ჩამოსულების რეკომენდაციები და რეგიონების ინფრასტრუქტურა პარლამენტში

      სინოპტიკოსები კარგ ამბებს გვპირდებიან და კორონასთან ბრძოლის მეტი იმედი გვეძლევა - 10 მარტამდე დასავლეთ საქართველოში ტემპერატურა 28 გრადუსამდე, აღმოსავლეთ საქართველოში კი 22 გრადუსამდე მოიმატებს. დღევანდელ ამბებში კი ცხადია ისევ კორონა ვირუსი და მის გარშემო მსოფლიო გამოხმაურებები, შფოთი, რეკომენდაციები და ჩაკეტილობებია. უკვე იტალიასთანაც შეწყდა ფრენები. ინფრასტრუქტურის მინისტრმა პარლამენტში თავისი საათი გამოიყენა და ისაუბრა რეგიონებსა და მათ განვითარებაზე. ოპოზიცია და პოზიცია ისევ რიცხვებზე და პროპორციებზე კამათობს.

საქართველოს და მსოფლიოს ამბები / 6 მარტი, 2020

      მთელი დღი კორონა - ჩაკეტილობა, კარანტინი და მარტოხელობა - მთავრობის გადაწყვეტილებით, იტალიასთან პირდაპირი ფრენები დროებით შეჩერდა. თენგიზ ცერცვაძე - კორონავირუსით ინფიცირებული ერთი პაციენტის მდგომარეობა მძიმე, მაგრამ სტაბილურია, აღინიშნება 38,5-დან 39,5 გრადუსამდე ტემპერატურის მატება. მსოფლიოში კორონავირუსით 3 406 ადამიანი დაიღუპა, 55 694 გამოჯანმრთელდა, დაინფიცირებულთა რაოდენობამ კი 100 000-ს გადააჭარბა. საქართველოში კარანტინის რეჟიმში 140 ადამიანი იმყოფება. მაღალი რისკის ქვეყნებიდან საქართველოში შემომსვლელი მოქალაქე ვალდებული იქნება, წარმოადგინოს კორონავირუსზე შემოწმების ცნობა ან გაიაროს კარანტინი. იტალიიდან გამომგზავრების მსურველმა საქართველოს მოქალაქეებმა მისამართზე hotline.rome@mfa.gov.ge უნდა გაგზავნონ პირადი მონაცემები, პასპორტის, ბილეთის ან ბილეთის ჯავშნის ასლები. ჯანდაცვის მსოფლიო ორგანიზაციის საქართველოს ოფისის ხელმძღვანელი - ამ ეტაპზე ვაჭრობისა და მგზავრობის შეზღუდვასთან დაკავშირებით რეკომენდაციას არ გავცემთ. 1429 საჯარო სკოლაში სადეზინფექციო სამუშაოები ჩატარდა. ჯანდაცვის მინისტრის მოადგილე - რისკები ვრცელდება მთელ ევროპაში და ამიტომ რომელიმე ქვეყნიდან მოგზაურობის შეზღუდვას მაქსიმალური ეფექტი ვერ ექნება. დაავადებათა კონტროლის ცენტრი საზღვარგარეთ მოგზაურობის მსურველებისა და მაღალი რისკის ქვეყნებიდან დაბრუნებულებისთვის რეკომენდაციებს აქვეყნებს:

  • არ იქონიოთ დაუცველი და მჭიდრო კონტაქტი გარეულ და /ან ფერმის ცხოველებთან და ფრინველებთან;
  • არ მიირთვათ უმი ხორცისგან დამზადებული მოუხარშავი კერძები;
  • მოერიდეთ ხალხმრავალ ადგილებში ყოფნას;
  • ხშირად დაიბანეთ ხელები საპნით და წყლით ან სპირტის შემცველი ხსნარით;
  • გამოიყენეთ სამედიცინო ნიღაბი თუ გახველებთ ან გაცემინებთ;
  • ხველის ან ცემინების დროს აიფარეთ პირზე ერთჯერადი ცხვირსახოცი;
  • თუ თავს ცუდად გრძნობთ, დაუყოვნებლივ მიმართეთ ექიმს.
  • თქვენ უნდა იყოთ იზოლაციაში თქვენს მიერ დასენიანებული რეგიონის დატოვებიდან 14 დღის განმავლობაში.

