ადამიანის უფლებებზე მორიგი შენიშვნები, უსაქმური შენობა, სემეკის ტარიფოლოგია და გადამდგარი რუსეთი

      ზამთარი კუდის ქნევას თავს არ ანებებს და ამ შუა ღამისას წვიმა-თოვლი წამოაყარა, ალბათ ნალექი იქნება, მაგრამ სითბო შენარჩუნდება - თოვლს არავინ ელის. ამას გარდა, ქვეყანაში მთავარი თემა, ამჯერად, მორიგი საერთაშორისო ორგანიზაციის დასკვნა-რეკომენდაციებია - ადამიანის უფლებები. დღის მეორე თემა, პარლამენტარების თავშეყრის ქუთაისურ შენობას ეხებოდა, ასევე რუსეთის გადამდგარ მთავრობასა და სემეკის ტარიფებს.

საქართველოს და მსოფლიოს ამბები / 15 იანვარი, 2020

      მომავალი ჩვენია - ბაგა-ბაღების მართვის სააგენტოს ხელმძღვანელი - ყველა ბავშვი შემოწმდება და პირველივე სიმპტომის შემთხვევაში, არ დაიშვება საჯარო ბაღებში.

      ადამიანის უფლებების სადარაჯოზე - Human Rights Watch - სუსტი რეგულაციები და შრომის პრაქტიკა ძირს უთხრის დასაქმებულების უსაფრთხოებას საქართველოში. Human Rights Watch - ევროპული სასამართლოს მიერ „რუსთავი 2“-თან დაკავშირებით მიღებულმა გადაწყვეტილებამ საქართველოს მედიასივრცე შეარყია. ამუკა ხაზარაძე Human rights watch-ის ანგარიშზე - ეს დასკვნა იმას ნიშნავს, რომ ჩვენს ქვეყანაში სამართლიანობა და სამართალი არ არსებობს. ირაკლი პეტრიაშვილი Human Rights Watch-ის ანგარიშზე - თუ ადამიანი მუშაობს შესვენების, შვებულების გარეშე, მისი ყურადღება შეზღუდულია და ბევრი შეცდომა მოუვა. სალომე სამადაშვილი - ვფიქრობ, Human Rights Watch-ის ანგარიში უზარმაზარი შავი ლაქაა ივანიშვილის ხელისუფლებაზე. ლაშა ტუღუში - Human Rights Watch-ის ანგარიში ნიშნავს იმას, რომ საქართველოში მედიას აქვს სერიოზული პრობლემები და მედიის თავისუფლების თვალსაზრისით, არ არის თავისუფალი ქვეყნების რიგში. რომან გოცირიძე Human Rights Watch-ის ანგარიშზე - მას შეიძლება ვუწოდოთ შავი გვირგვინი „ქართული ოცნების" სასაფლაოზე.

      მამალაძის პატიმრობა - ადვოკატი - თუ დეკანოზი გიორგი მამალაძე უახლოეს პერიოდში არ დატოვებს პენიტენციურ დაწესებულებას, მისი სიცოცხლე ფატალური შედეგით დასრულდება.

      ნიუსები აფხაზეთში - ეკა ბესელია - საჭიროა, აფხაზებთან პირდაპირი დიალოგის გზები მოიძებნოს - მაოცებს ხელისუფლების ზედაპირული პოზიცია და ცარიელი განცხადებები. ელიზაბეთ რუდი - მოვუწოდებთ დე ფაქტო ხელისუფლებას, გახსნას გამშვები პუნქტები და მისცეს მოსახლეობას შიშისგან თავისუფალი ცხოვრების საშუალება.

      სემეკის ტარიფოლოგია - დავით ნარმანია - მეტი საშუალო და დიდი ჰესი უნდა აშენდეს და პროექტები, რომლებიც ადგილობრივი მოსახლეობის წინააღმდეგობის გამო შეფერხებულია, დაჩქარდეს. დავით ნარმანია ბუნებრივი აირის ახალი აბონენტების მიერთების საფასურის გაორმაგებაზე - იანვრიდან შეიცვალა ბუნებრივი აირის ახალი აბონენტების მიერთების საფასური და 400 ლარის ნაცვლად 800 ლარი გახდა. ეს ეხება მხოლოდ თვითმმართველ ქალაქებს, როგორიცაა თბილისი, ქუთაისი, ფოთი , რუსთავი და ბათუმი. ეს გადაწყვეტილება იქიდან გამომდინარე მივიღეთ, რომ რეალურად კომპანიებს ახალი აბონენტების დაერთება 400 ლარზე მეტი უჯდებოდათ და შესაბამისად, სხვაობა უნდა დაფარულიყო ტარიფიდან. მოქმედ აბონენტებს, რომ არ გაზრდოდათ ტვირთი, ამიტომაც მივიღეთ ეს გადაწყვეტილება. სემეკი წყალმომარაგების სექტორში ქსელზე მიერთების საფასურს ამცირებს.

