როგორც ჩანს წყენამ წყალბურთელებსაც ავნო - დღეს ის იყო წარმატებას ულოცავდნენ ქართველ წყალბურთელებს, რომ საღამოს ტრაგიკულად დამარცხდნენ რუსეთის ეროვნულ ნაკრებთან - ანგარიშით 14 - 13. თუმცა დღის მთავარი ამბავი, განათლებისა და კულტურის სამინისტროების განყოფა იყო, სავარაუდო სამთავრობო ცვლილებები, სტატისტიკა, და სხვა წვრილ-მსხვილი ამბები.

საქართველოს და მსოფლიოს ამბები / 20 იანვარი, 2020

      გაყოფილი სამინისტრო - მთავრობამ განათლებისა და კულტურის სამინისტროების გაყოფის გადაწყვეტილება მიიღო. არჩილ თალაკვაძე - გუნდის დიდი ნაწილი ემხრობა, რომ კულტურის სფეროს ჰქონდეს ცალკე მენეჯმენტი, ცალკე მართვა და კოორდინაცია სამინისტროს სახით. გიორგი კახიანი - ბექა ოდიშარიას კანდიდატურას მივესალმები, თუმცა საუბარი ვინ იქნება ჯერ არარსებული კულტურის სამინისტროს ხელმძღვანელი, ნაადრევია. გედევან ფოფხაძე - კულტურის სამინისტროს შესახებ ინფორმაციაზე კრილოვის იგავ-არაკი გამახსენდა. სოფო კილაძე - ბექა ოდიშარია კარგად არის გარკვეული კულტურის სფეროში, თუმცა მის კულტურის მინისტრობის კანდიდატურაზე ინფორმაცია პირველად მესმის. გია მურღულია განათლებისა და კულტურის სამინისტროს გაყოფაზე - განათლება იმდენად დიდი სფეროა, რომ ცალკე მართვის სისტემა სჭირდება - ამდენად, ეს გადაწყვეტილება მართებულია.

      ვინ დაბრუნდება?! - არჩილ თალაკვაძე - „ქართული ოცნება" არ არის ის პარტია, ვისაც აქვს აუცილებლობა, რომ ხელმეორედ შემოიყვანოს დეპუტატი პარლამენტში. არჩილ თალაკვაძის განცხადებით, სამთავრობო ცვლილებებთან დაკავშირებით პარტიაში განხილვა არ ყოფილა. ზაქარია ქუცნაშვილი პარლამენტში დაბრუნებაზე უარს ამბობს. კახა კალაძე ბიძინა ივანიშვილის პრემიერად შესაძლო დაბრუნებაზე -არანაირ პრემიერ-მინისტრობაზე არ არის საუბარი.

      ეროვნული მთვლელი - „საქსტატი“ - 2019 წელს საქართველოდან ექსპორტზე გატანილი პროდუქციის 62%-ი ადგილობრივი წარმოების პროდუქციაა. 2019 წელს საქართველოდან ექსპორტირებულ პროდუქტებს შორის პირველ ადგილს მსუბუქი ავტომობილები იკავებს. 2019 წელს საქართველოდან ყველაზე მეტი საქონელი ექსპორტზე აზერბაიჯანში, რუსეთსა და სომხეთში გავიდა.

      ჯანმრთელობაზე ზრუნვა ძველთაგან - კომპანია „გილეადი“ C ჰეპატიტის მედიკამენტებზე ვადის გასვლაზე - არ არის უჩვეულო, რადგან საზოგადოებრივი ჯანდაცვის პროგრამები, როგორც წესი, უფრო მეტი მედიკამენტით მარაგდება, ვიდრე საჭიროა. ამირან გამყრელიძის ინფორმაციით, ბოლო ერთ კვირაში 100 000 მოსახლეზე გრიპის 216 ახალი შემთხვევა დაფიქსირდა, ჰოსპიტალიზაცია 5%-ითაა გაზრდილი.

      სტუდენტსახლი - თბილისის სახელმწიფო სამედიცინო უნივერსიტეტის ტერიტორიაზე 1200 სტუდენტზე გათვლილი საერთო საცხოვრებლის მოწყობა იგეგმება

      სენატორები ვაშინგტონი არ არის - არჩილ თალაკვაძე - ჩვენთვის სახელმძღვანელო არის ოფიციალური ვაშინგტონის პოზიცია. კახა კალაძე „რესპუბლიკელი“ სენატორის წერილზე - მისი განცხადება ჩემთვის არ არის საინტერესო, ოფიციალური ამერიკის განცხადება ნამდვილად მნიშვნელოვანია.

      დაფინანებაზე უარი - დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები.

