ავტომობილებით გადაადგილების შეზღუდვა, სუს-ის ანგარიში და სააღდგომო თხოვნები #დარჩისახლში

      კორონავირუსის ახალი რიხვები ახალი შეშფოთების და ახალი რეგულაციების მიზეზი გახდა დღეს, ასევე მთავარი ამბავი იყო ინფექციონისტების თხოვნები და საპატრიარქო-მთავრობის ერთბლივი შეთანხმება-გადაწყვეტილებები. დღეს, დიდი ხუთშაბათის, ანუ საიდუმლო სერობის დღე აღინიშნებოდა და წირვა აღევლინა სამების ტაძარში. კორონას რიცხვები კი ასე გამოიყურება - საქართველოში ამ დროისთვის - დადასტურებული შემთხვევა - 348, გამოჯანმრთელებული - 76, გარდაცვლილი - 3. მსოფლიოსთვის - დადასტურებული - 2 165 586 შემთხვევა, გამოჯანმრთელებული - 546 269, გარდაცვლილი - 144 341. ხვალ, 12:00 საათიდან აიკრძალა მსუბუქი ავტომობილით გადაადგილება 21 აპრილამდე, მთელი ქვეყნის მასშტაბით.

საქართველოს და მსოფლიოს ამბები / 16 აპრილი, 2020

      ბოჭორიშვილის კლინიკის სამეთვალყურეო საბჭოს თავმჯდომარის განცხადებით, 9 პაციენტის, მათ შორის სასულიერო პირის მდგომარეობა საყურადღებოა. ყველამ ვიფიქროთ იმაზე, რომ შეიძლება არ გვეყოს არც მარაგი, არც მედპერსონალი, არც ადგილები და დავდგეთ სერიოზული რისკების წინაშე. მარინა ეზუგბაია - ინფექციურში გვყავს 2 ძალიან მძიმე, პრობლემური პაციენტი და დაახლოებით, 7 პაციენტი მძიმე პნევმონიით. მარინა ეზუგბაია - 30 ახალი შემთხვევა საგანგაშო მაჩვენებელი არაა, იმედი მაქვს, ამ კონტროლირებადი, ზომიერი მატებით, ქვეყანაში რყევები არ გვექნება. თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელი - ერთ პაციენტს covid19 არ დაუდგინდა, თუმცა პნევმონია აღენიშნება და მართვით სუნთქვაზეა. ლევან რატიანი - 7 ახალშობილს კოვიდინფექცია არ დაუდასტურდა, კლინიკას დღეს ერთი ორსული დატოვებს, რომელიც გამოჯანმრთელდა. covid19-ით ინფიცირებული 78 პაციენტიდან 47 მათგანს მწვავე პნევმონია და სუნთქვის მწვავე უკმარისობა აღენიშნება. ვერ წარმოუდგენიათ ადამიანებს, რა ხდება რეანიმაციაში, როგორ იხრჩობიან ადამიანები, იმიტომ, რომ ოჯახის წევრები ერთმანეთს არ გაუფრთხილდნენ - ნუ გაგვიკეთებთ იმას, რომ ჩვენც დავიხოცოთ. ამ ეტაპისთვის ქვეყანამ მდგომარეობა დაიჭირა, თუმცა თუ ასე გავაგრძლებთ „ღლიცინს“, რასაც მოსახლეობის უმეტესობა აკეთებს, ქართველი ექიმები ამას ვერ აუვალთ. ჯანდაცვის მინისტრი - არასდროს მითქვამს, რომ შესაძლოა, სასუნთქი აპარატების დეფიციტი შეიქმნას, ყოველთვის ვსაუბრობ, რომ ჩვენ შეიძლება პერსონალთან მიმართებით შეგვექნას რისკი. საქართველოში ხელოვნური სუნთქვის აპარატით ერთდროულად შეიძლება მაქსიმუმ 1 200 პაციენტი იმართოს. რესპუბლიკური საავადმყოფოს კლინიკური დირექტორი - ყველას გვაქვს სალოცავი კუთხე, იქ მოვილოცოთ - ვირუსი ვერ არჩევს ერს და ბერს, ის ყველაზე მოქმედებს. ეკატერინე ტიკარაძე - სამედიცინო პირბადეების ადგილობრივი წარმოება მნიშვნელოვნად გააუმჯობესებს საქართველოს მდგომარეობას. ხათუნა ზახაშვილი - დიდი რაოდენობით დაავადებულთათვის სამედიცინო დახმარების ერთდროულად მიწოდება რთული გახდება - მედპერსონალი ვერ აუვა შემთხვევათა ასეთ რაოდენობას. სამედიცინო პერსონალს უნდა ახსოვდეს, რომ თითოეული ცხელებით მიმდინარე შემთხვევის უკან შეიძლება იდგეს კოვიდინფექცია. ხათუნა ზახაშვილი - უსიმპტომო პაციენტებისგან დაავადების გავრცელების ინტენსივობა შედარებით დაბალია და საზოგადოებრივი ჯანმრთელობისთვის ნაკლებ რისკს ქმნიან. ამირან გამყრელიძე - შიდა გავრცელების ეტაპზე, სასურველია, მაღაზიებში, აფთიაქებში გამოვიყენოთ პირბადეები და არა ქუჩაში სიარულისას. ლევან რატიანი - 3 პაციენტის მდგომარეობა მკვეთრად დამძიმებულია, სახეზეა კოვიდინფიცირების შედეგად გამოწვეული ფილტვის მწვავე უკმარისობა და გულის მწვავე დაზიანების სინდრომი. ამირან გამყრელიძე - ბოლო სამი დღის განმავლობაში, ორჯერ გვქონდა ე.წ. ნახტომი, როცა 30-30 შემთხვევა დაფიქსირდა, რაც არის ფართომასშტაბიან ეპიდემიაში შესვლისას განგაშის საფუძველი.