      მსოფლიო კოვიდ ამბები - ჯანმო-ს საქართველოს ოფისის ხელმძღვანელი - ჩვენ რეკომენდაციას გავცემთ, ხელისუფლებები მოემზადონ სამი სცენარისთვის. არჩილ თალაკვაძე - საქართველო ამ მომენტისთვის არის ერთ-ერთი ყველაზე წარმატებული, ვინც ეფექტური და სწრაფი ზომები მიიღო კორონავირუსის გავრცელების წინააღმდეგ. ჩინეთი ირანს კორონავირუსთან ბრძოლაში დაეხმარება. ჯანდაცვის მინისტრის განცხადებით, კერძო ბაღებთან მიმართებით სააღმზრდელო პროცესის შეჩერების მოთხოვნა გამკაცრდება. ჯანდაცვის მინისტრის განცხადებით, ამ ეტაპზე ლაბორატორიაში 7 მოქალაქის სინჯია გადაგზავნილი. რომან გოცირიძე მიიჩნევს, რომ კორონავირუსის გავრცელების გამო ტურიზმის სექტორს პრობლემები შეექმნა, რის გამოც ხელისუფლებამ რამდენიმე რეკომენდაცია უნდა გაითვალისწინოს. ჯანდაცვის მინისტრი - ამ ეტაპზე იტალიასთან ფრენების შეჩერებას არ ვაპირებთ, რადგან იქ საქართველოს მოქალაქეები იმყოფებიან და ამით მათ დამატებით პრობლემებს შევუქმნით. გიგა ბოკერია - „ევროპული საქართველო“ კორონავირუსით გამოწვეულ ეკონომიკურ კრიზისთან ბრძოლის გეგმას წარადგენს. არჩილ თალაკვაძე - თუ მთავრობა ჩათვლის, რომ ფრენების შეზღუდვა საჭიროა, პარლამენტი მხარს დაუჭერს ასეთ გადაწყვეტილებას. გორის სამხედრო ჰოსპიტალის საკარანტინო სივრცეში მოთავსებულ არცერთ პაციენტს კორონავირუსით ინფიცირება არ დაუდასტურდა. დავით ბაქრაძე - „ქართული ოცნება”, რომელიც ძალიან სწრაფი ტემპით მიდის სრული საერთაშორისო იზოლაციისკენ, ამ იზოლაციისკენ ექაჩება საქართველოსაც. ნათია თურნავა - იტალიასთან ფრენების შეწყვეტა ეკონომიკურად მძიმე გადაწყვეტილებაა, მაგრამ პრიორიტეტი მოქალაქეების უსაფრთხოებაა. სამოქალაქო ავიაციის სააგენტოს ხელმძღვანელი - იტალიასთან ფრენების შეჩერების თაობაზე ავიაკომპანიებსა და იტალიის მხარეს დაუყოვნებლივ ეცნობება. ჩინეთის ჰუბეის პროვინციაში, სადაც ქალაქი უხანი მდებარეობს, შესაძლოა, მალე კარანტინი გაუქმდეს. პაატა იმნაძე - ყველაფერი მიმდინარეობს გეგმის მიხედვით და ყველაფერს ვუმკლავდებით. მაია ცქიტიშვილი - მაქსიმალურად ვცდილობდით, არ შეგვეზღუდა ფრენები არც იტალიასთან და არც სხვა ქვეყნებთან, მაგრამ როცა საფრთხეები მატულობს, მისაღებია ზომები. ირანში კორონავირუსით კიდევ ერთი დეპუტატი დაიღუპა. ეკატერინე ტიკარაძის შეფასებით, კორონავირუსთან დაკავშირებულ მიზნებს სამინისტრო „ძალიან კარგად ასრულებს“. ნათია თურნავა - იტალიაში მყოფი საქართველოს მოქალაქეების ჩამოყვანას სახელმწიფო მოახდენს და ხარჯებსაც სახელმწიფო გაიღებს. დავით ზალკალიანის განცხადებით, მაღალი რისკის ქვეყნებიდან საქართველოში დაბრუნების შემდეგ მოქალაქეები ვალდებული არიან, შემოწმებას და 14-დღიან კარანტინს დაექვემდებარონ. ბოლო 24 საათის განმავლობაში, იტალიაში კორონავირუსით 49 ადამიანი გარდაიცვალა.

