მრავალფეროვანი qwellynews - კვლევები, ჯანდაცვა, პენიტენცია, სამთავრობო ცვლილებები, იმპიჩმენტი, ელჩობა, პროკურატურა

      ქველინიუსის მთავარი აბავი - ქართული სოციალური ქსელი, მილიონიანი მკითხველით - დიახ, www.qwelly.com-ის მკითხველთა რაოდენობა მილიონზე მეტია. დღის სხვა ამბებში, NDI-ის კვლევის შედეგებია, საქართველოში ახალი ნაფიცი ელჩი, შოთაძის დაბრუნება პროკურატურაში, ჯანდაცვა, პენიტენცია და სხვა მრავალფეროვანი წვრილ-მსხვილი ამბავნარი.

საქართველოს და მსოფლიოს ამბები / 17 იანვარი, 2020

      რა შედეგი მოგვცა კვლევამ?! - ბადრი ჯაფარიძე NDI-ის კვლევაზე - ეს არის მოსახლეობის მხრიდან პირდაპირი მანდატი, რომ "ქართულმა ოცნებამ" მმართველი პოზიცია უნდა დატოვოს. მამუკა მდინარაძე - ლორა თორნტონთან უახლოეს მომავალში გვექნება სიღრმისეული დისკუსია NDI-ს კვლევებთან დაკავშირებით, რადგან არსებობს კითხვები, რომელზეც ამომწურავი პასუხები არ არსებობს. ბადრი ჯაფარიძე განმარტავს, რატომ ვერ მოხვდა „ლელო საქართველოსთვის“ NDI-ს კვლევაში - როდესაც ოქტომბერში ეს კვლევა დაიგეგმა, ჩვენ ჯერ კიდევ საზოგადოებრივი მოძრაობა ვიყავით, ამიტომ ჩვენ ვთხოვეთ, რომ ამ გამოკვლევაში "ლელო" არ ყოფილიყო ჩართული. მამუკა მდინარაძე - ეროვნული დემოკრატიული ინსტიტუტის კვლევების ლოგიკას თუ გავყვებით, მიმდინარე წლის საპარლამენტო არჩევნებში „ქართული ოცნება“ დამაჯერებლად გაიმარჯვებს. მიხეილ სააკაშვილი NDI-ის კვლევაზე - მიკვირს, რატომ არ არის მეტი განსხვავება ჩემსა და ივანიშვილს შორის პოპულარობაში. გიორგი გახარია - სამწუხაროდ, კვლევები პოლიტიკური პროცესის ნაწილი გახდა. ემზარ კვიციანი - ლორა თორნტონი ამბობდა, პარტიებს იძულებულს გავხდით, ვინც ეთიკას დაარღვევს, ის პარლამენტარები მომავალ არჩევნებზე სიაში არ მოხვდნენ.

      სასაზღვრო საქმეები აზერბაიჯანთან - საქართველო-აზერბაიჯანის საზღვარზე ქართველი მესაზღვრის მძევლად აყვანაში ბრალდებულს პატიმრობა შეეფარდა. პროკურორი - როგორც ბრალდებულმა განაცხადა, დავით გარეჯში მივიდა იმ მიზნით, რომ აზერბაიჯანელი მესაზღვრეების იქიდან გაძევება უნდოდა.

      ოლიმპიელი მოსწავლეები - მიხეილ ჩხენკელი საერთაშორისო ოლიმპიადიდან დაბრუნებულ მოსწავლეებს - გვეამაყებით თითოეული თქვენგანი, თქვენ ხართ ჩვენი ქვეყნის ინტელექტუალური განძი.

