ვირუსის ახალი შემთხვევები, ბარიერები და სკამების გაყოფა, დასნებოვნებული დეკანოზი

      ბოლო აღრიცხული ამინდების მიხედვით, გასული ზამთარი ყველაზე თბილი იყოო, აღნიშნავს მსოფლიო, მაგრამ ეს სითბო არ გამოდგა საკმარისი კორონა ვირუსთან ბრძოლისთვის. ჩვენთან 9 დადასტურებული შემთხვევაა დღევანდელი დღის მონაცემებით. როგორც მიხვდით, დღის მთავარი თემა კორონა ვირუსი და მისი ახალი შემთხვევების კვლევა-მკურნალობაა. ასევე აქტუალური იყო ბარიერები და პროცენტები პარლამენტში შესასვლელად და არჩევნების წესის განსაზღვრისთვის. განსაკუთრებით დამძიმდა გლდანის ციხეში მყოფი დეკანოზ მამალაძის ჯანმრთელობის მდგომარეობა და ესეც გახდა აქტუალური ამბავი დღევანდელ მედიაში.

საქართველოს და მსოფლიოს ამბები / 5 მარტი, 2020

      სამწუხარო სტატისტიკა - ვირუსის ახალი შემთხვევები - ამირან გამყრელიძე - საქართველოში კორონავირუსის 5 ახალი შემთხვევა დადასტურდა, ყველა კონტაქტი დაკავშირებულია იტალიასთან. ამირან გამყრელიძის ინფორმაციით, კორონავირუსით ინფიცირებულ 9 პაციენტს შორის მცირეწლოვნები არ არიან. ამირან გამყრელიძე - ამ ეტაპისთვის ყველა შემთხვევა კლინიკურად არის დამაკმაყოფილებელი. მსოფლიოში კორონავირუსით 3 285 ადამიანია დაღუპული, გამოჯანმრთელებულთა რაოდენობა კი - 53 688-ია. შსს-ს მოქალაქეთა მომსახურების ცენტრებში კორონავირუსის პრევენციის მიზნით სადეზინფექციო სამუშაოები გრძელდება. გიორგი გახარიას განცხადებით, კორონავირუსს ქართულ ეკონომიკაზე გარკვეული მცირედი ზეგავლენა ჰქონდა. ჯანდაცვის სამინისტრო ჟურნალისტებს ურჩევს, რესპონდენტებთან 1-1.5 მეტრზე ახლოს არ მივიდნენ, ინტერვიუები კი მიკროფონის დამჭერი გრძელი ჯოხის გამოყენებით ჩაწერონ. კორონავირუსის გავრცელების პრევენციის მიზნით, ეროვნული სასწავლო ოლიმპიადის დასკვნითი ტური გადაიდო. საქართველოში კორონავირუსის მეოთხე შემთხვევა დაფიქსირდა. კორონავირუსი საქართველოს მოქალაქეს დაუდგინდა, რომელიც ქვეყანაში იტალიიდან დაბრუნდა. ამირან გამყრელიძის ინფორმაციით, კორონავირუსით ინფიცირებული 4 პაციენტიდან 3 პაციენტის მდგომარეობა კლინიკურად დამაკმაყოფილებელია, მეოთხე შემთხვევა კი საყურადღებოა. ინფექციური საავადმყოფოს სამედიცინო დირექტორი - კორონავირუსით დაინფიცირებული მეოთხე პირის მდგომარეობა კლინიკურად უფრო მძიმეა. ეკატერინე ტიკარაძე - ირანის ელჩთან შეხვედრაზე წამოიჭრა საკითხი მინისტერიალი გაიმართოს, რათა კორონავირუსთან ბრძოლის საკითხებზე გადაწყვეტილებები