინფორმაციის გაცვლის შესახებ შეთანხმება.

      საშიში ავღანეთი - საგარეო საქმეთა მინისტრის მოადგილე - თურქულმა მხარემ დაგვიდასტურა მზაობა, რომ ისინი საქართველოს მოქალაქეებს მიიყვანენ ქაბულის აეროპორტში, საიდანაც ჩვენი პარტნიორები უზრუნველყოფენ მათ ჩამოყვანას. ავღანეთიდან საქართველოს მოქალაქეების დასაბრუნებლად მთავრობა თვითმფრინავს გააგზავნის. საგარეო უწყება - ავღანეთში მყოფი საქართველოს მოქალაქეების სამშობლოში გამომგზავრებასთან დაკავშირებით, დავით ზალკალიანი მუდმივ კონტაქტზეა მევლუთ ჩავუშოღლუსთან.

      საშველი - SpaceX-მა საქართველოს ინტერნეტიზაციის პროცესში ჩართულობაზე დაინტერესება გამოთქვა.

საზღვარგარეთულები:

      #კოვიდმსოფლიო - მსოფლიოში კორონავირუსით ინფიცირებულთა რაოდენობამ 208 მილიონს გადააჭარბა, ვირუსს 4.37 მილიონი ადამიანი ემსხვერპლა. სომხეთში კორონავირუსის 256 ახალი შემთხვევა დაფიქსირდა, დაიღუპა 7 ადამიანი. რუსეთში კორონავირუსის 20 765 ახალი შემთხვევა დაფიქსირდა და 806 ადამიანი გარდაიცვალა. თურქეთი კოვიდ 19-ის საწინააღმდეგო ვაქცინის მიღების ასაკს 15 წლამდე ამცირებს. აზერბაიჯანში კორონავირუსის 1 851 ახალი შემთხვევა გამოვლინდა, გარდაიცვალა 17 ადამიანი.

      სროლები - სომხეთის თავდაცვის უწყება - აზერბაიჯანელმა სნაიპერმა სომეხი სამხედრო მოკლა.

      მედია - ისრაელის ძალებსა და პალესტინელებს შორის ორმხრივი სროლის შედეგად მინიმუმ 4 პალესტინელი გარდაიცვალა.

      თალიბების ავღანეთი - მას შემდეგ რაც თალიბებმა ქაბული დაიკავეს და პრეზიდენტის კაბინეტიდან საბოლოო გამარჯვება გამოაცხადეს, მოსახლეობის დიდმა ნაწილმა ქვეყნის დატოვება დაიწყო. ანტონიო გუტერეში „თალიბანსა“ და სხვა მხარეებს მაქსიმალური თავშეკავების გამოჩენისკენ მოუწოდებს. მსოფლიოს 60-ზე მეტი ქვეყანა აცხადებს, რომ ავღანელებსა და სხვა ქვეყნების მოქალაქეებს ქვეყნის უსაფრთხოდ დატოვების საშუალება უნდა მიეცეთ. ბორის ჯონსონი - ყველაფერი უნდა გავაკეთოთ იმისთვის, რომ ავღანეთი ტერორის გასამრავლებელ ნიადაგად არ იქცეს. დონალდ ტრამპი - დროა, ჯო ბაიდენი სამარცხვინოდ გადადგეს. მედია - ქაბულის აეროპორტში სულ მცირე 5 ადამიანი დაიღუპა. მედია - ქაბულის აეროპორტიდან აფრენილი თვითმფრინავიდან ადამიანები ვარდებიან. ირანის პრეზიდენტი - ავღანეთში აშშ-ის სამხედრო მარცხი ხანგრძლივი მშვიდობის დამყარების შესაძლებლობა უნდა გახდეს. ზურაბ ბატიაშვილი - პოპულარული მოსაზრებაა, ყველა შეეშვას ავღანეთს და რაც უნდათ, ის უქნიათ - შენ კი შეიძლება შეეშვა, მაგრამ ის არ შეგეშვება ისეთი დიდი პრობლემებით, რომლებიც მოყვება „თალიბანის“ მკაცრი წესებით მართვას.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 148

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters