ძვირი წამლები ვადის გარეშე, არჩევნები აფხაზეთში და შოთაძე გენპროკურორად

      როდესაც NDI კვლევას აქვეყნებს, მაშინვე დღის მთავარი ამბავი სწორედ კვლევის შედეგები ხდება, კვლევის პროცესის, კითხვარის, შერჩევის და მთელი წინარე პროცესის გამოუკვლეველად. დღესაც ასე იყო - შედეგების განხილვას, მოწონება-დაწუნებას დაეთმო მთელი დღე. ასევე დღის მთავარი თემა იყო აფხაზეთში მიმდინარე პროცესები, შოთაძის სავარაუდო დაბრუნება პროკურატურაში - გენერალურ პროკურორად, ასევე სერგეენკოს მინისტრობისას მედიკამენტების ვადაგასულობის ამბავიც.

საქართველოს და მსოფლიოს ამბები / 16 იანვარი, 2020

      მკვლევარი ეროვნულ-დეკომრატიული ინსტიტუტი - NDI-ის კვლევის თანახმად, გამოკითხულთა უმრავლესობა ყველაზე ცუდად პარლამენტის და სასამართლოს საქმიანობას აფასებს. გამოკითხულთა 64% მთავრობის საქმიანობას ცუდად აფასებს, 30% - კარგად. გამოკითხულთა უმრავლესობა ხელისუფლების ლიდერებიდან ყველაზე დადებითად კახა კალაძის საქმიანობას აფასებს, ყველაზე ცუდად კი სალომე ზურაბიშვილის. გამოკითხულთა უმრავლესობა თვლის, რომ საქართველოს სასამართლოები ერთნაირად არ ეპყრობა ყველა მოქალაქეს. გამოკითხულთა 49% უზენაესი სასამართლოს მოსამართლეების შერჩევის პროცესს უარყოფითად აფასებს. გამოკითხულთა 19% თვლის, რომ მათ შეხედულებებთან ყველაზე ახლოს პარტია „ქართული ოცნებაა“, 13% „ნაციონალურ მოძრაობას“ ასახელებს, ხოლო 7% - „ევროპულ საქართველოს“. გამოკითხული მოსახლეობის 82%-სთვის მიზანი, საქართველო გახდეს ევროკავშირის წევრი, მისაღებია. გამოკითხულთა 34-34%-ს პოლიტიკოსებიდან დადებითი დამოკიდებულება დავით ბაქრაძის და კახა კალაძის მიმართ აქვთ. გამოკითხულთა უმეტესობა, 20 ივნისს განვითარებულ მოვლენებზე პასუხისმგებლობას ხელისუფლებას აკისრებს. ლორა თორნტონი - მზარდი ტრენდი შეინიშნება დემოკრატიული ინსტიტუტების ნდობის კლებაში, როგორიც არის პრემიერის ოფისი, ზოგადად მთავრობის შეფასება, პარლამენტი. გია ვოლსკი - ათეულ წელზე მეტია NDI გაუგებარი მიზნებით გამოქვეყნებული კვლევის შედეგებით აჟიოტაჟს ქმნის. კობა ნარჩემაშვილი - NDI-ის კვლევამ სწორად ასახა მოსახლეობის განწყობა პოლიტიკური მხარდაჭერის თვალსაზრისით. ხვალ რომ საპარლამენტო არჩევნები ტარდებოდეს, „ქართულ ოცნებას“ - 20%, „ნაცმოძრაობას“ - 13%, „ევროპული საქართველო - თავისუფალი დემოკრატებს“ - 8% მისცემდა ხმას. NDI-ის კვლევა ასახავს იმ უმძიმეს რეალობას, რომელშიც ქვეყანა შეიყვანა ივანიშვილმა და მისი „კლოუნების“ არმიამ. ხათუნა ლაგაზიძე NDI-ის კვლევაზე - ის, რომ დღეს ოპოზიცია ჯამურად „ქართულ ოცნებას“ ჯობნის, არ ნიშნავს, რომ „ქართული ოცნების“ საქმე წასულია. ლორა თორნტონი - ვიცით, რომ სახელისუფლებო გუნდს აქვს კითხვები - მინდა ხაზგასმით აღვნიშნო, რომ CRRC-საქართველო NDI-ის მხრიდან სრული ნდობით სარგებლობს.

