პოლიტიკოსის გარდაცვალება, პრეზიდენტის ბიუჯეტი და პოსტსაარჩევნო მოთხოვნები

      ახალი ამბები საუფლო დღესასწაულით დაიწყო - დღეს ღმრთისმშობლის ტაძრად მიყვანება აღინიშნებოდა ქრისტეს ეკლესიაში. დღის მთავარ თემებში ასევე შეხვდებოდით პრეზიდენტის ფინანსებს და სასახლი საკითხს, ქუჩის აქციებს და თბილისის მერიის ბიუჯეტურ ცვლილებებს, ხოლო საღამოს, ყველა სიახლე გადაწონა ნიკა რურუას გარდაცვალების ამბავმა.

საქართველოს და მსოფლიოს ამბები / 4 დეკემბერი, 2018 /

      ღვთისმშობლის ტაძრად მიყვანების დღესასწაულთან დაკავშირებით, სიონში საღმრთო ლიტურგია შესრულდა.

      პრეზიდენტის ფინანსები - ახალი პრეზიდენტის ადმინისტრაციის დაფინანსება თითქმის 4 მილიონი ლარით მცირდება, პრეზიდენტის სარეზერვო ფონდი კი მთლიანად უქმდება. თამარ ჩუგოშვილი - პრეზიდენტისთვის გამოყოფილი ფინანსები ადმინისტრაციის მიერ განსახორციელებელ საქმიანობასთან პროპორციულია. გია ხუხაშვილი - პრეზიდენტის ადმინისტრაციის დაფინანსების შემცირებაში ლოგიკას ვხედავ, რადგან თვითონ პრეზიდენტის ფუნქციონალური დატვირთვა მკვეთრად შემცირებულია. რამაზ საყვარელიძე - პრეზიდენტის ფონდის დატვირთვა სერიოზული იყო და მისი გაუქმება მცდარი ნაბიჯია - პრეზიდენტის მეტისმეტად შევიწროება გამოდის. თამარ ჩუგოშვილი - ჩემი პირადი სურვილი და პოზიციაა, რომ პრეზიდენტის ინაუგურაცია დედაქალაქში ჩატარდეს. გიორგი აბაშიშვილი - პრეზიდენტი პოლიტიკური დიალოგის მნიშვნელობას ყოველთვის ხაზს უსვამდა და თავადაც მზადაა პროცესში ჩართულობისთვის. ირაკლი კოვზანაძე - ვიდრე ბიუჯეტზე საბოლოო გადაწყვეტილებას მივიღებთ, ვაპირებ დამატებითი კონსულტაციები გავიარო ახალარჩეულ პრეზიდენტთან. მამუკა მდინარაძე - ახალი პრეზიდენტის ადმინისტრაციის დაფინანსების თითქმის 4 მლნ ლარით შემცირებაზე საბოლოო გადაწყვეტილება მიღებული არ არის.

      პოლიტიკოსის გარდაცვალება - დღეს, 50 წლის ასაკში გარდაიცვალა ნიკა რურუა. ის საკუთარ სახლში გარდაცვლილი იპოვეს. ახლობლების განცხადებით, ნიკა რურუას ჯანმრთელობასთან დაკავშირებული პრობლემები არ ჰქონია. როგორც უწყებაში განმარტავენ, პირველადი ინფორმაციით, ნიკა რურუა ოჯახის წევრების თანდასწრებით, სავარაუდოდ, გულის შეტევით არის გარდაცვლილი. “მიმდინარე წლის 4 დეკემბერს თბილისის პოლიციის დეპარტამენტის ძველი თბილისის სამმართველოში შევიდა შეტყობინება, რომ "ნაციონალური მოძრაობის" პოლიტიკური საბჭოს წევრი, კულტურის ყოფილი მინისტრი ნიკა რურუა თბილისში, საკუთარ საცხოვრებელ ბინაში (ზანდუკელის ქუჩა N21) გარდაიცვალა. სალომე ზურაბიშვილი - ნებისმიერი პოლიტიკური დაპირისპირება სიკვდილის წინაშე მთავრდება. ნიკა რურუას საცხოვრებელ სახლთან ექსპერტ-კრიმინალისტები მუშაობენ.

