აღდგომა მრევლით, სასაფლაოები უხალხოდ და დიდი ქალაქების ზღუდეები

      კორონას რიცხვები მსოფლიოდან და საქართველოდან კვლავ დღის მთავარი ამბავია. მოცემულ მომენტში - დადასტურებული შემთხვევა - 306, გამოჯანმრთელებული - 71, გარდაცვლილი - 3. მთელი მსოფლიოსთვის იგივე მაჩვენებლები - 2 006 513 დადასტურებული, 501 758 - გამოჯანმრთელებული, 128 886 გარდაცვლილი. დღეს საქართველოში ყველა საპატრიარქოსა და მთავრობის შეთანხმების გახმიანებას ელოდებოდა. ამ მიმართულებით მთავარი ამბავი ასეთია - 21:00 სთ-ზე მივა მრევლი სააღდგომო ლიტურგიაზე და 06:00-ზე წამოვა. პატარა ტაძრებში მხოლოდ სასულიერო პირები იქნებიან. აღდგომის შემდეგ - 17 აპრილიდან 10 დღის ვადით საქართველოს ქალაქებში სასაფლაოზე გასვლაზე შეზღუდვები წესდება.

საქართველოს და მსოფლიოს ამბები / 15 აპრილი, 2020

      მარინა ეზუგბაიას ინფორმაციით, ინფიცირებული 2 მძიმე პაციენტი კრიტიკულ სიტუაციას უახლოვდება. ინფექციურ საავადმყოფოში მოთავსებული ყველაზე პატარა პაციენტი თავს ყველაზე კარგად გრძნობს. ზუგდიდის ინფექციურ საავადმყოფოში კორონავირუსის ნიშნებით სასწრაფო სამედიცინო დახმარების მედდა შეიყვანეს. თბილისის ზღვის ჰოსპიტალში მყოფ 40 პირს კორონავირუსი არ დაუდასტურდა. ქობულეთის მერი - ე.წ. ქობულეთის კლასტერს კორონავირუსით ინფიცირებული 4 ახალი შემთხვევა დაემატა. ლევან რატიანის განცხადებით, რეანიმაციულ განყოფილებაში მყოფი 8 პაციენტის მდგომარეობა მძიმეა. ირაკლი ჩიქოვანი - ქვეყანაში გვაქვს შიდა კლასტერების მნიშვნელოვანი გაფართოება და ფაქტობრივად, ეპიდემიის პიკის ფაზაში შესასვლელად ვემზადებით. ლევან რატიანი მოსახლეობას - ჩვენ თქვენთვის ვართ, მაგრამ ვერ აუვალთ ამდენს - დადგა დრო, ერთმანეთს დავცილდეთ, იმიტომ, რომ აუცილებლად უნდა გადავრჩეთ. კლინიკაში შემოსული კორონავირუსით ინფიცირებული 11 ახალი პაციენტიდან, რამდენიმე ექიმია. სახელმწიფო რწმუნებული - ლენტეხი პროდუქტით, მედიკამენტებით და საწვავით დროულად მარაგდება, საგაზაფხულო სამუშაოებიც მიმდინარეობს - კორონავირუსის ახალი შემთხვევა არ დაგვმატებია. ლევან გოფოძე - რესპუბლიკურ საავადმყოფოში მოთავსებული ერთ-ერთი პაციენტის მდგომარეობა კვლავ მძიმეა. რუსთავის მერი - რუსთავში კორონავირუსით ინფიცირებულთა სტატისტიკა არ გაზრდილა. ლალი ტურძელაძე - ვირუსი ახლა ბობოქრობს, შემდეგ დაწყნარდება, ამასობაში ვაქცინაც შემოგვეშველება და შეგვეძლება დაბადების დღეებზე, სასაფლაოზე, ეკლესიაში სიარული, ძალიან გთხოვთ, დარჩით სახლში. ქუთაისის ინფექციურ საავადმყოფოში კორონავირუსით ინფიცირებული პაციენტი შეიყვანეს. ლალი ტურძელაძე - რეანიმაციულ განყოფილებაში მოთავსებული პაციენტებიდან ოთხის მდგომარეობა კრიტიკულია, ხოლო ხუთის - ძალიან მძიმე. მარინა ენდელაძე - თუ მოსახლეობამ არ გაითავისა რეკომენდაციები, მდგომარეობა შეიძლება, დრამატულად განვითარდეს, თანაც ისე რომ ჯანდაცვის სისტემამ ამ პაციენტების მოვლა ვეღარ მოახერხოს.

      ჩაკეტილი ქალაქები - განისაზღვრა სია, ვის არ ეხება თბილისის, რუსთავის, ბათუმისა და ქუთაისის ჩაკეტვის დროს დაწესებული შეზღუდვები - 1. სამედიცინო დაწესებულების თანამშრომლების სამსახურებრივი საქმიანობიდან გამომდინარე გადაადგილებას; 2. საერთაშორისო და ადგილობრივ სატვირთო გადაზიდვებს; 3. საქართველოში აკრედიტებული დიპლომატიური კორპუსის წარმომადგენლების სამსახურებრივი საქმიანობიდან გამომდინარე გადაადგილებას; 4. ბრალდებულების/მსჯავრდებულების გადაყვანას; 5. ფულადი სახსრების, ძვირფასი ლითონებისა და სხვა ფასეულობათა ინკასირებას; 6. ელექტროენერგიის, ბუნებრივი გაზის, წყლის წარმოების/გადაცემის/განაწილების/მიწოდების, ასევე სატელეკომუნიკაციო, საფოსტო და ნარჩენების მართვასთან დაკავშირებული მომსახურების მიწოდების მიზნით გადაადგილებას; 7. სამომსახურეო სარკინიგზო მიმოსვლის მიზნით გადაადგილებას; 8. მედია საშუალებების წარმომადგენელთა ჟურნალისტური საქმიანობის განხორციელების მიზნით გადაადგილებას; 9. სარიტუალო მომსახურების გაწევის მიზნით გადაადგილებას (მიცვალებულის გადასვენება/დაკრძალვა); 10. საერთაშორისო ორგანიზაციების ჰუმანიტარული მიზნებისთვის გადაადგილებას; კერძო დაცვითი საქმიანობის განხორციელების მიზნით გადაადგილებას; 11. საჯარო დაწესებულებებისა და ამ დადგენილებით დაშვებული ეკონომიკური საქმიანობების განმახორციელებელი სუბიექტების მიერ ოპერაციულ შტაბთან შეთანხმებულ სიაში მყოფ პირებს/ავტოსატრანსპორტო საშუალებებს, რომელთა გადაადგილებაც კრიტიკულად აუცილებელია საგანგებო მდგომარეობის დროს სამსახურებრივი მოვალეობის შესასრულებლად. 12. დადგენილებაში ასევე ნათქვამია, რომ აღნიშნულ მუნიციპალიტეტებში შესვლა არ ეკრძალებათ ამ მუნიციპალიტეტებში რეგისტრირებულ პირებს. კახა კალაძის განცხადებით, კოჯრისა და წყნეთის გზაგასაყარზე მოწყობილი სპეციალური საგუშაგო გადაიწევს და კიკეთში განთავსდება. იმერეთში სახელმწიფო რწმუნებული - სააღდგომო პერიოდში ქუთაისსა და ზესტაფონში სასაფლაოები დაიკეტება.

      თბილისი იცლება სააღდგომოდ - კახა კალაძე - თბილისელებს მინდა ვთხოვო, შეამოწმონ სახლები, ყურადღება მიაქციონ ბუნებრივი აირის, ელექტროენერგიისა და წყლის გამორთვას.

      ბაზრების სიყარული - ალექსანდრე მოწერელია - ქუჩებში ხალხმრავლობაა, ბაზართან პოლიციის მობილიზება დაგვჭირდა - თუ ასე გაგრძელდა, ზუგდიდის ბაზრის დაკეტვა მოგვიწევს.

      უპრობლემო პატიმარი - ირაკლი ოქრუაშვილი - პრობლემას ვერც იმაში ვხედავ, რომ ციხეში ვარ და ვერც იმაში, რომ ივანიშვილის დავალებით 5 წელი მომისაჯეს - 2-3 თვეში ქვეყანა 90-იანი წლების დონის გაღატაკების ზღვარზე აღმოჩნდება.