      რეგიონების განვითარება და მათი ინფრასტრუქტურა პარლამენტში - მაია ცქიტიშვილის გამოსვლა - მაია ცქიტიშვილი - ხაშურის შემოვლითი გზა, ქუთაისის შემოვლითი გზის დამატებითი 2 ზოლი და სამტრედია-გრიგოლეთის 14 კმ-იანი მონაკვეთი წელს გაიხსნება. მაია ცქიტიშვილი - 2020 წელს დაგეგმილი წყალმომარაგების 19 პროექტის დასრულების შედეგად 245 000 ბენეფიციარს 24-საათიანი წყალმომარაგება ექნება. მთის კანონის ამოქმედებიდან სახელმწიფომ 310 მლნ ლარი მიმართა მთის მოსახლეობის მხარდასაჭერად. ჩვენი უწყების ერთ-ერთი მნიშვნელოვანი მიმართულება განათლების ინფრასტრუქტურის მშენებლობა-რეაბილიტაციაა. 2019-2021 წლებში 2440 დევნილი ოჯახისათვის 152.3 მლნ ლარის საცხოვრებელი კორპუსები შენდება. მაია ცქიტიშვილმა „მინისტრის საათის“ ფორმატში დეცენტრალიზაციის რეფორმასა და თვითმმართველობების გაძლიერების მნიშვნელობაზე ისაუბრა. მაია ცქიტიშვილის ინფორმაციით, კორონავირუსის გამო, ჩინური კომპანიებიდან, დაახლოებით, 500-მდე სპეციალისტი საქართველოში ჩამოსვლას ვერ ახერხებს. ანაკლიის პროექტი იყო, არის და რჩება სტრატეგიულ პროექტად. მოსახლეობის ნაწილის მხრიდან, რომელიც რუსთავი-ფონიჭალის საპროექტო გზის გასწვრივ ცხოვრობს, არაკეთილსინდისიერ ქცევას ჰქონდა ადგილი. მაია ცქიტიშვილი ბორჯომის მერისა და საკრებულოს თავმჯდომარის დაკავებაზე - არანაირი თანამდებობა არ არის ინდულგენცია იმ ადამიანებისთვის, რომლებიც დანაშაულს სჩადიან. მაია ცქიტიშვილი - საერთაშორისო პარტნიორებთან ვმუშაობთ, რომ წყალმომარაგების სექტორში მოვიპოვოთ დამატებითი დაფინანსება. კვალიფიციური მუშახელის პოვნა ერთ-ერთი მთავარი გამოწვევაა. ვამბობთ ხოლმე, რომ მთავრობაში მხოლოდ ოპტიმისტები ვართ, პოზიტიური მოლოდინი მაქვს, რომ დიალოგში ჩართული ყველა მხარე შეთანხმების საჭიროებას ხედავს.

      პროპორციები - არჩილ თალაკვაძე - ობიექტურად არსებობს შესაძლებლობა, რომ პოლიტიკურ პარტიებს შორის საარჩევნო სისტემაზე შეთანხმება მოხდეს. დავით ბაქრაძე - თუ ხელისუფლება გამოვა პროპორციულთან მაქსიმალურად მიახლოებული მოდელით, უგულავას და რურუას განცხადებებმა გახსნა შესაძლებლობა, რომ შეთანხმება შედგეს. ლევან გოგიჩაიშვილი - თუ ვინმეს აქვს ცხელი თავი და ფიქრობს რევოლუციაზე, დაივიწყოს - არჩევნებზე უნდა იყოს მთავარი ორიენტაცია და დანარჩენი პროვოკაციაა. არჩილ თალაკვაძე - 5-ით მეტი მანდატი იქნება თუ ნაკლები პროპორციულ ან მაჟორიტარულ ნაწილში, ახლა ეს ჩვენთვის მთავარი არ არის. კახა კალაძის განცხადებით, საარჩევნო სისტემის 120/30-ზე მოდელის მომხრეა. 28 წუთის წინ ესტონეთის პრეზიდენტი - გვაწუხებს დაკავებები და პროპორციული არჩევნების ჩავარდნა, საქართველო დასავლური კლუბის წევრივით უნდა იქცეოდეს.

      სახალხო დამცველმა თბილისის სახელმწიფო უნივერსიტეტის წინააღმდეგ განსხვავებული მოსაზრების გამო დისკრიმინაცია დაადგინა.

      რუსეთის გმობა - გაეროს უშიშროების საბჭოს სხდომაზე ესტონეთმა, გაერთიანებულმა სამეფომ და აშშ-მა საქართველოს წინააღმდეგ რუსეთის მიერ განხორციელებული კიბერთავდასხმები დაგმეს. სერგი კაპანაძე - იმისთვის, რომ რუსეთმა პასუხი აგოს სამართლებრივად კიბერდანაშაულზე, ერთადერთი სწორი გზა არის საერთაშორისო ასპარეზის გამოყენება.

საზღვარგარეთულები:

      იდლიბში ცეცხლის შეწყვეტის რეჟიმი ამოქმედდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 23

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 11 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

Qwelly World

free counters