პრეზიდენტი პარლამენტის წინაშე, პოზიციები პარლამენტში და კორონას ახალი ამბები

      კორონას ფონზე, სხვა თემები ცხადია იჩრდილება, მაგრამ სიახლეები მაინც გვაქვს. ვირუსის სიახლეები ისაა, რომ საქართველოში ახალი შემთხვევა აღარ დაფიქსირებულა და პარალელურად ტარდება, სკოლების, ბაღების, სამინისტროების, ტრანსპორტის დასუფთავება და ქიმწმენდა. დღის მთავარი თემა იყო პრეზიდენტ ზურაბიშვილის საპარლამენტო გამოსვლა, ამასთან ერთად ოპოზიციისა და პოზიციის კვოტებისა და გადანაწილებების საუბრები.

საქართველოს და მსოფლიოს ამბები / 4 მარტი, 2020

      კორონას გამოხმაურება - მსოფლიოში კორონავირუსით დაინფიცირებული 50 949 გამოჯანმრთელდა, 3 202 კი - ადამიანი დაიღუპა. მსოფლიო ბანკი კორონავირუსთან საბრძოლველად 12 მილიარდ დოლარს გამოყოფს. დეკანოზი ანდრია ჯაღმაიძე - კორონავირუსის გავრცელების გამო, ჯერჯერობით, ზიარების წესის ცვლილებებზე მსჯელობა არ არის. ჯანდაცვის მსოფლიო ორგანიზაციის ხელმძღვანელი - კორონავირუსი იწვევს უფრო მწვავე ავადობას, ვიდრე გრიპი - მისი შეჩერება შესაძლებელია. იტალიაში კორონავირუსით დაღუპულთა რაოდენობამ ირანის მონაცემებს გადააჭარბა. ინფექციურის სამედიცინო დირექტორის განცხადებით, ამჟამად საავადმყოფოში 24 პაციენტია, აქედან 11-ს დღეს ანალიზს აუღებენ. კახა კალაძე - კორონავირუსის პროფილაქტიკისთვის, დედაქალაქის მერია ყველა შესაბამის ღონისძიებას მიმართავს. გორის სამხედრო ჰოსპიტალის საკარანტინო სივრცეში მოთავსებულ არც ერთ პაციენტს ახალი კორონავირუსი არ დაუდასტურდა. საკარანტინო სივრცეში და თვითიზოლაციაში მყოფ მოქალაქეებს სამსახურში გაცდენილი საათები აუნაზღაურდებათ. აკაკი ზოიძის განცხადებით, თუ სხვა რესპირატორული ვირუსების მსგავსად წარიმართა პროცესი, თბილი ამინდების დადგომასთან ერთად, ახალი კორონავირუსის გავრცელების საფრთხე დაიკლებს. რანის ინდუსტრიის და ვაჭრობის მინისტრს კორონავირუსი დაუდგინდა. რუსეთმა სამედიცინო ნაწარმის ექსპორტი დროებით აკრძალა. კორონავირუსის შესაძლო გავრცელების პრევენციის მიზნით, გორში, სტალინის სახელმწიფო მუზეუმმა ტურისტების მიღება შეწყვიტა. გიგლა მიქაუტაძე - კორონავირუსი უკვალოდ ვერ ჩაივლის საქართველოს ეკონომიკისთვის. ირაკლი პეტრიაშვილის განცხადებით, საჭიროა იმ ადამიანების ზუსტი აღრიცხვა, ვისაც კორონავირუსის საფრთხის გამო, თვითიზოლაციაში ყოფნის რეკომენდაცია აქვს. აიათოლა ალი ხამენეი - ზოგიერთ ქვეყანაში კორონავირუსი უფრო დიდი მასშტაბებით გავრცელდა, თუმცა ისინი ამას მალავენ. თავდაცვის უწყებაში კორონავირუსის შესაძლო გავრცელების პრევენციის ღონისძიებები მიმდინარეობს. შემოსავლების სამსახური - რკინიგზის საერთაშორისო სადგურებზე კორონავირუსის გავრცელებასთან დაკავშირებული კონტროლის მექანიზმები გამკაცრებულია. ამირან გამყრელიძე - განსაკუთრებული მადლობა ეკუთვნით კარანტინში და თვითიზოლაციაში მყოფებს - ისინი კარგად აცნობიერებენ პასუხისმგებლობას და იცავენ წესებს. ირანის პრეზიდენტი აშშ-ს - თუ მართლა დახმარება გსურთ, მოხსენით სანქციები წამლებზე. ოკუპირებული ცხინვალი რუსეთს სამედიცინო ჰუმანიტარული დახმარების თხოვნით მიმართავს - ცხინვალის აფთიაქებში პირბადეებზე ფასები 20-ჯერ გაიზარდა. იტალიაში მცხოვრებ საქართველოს მოქალაქეს კორონავირუსი დაუდგინდა. ამირან გამყრელიძე - ბოლო 3 დღის განმავლობაში კორონავირუსის შემთხვევათა რიცხვის მატება არ გვაქვს. ამირან გამყრელიძე დამსაქმებლებს მოუწოდებს, მაღალი რისკის მქონე ქვეყნებიდან ჩამოსული თანამშრომლები სამსახურში არ დაუშვან, გაცდენისას კი ხელფასი შეუნარჩუნონ. ამირან გამყრელიძე - უნივერსიტეტებს მოვუწოდებ, სადაც არის ტექნიკური საშუალება, გარკვეული პერიოდის განმავლობაში ონლაინ სწავლებებზე გადავიდეთ. საგარეო საქმეთა მინისტრის მოადგილე - კორონავირუსით დაინფიცირებული იტალიაში მცხოვრები საქართველოს მოქალაქის ჯანმრთელობის მდგომარეობა დამაკმაყოფილებელია. იტალიის ელჩის ინფორმაციით, კორონავირუსით ინფიცირებული საქართველოს მოქალაქე ვიტერბოს უნივერსიტეტის სტუდენტია. ინფექციურ საავადმყოფოში 31 ადამიანი რჩება, 8 ახალი პაციენტის ანალიზები კი ლუგარის ლაბორატორიაშია გადაგზავნილი.

