შეთანხმებული პარლამენტარები და კორონას 23 შემთხვევა საქართველოში

      ვინაიდან ქვეყნის მთავარი ამბავი უკვე დიდი ხანია კორონა ვირუსია, შესავალი ტექსტის წერა უინტერესო ხდება. ბოლო ორი დღეა, კორონას ამბებს ოპოზიცია-პოზიციის შეთანხმებაც გაუტოლდა და საქართველოსთვის დღის მეინსტრიმულ ნიუსად იქცა. კორონას ამბებზე ის გახდა საღამოს ცნობილი, რომ უკვე 23 პაციენტია ჩვენს ქვეყანაში კორონავირუსით აღრიცხული. დღეს ასევე მექრთამე პროკურორს აკრიტიკებდნენ და უზენაეს მოსამართლეს ამ წოდებას ულოცავდნენ.

საქართველოს და მსოფლიოს ამბები / 10 მარტი, 2020

      ვირუსის ბლოკი - საღამოს მონაცემებით - საქართველოში კორონავირუსით ინფიცირების 23 შემთხვევა დადასტურდა. ესპანეთში კორონავირუსით გარდაცვლილთა რიცხვი გაიზარდა. გერმანიაში კორონავირუსით გარდაცვალების პირველი შემთხვევა დადასტურდა, დაღუპულია ორი ადამიანი. საქართველოს პარლამენტის აგრარულ საკითხთა კომიტეტის თავმჯდომარის, ოთარ დანელიას ინფორმაციით, კორონავირუსი არ დაუდასტურდა, თუმცა თვითიზოლაციაში რჩება. იტალია ქვეყნის მთელ ტერიტორიაზე კარანტინს აწესებს. კანადაში კორონავირუსით გარდაცვალების პირველი შემთხვევა დადასტურდა. საფრანგეთის კულტურის მინისტრი კორონავირუსით დაინფიცირდა. NASA-ს თანამშრომელს კორონავირუსი დაუდასტურდა. დონალდ ტრამპი - კორონავირუსმა "მსოფლიო დააბრმავა". ჯანდაცვის მსოფლიო ორგანიზაცია - ჩინეთში კორონავირუსით ინფიცირებულთა 70% -ზე მეტი გამოჯანმრთელდა. მსოფლიოში კორონავირუსით 4 000-ზე მეტი ადამიანი გარდაიცვალა, 113 000 - დაინფიცირდა, 64 081 კი - გამოჯანმრთელდა. მინისტრის მოადგილე - საქართველოს მოქალაქეებიდან, რომლებიც იტალიის დახურულ რეგიონებში იმყოფებოდნენ, ნაწილი უკვე რომშია. ბოლო 24 საათის მანძილზე, ჩინეთში, კორონავირუსის მხოლოდ 19 ახალი შემთხვევა გამოვლინდა. საპატრიარქომ დაავადებათა კონტროლის ცენტრს ეკლესიებში სადეზინფექციო სამუშაოების ჩატარების თხოვნით მიმართა. კორონავირუსის პრევენციისათვის შექმნილი უწყებათაშორისი კომისიის მუშაობაში პრეზიდენტის ადმინისტრაციის უფროსის მოვალეობის შემსრულებელი ჩაერთო. იტალიიდან 200 ქართველი ჩამოაფრინეს. საქართველოს 200-ვე მოქალაქეს, რომელიც იტალიიდან თბილისში დღეს დაბრუნდება, კარანტინში გადაიყვანენ. მარინა ეზუგბაიას ინფორმაციით, 33 ადამიანის პასუხი კორონავირუსზე უარყოფითია. საპატრიარქო კორონავირუსის გამო, ეკლესიაში ზიარების წესის ცვლილებას არ გეგმავს. იტალიის პრემიერი - ახლა სწორი გადაწყვეტილება სახლში დარჩენაა - ჩვენი მომავალი ჩვენს ხელშია. მარინა ეზუგბაია მოქალაქეებს, რომლებიც მაღალი რისკის ქვეყნებიდან ჩამოდიან, მიმართავს, გამოიჩინონ პასუხისმგებლობა და 14 დღის განმავლობაში თვითიზოლაციას მიმართონ. ლევან დავითაშვილი - ჩემ მოადგილეს, იური ნოზაძეს კორონავირუსი არ დაუდასტურდა, შესაბამისად, მასთან დაკავშირებული წყაროთი სამინისტროში ინფექციის გავრცელების რისკი არ არსებობს. მოსამართლის განცხადებით, კორონავირუსთან დაკავშირებით, სასამართლოს სხდომათა დარბაზებში მოქალაქეთა დასწრებაზე შეზღუდვები დაწესდება. ამირან გამყრელიძის განცხადებით, კვირის ბოლოს გადაწყდება, გახანგრძლივდება თუ არა სკოლებში არდადეგები. ახალ კორონავირუსზე ტესტებს თბილისის გარდა, ქუთაისსა და ბათუმშიც ჩაატარებენ. კორონავირუსთან დაკავშირებით მოქმედი უწყებათაშორისი საკოორდინაციო საბჭო მოქალაქეებს კატეგორიულად აფრთხილებს, თვითიზოლაციის წესები დაიცვან. მოსამართლე - ძვირფასო მოქალაქეებო, კორონავირუსის გამო, თქვენი, პატიმრების და საზოგადოების ჯანდაცვიდან გამომდინარე, შეძლებისდაგვარად შეზღუდეთ ვიზიტები სასამართლოში. ჩეხეთის პრემიერი - კორონავირუსის შეჩერების მიზნით სკოლები დაიხურება - ჩვენ თავიდან უნდა ავიცილოთ ის, რაც იტალიაში მოხდა. საქართველოს პარლამენტის აპარატის ორი თანამშრომელი თვითიზოლაციაში იმყოფება. ამირან გამყრელიძე - ლუგარის ლაბორატორიის დეცენტრალიზაციის გადაწყვეტილება მივიღეთ - სკრინინგული კვლევები განხორციელდება ასევე ჩვენს დეპარტამენტებში, ქუთაისსა და ბათუმში. კორონავირუსის გავრცელების პრევენციის ფარგლებში, საქართველოს აეროპორტებში დამატებით თერმოსკანერები დამონტაჟდა. რისკებზე მზადყოფნის სამმართველოს უფროსი - კორონავირუსზე ტესტირების უარყოფითი პასუხი არ ათავისუფლებს ადამიანს თვითიზოლაციისგან. პაატა იმნაძე- ანალიზი მხოლოდ მაშინ უნდა გაკეთდეს, თუ პაციენტს ვირუსისთვის დამახასიათებელი ნიშნები გამოუვლინდება. ამირან გამყრელიძე კერძო ლაბორატორიებს სთხოვს, კორონავირუსზე ტესტირების შემთხვევაში, პროცედურა მოსახლეობისთვის ფინანსურად ხელმისაწვდომი იყოს. ამირან გამყრელიძე - ქვეყანაში სიტუაცია კონტროლირებადია. თვითიზოლაციასა და კარანტინში მყოფი პირების მონიტორინგში საპატრულო პოლიცია ჩაერთვება. Ryanair-ი იტალიის მიმართულებით 8 აპრილამდე ყველა საერთაშორისო ფრენას აჩერებს. ამირან გამყრელიძე - მოვიძიეთ სადეზინფექციო საშუალებების იმპორტიორი, რომელიც მზადაა ეკლესიას საჭირო სადეზინფექციო მასალა უფასოდ გადასცეს. ხათუნა ზახაშვილი - გაციების ყოველი სიმპტომისას ნუ იფიქრებთ, რომ აუცილებლად კორონავირუსი გემართებათ - სხვა ვირუსების გავრცელების მატება გვაქვს. საგარეო უწყება - მოვუწოდებთ საქართველოს მოქალაქეებს, რომლებიც რჩებიან იტალიაში, მაქსიმალურად დაიცვან იტალიის მთავრობის მიერ შემუშავებული პროტოკოლი. კორონავირუსის გავრცელებით შექმნილი ვითარებიდან გამომდინარე პრეზიდენტი საზღვარგარეთ ვიზიტებს აუქმებს. ინფექციურ საავადმყოფოში აცხადებენ, რომ კორონავირუსით ინფიცირებული ერთი პაციენტის მდგომარეობა მძიმეა, თუმცა სიცოცხლისთვის სახიფათო დარღვევები არ ვლინდება.