      სუს-ნიუსი - სუს-ი ლუგარის ცენტრის წინააღმდეგ მიმართულ ქმედებებს დეზინფორმაციის კლასიკურ მაგალითად განიხილავს. ოკუპირებულ რეგიონებში ეთნიკურად ქართველი მოსახლეობის მიზანმიმართული დისკრიმინაციის პრობლემა კვლავ მწვავედ დგას. დავით გარეჯის ირგვლივ განვითარებულ მოვლენებში ჩართული იყვნენ სხვადასხვა ძალები, მათ შორის, ეროვნული ფასეულობების დაცვის საფარს ამოფარებული ცალკეული პირები და პირთა ჯგუფები. სუს-მა 2019 წელს ქრთამის მიცემის, აღების, თაღლითობისა და უკანონო სამეწარმეო საქმიანობის ფაქტებზე პასუხისგებაში 135 პირი მისცა. 2019 წელს ერთ-ერთი ურთულესი გამოწვევა იყო 20 ივნისს განვითარებული მოვლენები და მისი თანმხლები შედეგები, რამაც დიდწილად დააზიანა ქვეყანაში არსებული უსაფრთხოების გარემო. გამოვლინდა უცხო ქვეყნის 778 მოქალაქე, რომლებიც ფიქციური დოკუმენტების საფუძველზე ცდილობდნენ საქართველოში ლეგალურად ცხოვრების უფლების მოპოვებას. საოკუპაციო ძალებმა სოფელ ჩორჩანასთან მიმდინარე მოვლენები ოკუპირებულ ცხინვალში მცხოვრები ეთნიკური ქართველების დისკრიმინაციისთვისაც გამოიყენეს. ოკუპირებული ცხინვალის მიმართულებით 86, ხოლო აფხაზეთის მიმართულებით 27 უკანონო დაკავების ფაქტია რეგისტრირებული. სუს-ის გენერალურმა ინსპექციამ 6 პირი პასუხისგებაში მისცა, 134 პირს დისციპლინური სახდელი დაეკისრა. ოკუპირებული ცხინვალი და აფხაზეთი ტერორისტული თვალსაზრისითაც მნიშვნელოვან გამოწვევას წარმოადგენს. სუს-ის ეკონომიკურმა დეპარტამენტმა 417 ხელშეკრულება გააფორმა, რომლის საერთო ღირებულება 27 871 922 ლარია. გიორგი კანდელაკი - სუს-ის ანგარიშში საუბარია 20 ივნისის მოვლენებზე, თუმცა მის ავტორს თითქოს გამორჩა, ვისი ინიციატივა იყო საქართველოში გავრილოვის ჩამოყვანა. მნიშვნელოვნად გაძლიერდა სახელმწიფო უსაფრთხოების სამსახურის ანტიკორუფციული სააგენტოს ინსტიტუციური შესაძლებლობები. ტერორისტული ორგანიზაციების შესაძლო მხარდამჭერთა რაოდენობა საქართველოში კრიტიკულად შემცირდა. ირაკლი სესიაშვილი - სუს-ი სისტემურად არის გამართული და ადეკვატურად პასუხობს ჩვენი ქვეყნის წინაშე არსებულ გამოწვევებს.