      მკაცრი მერი - კახა კალაძე - მინდა მივმართო მოადგილეებს, გავაფრთხილო საქალაქო სამსახურების ხელმძღვანელები, გამგებლები - მაქსიმალური ყურადღება გამოიჩინეთ კორუფციის პრევენციაზე, რაიმე არ გამოგეპაროთ! კახა კალაძე გამგებლებს ავალებს, „ადამიანებს მისცენ შესაძლებლობა, თვითონ განსაზღვრონ პრიორიტეტები, რა უნდათ საკუთარ უბანში, ქუჩაზე გაკეთდეს“. ყველა აღფრთოვანებულია, ეს წელი მართლაც განსაკუთრებული იყო ჩვენი ქალაქისთვის, საახალწლო ილუმუნაციები, საახალწლო სოფელი, მართლაც შთამბეჭდავი იყო. ბოდიში მინდა მოვუხადო საზოგადოებას იმისთვის, რომ ჩვენ ძალიან ბევრ მასშტაბურ პროექტს დავიწყებთ და იქნება გარკვეული დისკომფორტი.

      უსაქმური შენობა - მამუკა ხაზარაძე ქუთაისში, პარლამენტის ყოფილ შენობაში, საერთაშორისო საფონდო ბირჟის მოწყობის ინიციატივით გამოდის. სალომე სამადაშვილი ქუთაისში პარლამენტის ყოფილ შენობაზე - ის პროექტები, რაც ქვეყნის განვითარებისთვის არსებობდა, დაკონსერვდა - ეს ივანიშვილის 8-წლიანი მართვის პირდაპირი შედეგია. სერგი კაპანაძე - ნებისმიერი დღე, როცა ქუთაისში პარლამენტის ყოფილი შენობა არის უქმად, არ მოაქვს შემოსავალი და არ ასრულებს ფუნქციას, ეს ჩვენი მოქალაქეების ჯიბიდან ამოღებული ფულია. მამუკა მდინარაძე - დღეს ჩვენ მოვისმინეთ ქუთაისში, პარლამენტის შენობასთან დაკავშირებით "ნაცმოძრაობის" წარმომადგენლების უნამუსო განცხადებები. რომან გოცირიძე - ქუთაისში, პარლამენტში პოლიციური ჰაბის შექმნა, სრული სისულელე იყო.

      გაყინული ხორცი - თავდაცვის სამინისტროსთვის საქონლის გაყინული ხორცის მიმწოდებელი კომპანია დაჯარიმდა.

საზღვარგარეთულები:

      მოძრაობა ერაყში - ერაყის შიიტთა ლიდერი მოსახლეობას ამერიკული ჯარების ქვეყანაში ყოფნის წინააღმდეგ „მილიონიანი მარშის“ გამართვისკენ მოუწოდებს.

      ხმა ჩრდილოური - რუსეთი სპარსეთის ყურის ქვეყნებს კოლექტიური უსაფრთხოების მექანიზმის შემუშავებისკენ მოუწოდებს. ვლადიმერ პუტინი - ვეთანხმები, რომ ერთმა და იმავე პირმა რუსეთის პრეზიდენტის თანამდებობა ზედიზედ ორ ვადაზე მეტად არ უნდა დაიკავოს. ვლადიმერ პუტინი - ჩვენ არავის ვემუქრებით და არ ვისწრაფვით საკუთარი ნება დავამყაროთ. რუსეთის მთავრობა გადადგა - რუსეთის ფედერაციის პრემიერ-მინისტრი დიმიტრი მედვედევი მიზანშეწონილად მიიჩნევს პრეზიდენტის მიერ კონსტიტუციაში ცვლილებების შეტანის გამოცხადებული წინადადებების ფონზე, მთავრობის სრული შემადგენლობაში გადადგეს. ვლადიმერ პუტინმა დიმიტრი მედვედევს უშიშროების საბჭოს თავმჯდომარის მოადგილის თანამდებობა შესთავაზა. ვლადიმერ პუტინმა სახელმწიფო დუმას პრემიერის პოსტზე მიხეილ მიშუსტინის კანდიდატურა წარუდგინა. რუსეთში საკონსტიტუციო ცვლილებების ინიციატივის თანახმად, პრეზიდენტს პარლამენტთან შეთანხმებული მინისტრობის კანდიდატების უარყოფის უფლება აღარ ექნება.