      გენპროკურორობა - არჩილ თალაკვაძე - მაღალი ალბათობით, ირაკლი შოთაძის კანდიდატურა იქნება პარლამენტში წარმოდგენილი - ვფიქრობ, რომ მას უმრავლესობის დეპუტატების მხრიდან ექნება მხარდაჭერა. ანა დოლიძე ინიციატივით გამოდის, გენერალური პროკურორი ხალხმა პირდაპირი არჩევის წესით აირჩიოს.

      რეიტინგის კლება - მეუფე საბა მიიჩნევს, რომ მართლმადიდებლური ეკლესიის პოპულარობის კლების მიზეზი ქართულ ეკლესიაში განვითარებული პროცესებია.

      კალათბურთი - საქართველოში „ევრობასკეტ 2021“-სთვის ახალი დარბაზი აშენდება.

      ახალგორელების პრობლემა - ახალგორის გამგებელი - 5 თებერვალს 5 თვე გახდება, რაც ე.წ. გამშვები პუნქტი ჩაიკეტა, მოსახლეობა უკიდურესად სტრესულ მდგომარეობაშია.

      არ აშენებული პორტის დემონტაჟი - პორტის დემონტაჯი - ანაკლიის განვითარების სააგენტო ადასტურებს, რომ პორტის მშენებელმა კომპანიამ დემონტაჟი დაიწყო და ტერიტორიიდან სამშენებლო ტექნიკა გააქვს.

საზღვარგარეთულები:

      ვლადიმირ ზელენსკი - ჩემი აზრით, პუტინს ესმის, რომ უკრაინა დიდი, დამოუკიდებელი ქვეყანაა.

      უარი ტიტულატურას - პრინცი ჰარი - ვწუხვარ, რომ ასე გამოვიდა, მაგრამ სხვა გზა არ იყო. სასექსის ჰერცოგის თქმით, მას და მის მეუღლე მეგანს სურდათ, დედოფლის სამსახურში დარჩენილიყვნენ ისე, რომ სახელმწიფოსგან დაფინანსება არ მიეღოთ, თუმცა ეს „შეუძლებელი“ იყო, რის გამოც, წყვილი იძულებული გახდა, სამეფო ტიტულზე უარი ეთქვა.

      ლიდერები ლიბიაში ცეცხლის შეწყვეტისა და იარაღის ემბარგოს კონტროლის აუცილებლობაზე შეთანხმდნენ.

      ძლიერი შტორმისა და სეტყვის მიუხედავად, ავსტრალიაში 80-ზე მეტი ხანძრის კერა კვლავ რჩება.

      ბორის ჯონსონი პუტინს აფრთხილებს, ბრიტანეთში ქიმიური თავდასხმა აღარ გაიმეოროს.

      თანასწორი სამყარო - „ოქსფამი“ - მსოფლიოს მილიარდერები უფრო მეტ სიმდიდრეს ფლობენ, ვიდრე 4.6 მილიარდი ადამიანი - მამაკაცებს 50%-ით მეტი ქონება აქვთ, ვიდრე ქალებს.

      შოუშენკის ახალი ვერსია - პარაგვაის ციხიდან გვირაბით 75 პატიმარი გაიქცა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1249

ტეგები: qwellynews, ამბები, ბლოგი, იანვარი, ნიუსები, სიახლეები

Kakha: იანვარი 21, 2020||10:59am

შოუშენკი: ჯერ სად ხართ? ქსნის ციხეზე იგივე ად ეწიოს :D 

ლაშა: იანვარი 21, 2020||12:01pm

არადა, ვფიქრობდი, რაღა დროს მორგან ფრიმენი ეგეთებია მეთქი, ვცდებოდი! (( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

ქართული კოვიდ ინფიცირებულები და წინასწარი ხმები

გამოაქვეყნა Giorgi_მ.
თარიღი: სექტემბერი 14, 2020.
საათი: 10:00pm 1 კომენტარი

      ახალ წელს გილოცავთ! თუმცა, როცა კოვიდი 165 ახალ ქართულ შემთხვევას ითვლის, ჩვენს ქვეყანაში ყველა ნიუსი მის გარშემო ტრიალებს. და მასთან ერთად ჩვენი ქვეყნის პოლიტიკოსებისთვის ყველაზე მნიშვნელოვანი ამბავიც არ ცხრება - არჩევნები 2020 კარზე გვადგება და დღითიდღე აქტიურდებიან ხმების მსურველები. დოლარი სადღა მიფრინავს - 1 აშშ დოლარის ოფიციალური ღირებულება 3.1308 ლარია.

საქართველოს და მსოფლიოს ამბები / 14 სექტემბერი, 2020…

გაგრძელება

Qwelly World

free counters