      მოსალაპარაკებელი აფხაზეთი - ქეთევან ციხელაშვილი - მზად ვართ და ნაბიჯებსაც ვდგამთ დიალოგისკენ აფხაზურ და ოს საზოგადოებასთან. გიორგი გახარია - ჩვენთვის კრიტიკულად მნიშვნელოვანია საოკუპაციო ხაზის ორივე მხარეს საქართველოს მოქალაქეების მდგომარეობა - მოლაპარაკებების გარდა სხვა გზა არ არსებობს. ცხინვალის დე ფაქტო პარლამენტის დეპუტატი - ცხინვალი ასლან ბჟანიას მიერ გაკეთებული განცხადებებით შეშფოთებულია - აფხაზეთის ოპოზიციის ლიდერის, ალსან ბჟანიას მიერ გაკეთებული განცხადებებით, საქართველოსა და აფხაზეთს შორის ეკონომიკურ სფეროში დიალოგის დამყარების შესახებ“. მისი თქმით, ამისთვის მხარეებმა თავდაპირველად ნდობა უნდა აღადგინონ. „ჩვენ, რა თქმა უნდა, ცოტა შეშფოთებულნი ვართ ამ ქმედებებით. მაგრამ, ვისთან და როგორ წარმართონ დიალოგი, ეს აფხაზეთის საშინაო საქმეებია და აფხაზი ხალხის არჩევანია. ჩვენ ყურადღებით ვაკვირდებით მოძმე რესპუბლიკაში განვითარებულ მოვლენებს“, - განაცხადა დრიაევმა. ანატოლი ბიბილოვი - გზა არ გაიხსნება, ვიდრე ქართული მხარე უკანონო საგუშაგოს არ მოხსნის. ოკუპირებული აფხაზეთის "საგარეო უწყება" გაკვირვებას გამოხატავს „პირდაპირი დიალოგის დასაწყებად საქართველოს ხელისუფლების მოულოდნელი მზადყოფნის შესახებ ინფორმაციით“. სერგეი შამბა - საუბარი იმაზე, რომ დიალოგი საჭირო არ არის, სისულელეა.

      ნაფიცი ელჩი -საქართველოში აშშ-ს ახალმა ელჩმა კელი დეგნანმა ფიცი დადო. არჩილ თალაკვაძე - მოხარული ვართ, რომ ამერიკის ხელისუფლებამ დაამტკიცა საქართველოში ამერიკის ელჩი. კელი დეგნანი - ამერიკის მსგავსად, საქართველომაც იბრძოლა დამოუკიდებლობის მისაღწევად - ეს რთულად მოპოვებული დამოუკიდებლობა რუსეთის გამო საფრთხის ქვეშ რჩება. აშშ-ის ახალი ელჩი - წლევანდელი საპარლამენტო არჩევნები მნიშვნელოვანი შესაძლებლობაა ქართველებისთვის, აჩვენონ მსოფლიოს, რომ ის პროგრესი, რომლისთვისაც ამდენი იშრომეს, შეუქცევადია.

      გახარიას ამოცანები - გიორგი გახარია - ჩვენი ძირითადი ამოცანაა ეკონომიკური ზრდა, რისთვისაც ენერგოეფექტურობა და ენერგიის წყარო არის კრიტიკულად მნიშვნელოვანი.

      წასვლა-დაბრუნება პროკურატურაში - სერგო რატიანი - ირაკლი შოთაძის პროკურატურაში დაბრუნება საზოგადოების შეურაცხყოფაა. ადვოკატი - ზაზა სარალიძის მიერ გადაყენებული გენპროკურორი თანამდებობაზე მასთან შეთანხმებით ინიშნება, ეს პოლიტიკური გარიგებაა მიხეილ კალანდიას საქმეზე. ლევან გოგიჩაიშვილი - შოთაძე თავისით არ გადამდგარა, ეს იყო უმრავლესობის გზავნილი ივანიშვილის მიმართ - ის ადამიანები, რომლებიც დღეს ერთმანეთს ასწრებენ მის ქებას, მაშინ მომხრე იყვნენ, რომ გადამდგარიყო. სოფო კილაძე - ირაკლი შოთაძე ღირსეული ადამიანი და პროფესიონალია. ლევან კობერიძე - როცა შოთაძის გადადგომა გადაწყვიტეს, უმრავლესობის წევრები ერთმანეთს ასწრებდნენ კომენტარებში, კი უნდა გადადგესო, ახლა გვიმტკიცებენ, უნდა დაბრუნდესო. მამუკა მდინარაძე - სწორედ ირაკლი შოთაძის მსგავსი ადამიანი სჭირდება პროკურატურას, რომ კიდევ უფრო განვითარდეს. არჩილ თალაკვაძე - უმრავლესობის მხრიდან ირაკლი შოთაძის კანდიდატურას მხარდაჭერა ექნება - პროკურატურა, მისი ხელმძღვანელობით ეფექტურად ებრძოდა დანაშაულს. გიორგი გახარია - ირაკლი შოთაძე არის ღირსეული ადამიანი, ღირსეული პიროვნება და ღირსეული პროფესიონალი. ირაკლი შოთაძე მზადაა, გენერალური პროკურორის თანამდებობაზე დაბრუნდეს.