      შეთანხმებული პოზიცია-ოპოზიცია - არჩილ თალაკვაძის განცხადებით, პრაქტიკულად გამორიცხავს რომელიმე პოლიტიკურ ძალასთან კოალიციის შექმნას. “ლელო საქართველოსთვის“ - ოპოზიციასა და ხელისუფლებას შორის მიღწეული შეთანხმების რეალიზებისა და არჩევნების სამართლიანობის უზრუნველსაყოფად გავაგრძელებთ მჭიდრო თანამშრომლობას ოპოზიციურ ძალებთან. ირაკლი კობახიძის განცხადებით, 30 მაჟორიტარული ოლქიდან თბილისში 7 ოლქის შექმნა განიხილება. ირაკლი კობახიძე - ახალი მოდელის მთავარი მახასიათებელია ის, რომ თანაბრად მისაღებია როგორც ოპოზიციისთვის, ისე ჩვენი დეპუტატებისთვის, მათ შორის მაჟორიტარებისთვისაც. რესურსი გვაქვს, რომ დეპუტატობის 20-25 ახალი კანდიდატი წარვადგინოთ საზოგადოების წინაშე. გიგა ბოკერია - იმის ილუზია არავის გვქონდა, „ქართული ოცნება“ გამოვიდოდა და იტყოდა, ვაღიარებთ, პოლიტიკური პატიმრები გვყავსო. ირაკლი კობახიძე - ერთადერთი ინსტანცია, რომელსაც გიგი უგულავასთან დაკავშირებით თეორიულად რაიმე გადაწყვეტილების მიღება შეუძლია, ეს არის პრეზიდენტი. მამუკა მდინარაძის განცხადებით, მაჟორიტარი დეპუტატები 120/30 მოდელს მხარს უჭერენ და ამ მხრივ გამონაკლისი მხოლოდ კახა ოქრიაშვილია. დავით საგანელიძე - "ქართულ ოცნებაში" ბევრი ადამიანი სწორად ვერ აფასებს სიტუაციას და ნამდვილად არაა ღირსი, გულზე „ქართული ოცნების“ ემბლემა ატაროს. რომან გოცირიძე - თუ ბლოკები იქნა დაშვებული, გამორიცხული არ არის "ნაციონალური მოძრაობა" ბლოკის სახით ვიხილოთ. მამუკა მდინარაძე - ბლოკის საკითხი დღეს ღიაა - ბლოკი ვისი ინტერესიცაა, იმან ილაპარაკოს და შემდეგ საერთო პოზიციით მოვიდნენ. დავით საგანელიძე საარჩევნო სისტემის მოდელზე მიღწეულ შეთანხმებაში შეტანილი წვლილისთვის აშშ-ს ელჩს მადლობას უხდის. მამუკა მდინარაძე - შეთანხმების ჩაშლის არანაირ საფრთხეს არ ვხედავ - წარმოუდგენლად მიმაჩნია, ოპოზიცია შეთანხმებიდან გავიდეს მოგონილი და ტყუილი არგუმენტებით. გიგა ბოკერია - მიღწეული შეთანხმება მთლიანად უნდა შესრულდეს - ნაწილობრივ შეთანხმებული შესრულება არ არსებობს. გია ვოლსკი - მაქვს საფუძველი ეჭვი მქონდეს, რომ ჩვენს ოპონენტებს არჩევნები არ უნდათ, ვინაიდან, უტოპიურია მათი მოწოდებები.

