ქრისტეს აღდგომა სადღესასწაულოდ, გამოხმაურებები, ბრმა მკვლელობა და კორონას არითმეტიკა

      ქრისტე აღსდგა! გილოცავთ აღდგომის ბრწყინვალე დღესასწაულს. მრავალს დაესწარით. გასული უქმეების მთავარი ამბავი სწორედ აღდგომის ღამისთევის ლიტურგია იყო - მათი თვალიც კი ტაძრებისკენ იყო მიმართული, ვისაც აღდგომის ამბავის სულაც არ სჯერად. ტაძრებში მრევლი ცოტა შეიკრიბა, ამიტომ დიდი კრიტიკა არ მოჰყოლია დღესასწაულს. ახლა სასაფლაოების მონიტორინგი მიმდინარებს მთელს საქართველოში. მთავარ ამბებს ვერ ასცდება კორონას რიცხვები: საქართველოში, ამ დროისთვის: დადასტურებული - 402, გამოჯანმრთელებული - 95, გარდაცვლილი - 4; მთელს მსოფლიოში: დადასტურებული - 2 452 292, გამოჯანმრთელებული - 642 635, გარდაცვლილი - 168 758. ვინაიდან საღამოს მოიღრუბლა და გაწვიმდა, ამინდმაც გადმოინაცვლა მეინსტრიმსი - ხვალიდან 24 აპრილამდე საქართველოში ამინდი მკვეთრად გაუარესდება.

საქართველოს და მსოფლიოს ამბები / 20 აპრილი, 2020

      პრევენცია, წამლობა, ბრძოლა - „მედალფას“ კლინიკური დირექტორის განცხადებით, კორონავირუსით გარდაცვლილის გადასვენება პროტოკოლის მიხედვით მოხდა. ამჟამად, ცენტრში კორონავირუსით ინფიცირებული 39 პაციენტი მკურნალობს, მათგან ერთის მდგომარეობა კრიტიკულია. თბილისის ზღვის ჰოსპიტალში კორონავირუსი ორ პაციენტს დაუდასტურდა. თსსუ-ს პირველი საუნივერსიტეტო კლინიკის კრიტიკული მედიცინის დეპარტამენტში 9 პაციენტი მკურნალობს, ხოლო 81 პაციენტი თერაპიულ განყოფილებაშია მოთავსებული. რესპუბლიკურ საავადმყოფოში კორონავირუსით ინფიცირებული 36 პირი მკურნალობს, მათგან სამი ახალი პაციენტია. ქობულეთის მერის განცხადებით, თერმოსკრინინგი 11 000 ადამიანს ჩაუტარდა. ბოლნისის მერის განცხადებით, კორონავირუსით დაინფიცირებული ახალი პაციენტი სასწრაფოს ექიმის დედაა და ის თვითიზოლაციაში იმყოფებოდა. ზუგდიდის ინფექციური საავადმყოფო კორონავირუსისგან გამოჯანმრთელებულმა პაციენტმა დატოვა, რომელიც კლინიკაში ოკუპირებული აფხაზეთიდან შეიყვანეს. ბოჭორიშვილის კლინიკის დირექტორი - ფინანსურადაც კი სისულელეა ჩვენთვის დაავადებულის დამალვა, რომ არაფერი ვთქვათ ეპიდემიოლოგიურ და თუნდაც მორალურ ასპექტზე - პოლიტიკოსი, რომელიც ამას ამბობს, შეურაცხყოფას გვაყენებს ექიმებს. აჭარაში კორონავირუსით დაინფიცირების ერთი ახალი შემთხვევა დაფიქსირდა. თბილისის ზღვის ჰოსპიტალის კრიტიკული მედიცინის დეპარტამენტის ხელმძღვანელი - ერთი კრიტიკული პაციენტი გვყავს, რომლის ტესტის პასუხი გვიან ღამე გვეცოდინება. ლევან რატიანი - სახლში დარჩენა გამოიწვევს იმ ადამიანების ინფიცირების შემცირებას, რომლებიც შესაძლოა, კლინიკაში მოხვდნენ. ლევან რატიანი - რეანიმაციულ განყოფილებაში გვყავს 9 პაციენტი, მათ შორის სამის მდგომარეობა არის კრიტიკული. თენგიზ ცერცვაძე - ჩვენს პროტოკოლში ძალიან მკაფიოდ და ცალსახად წერია, რომ უსიმპტომო COVID-19-ით პაციენტები პლაქვენილით მკურნალობას არ საჭიროებენ და პლაქვენილი ინიშნება მხოლოდ საშუალო, მძიმე და ძალიან მძიმე მიმდინარეობის პაციენტებში. ფოთის „ცხელების კლინიკაში“ რესპირატორული სიმპტომებით მოთავსებული პაციენტების რიცხვი გაიზარდა.