      უკანონო ნარკოტიკი - შსს-მ უკანონო ბრუნვიდან ამოღებული 6 მილიონ ნახევრამდე ლარის ღირებულების ნარკოტიკული საშუალებები გაანადგურა.

      პრეზიდენტის გამოსვლა - ეკა ბესელია - პრეზიდენტის გამოსვლა პარლამენტში ამ დროში და ამ ვითარებაში უფრო მეტ მნიშვნელობას იძენს, ვიდრე გასულ წელს. ნინო ბურჯანაძე - ქალბატონ სალომეს ახლა აქვს შანსი პოლიტიკურ პროცესში, რომელსაც გაურბის და არქეოლოგიაზე და მუსიკაზე საუბრობს, პოზიტიური წვლილი შეიტანოს. რომან გოცირიძე - მაინტერესებს, გაბედავს თუ არა სალომე ზურაბიშვილი, რომ ახსენოს სიტყვა რუსეთი, თუ სადღაც ბოლოში მორცხვად იტყვის, ჩვენი ჩრდილოელი მეზობელიო. ლევან გოგიჩაიშვილი - სალომე ზურაბიშვილი მოგვევლინა ადეიშვილის მოსამართლეების უზენაეს სასამართლოში გადაბარების „გამპრავებლად“. სალომე ზურაბიშვილი - 30 წელიწადში მივიღეთ ახალი თაობა, სრულიად თავისუფალი, უშიშარი და უკომპლექსო - ამ მიღწევებს ვერც ერთი მთავრობა მთლიანად ვერ მიიწერს. მოსამართლის დამოუკიდებლობა და სასამართლო სისტემის საზოგადოებრივი ნდობის გაზრდა ქვეყნისთვის კვლავ პრიორიტეტად რჩება. ქართული ჯარი სახელმწიფოს მთავარი დამცველი და საყრდენია - საზღვრების დაცვა იწყება ერისა და სახელმწიფოს ღირსების დაცვით. გაუცხოების შედეგია რწმენისა და ეკლესიის შელახვის მცდელობები. გამოვირჩევით შეუზღუდავი სიტყვის თავისუფლებით, პოლიტიკური და ადამიანის უფლებათა დაცვით. პრეზიდენტის განცხადებით, ქვეყანაში საკმაოდ მაღალია უმუშევრობის დონე, მაგრამ, ამავე დროს, პროფესიონალების დეფიციტიცაა, პრაქტიკულად, ყველა სფეროში. მე იმ ქვეყნის პრეზიდენტი არც ვარ და არასოდეს ვიქნები, რომელიც კურსს შეცვლის. სოლიდარობა თაობათა შორის, სოლიდარობა მოწყვლადი ჯგუფების მიმართ - ეს არის განვითარების ის გზა, რომელიც საქართველოს საქართველოსთან დააბრუნებს. მამუკა მდინარაძე სალომე ზურაბიშვილს - გამოწვევა არის დეოკუპაცია, რა თქმა უნდა, გეთანხმებით ამაში. სალომე ზურაბიშვილი - ამ ქვეყანაში არ შეიძლება კულტურის ბიუჯეტი იყოს ის, რაც არის. დავით ბაქრაძე - ქალბატონი ზურაბიშვილი ღირებულ პოლიტიკურ ფიგურას არ წარმოადგენს და უბრალოდ, „ქართული ოცნების“ პოლიტიკური დანამატია. სალომე ზურაბიშვილი - ევროკავშირი, საკუთარი კრიზისის ფონზე, ვერ ყალიბდება, თუ რა ფორმა მისცეს მომავალ ურთიერთობებს თავის უახლოეს მეზობლებთან. ერთობის ნაცვლად, ჭარბობს აგრესია, სიძულვილი, შური, შეურაცხყოფა - საზოგადოება ერთგვარ დეპრესიაშია. უმადურობასა და თვითგვემაში ჩაკარგულები ვერ ვაფასებთ, თუ რამდენ წარმატებას მიაღწია საქართველომ ბოლო ათწლეულების განმავლობაში. აფხაზებსა და ოსებს მომავლის პერსპექტივა უნდა დავანახოთ. თუ რუსეთი ოკუპაციას იყენებს იმისათვის, რომ საქართველო თავისი გეზიდან გადაიყვანოს და მიზანზე უარი ათქმევინოს, ეს შედეგი ვერ იქნება მიღწეული. ძალაშია ჩემი წინადადება საპრეზიდენტო პლატფორმის შეთავაზების შესახებ, რათა დიალოგი არ შეწყდეს. რომან გოცირიძე - წყალწყალა გამოსვლა იყო, სალომე ზურაბიშვილმა ილაპარაკა ფეხბურთზე, ღვინოზე, რაღაც გაუგებარ საკითხებზე.

      დაჩაგრული ქალები - გაერო-ს წარმომადგენელი - ერთ-ერთი მიზეზი, რატომაც ქალები ძალადობას განიცდიან, არის ის, რომ არ ხდება მათი სრულყოფილი გაძლიერება და არ არიან გადაწყვეტილების მიმღები პირები.

      პოზიციების შეთანხმება - კარლ ჰარცელი - დიალოგის პროცესში წარმატების მიღწევა საერთაშორისო პარტნიორებისთვის იქნება ძლიერი მესიჯი, რომ ქართულ პოლიტიკურ გარემოში რაღაც იცვლება. ირმა ინაშვილის განცხადებით, დღეს პოლიტიკური სპექტრის ამოცანა კონსენსუსი და პოლიტიკური საქმიანობის გაგრძელება უნდა იყოს. გიორგი ვაშაძე - 110/40-ზე უნდათ? კი ბატონო, დაარეგისტრირონ, ჩვენგან ამას ნულოვანი მხარდაჭერა ექნება. გია ჟორჟოლიანი - „სოციალ-დემოკრატები“ ვაპირებთ შევწყვიტოთ დისკუსია საარჩევნო სისტემის თაობაზე და გადავიდეთ აქტიურ საარჩევნო კამპანიაზე. ბადრი ჯაფარიძე - მოლოდინი პოზიტიური მაქვს, ვფიქრობ, ერთი კვირა არ სჭირდება იმ განსხვავების დაძლევას, რომელიც არსებობს. ნინო ბურჯანაძე - ელჩების აქტიური ჩართულობის შემდეგ, შეთანხმებაზე უარის თქმა ხელისუფლებისთვის ძალიან დიდი დარტყმა იქნება. რომან გოცირიძე - უმრავლესობა საჯაროდ არ ამბობს საარჩევნო სისტემაზე თავის წინადადებას, რომ საჭიროების შემთხვევაში კვლავ მოიტყუოს. კახა კალაძე - შეთავაზებულია ორი ვარიანტი: 100/50-ზე და 110/40-ზე, ბარიერს რაც შეეხება, აქაც პრობლემა არ არის - ზოგადად, ოპოზიციაშიც განხეთქილებაა. გიგა ბოკერია - სისტემა 110/40 -ით არ არის ის, რასაც ივანიშვილი საქართველოს „გავრილოვის ღამის“ შემდეგ დაპირდა, აქედან გამომდინარე, ჩვენ ამას მხარს არ დავუჭერთ. მამუკა მდინარაძე - 3-4 დღეში საკონსტიტუციო ცვლილებაზე საკანონმდებლო ინიციატივა უკვე დაწერილი სახით იქნება წარმოდგენილი.

საზღვარგარეთულები

      დემოკრატიული პარტიის პრაიმერიზის წინასწარი შედეგებით, ჯო ბაიდენმა აშშ-ის 8 შტატში გაიმარჯვა.

      აშშ-ში ტორნადოს 25 ადამიანის სიცოცხლე ემსხვერპლა.

      ბრაზილიაში ძლიერ წვიმას 17 ადამიანი ემსხვერპლა.

      რადამ მინისტრთა კაბინეტი დაითხოვა. უკრაინის ახალი პრემიერ-მინისტრი დენის შმიგალი გახდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 20

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 9 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

დასტური მეორე მოსმენით, ნაპოვნი ცხედარი და გამოძიება, მსახურება შეჩერებული მღვდელი

გამოაქვეყნა Giorgi_მ.
თარიღი: ივნისი 23, 2020.
საათი: 11:00pm 4 კომენტარი

      დღის მთავარი ამბავია კონსტიტუციის ცვლილებების მეორე მოსმენით დამტკიცება. პარალელურად ოპოზიციის პროტესტი პარლამენტდან რურუას გათავისუფლების შეძახილებით. ასევე კონგრესემენების ქება ან კრიტიკა ქართული პოლიტიკის შიდა სამზარეულოზე, კორონას ახალი შემთხვევები, საპატრიარქოს აკრძალვები და გამოძიება იდუმალ სიკვდილზე.

საქართველოს და მსოფლიოს ამბები / 23 ივნისი, 2020

      ქართული შემთხვევები - რუსთავის „ცხელების…

გაგრძელება

Qwelly World

free counters