      მექრთამე პროკურორი - განსაკუთრებით დიდი ოდენობით ქრთამის აღების ფაქტზე დაკავებულ პროკურორს პატიმრობა შეეფარდა. დაკავებული პროკურორი - შევცდი, ეს უღირსი საქციელი ჩავიდინე ღირსეულმა ადამიანმა - ბოდიში მინდა მოვუხადო ჩემ კოლეგებს, პროკურატურას.

      უმარლესი მოსამართლე - იუსტიციის უმაღლესმა საბჭომ უზენესი სასამართლოს თავმჯდომარის თანამდებობაზე შალვა თადუმაძის და ნინო ქადაგიძის კანდიდატურები დაასახელა. გიორგი მიქაუტაძის განცხადებით, ნინო ქადაგიძე უმაღლესი დონის პროფესიონალია, რომელსაც სასამართლო სისტემაში 20- წლიანი მუშაობის გამოცდილება აქვს. სერგი კაპანაძე - არანაირი მნიშვნელობა არ აქვს ვის აირჩევდა ივანიშვილი უზენაესი სასამართლოს თავმჯდომარედ, იმიტომ, რომ იქ „კლანის“ წევრები შეიყვანა. იუსტიციის უმაღლესმა საბჭომ უზენაესი სასამართლოს თავმჯდომარის თანამდებობაზე მოსამართლე ნინო ქადაგიძის კანდიდატურა შეარჩია. ანა დოლიძე - „ქართულმა ოცნებამ", საერთაშორისო წნეხის პირობებში, შალვა თადუმაძესთან მიმართებით ჩაატარა ოპერაცია - „ეს ბიჭი გადამალეთ".

      აქცია ბიძინას - „ბავშვთა სამყაროში“ გაჩენილი ხანძრის შედეგად დაზარალებულებმა ბიძინა ივანიშვილის ბიზნესცენტრთან აქცია გამართეს.

      სკლეროზის მკურნალობა - თბილისის მერიამ გაფანტული სკლეროზის სამკურნალო მედიკამენტების დასაფინანსებლად განცხადებების მიღება დაიწყო.

საზღვარგარეთულები:

      იენს სტოლტენბერგი - ნატო გააგრძელებს თურქეთის მხარდაჭერას.

      სლოვაკეთმა ორი კვირით საჯარო ღონისძიებები აკრძალა.

      აშშ ავღანეთიდან ჯარის გაყვანას იწყებს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 31

ტეგები: qwellynews, ამბები, ბლოგი, მარტი, ნიუსები, სიახლეები

Kakha: მარტი 10, 2020||11:02pm

NASA-ს თანამშრომელს კორონავირუსი დაუდასტურდა, საინტერესოა სად იყო, მივლინებით მარიანიის ღრმულში თუ სადმე სიცილიის პლიაჟზე? :D

ლაშა: მარტი 10, 2020||11:33pm

ფანტაზია არ ყოფნით ქართველებს რა - იტალიის გარდა იმოგზაურე რა სადმე სხვაგან, ანტარქტიდაზე, ბუტანში, შრი ლანკაზე...

Kakha: მარტი 11, 2020||10:23am

მანდაც მალე იქნება, და მოგზაურებს გულიდან ლოდი მოეხსნებათ, და ასე იზავენ, იტალიიდან რო გამოიქცევიან ჯერ ამერიკაში ჩაფრინდებიან და მერე იქიდან დაუბერავენ, ეჭვი რო არ აიღონ აეროპორტში უცებ პარაცეტამოლს გლიჯავენ და გაძვრებიან, მერე უბრალოდ სახლში ყველას გადასდებენ და სინდისიც არ შეაწუხებთ, დიდი ამბავი იმოგზაურა სელფები გადაიღო და აღარც დაავადდეს? სანამ კორონა იქნებოდა იქამდეც ავადდებოდნენ, ზოგი ქეცით ზოგიც ვენერიულით ატეხეს ამხელა ამბავი, როგორ შეიძლება გაამტყუნო მოგულავე ადამიანი? :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