      საეკლესიო ამბები ნააღდგომევს - BBC წერს, რომ კორონავირუსის გავრცელების თავიდან ასაცილებლად ევროპაში, ახლო აღმოსავლეთსა და აფრიკაში ადამიანებს მოუწოდეს, ღვთისმსახურებებს არ დასწრებოდნენ, თუმცა საქართველოში მრევლს ეკლესიებში მისვლის საშუალება მაინც აქვთ. მეუფე ნიკოლოზი - ძალიან კმაყოფილი ვარ წესრიგის, რომელიც ტაძარშია. ექიმი არ ვარ, მაგრამ მგონია, თუ ადამიანს სჯერა, თუ მტკიცეა, მისი იმუნური სისტემაც ძლიერდება. მეუფე იოანე - სამშაბათს, 28 აპრილს, დიდ პანაშვიდს გადავიხდით ტაძარში, იმ დღეს მგონი, ხელისუფლება ხელს აღარ შეგვიშლის, რომ საფლავებზე გავიდეთ. დეკანოზი შალვა კეკელია - მადლობა ღმერთს, მოგვეცა საშუალება, მრევლთან ერთად ღვთისმსახურება ჩაგვეტარებინა, ბევრი ადამიანი სახლში შეგნებულად დარჩა, რომ სხვისთვის ადგილი დაეთმო. სამების საკათედრო ტაძრიდან წმინდა ცეცხლი თავდაცვის ძალების ბრიგადების ტაძრებსა და თავდაცვის სამინისტროს ტერიტორიაზე მდებარე ტაძარში მიაბრძანეს. დიმიტრი ხუნდაძე - ვფიქრობ, პატრიარქის ეპისტოლე როგორც სახარება, ბევრჯერ უნდა წაიკითხოს ყველა ქრისტიანმა. სალომე ზურაბიშვილი - მადლობას გიხდით იმ მაღალი მოქალაქეობრივი თვითშეგნებისთვის, რომელიც გუშინ ქართველმა ერმა გამოიჩინა - ქრისტე აღდგა! მეუფე გერასიმე - მინდა მუხლმოდრეკით მადლობა გადავუხადო ქართველ ერს, რომელმაც მაგალითი მისცა მსოფლიოს და აჩვენა, როგორები ვართ ქართველები, როგორ შეგვიძლია ერთად დგომა. გიორგი გახარია - გუშინდელმა დღემ დაგვანახა, რომ ასე შენდება წარმატებული სახელმწიფო! ამირან გამყრელიძე - იმდენი ადამიანი რომ ყოფილიყო ეკლესიებში, რამდენიც ჩვეულებრივად არის ხოლმე, რისკი გაცილებით მაღალი იქნებოდა, რადგან ბევრად ნაკლები იყო, რისკი ალბათ, ცოტა შემცირდა, მაგრამ არ განულებულა. დამშვიდების საფუძველი არ გვაქვს - აპრილის ბოლო კვირები, მაისის პირველი ორი კვირა იქნება უფრო საფრთხილო და უფრო რთული. პატრიარქი - სრულიად საქართველოს ვლოცავ და ვავედრებ უფალს - ვავედრებ ჩვენს წინაპრებს, თითოეული თქვენგანის იმ ქვეყნად წასულ ოჯახის წევრსა და ახლობელს.