      საარჩევნო პროცესების მიმდინარეობისას მოქალაქეთა პერსონალური მონაცემების დაცვას სახელმწიფო ინსპექტორი გააკონტროლებს.

      წამალი პაციენტს - დავით სერგეენკო - C ჰეპატიტით ინფიცირებულები ვადაგასული წამლით არ მკურნალობდნენ - ვვარაუდობ, აუდიტის სამსახურმა, „ვიკიპედიაში“ ნანახი ფასები აიღო. აუდიტის პასუხი - ჯანდაცვის სამინისტროს ფინანსური აუდიტის ანგარიშში დასახელებული С ჰეპატიტის სამკურნალო მედიკამენტების ღირებულება - 560,645,083 ლარი სამინისტროს მიერ მომზადებულ კონსოლიდირებულ ფინანსურ ანგარიშგებაშია ასახული, - ასეთ განმარტებას აკეთებს სახელმწიფო აუდიტის სამსახურის მედიასა და საზოგადოებასთან ურთიერთობის სამსახური ჯანდაცვის ყოფილი მინისტრის, დავით სერგეენკოს განცხადებაზე. დიმიტრი ხუნდაძე C ჰეპატიტის ელიმინაციის პროგრამაზე - ჯობია წამალს დააკლდეს პაციენტი, ვიდრე პაციენტს - წამალი. ზურაბ ჭიაბერაშვილი - დავით სერგეენკო ახლა თავის მართლების რეჟიმშია, მათ შორის, სახელმწიფო-მაკონტროლებელ ორგანოებთან. სერგეენკო - პოლიტიკურად ანგაჟირებული ადამიანებისგან გაჟღერდა, რომ C ჰეპატიტის მედიკამენტების ფარული გადაყიდვა მოხდა, ერთი ტაბლეტის სიზუსტით იყო ყველაფერი დაბალანსებული.

      არჩევნები აფხაზეთში - ირაკლი ბერაია - განსაკუთრებული ყურადღება ეთმობა სოხუმში განვითარებულ პროცესებს, ჩვენთვის მთავარია ჩვენი მოქალაქეების უსაფრთხოება და დაცულობა. აფხაზეთის ე.წ. პრეზიდენტობის კანდიდატი ასლან ბჟანია - სოხუმსა და თბილისს შორის დიალოგი უნდა იყოს - როგორ ფორმატში, რა ფორმით, მნიშვნელობა არ აქვს. თორნიკე შარაშენიძე - ასლან ბჟანიას პასუხი დამაიმედებელია - თუ შეგვეშინდება დიალოგის ფორმატის, კიდევ 28 წელი გავა. გიორგი კანაშვილი - ბჟანია, 4-5 წლის განმავლობაში აფხაზეთში მთავარი პირი იქნება - მის ნათქვამში საინტერესოა ის, რომ ისინი მზად არიან მოლაპარაკებისთვის. ცხინვალის დე ფაქტო პარლამენტის ე.წ. დეპუტატი - აფხაზებს საქართველოსთან საკუთარი საკითხები აქვთ გასარკვევი - ყველაფერი საქართველოს პოზიციაზეა დამოკიდებული. მამუკა არეშიძე - თუ აფხაზური მხარე დააყენებს საკითხს ისე, როგორც აქამდე აყენებდა, რომ ეს უნდა იყოს პოლიტიკურ სუბიექტებს შორის დიალოგი, მაშინ ეს დიალოგი არ შედგება. სუს-ის უფროსის მოადგილე - ასლან ბჟანიას ინიციატივები საინტერესოა, თუკი ისინი ჟენევის ფორმატში იქნება დასმული, ინტენსიურ რეჟიმში ვიმსჯელებთ.