      ცეცხლის ფასი - ავსტრალიის აბორიგენი მოსახლეობა - ჩვენს ისტორიაში ყველაზე საშინელი ხანძრებია, თუ ყველაფერი დავკარგეთ, ჩვენი სულებიც მოკვდება.

      ირანული მოწოდება - ირანის პრეზიდენტის, ჰასან როუჰანის თქმით, უცხო ქვეყნებმა ახლო აღმოსავლეთიდან ჯარები უნდა გაიყვანონ, რადგან მათ შესაძლოა „საფრთხე შეექმნათ“.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1545

ტეგები: qwellynews, ამბები, ბლოგი, იანვარი, ნიუსები, სიახლეები

Kakha: იანვარი 16, 2020||4:18pm

რუსეთის რა ვთქვა, მაგრამ ნარმანიას რო კრამიტი აქვს მაგრად ჩაცურებული ნაღდია :D

ლაშა: იანვარი 16, 2020||8:11pm

ვფიქრობ, საბოლოოდ, ტოტალიზატორი ან კაზინო გაიხსნება ქუთაისის პარლამენტის შენობაში.

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

უეინ დრედსკი და კორონავირუსი კანადაში

გამოაქვეყნა EFTcheat_მ.
თარიღი: მარტი 28, 2020.
საათი: 5:30am 0 კომენტარი

Rapper Wayne Dreadski is A Viral Sensation on Spotify in Canada During Coronavirus Outbreak

Truth is Wayne Dreadski’s name echoes Canadian-bon hockey player Wayne Gretzky’s name thanks to which his music has been topping the Canadian charts.

Toronto, Canada (March 26, 2020) - Many know when it comes to the genre of rapping, there’s one name that has been making news for a while. Wayne Dreadski, thanks to his great work, has become…

გაგრძელება

კორონას რიცხვები, მსოფლიო ვირუსული ომიანობა და ერთობლივი ლოცვა

გამოაქვეყნა Giorgi_მ.
თარიღი: მარტი 27, 2020.
საათი: 11:36pm 0 კომენტარი

      კორონას ამბები, საერთო ლოცვა და დოლარის მაღალი ნიშნული - 3.2896. ნატოს მდივნის პოზიტიური შეფასებები ჩვენი ბრძოლის მეთოდებისა და კერძო ტესტები ან პირბადეები. კარგი ამბავიც არის - ორ კვირაში, საქართველოში ჰაერის დაბინძურების მაჩვენებელი შემცირებულია.

საქართველოს და მსოფლიოს ამბები / 27 მარტი, 2020

      შიდა კორონა - ამ დროის მონაცემებით: საქართველოში, კორონავირუსის დადასტურებული შემთხვევა - 83 და მათ შორის…

გაგრძელება

კახური მეტსახელების სახალისო კრებული

გამოაქვეყნა თამარი_მ.
თარიღი: მარტი 26, 2020.
საათი: 1:42am 0 კომენტარი

გაერთეთ )

1) რონალდო კოტე - ცოლი გაშორდა, ირინა ერქვა.

2) დიკაპრიო თამაზა - ტყეში დათვს გადაეყარა, გადარჩა.

3) გასხლული პეტრე - ცალი თვალი­, ცალი თირკმელი და ცალი ფილტვი არა აქვს.

4) ბარსელონა ქეთო - მაგისი ძროხა ყოველ წელს ხბოს იგებს.

5) მაესტრო ლევანა - მეზობელი ნაკვეთს ედავება სასამართლოში.

6) ჭორვილა გოგია - ვირი თეთრი ზოლებით შეუღებეს.

7) პრეზიდენტი ლეილა - ლამაზ წინდებს ქსოვს.

8) ჩურჩხელა გია - ბავშვობაში თეთრი ძაფი გადაეყლაპა.

9)…

გაგრძელება

კორონას ამბები და ბრძოლის მეთოდები

გამოაქვეყნა Giorgi_მ.
თარიღი: მარტი 25, 2020.
საათი: 11:00pm 3 კომენტარი

      დღეს საქართველოსთვის უმნიშვნელოვანესი დღეა, თუმცა მილოცვებიც კი გადაავიწყდა ქვეყანას - საქართველოს სამოციქულო მართლმადიდებელი ეკლესია დღეს ავტოკეფალიის აღდგენის დღეა. გამორჩეული სიახლე არ გვქონია - ისევ კრონა, ახალი ინფიცირება, გარდაცვლილები და საპატრიარქოს მომდევნო განცხადება დისტანციაზე, წირვა-ლოცვაზე სიარულსა და ზიარებაზე.

საქართველოს და მსოფლიოს ამბები / 25 მარტი, 2020

      ინფიცირება - საქართველოში…

გაგრძელება

Qwelly World

free counters