      კორონა და ლიტურგიკა ანუ ეკლესიის კლასტერი - დიმიტრი ხუნდაძე - შესაძლოა, დღესასწაული ტრაგიკული დასასრულის დასაწყისი აღმოჩნდეს - თავი უნდა შევიკავოთ ტაძრებში თავყრილობისა და სასაფლაოებზე მასიური გასვლისგან. ირაკლი ღარიბაშვილი სააღდგომო ლიტურგიაზე - საპატრიარქოს მიერ მიღებული გადაწყვეტილება მართლაც ოქროს შუალედია. გიორგი ვაშაძე - მივმართავ საპატრიარქოს, კიდევ ერთხელ დაფიქრდით, ძალიან მძიმე ვირუსს ვებრძვით. გიგა ბოკერიას შეფასებით, ხელისუფლებისა და საპატრიარქოს გადაწყვეტილება სამარცხვინოა და მას მოქალაქეების ჯანმრთელობის დამძიმების რისკი ახლავს. ეკატერინე ტიკარაძე - არ გამოვრიცხავ იმასაც, რომ აღდგომის ღამეს ონლაინ რეჟიმში ჩატარდეს წირვა და ეკლესიებში მრევლი არ მივიდეს. მეუფე გერასიმე - რთულია საღამოს 9 საათიდან დილის 6 საათამდე ყოფნა, ეს ჩვენც გვესმის, ვისაც ექნება სურვილი ტაძარში მოვა. ეკატერინე ტიკარაძე - მიუხედავად გარკვეული დისტანცირებისა, 21:00 საათიდან 06:00 საათამდე ტაძარში ყოფნა რისკებს ზრდის. პატრიარქი - ის მოვლენები, რასაც ჩვენ ვხედავთ, რაც მთელ მსოფლიოშია, ღვთისაგანაა და წყალობა ღვთისა ჩვენთან არის. ბათუმისა და ლაზეთის ეპარქიის მონასტრებში სააღდგომო წირვა ჩატარდება ღამისთევით, მრევლის გარეშე, ხოლო ტაძრებში დილის 7 საათზე. მეუფე იაკობი - მრევლი, რომელიც ტაძარში მოვა, თვითონ აიღებს პასუხისმგებლობას - მე შემიძლია ჩემს თავზე ვიყო პასუხისმგებელი. ფოთისა და ხობის ეპარქიაში სააღდგომო წირვა დილის 7 საათზე ჩატარდება. მეუფე იაკობი - ეკლესიაში ადამიანი რომ მოდის, სურს, სულიერი საზრდო მიიღოს, ხელი უნდა ვკრათ? არჩევანის საშუალებას ყველას ვაძლევთ, რობოტი არავინ არ არის, რობოტებად არ უნდა ვაქციოთ ამ კორონავირუსის გამო. ამირან გამყრელიძე - პირველად ვაკეთებ ამ ტიპის განცხადებას, ნუ წავალთ ეკლესიებში, ნუ შევიკრიბებით, გვაპატიებს ღმერთი, რადგან მეტი ქართველი გადარჩება. გია ვოლსკი - ძალიან ბევრს აქვს სურვილი, რომ შეიქმნას ე.წ. ეკლესიის კლასტერი, ეს არ უნდა დავუშვათ. ირაკლი კუპრაძე - მთავრობასა და საპატრიარქოს მიერ მიღწეული შეთანხმება საფრთხეს უქმნის ათასობით ადამიანის სიცოცხლეს. ამირან გამყრელიძე - ძალიან დიდი თხოვნით და მოწიწებით მოგმართავთ, დღესასწაულების ფორმატი შევცვალოთ, რადგან დიდი საშიშროების წინაშე ვდგავართ. მეუფე გრიგოლი - ჩვენ ვხედავთ, რომ მთელი პასუხისმგებლობა დაეკისრა იმ ხალხს, ვინც მონდობილია ეკლესიაზე - როცა ასეთი საფრთხის წინაშეა თითოეული, არ შეიძლება არ დავუჯეროთ სპეციალისტებს.