მივიღოთ. ფინანსთა მინისტრის განცხადებით, იტალიასთან ფრენების შეჩერების საკითხი განიხილება. ჯანდაცვის მინისტრის ინფორმაციით, კორონავირუსით დაინფიცირებულ მეოთხე პირთან კონტაქტში 25 პირი იმყოფებოდა და მათ დეტალურად გამოიკვლევენ. ამირან გამყრელიძე - უმორჩილესი თხოვნაა, რომ თვითიზოლაციასა და კარანტინში მყოფმა პირებმა მაქსიმალურად დაიცვან წესები. პაატა იმნაძის განცხადებით, კორონავირუსით ინფიცირებული მეოთხე ადამიანის თვითმფრინავში არსებული კონტაქტები უკვე დადგენილია. კორონავირუსის გამო, ბრიტანული ავიაკომპანია Flybe გაკოტრდა. ფინანსთა მინისტრის განცხადებით, კორონავირუსით მსოფლიოში გამოწვეული შედეგები საქართველოს საკმაოდ მძლავრად გადმოეცემა. ირან-აზერბაიჯანის ჩაკეტილ საზღვარზე მყოფი საქართველოს მოქალაქეები ქვეყანაში ჩამოიყვანეს, ისინი საკარანტინო დაწესებულებაში იმყოფებიან. ეკატერინე ტიკარაძე - ჯანდაცვის სამინისტრო, ინფექციური საავადმყოფოს შენობის საკითხზე, კლინიკისა და „ავერსის“ კომუნიკაციაში პირადადაა ჩართული. პაატა იმნაძე - თუ იტალიიდან ჩამოსულს არ აქვს შეგნება, რომ თვითიზოლაციაში იყოს, მოვუწოდებ სხვებს, მის დამსაქმებლებს, ახლობლებს, მოერიდონ ასეთ ადამიანს. ნათია თურნავა - ცალსახაა, კორონავირუსის გამო მსოფლიო ეკონომიკა იზარალებს - ყველაფერი იმაზეა დამოკიდებული, რამდენ ხანს გაგრძელდება ეს გამოწვევა. ესპანეთში კორონავირუსის 219 შემთხვევაა დაფიქსირებული, აქედან 3 მცირეწლოვანია. შვეიცარიაში კორონავირუსით გარდაცვალების პირველი შემთხვევა დაფიქსირდა. თენგიზ ცერცვაძის განცხადებით, მეოთხე პაციენტს, რომელსაც კორონავირუსი დაუდასტურდა, დღევანდელი მდგომარეობით, არაფერი ემუქრება, თუმცა ინტენსიურ დაკვირვებას საჭიროებს. აზერბაიჯანში კორონავირუსის კიდევ სამი შემთხვევა დადასტურდა. საფრანგეთში კორონავირუსით დაღუპულთა რიცხვი 6-მდე გაიზარდა. კარანტინში მოთავსებულ 1 ადამიანზე სახელმწიფო დღეში 70 ლარამდე თანხას ხარჯავს. ხათუნა ზახაშვილი - ვიმედოვნებ, რომ ქართველი ჟურნალისტები არ გახდებიან პირველები, რომლებიც საქმიანობის წარმოებისას კორონავირუსით დაავადდნენ - დაიცავით წესები! ამირან გამყრელიძის ინფორმაციით, კორონავირუსით დაინფიცირებული კიდევ 5 ადამიანი იმ 44 წლის მამაკაცის ახლობლები არიან, რომელსაც ინფექცია დღეს დაუდასტურდა.

      განაჩენი - „იბერიის“ დახურვისა და სამაუწყებლო ლიცენზიის იძულებით ჩამორთმევის საქმეზე, ზურაბ ადეიშვილს 1,6 წლით პატიმრობა განესაზღვრა.