      პროკურორი შოთაძე - გია ვოლსკი - თუ ირაკლი შოთაძეს გაუწევენ რეკომენდაციას გენერალური პროკურორის თანამდებობაზე, მე მხარს დავუჭერ. მამუკა მდინარაძე - ირაკლი შოთაძის კანდიდატურას მხარს დავუჭერ, გუნდიც ამ აზრზე იქნება რადგან ის არის ღირსეული და პროფესიონალი კაცი. ზაზა სარალიძე ირაკლი შოთაძეზე - ამ საქციელით მას სურს დაგვანახოს თავისი უდანაშაულობა დათუჩას მიმართ და ღირსეულად ბრძოლის ველზე დაბრუნებად შევაფასებ. სალომე სამადაშვილი - შოთაძის დაბრუნება ნიშნავს, რომ პროკურატურის მართვის სადავეები ფარცხალაძის ხელში გადადის, ეს არის დაანონსებული ძალადობა და უკანონობა. ადამიანის უფლებების სწავლებისა და მონიტორინგის ცენტრი - მოვუწოდებთ საბჭოს, მხარი არ დაუჭიროს შოთაძის კანდიდატურას გენ. პროკურორის თანამდებობაზე.

საზღვარგარეთულები:

      რამზან კადიროვმა უფლებამოსილება დროებით მთავრობის თავმჯდომარეს გადააბარა.

      აშშ-მ და ჩინეთმა სავაჭრო შეთანხმება გააფორმეს. დონალდ ტრამპის იმპიჩმენტის საბრალდებო მასალა სენატს გადაეცა.

      თურქეთი „ვიკიპედიაზე“ დაწესებულ აკრძალვას აუქმებს.

      ირანის პრეზიდენტი - ირანი ახლა უფრო მეტად ამდიდრებს ურანს, ვიდრე 2015 წლამდე, როცა ბირთვული ხელშეკრულება დაიდო.

      ავსტრალიის სახანძრო სამსახურში აცხადებენ, რომ წვიმა ყველა ხანძარს ვერ ჩააქრობს, თუმცა ნალექმა კონტინენტს მცირე შვება მოუტანა.

      სამთავრობო ამბები რუსეთში - სერგეი ლავროვი - მთელი ამ წლების მანძილზე, მე პატიოსნად ვასრულებდი ჩემს მოვალეობას. რუსეთის პრემიერ-მინისტრი მიხეილ მიშუსტინი გახდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1543

ტეგები: qwellynews, ამბები, ბლოგი, იანვარი, ნიუსები, სიახლეები

Kakha: იანვარი 17, 2020||11:33am

ვიკიპედიას ლოგოს ულვაში მოუხდებოდა )

ლაშა: იანვარი 21, 2020||10:12pm

გამოვიდა, რომ ვადა გაუვიდა ძვირადღირებულ წამლებს, რომლებშიც ფულს არ იხდიდა სახელმწიფო?

Kakha: იანვარი 21, 2020||11:32pm

ისე თუ გახსოვს, სატესტო რეჟიმშია ეს წამალი, და ამიტომ თვითონ მწარმოებელია დაინტერესებული მისი დატესტვით და გვამარეგებს და გვამარაგებს :D და რატო ნერვიულობენ მის ფასზე?

ლაშა: იანვარი 22, 2020||12:24am

მეც გამიკვირდა ეს აღმოჩენა - ნახევარი მილიარდის ღირებულების წამალი უბრალოდ საჩუქარი ყოფილა (დასატესტად, გამოდგება თუ არა) და საჩუქრის ფასი გადაამოწმეს? ისინი არ ჩივიან ვინც გვჩუქნის და ამათ რა უნდათ? )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დაპირისპირება პოლიტ. ველზე, მერაბიშვილის გამოსვლა, კალაძის დედაქალაქელობა, შოთაძის პრობლემები, მარგველაშვილის პოლიტიკა