      სიმკაცრის მორიგი საფეხური - კახა კალაძე - გამკაცრებული ღონისძიებები მიმართულია იმისკენ, რომ რაც შეიძლება სწრაფად და მარტივად გამოვიდეთ ამ რთული მდგომარეობიდან. რუსთავში შესვლა-გამოსვლის კონტროლი 5 ბლოკ-საგუშაგოს მეშვეობით ხორციელდება. ირაკლი ჩიქოვანი - თუ ყველამ ზედმიწევნით არ დავიცავით დაწესებული შეზღუდვები, უახლოეს პერიოდში სრული კარანტინის გამოცხადება მოგვიწევს. მთავრობის გადაწყვეტილებით, ხვალი, 12:00_საათიდან, 21 აპრილის ჩათვლით მსუბუქი ავტომობილებით გადაადგილება სრულად იკრძალება. ხვალიდან დახურულ სივრცეში პირბადის ტარება სავალდებულო ხდება.

      აპლიკაცია - ჯანდაცვის სამინისტრომ აპლიკაციის პრეზენტაცია გამართა, რომელიც შესაძლებლობას იძლევა, მომხმარებელმა გაიგოს, იმყოფებოდა თუ არა კონტაქტში COVID 19-ით ინფიცირებულთან. ეკატერინე ტიკარაძე - თუ მოქალაქეები აპლიკაციაში არ შეიყვანენ ტესტის ნომერს, რითაც ადამიანს covid19 უდგინდება, ის განგაშის სიგნალს არ გაააქტიურებს.

      ჩაკეტილი საფლავები - კახა კალაძე - შესაბამის სამსახურებთან ერთად სასაფლაოებზე მისვლის შესაძლებლობას ჩავკეტავთ. იმერეთში სახელმწიფო რწმუნებულის განცხადებით, სააღდგომოდ სასაფლაოები 3 დღის ნაცვლად, 10 დღით დაიკეტება. ზუგდიდში, სენაკსა და ფოთში სასაფლაოები დაიხურება. რუსთავის სასაფლაო დაიხურება.

      კომუნიკაციების კომისია - 5G ტექნოლოგიას მალე დავნერგავთ - გამოწვევას, რასაც COVID-19 ჰქვია, ის ქვეყნები, სადაც ეს ტექნოლოგია მუშაობს, ეფექტურად გაუმკლავდნენ.

საზღვარგარეთულები:

      #WorldWideCovid19: ანტონიო გუტიერესი - უსაფრთხო და ეფექტური ვაქცინა შესაძლოა ერთადერთი იარაღი იყოს, რომელიც გადაარჩენს მილიონობით ადამიანს და ტრილიონობით დოლარს. სომხეთში კორონავირუსით ინფიცირებულთა საერთო რაოდენობა 1159-მდე გაიზარდა. რუსეთში ბოლო დღე-ღამის მანძილზე კორონავირუსით 34 ადამიანი დაიღუპა. მაიკ პომპეო - ჩინეთმა გულახდილად უნდა თქვას როგორ გავრცელდა ვირუსი. გერმანია კორონავირუსთან დაკავშირებული შეზღუდვების ეტაპობრივად მოხსნას მომავალი კვირიდან დაიწყებს. ბრიტანეთში კორონავირუსს 28 წლის ფეხმძიმე ემსხვერპლა, ექიმებმა მისი შვილის გადარჩენა შეძლეს. ესპანეთში ბოლო 24 საათის მანძილზე კორონავირუსით 551 ადამიანი დაიღუპა. იტალიაში კორონავირუსით ბოლო 24 საათში 525 ადამიანი გარდაიცვალა. დიდ ბრიტანეთში კორონავირუსით ბოლო 24 საათში 861 ადამიანი დაიღუპა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 28

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 17, 2020||6:53pm

ჩინეთის ხელისუფლება: "ჩინეთს გამჭირვალე პოლიტიკა აქვს არჩეული" ასევე ჩინეთი: უცებ არსაიდან ჩნდება რომ ინფიცირებულთა რაოდენობა გაცილებით დიდია და გარდაცვალებულთა რაოდენობაც 30%ით იზრდება ))

Kakha: აპრილი 18, 2020||2:10pm

7 საათიანი ლოდინის შემდეგ კორონა სკრინინგზე ძლივს მოვიდა მოქალაქე ჯონათან კრეიგის რიგი U.S. Airports causes_ში. თბილისში კი 2 კაცის შეკრება უკვე აპოკალიფსად ეჩვენებათ