      ბარიერები და სკამების გაყოფა - გიგი უგულავა - ივანიშვილთან „კატა-თაგვობანას“ თამაშს არ ვაპირებ - არ მსურს ჩემი გათავისუფლების საკითხი გახდეს ბარიერი პროპორციული სისტემის მიღების პროცესში. კახა კალაძე - გიგი უგულავასთან დაკავშირებით პოლიტპატიმრობაზე საუბარი უხერხულია იმ პატიმრებთან მიმართებაში, ვინც პატარა დანაშაულზე იხდის სასჯელს. სერგი კაპანაძე - არ ვაპირებთ ივანიშვილს მივცეთ საშუალება, პოლიტპატიმრების ბედით ივაჭროს და ვინმე ისეთ სისტემაზე დაითანხმოს, რომელიც არ არის არსებითად პროპორციული. დავით მათიკაშვილი - ოპოზიციას მოლაპარაკების პროცესში თავისი წილი პასუხისმგებლობის აღება არ სურს. ბადრი ჯაფარიძე - თუ პოლიტიკური დევნა და დაპატიმრებები გაგრძელდება, მივიღებთ არანორმალურ საარჩევნო გარემოს, როცა არჩევნების შედეგები ლეგიტიმაციის საფრთხის წინაშე დადგება. დავით ბაქრაძე - პოზიცია, რომელიც უგულავამ და რურუამ დააფიქსირეს, აჩენს ისტორიულ შანსს, რომ ხელისუფლების და „ოცნების“ გონიერების პირობებში ნორმალური არჩევნები ჩატარდეს. რომან გოცირიძე - პოლიტპატიმრების განცხადება ძალიან ვაჟკაცურია, მაგრამ ხელისუფლებას არ მივცემთ პოლიტიკურ მძევლებად მათი დატოვების უფლებას. ნინო ბურჯანაძე - გიგი უგულავას განცხადებამ „ქართულ ოცნებას“ პოლიტიკური რეპრესიების თემაზე ვაჭრობის საშუალება მოუსპო. მამუკა მდინარაძე - პატიმრობაში მყოფ ადამიანებს ცალ-ცალკე არ მოაფიქრდებოდათ საერთო გზავნილის ჩამოყალიბება , ეს დაორგანიზებულია "ნაციონალური მოძრაობის" მიერ. ლევან იოსელიანი - ბესიკ თამლიანი უერთდება გიგი უგულავასა და გიორგი რურუას სულისკვეთებას და მზად არის, უკანონო პატიმრობაში ყოფნა გააგრძელოს. კახა კალაძე - 110/40-ზე სისტემის ოპოზიციისთვის წარდგენა საუკეთესო გამოსავალია - 1%-იანი ბარიერის პირობებში შესაძლებლობა ექნებათ, მათი წარმომადგენლები პარლამენტში იყვნენ. გიორგი ვაშაძე - ერთ რჩევას მივცემდი კახა კალაძეს - ნუ ჰგონიათ, რომ 1%-იან ბარიერთან დაკავშირებულ ანკესზე ვინმეს წამოაგებენ, ამის გამო ოპოზიცია ვაჭრობას არ დაიწყებს. გიგა ბოკერია - ჩვენ მომხრე ვართ საარჩევნო ბარიერის დაწევის, თუ ივანიშვილი სხვა საკითხებზე გონს მოეგება. მამუკა მდინარაძე - საარჩევნო ბარიერთან მიმართებაში იმდენად არ გვაქვს პრობლემა, რომ ოპოზიციას ჩავუწერთ იმას, რაზეც შეთანხმდებიან. საქართველოს საელჩო იტალიაში მოქალაქეებს მოუწოდებს, ადგილობრივი მთავრობის მითითებებს და რეკომენდაციებს დაემორჩილონ.

      ავადმყოფი მსჯვარდებული - გლდანის მსჯავრდებულთა და ბრალდებულთა დაწესებულებაში დეკანოზ გიორგი მამალაძის სასჯელის გადავადებაზე იმსჯელებენ. თორნიკე მამალაძე - ჩემი ძმა მძიმე მდგომარეობაშია, იმ დაწესებულებაში, სადაც იმყოფება, შეუძლებელია განკურნება, სასჯელის გადავადება უნდა მოხდეს. ადვოკატის ინფორმაციით, წარმოადგენენ ექსპერტიზის რამდენიმე დასკვნას, რომელთაგან ყველა ადასტურებს, რომ დეკანოზ გიორგი მამალაძეს ადეკვატური მკურნალობა ესაჭიროება. მარიამ ჯიშკარიანი - დეკანოზ მამალაძის ჯანმრთელობის მდგომარეობა მძიმეა, შეესაბამება ინვალიდობის სტანდარტს და საჭიროებს სასჯელის გადავადებას. გიორგი მამალაძის ძმა - იმედი მაქვს, რომ სასამართლო ამჯერად მყარად დადგება თავის პოზიციაზე და გაათავისუფლებენ უდანაშაულო, პარალიზებულ ადამიანს.