      ჯანდაცვის საკითხები - ლევან კობერიძე - ჯანდაცვის ახალი მინისტრი მეცხრე თუ მერვე თვეა დანიშნულია და არცერთ საპარლამენტო ფორმატში მონაწილეობა არ მიუღია. საგაზაფხულო სესიის გახსნის შემდეგ, „მინისტრის საათის“ ფორმატში, პირველს ჯანდაცვის მინისტრს ეკატერინე ტიკარაძეს მოუსმენენ. ლევან კობერიძე - ჯანდაცვის სფეროში 520-ე დადგენილებასთან დაკავშირებით ძალიან დიდი პრობლემებია.

      თურქეთის ციხიდან საქართველოში - თურქული მედია - თურქეთს მოუწევს გაათავისუფლოს ლავასოღლი, თუ საქართველო კვლავ არ დათანხმდება მის მიღებას. თეა წულუკიანი - სიმართლეს არ შეესაბამება, რომ ქართულმა მხარემ ლავასოღლის ექსტრადიცია არ მოითხოვა. გიორგი გახარია ლავასოღლის შესახებ - არ ვიცი რა მდგომარეობაა ექსტრადირებასთან დაკავშირებით, თუ ასეთი სამართლებრივი საფუძვლები არსებობს, საქართველოს მოთხოვნით ექსტრადირება მოხდება.

      დეკანოზის საქმე პოლიტიკური სარჩულით - EMC-ის იურისტის გურამ იმნაძის განცხადებით, დეკანოზ გიორგი მამალაძის შეწყალების საქმეზე პოლიტიკური სარჩულის ნიშნები იკვეთება.

      ცვლილებების სერიალი - გიორგი გახარია მთავრობაში საკადრო ცვლილებებზე - მაინცდამაინც „დაგასპოილეროთ“? დაელოდეთ ფინალურ სერიას. ლევან კობერიძე - ალბათ, ბოლო სერიაში მთავრობის ეს წევრები მარტო რჩებიან სადღაც უკაცრიელ კუნძულზე, სადაც აღარავინ არის მათი პატრონი. მამუკა მდინარაძე - გიორგი გახარიას არაფერი დაუდასტურებია ირიბად - იმ ადამიანმა გაგცათ პასუხი, რომ ბოლო სერიაში ნახავთ, რომ ეს ასე არ იქნება.

საზღვარგარეთულები:

      სენატმა აშშ-ის პრეზიდენტის დონალდ ტრამპის იმპიჩმენტის პროცესი დაიწყო.

      კანადის საგარეო საქმეთა მინისტრი - ხუთი დაზარალებული ქვეყანა იმედოვნებს, რომ ირანი კომპენსაციას გადაიხდის. მედია - ირანის მიერ 8 იანვარს განხორციელებული სარაკეტო თავდასხმის შედეგად 11 ამერიკელი ჯარისკაცი დაშავდა.

      მარინ ლე პენი საფრანგეთის 2022 წლის საპრეზიდენტო არჩევნებში მიიღებს მონაწილეობას

      ავსტრალიაში ძლიერმა წვიმამ ხანძარი შეასუსტა.

      ემანუელ მაკრონი - რუსეთმა უკრაინის ნაწილი დაიპყრო - თუ ყველა გაყინული კონფლიქტის მოგვარებას დაელოდები იმისთვის, რომ წინ წახვიდე, ლოდინი დიდხანს მოგიწევს.

      უკრაინის პრემიერ-მინისტრი თანამდებობის დატოვება მოუნდა, მაგრამ უკრაინის პრეზიდენტმა პრემიერ-მინისტრის გადადგომის შესახებ განცხადება არ დააკმაყოფილა.

      აიათოლას სიტყვა - ირანის უმაღლესი ლიდერი - ირანს ღვთიური მხარდაჭერა ჰქონდა, როცა აშშ-ს „სილა გაულაწუნა“.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1546

ტეგები: qwellynews, ამბები, ბლოგი, იანვარი, ნიუსები, სიახლეები

Kakha: იანვარი 17, 2020||11:52pm

მძიმე იანვარია საზღვარგარეთ :D მაკრონი რა შეუვალი ჩანს, მალე ეგ გააერთიანებს უკრაინას

George: იანვარი 18, 2020||12:19am

www.qwelly.com-ის მკითხველთა რაოდენობა მილიონზე მეტი !!!

NDI რა იცის QWELLY რა ხილია ?