Kakha: აპრილი 19, 2020||3:49pm

ტრამპი იუწყება დამაიმედებელი წერილი მივიღე ჩრ.კორეადანო, კიმი კაი ბიჭიაო :D 

Kakha: აპრილი 20, 2020||1:32pm

ზახაროვას თქმით რუსეთში რო გავრცელდა ვირუსი და ცეცხლი უკიდია მაგათ ჯანდაცვას, საქართველოს ბრალია :D რა დონის უნდა იყო აზრადაც რო გაივლო :D Donkey(ლავროვის მეტსახელია) ისეა დაპრესილი იმალება ბუჩქებში :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ათასეული კორონიანი საქართველოში, ოცნების სახეები და ფეხბურთელის საქმე

გამოაქვეყნა Giorgi_მ.
თარიღი: ივლისი 15, 2020.
საათი: 11:09pm 0 კომენტარი

      დღესასწაულის ქველინიუსი ცოტა პოლიტიზირებული და შედარებით ხმაურიანი გამოდგა. ცხადია, ბოლო დღეების და კვირების მთავარი ამბავი ისევ ფეხბურთელის საქმეა, რომელსაც ოპოზიციური მედია აშუქებს, ნაკლებ ოპოზიციური კი აქა-იქ ნიუსებს უთმობს. დღის მთავარი ამბავი პარლამენტარების საქმიანობასაც ეხებოდა და ოცნების შიდა პოლიტ-სახეების საქმეს.

საქართველოს და მსოფლიოს ამბები / 15 ივლისი, 2020

      ქართველი კორონა ათ ასეულს ასცდა…

გაგრძელება

კოჭლი ქსელი

გამოაქვეყნა Kakha_მ.
თარიღი: ივლისი 11, 2020.
საათი: 8:30pm 1 კომენტარი

   გვმართებს  ვიცოდეთ, რომ სურვილი რომელიც არ იქნება გამოხატული(ვნახეთ საინტერესოდ მოსაუბრე ადამიანი ან უბრალოდ დავინტერესდით ვინმეთი რომელზეც გვქონდა სურვილი რომ ახლოს "მივსულიყავით"), ის იქნება "გადატანილი" (მოხდა მისი გადატანა) რამაც წარმოქმნა მინიმალური დონით ნერვოზის გამოღვიძება, ზოგი ფსიქ.ანალიტიკოსი (მაგ.ფროიდი) მცდარად უწოდებს რომ საზოგადოების ტაბუმ(კლიშემ) იმოქმედა ადამიანზე, და მან საკუთარი სურვილი "ჩაიბრუნა" ან საქმე გვაქვს მორცხვობასთან, ორივე და…

გაგრძელება

ბუნდოვანი დეტალები და ფრენების რუკა

გამოაქვეყნა Giorgi_მ.
თარიღი: ივლისი 9, 2020.
საათი: 11:00pm 5 კომენტარი

      ნელ-ნელა იწყება ავიაფრენების და საზღვრების გახსნა და ახალი ქვეყნები ჩნდებიან ჩვენს ტურისტულ რუკაზე, თუმცა ჯერ არავინ იცი ვინმე ჩამოვა თუ არა. ქვეყნის შიგნით კი ამერიკისგან დასამსახურებელ 15%-ზე დაობენ და ერთმანეთს ეკამათებიან. შაქარაშვილის საქმეზე კი ყოველ დღე ახალი აბდა-უბდა დეტალები ჩნდებიან.

საქართველოს და მსოფლიოს ამბები / 9 ივლისი, 2020

      კორონას ტურისტული კარანტინი და შეზღუდვა-რეგლამენტები - მარინა…

გაგრძელება

ფეხბურთელის საქმე გაფართოვდა - ახალი ფიგურანტები, აშშ-ს 60 მლნ დოლარი და გახსნილი ფრენა

გამოაქვეყნა Giorgi_მ.
თარიღი: ივლისი 8, 2020.
საათი: 11:00pm 0 კომენტარი

      ივლისი ისე დაიწყო, ქველინიუსი ვერ დაბრუნდა. საბედნიეროდ, კორონა არაფერ შუაშია და გარკვეული ხარვეზების გამო შეგვიწყდა ნიუსების შეგროვება, მაგრამ დღეიდან ვბრუნდებით მომავლის იმედით. დავიწყოთ ამ კვირის ამბებიდან ვიდრე დღევანდელ დღემდე. შაქარაშვილის საქმე ერთ-ერთ გახმაურებულ საქმედ იქცევა. ბევრი გაურკვევლობისა და დამალული ამბების ან გამოგონილი სიუჟეტების გამო, გამოძიება ძალიან იწელება და რთულდება. დღის მეორე ამბავი ამერიკისგან 60 მლნ-ს დაკარგვის…

გაგრძელება

Qwelly World

free counters