      თავისუფლებით უკან - Freedom House-ის ანგარიშის თანახმად, საქართველომ თავისუფლების რეიტინგში 2 ქულით უკან დაიხია, თუმცა მეზობელ ქვეყნებში კვლავ ლიდერია.

საზღვარგარეთულები:

      ერდოღანი - თურქეთის პარლამენტში ერდოღანის კრიტიკის გამო, ფიზიკური დაპირისპირება მოხდა. ვლადიმერ პუტინისა და რეჯეფ თაიფ ერდოღანის პირისპირ შეხვედრა სამ საათს გაგრძელდა.

      ბაშარ ალ-ასადი - სირიას თურქეთის მიმართ მტრული მოქმედებები არ ჩაუდენია - თურქებს მოძმე ერად მივიჩნევ.

      კიმი - კიმ ჩენ ინმა სამხრეთ კორეის პრეზიდენტს მხარდასაჭერი წერილი გაუგზავნა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 17

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:25pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

პრემიერის ანონსები და დარიგებული ფულები, ბაჩალიაშვილის საქმე და არჩევნობანა

გამოაქვეყნა Giorgi_მ.
თარიღი: აგვისტო 6, 2020.
საათი: 11:00pm 0 კომენტარი

      პრემიერმა გადაწყვიტა ხალხს ფული დაურიგოს. ახლა 17 წლის ჩათვლით მოზარდები, ახალგაზრდები დაფინანსდებიან 200 ლარით, ამას გარდა სხვა სოციალური პაკეტებიც მუშავდება ფულის დასარიგებლად. თუმცა ეკონომიკური პროგნოზები ერთმნიშვნელოვნად მძიმეა - ზამთარსა და მომავალ წელს უარესი იქნებაო. ცხადია არჩევნები და კორონა ლიდერობენ და ბაჩალიაშვილის საქმე კვლავ მეინსტრიმულია. აგვისტოს ამბავი - ომიდან კიდევ ერთი წელი.

საქართველოს და მსოფლიოს ამბები / 6…

გაგრძელება

აქტივისტი

გამოაქვეყნა Kakha_მ.
თარიღი: აგვისტო 6, 2020.
საათი: 9:30pm 0 კომენტარი

   როცა ტემპი დამოუკიდებელია შენგან( ანუ ვექტორზე დადექი, რომელიც მხოლოდ წინ მიდის ისეთი სიჩქარით რომ შენი გონება ვერ ოპერირებს და ვერ ეწევა ტემპს, ასეთი მდგომარეობა ან დაგღუპავს ან ხელმოცარული დარჩები, ის გკარნახობს ნაბიჯებს და ასე უსასრულოდ, შენ კი შეგიძლია მხოლოდ იჯდე და რომანტიზმის ფოტოები ათვალიერო, (როცა უკვე ჩამორჩი) მყუდრო კოტეჯებზე, ზღვაზე დასვენებაზე, მოგზაურობაზე და ასე შემდეგ. ადამიანი შემგუებელი არსებაა, ის ეგუება და ყოველ ჯერზე მეტ "დოზას" ითხოვს…

გაგრძელება

ჟურნალისტური სტანდარტები შეყვარებულს, ბეირუთის აფეთქება და პირველი ტურისტები

გამოაქვეყნა Giorgi_მ.
თარიღი: აგვისტო 5, 2020.
საათი: 11:00pm 0 კომენტარი

      ცხელი აგვისტო ცხელი ამბებით დაიწყო - ოკუპაციის პრობლემაზე საზღვარგარეთული გამოხაურებები, კორონას ახალი შემთხვევები და კორონას ხანის მოსწავლეობა, სტუდენტობა და პოსტკორონული პირველი ტურისტები თბილისში, თბილისის ამბებში - ჭავჭავაძეზე გადაადგილების გაურკვევლობა ჭარბობდა. ცხადია სასამართლოები და გამოძიებები გაუჩინარება-დაკარგვა-გარდაცვალებაზე კვლავაც აქტუალურია. ბეირუთის ტერაქტშიც საქართველო გაჟღერდა - აფეთქებული ტანკერი ბათუმიდან…

გაგრძელება

Qwelly World

free counters