შეცვალე შენი ცხოვრება - გაუხსენი გზა პირად განვითარებას

გამოაქვეყნა EFTcheat_მ.
თარიღი: იანვარი 15, 2021.
საათი: 2:30pm 0 კომენტარი





Sometimes we reach a point in our life whenever we are ready for change and self improvement. Items aren't going so well for all of us, or painful or disappointing events seem to be to keep repeating themselves in our lives. You know very well what I mean; such things as continually choosing the wrong partner or the wrong job, or maybe it's just the feeling you are stuck in a rut with absolutely nothing exciting to look forward to on the horizon. A person start to think, "I need…

გაგრძელება

რელიგიური არეულობა ჩოხატაურში და საპარლამენტო მანდატები

გამოაქვეყნა Giorgi_მ.
თარიღი: იანვარი 14, 2021.
საათი: 10:24pm 0 კომენტარი

      როცა ქვეყანას ორი ახალი წელი აქვს ნაბახუსევი უფრო დიდხანს გრძელდება და დღის ამბები ცოტა უინტერესო ხდება. დღეს ზეიმის დღე იყო მრავალი მიმართულებით - ბასილი დიდი ხსენების დღე, დროშის დღე, თეატრის დღე და ბითლზის დღეც კი. ჩოხატაურში კი რელიგიური არეულობაა. რაც შეეხება კორონავირუსს - დადასტურებული შემთხვევა - 244612, გუშინ დილის შემდეგ - 1357; გამოჯანმრთელებული - 228359, გუშინ დილის შემდეგ - 748; გარდაცვლილი - 2867, გუშინ დილის შემდეგ - 21;…

გაგრძელება

ეპისტოლე, დანატოვარი და პროკურატურის ანგარიში - ხელოვნური ინტელექტი გამოძიებაში

გამოაქვეყნა Giorgi_მ.
თარიღი: იანვარი 12, 2021.
საათი: 11:00pm 0 კომენტარი

      როცა მრავალთათვის მთავარი პიროვნება ხარ სამმართველოში, წასვლა და მოსვლა მარტივი არ არის. ბიძინას წავსლის მეორე სერია, წასვლიდან მეორე დღესაც აქტუალური იყო, დატოვებული კობახიძეც კი მრავალთა განხილის მიზეზი გახდა. დღეს აქტუალური იყო პროკურატურაც და მთავარი პროკურორი შოთაძეც. რაც შეეხება ვირუსს - დადასტურებული შემთხვევა - 241637, გუშინ დილის შემდეგ - 1857; გამოჯანმრთელებული - 227208, ბოლო 24 საათში - 993; გარდაცვლილი - 2820, გუშინ დილის შემდეგ -…

გაგრძელება

მეორედ წასვლა

გამოაქვეყნა Giorgi_მ.
თარიღი: იანვარი 11, 2021.
საათი: 10:00pm 1 კომენტარი

      ისეთი მასშტაბური გამოდგა ერთი კაცის პოლიტიკიდან წასვლა, მთელი დღეა ამ თემაზე საუბრობენ. ბოლო პერიოდში გააქტუალურებული ეპისტოლარული ჟანრის ფონზე, ბიძინა ივანიშვილმა, კიდევ ერთი წერილი გამოაქვეყნა, საკუთარი საქმიანობა შეაფასა, იამაყა და პოლიტიკიდანაც წავიდა. მერე, მთელი დღე, პოზიციაცა და ოპოზიციაც მის წასვლაზე საუბრობდა, ვინ აქებდა, ვინ აძაგებდა, ვინ ზეიმობდა და ვინ გამარჯვებად სახავდა. მოკლედ, ბიძინა ივანიშვილი მეორედ წავიდა პოლიტიკიდან. ამ…

გაგრძელება

Qwelly World

free counters