გამოაქვეყნა Giorgi_მ.
თარიღი: თებერვალი 19, 2020.
საათი: 11:38pm 4 კომენტარი

      ქვეყნის მთავარი ამბავი დღევანდელ ნიუსრუმში, პოლიტიკური დაპირისპირებაა ნაცებსა და ქოცებს შორის - დღეს ერთი უცხოელი მხატვარი ამბობდა, გაოცებული ვარ ქართველებით - სად გაგონილა ოპოზიციამ სახელმწიფო ინსტიტუტს ბოქლომი დაადოსო ან კიდევ, მთავრობამ იმაზე ისაუბროს რომ ქვეყანას დემოკრატიით მართავს ან კიდევ მთავარი პრობლემა ოპოზიციააო. თუმცა ქვეყნის შიგნით სხვა ამბავი კალაძის თბილისია, მერაბიშვილის გათავისუფლება, აჭარის ტელევიზია და გარემოს დაცვის…

გაგრძელება

მხარდაჭერილი შოთაძე და საიქიოდ წასული რეჟისორი

გამოაქვეყნა Giorgi_მ.
თარიღი: თებერვალი 17, 2020.
საათი: 9:00pm 1 კომენტარი

      დღევანდელი დღე სამწუხარო ამბით იქცა გამორჩეულად და ისტორიაში ჩასაწერად - დღეს გარდაიცვალა გიორგი შენგალაია (იხ. ქველინიუსი). თუმცა, პოლიტიკოსებმა გიორგი შენგელაია ნაკლებად გაიხსენეს, როდესაც საქმე მთავარი პროკურორის არჩევნებს და დანიშვნების შეეხო. კიდევ ერთი ამბავია - გიორგი მარგველაშვილი აქტიურ პოლიტიკას…

გაგრძელება

ევროპაში ჩავარდნილი პროექტი, დიპლომატები საქართველოში და უგულავას მილიონები

გამოაქვეყნა Giorgi_მ.
თარიღი: თებერვალი 13, 2020.
საათი: 10:30pm 2 კომენტარი

      დედაქალაქი ძალიან დაიჩაგრა. ეს ის შემთხვევაა, როდესაც ცენტრალიზებული მართვის პირობებში, მთავარი ქალაქი ბუნებამ დაჩაგრა - ყველგან თოვს, ზღვისსპირეთში, მთის კალთა-კიდეებზე, დიდ-მცირე ქალაქებში, გორშიც კი, მაგრამ თბილისში არა და არ თოვს. რაც შეეხება პოლიტიკურ ამბავნარს, დღის მთავარი თემა ევროკავშირთან პროეტების და კანონების განხილვა იყო და უგულავას საქმეზე კომისიობანა და კომენტარობანა.

საქართველოს და მსოფლიოს ამბები / 13…

გაგრძელება

ოსკარის ვარსკვლავური დერეფანი - წითელი ხალიჩა 2020

გამოაქვეყნა Tamila Moshiashvili_მ.
თარიღი: თებერვალი 12, 2020.
საათი: 11:28am 2 კომენტარი

      მართალია ეს არც მილანური დეფილეა და არც პარიზის მოდის კვირეულია, მაგრამ ოსკარი რომ მოდის დიზაინერებისთვის ერთ-ერთი ყველაზე დიდი თავსატეხია, რაც აგერ უკვე მრავალი წელია დასტურდება. წითელ ხალიჩაზე ჩავლილმა ვარსკვლავებმა ისეთი შთაბეჭდილება უნდა დატოვონ, რომ მთელი წელი მათ კაბებზე საუბრობდეს მედია და მოდის სამყარო. ჩვენც, მოურიდებლად გვმართებს თვალი ვადევნოთ ვარსკვლავების ჩაცმულობა-მორთულობას, რათა შემდეგ ჩვენს ქუჩებშიც იარონ ნატალი პორტმანებმა,…

გაგრძელება

Qwelly World

free counters