      კორონა, მრევლი და მოახლოებული აღდგომა - დეკანოზი შალვა კეკელია - აღდგომა დღეს ვაპირებთ დისტანციის დაცვას, ვამზადებთ შენობას, სადაც 2000 კაცამდე შეიძლება დაეტიოს, სკამებსაც ვუმზადებთ. გიგა ბოკერია - მოქალაქეებს შეზღუდვები დაუწესეს, თუმცა ყველაზე მსხვილი კონფესიის დიდ ნაწილზე არ გავრცელდა - ეს შეზღუდვებს უაზროს ხდის. მეუფე გერასიმე - ეკლესიიდან ინფექცია არ გავრცელდება, ეკლესიაში პირიქით, მოდიან ადამიანები, რომ განიკურნონ სულიერად და ხორციელად. მთავრობის და საპატრიარქოს ერთობლივი გადაწყვეტილებით, ეკლესიები არ დაიხურება, თუმცა მცირე ზომის ტაძრებში მხოლოდ სასულიერო პირები იქნებიან. დეკანოზი ანდრია ჯაღმაიძე - ჩვენ გადავწყვიტეთ, რომ მრევლი მივიდეს ტაძარში „კომენდანტის საათის“ დაწყებამდე და სააღდგომო მსახურების შემდეგ, ტაძარი დატოვოს დილის 6 საათზე. სასურველია, რომ სადღესასწაულო ტრაპეზი არ გაიმართოს - არაფერი ირღვევა, თუ აღდგომა დღეს და მომდევნო დღეებშიც არ გავალთ საფლავზე. დეკანოზი ჟურნალისტს - თქვენ მაძლევთ გარანტიას, რომ თქვენ არ გჭირთ კორონავირუსი და მე არ მაავადებთ? ანდრია ჯაღმაიძე - დიდ ტაძრებს პირბადეებს მივაწვდით, ხვალ დარიგება დაიწყება, თუმცა იმდენი არ გვაქვს, რომ ყველას ეყოს და ვიცით, რომ ბევრი ტაძარი ზრუნავს თვითონ. კახა კალაძე - ყველა მორწმუნეს მინდა ვთხოვო და მოვუწოდო, დარჩეს სახლში და ილოცოს სხვების ჯანმრთელობისა და სიცოცხლისთვის. საგანგებო მდგომარეობა და კომენდანტის საათი ვრცელდება ნებისმიერ სივრცეში, ნებისმიერ ადამიანზე - არანაირი „მაგრამ“ არ განიხილება. ნიკა მელია - ნებისმიერი შეკრება შეიცავს ვირუსის მასიურად გავრცელების საფრთხეს - ამ სიმართლეს პრინციპულად არ ამბობს ხელისუფლება, ამ სიმართლის აღიარება არ სურს საპატრიარქოს - სიმართლის თქმას გაურბის ოპოზიციის ნაწილი. საპატრიარქოს დაცვის თანამშრომელთან კონტაქტში მყოფ 12 პირს კორონავირუსი არ დაუდასტურდა. ამირან გამყრელიძე - რეკომენდაციების გათვალისიწინება დიდი დოზით მოხდა. პაატა იმნაძე - გადავარჩინოთ ეკლესია, ნუ წახვალთ იქ, განმეორდება იტალია.

      დევნილთა სააგენტო ერთჯერად ფულად დახმარებას 1500-მდე დევნილს გაუწევს.

საზღვარგარეთულები:

      #WorldWideCovid19: რიო დე ჟანეიროს გუბერნატორს კორონავირუსი დაუდგინდა. ვლადიმერ ზელენსკი - დარჩით სახლში აღდგომას, კიევ-პეჩორში მომხდარმა ცხადყო, რომ ვირუსმა ეროვნება და რელიგია არ იცის. დონალდ ტრამპი - ყველაზე საშინელი დღე ჩემს ცხოვრებაში მაშინ იყო, როცა მითხრეს, რომ სასუნთქი აპარატების საკმარისი რაოდენობა არ გვქონდა. რუსეთში, ბოლო 24 საათში კორონავირუსის 3 388 ახალი შემთხვევა გამოვლინდა, დაღუპულია 28 ადამიანი. სომხეთში კორონავირუსით ინფიცირებულთა რაოდენობა 1111-მდე გაიზარდა. აშშ-ის ხელისუფლებამ ავიაკომპანიების დასახმარებლად 25 მილიარდი დოლარი გამოყო. მოსკოვში ტრამპის გადაწყვეტილებას, ჯანმო-სთვის დაფინანსების შეწყვეტის თაობაზე, ეგოისტური მიდგომა უწოდეს. აზერბაიჯანში კორონავირუსის დადასტურებული შემთხვევები 1253-მდე გაიზარდა. იტალიაში კორონავირუსით 24 საათის განმავლობაში 578 ადამიანი გარდაიცვალა. ჯანდაცვის მსოფლიო ორგანიზაცია წუხილს გამოთქვამს აშშ-ის პრეზიდენტის გადაწყვეტილების გამო, რომელმაც ორგანიზაციისთვის დაფინანსების შეწყვეტის განკარგულება გასცა. ჯანდაცვის მსოფლიო ორგანიზაციის დირექტორი - დასაკარგი დრო არ არის - ჯანდაცვის მსოფლიო ორგანიზაცია ფოკუსირებულია, გადაარჩინოს სიცოცხლე.

      ემანუელ მაკრონი იმედოვნებს, რომ ვლადიმერ პუტინი გლობალური ცეცხლის შეწყვეტის შეთანხმებას დათანხმდება.

      გერმანიის პროკურატურაში აცხადებენ, რომ „ისლამური სახელმწიფოს“ წევრები დააკავეს, რომლებიც აშშ-ის ძალებზე თავდასხმას გეგმავდნენ.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 52

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 15, 2020||10:58pm

მაკრონს ის ძალა და ამბიციები აღარ აქვს, რაც თავიდან, ეტყობა პოლიტიკური სენი შეეყარა და მიემსგავსა სარკოზს და ოლანდს )

Kakha: აპრილი 20, 2020||3:24pm

ნაცის ბედისწერა, დაქცევა და მერე გაქცევა ქვეყნიდან :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

Three ways to get Final Fantasy XIV Gil for players

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება - 3.0867 ლარია.

საქართველოს და მსოფლიოს ამბები |…

გაგრძელება

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 1 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

Qwelly World

free counters