George: იანვარი 18, 2020||12:21am

#qwelly #Qwellyland #VideoQwelly #qwellygraphy  ❤️❤️❤️  #QWELLY #Qwellyssimo #Qwellynaria #qwellynews

George: იანვარი 18, 2020||12:14pm

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დაპირისპირება პოლიტ. ველზე, მერაბიშვილის გამოსვლა, კალაძის დედაქალაქელობა, შოთაძის პრობლემები, მარგველაშვილის პოლიტიკა

გამოაქვეყნა Giorgi_მ.
თარიღი: თებერვალი 19, 2020.
საათი: 11:38pm 3 კომენტარი

      ქვეყნის მთავარი ამბავი დღევანდელ ნიუსრუმში, პოლიტიკური დაპირისპირებაა ნაცებსა და ქოცებს შორის - დღეს ერთი უცხოელი მხატვარი ამბობდა, გაოცებული ვარ ქართველებით - სად გაგონილა ოპოზიციამ სახელმწიფო ინსტიტუტს ბოქლომი დაადოსო ან კიდევ, მთავრობამ იმაზე ისაუბროს რომ ქვეყანას დემოკრატიით მართავს ან კიდევ მთავარი პრობლემა ოპოზიციააო. თუმცა ქვეყნის შიგნით სხვა ამბავი კალაძის თბილისია, მერაბიშვილის გათავისუფლება, აჭარის ტელევიზია და გარემოს დაცვის…

გაგრძელება

მხარდაჭერილი შოთაძე და საიქიოდ წასული რეჟისორი

გამოაქვეყნა Giorgi_მ.
თარიღი: თებერვალი 17, 2020.
საათი: 9:00pm 1 კომენტარი

      დღევანდელი დღე სამწუხარო ამბით იქცა გამორჩეულად და ისტორიაში ჩასაწერად - დღეს გარდაიცვალა გიორგი შენგალაია (იხ. ქველინიუსი). თუმცა, პოლიტიკოსებმა გიორგი შენგელაია ნაკლებად გაიხსენეს, როდესაც საქმე მთავარი პროკურორის არჩევნებს და დანიშვნების შეეხო. კიდევ ერთი ამბავია - გიორგი მარგველაშვილი აქტიურ პოლიტიკას…

გაგრძელება

ევროპაში ჩავარდნილი პროექტი, დიპლომატები საქართველოში და უგულავას მილიონები

გამოაქვეყნა Giorgi_მ.
თარიღი: თებერვალი 13, 2020.
საათი: 10:30pm 2 კომენტარი

      დედაქალაქი ძალიან დაიჩაგრა. ეს ის შემთხვევაა, როდესაც ცენტრალიზებული მართვის პირობებში, მთავარი ქალაქი ბუნებამ დაჩაგრა - ყველგან თოვს, ზღვისსპირეთში, მთის კალთა-კიდეებზე, დიდ-მცირე ქალაქებში, გორშიც კი, მაგრამ თბილისში არა და არ თოვს. რაც შეეხება პოლიტიკურ ამბავნარს, დღის მთავარი თემა ევროკავშირთან პროეტების და კანონების განხილვა იყო და უგულავას საქმეზე კომისიობანა და კომენტარობანა.

საქართველოს და მსოფლიოს ამბები / 13…

გაგრძელება

ოსკარის ვარსკვლავური დერეფანი - წითელი ხალიჩა 2020

გამოაქვეყნა Tamila Moshiashvili_მ.
თარიღი: თებერვალი 12, 2020.
საათი: 11:28am 2 კომენტარი

      მართალია ეს არც მილანური დეფილეა და არც პარიზის მოდის კვირეულია, მაგრამ ოსკარი რომ მოდის დიზაინერებისთვის ერთ-ერთი ყველაზე დიდი თავსატეხია, რაც აგერ უკვე მრავალი წელია დასტურდება. წითელ ხალიჩაზე ჩავლილმა ვარსკვლავებმა ისეთი შთაბეჭდილება უნდა დატოვონ, რომ მთელი წელი მათ კაბებზე საუბრობდეს მედია და მოდის სამყარო. ჩვენც, მოურიდებლად გვმართებს თვალი ვადევნოთ ვარსკვლავების ჩაცმულობა-მორთულობას, რათა შემდეგ ჩვენს ქუჩებშიც იარონ ნატალი პორტმანებმა,…

გაგრძელება

Qwelly World

free counters