      სასაფლაოების მონიტორინგი - რაჭა-ლეჩხუმისა და ქვემო სვანეთის რწმუნებული - სასაფლაოებზე ხალხი არ შეინიშნება, რეგიონში სიმშვიდეა. თბილისში სასაფლაოების შესასვლელებს სამართალდამცველები აკონტროლებენ. ზვიად შალამბერიძე - იმერეთში დილიდან ვაკონტროლებთ, რომ სისრულეში იყოს მოყვანილი სასაფლაოებზე გასვლასთან დაკავშირებული აკრძალვა, მხოლოდ ერთეული შემთხვევები გვაქვს, როცა შესვლის სურვილი იყო. ირაკლი ქადაგიშვილი - კახეთში სასაფლაოები დაკეტილია და დარღვევის მცდელობები არც გუშინ იყო და არც დღეს არის.

      დარღვევები - შსს-მ ბოლო 24 საათში საგანგებო მდგომარეობის რეჟიმის დარღვევის 139 ფაქტი გამოავლინა. პოლიციამ ვარკეთილში პრეზიდენტის მიერ გამოცემული დეკრეტის დარღვევის გამო 6 პირი დააკავა.

      ჩამოსულები - თელ-ავივი - თბილისის რეისით სამშობლოში 154 მოქალაქე დაბრუნდა

      ბრმა მკვლელობა - ოჯახის ახლობლის ინფორმაციით, ვაჟა-ფშაველას გამზირზე მომხდარ ფაქტზე, რასაც მომღერალ თიკა მახალდიანის დედა ემსხვერპლა, სავარაუდოდ, ერთი პირია დაკავებული. პროკურატურამ ვაჟა-ფშაველას გამზირზე, ბრმა ტყვიით ქალის მკვლელობის საქმეზე პოლიციელი დააკავა, რომელიც ნასვამ მდგომარეობაში იყო. ნიკა მელია - „კომენდანტის საათია“, ეს ხელს არ უშლით შსს-ს თანამშრომლებს ღრეობის მოწყობაში, არც იმაში, რომ ცეცხლსასროლი იარაღიდან ჯერი გაუშვან - ბრმა ტყვია კლავს უდანაშაულო ქალს. ლევან თარხნიშვილი ვაჟა-ფშაველას გამზირზე მომხდარ ტრაგედიაზე - რაც უფრო მალე ჩატარდება გამოძიება და დაისჯება დამნაშავე, მით უკეთესი იქნება. გიგა ბოკერია ვაჟა-ფშაველას გამზირზე მომხდარ ტრაგედიაზე - შეიძლება, ასეთი რამ ნებისმიერ ქვეყანაში მოხდეს, მაგრამ ჩვენს შემთხვევაში, საგანგაშო ისაა, რომ ეს იმ შედეგებს ჰგავს, რაც ივანიშვილის გუნდის პოლიტიკამ მოიტანა.

      ხანძარი ბიბლიოთეკაში - სააკაშვილის საპრეზიდენტო ბიბლიოთეკაში ხანძარი იყო. თინა ბოკუჩავა - ბადრი ქათამაძე, რომელმაც სააკაშვილის ბიბლიოთეკაში ხანძარი გააჩინა, რეციდივისტი და სუს-ის აგენტია - მას ხელისუფლება მფარველობს.

      ირაკლი სესიაშვილი - ქვეყანაში საგანგებო მდგომარეობის გახანგრძლივების გადაწყვეტილებას პარლამენტი, სავარაუდოდ, 22 აპრილს დაამტკიცებს. დავით ბაქრაძე - სრულფასოვანი ეკონომიკური გეგმის გარეშე, საგანგებო მდგომარეობის გაგრძელებას მხარს ვერ დავუჭერთ. მთავრობის ადმინისტრაცია განმარტავს, რომ საავტომობილო გადაადგილების აკრძალვა ძალაშია 21 აპრილის ჩათვლით - გახანგრძლივდება თუ არა ეს აკრძალვა, ხვალ გაირკვევა.

საზღვარგარეთულები:

      #WorldWideCovid19: ჩინეთში კორონავირუსის 16 ახალი შემთხვევა დაფიქსირდა. რუსეთში ბოლო 24 საათში კორონავირუსით ინფიცირების 6 060 ახალი შემთხვევა დაფიქსირდა. ესპანეთში კორონავირუსით ბოლო დღე-ღამეში 410 ადამიანი გარდაიცვალა. ვლადიმერ პუტინი - კორონავირუსთან დაკავშირებით ვაცნობიერებთ, რა ხდება, რისკებს ვხედავთ, თუმცა, ამ ბრწყინვალე დღეს მსურს, ვთქვა, ღვთის შეწევნით ყველაფერი კარგად იქნება. სომხეთში კორონავირუსით ინფიცირებულთა რაოდენობა 1339-მდე გაიზარდა. ბრაზილიის პრეზიდენტი საკარანტინო ზომების მოხსნის მოთხოვნით გამართულ საპროტესტო აქციას შეუერთდა. ავღანეთის პრეზიდენტის სასახლეში კორონავირუსი 40-მდე პირს დაუდასტურდა. სამხრეთ კორეაში 24 საათში კორონავირუსის 13 შემთხვევა გამოვლინდა. ევროკომისიის ვიცე-პრეზიდენტი - კრიზისმა ჩინეთსა და ინდოეთზე ევროპის არაჯანსაღი დამოკიდებულება გამოაჩინა. ესპანეთში კორონავირუსით ინფიცირებულთა საერთო რაოდენობამ 200 000-ს გადააჭარბა. ვლადიმერ პუტინი - რუსეთი, მთლიანობაში ახერხებს გაუმკლავდეს კორონავირუსთან ბრძოლის პირველ ეტაპს, თუმცა პანდემიის პიკი ჯერ კიდევ წინაა. დღეიდან, გერმანიამ კორონავირუსის გამო დაწესებული შეზღუდვების ეტაპობრივი მოხსნა დაიწყო. დიდ ბრიტანეთში ბოლო 24 საათში კორონავირუსით 449 ადამიანი დაიღუპა. იტალიაში ბოლო 24 საათში კორონავირუსით 454 ადამიანი დაიღუპა, დაინფიცირდა 2 256 პირი, რაც გასული ერთი თვის განმავლობაში ყველაზე დაბალი მაჩვენებელია. თურქეთში ბოლო 24 საათში კორონავირუსის 4674 შემთხვევა გამოვლინდა.

      რომის პაპი - არის საშიშროება, რომ შეიძლება, კიდევ უფრო უარესი ვირუსი შეგვეყაროს და ეს არის ეგოისტური გულგრილობა.

      ფულის აგროვება - 99 წლის ბრიტანელმა, მეორე მსოფლიო ომის ვეტერანმა ჯანდაცვის სერვისებისთვის 31 მილიონი დოლარი შეაგროვა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 39

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 21, 2020||2:29pm

ფეისის ლომების მიკვირს,(დასპონსორებული ფეიკ გვერდები) ჭეშმარიტების მტკიცებაში, არცერთს რატო არ უნდა მოხალისედ შევიდეს კლინკაში და დაეხმაროს მედიკოსებს?

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

Three ways to get Final Fantasy XIV Gil for players

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება - 3.0867 ლარია.

საქართველოს და მსოფლიოს ამბები |…

გაგრძელება

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 1 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

Qwelly World

free counters