      პირველადი ინფორმაციით, ნიკა რურუა ოჯახის წევრების თანდასწრებით, სავარაუდოდ, გულის შეტევით არის გარდაცვლილი. გიორგი მარგველაშვილი - ნიკა რურუა ცხოვრების ყველა ეტაპზე იყო ძალიან საინტერესო ადამიანი.

      ახალი სამსახური - მართლწესრიგი - გიორგი გახარია მართლწესრიგის ოფიცრებს - თქვენ უნდა მოიპოვოთ ისეთი ხარისხის ნდობა, რომ თითოეული ოჯახი მათზე მზრუნველ მეგობრად აღგიქვამდეთ. არჩილ თალაკვაძე - მართლწესრიგის ოფიცერი საზოგადოების მეტად ჩართულობას, პოლიციისადმი ნდობას და მეტ უსაფრთხოებას მოგვიტანს.

      მოთხოვნების ციკლიდან - ნინო ბურჯანაძე საარჩევნო სისტემის შეცვლას ითხოვს. ნინო ბურჯანაძე - კმაყოფილი ვარ, რომ გაერთიანებული ოპოზიციის მოთხოვნა და ჩვენი მოთხოვნები ერთმანეთს ემთხვევა, რადგან ფაქტია, რომ ძალაა. ალეკო ელისაშვილი - ადამიანების უმეტესობამ ხმა მისცა მას, ვინც კონკურენციას გაუწევდა „ქართულ ოცნებას“. ელენე ხოშტარია - პროპორციულ სისტემაზე გადასვლა არის არა რომელიმე ერთი პარტიის ინტერესში, არამედ ქვეყნის ისტორიული ამოცანაა. ნინო ბურჯანაძე – აუცილებელია, ჩატარდეს ვადამდელი საპარლამენტო არჩევნები, მხოლოდ საარჩევნო სისტემის და მთლიანად საარჩევნო გარემოს შეცვლის შემდეგ.

      დედაქალაქის მთავრობა - კახა კალაძე - ჩვენ ვიქნებით დედაქალაქის ის მთავრობა, რომელიც საზოგადოებრივი ტრანსპორტის პრობლემას მოაგვარებს. კახა კალაძის განცხადებით, 2019 წლის თებერვალში მეტროს 4 ახალი რეაბილიტირებული შემადგენლობა დაემატება. კახა კალაძე - პროექტები, რომლითაც მეტროსადგურ „ვარკეთილის“ ჭერის სამუშაოები იყო განხორციელებული, არაფრად ვარგა და ყველა სამუშაო თავიდან არის ჩასატარებელი. თბილისის მერიამ 34 ოჯახს საცხოვრებელი ფართი საკუთრებაში გადასცა. კახა კალაძის განცხადებით, ყველა შენიშვნას, რომელიც სწორი და მართებული იქნება, ბიუჯეტის კორექტირებისას გაითვალისწინებს. პარლამენტთან მიმდინარე აქციაზე თბილისის მერიის კეთილმოწყობის სამსახურმა კარვებში ელექტროგაყვანილობის მონტაჟი დაიწყო.

      მორიტორინგი კიდევ ორი წლით - ევროპის საბჭომ საქართველოში არსებულ მონიტორინგის მისიას მანდატი 2020 წლის 14 დეკემბრამდე გაუგრძელა.

      გადადებული საქმე - მირზა სუბელიანის საქმის განხილვა გადაიდო.

      ეჭვები უკრაინელებზე - შს მინისტრი უკრაინის მოქალაქეებზე - გარკვეული ეჭვები არსებობს, თუმცა დღეს ეს მხოლოდ ეჭვებია - მოტივის გამოსაკვეთად გამოძიება მიმდინარეობს. სპეცოპერაციისას დაკავებული უკრაინის 6 მოქალაქე აცხადებს, რომ ცეცხლსასროლი იარაღები არ ჰქონიათ და მტკიცებულებათა ფალსიფიკაცია მოხდა. სპეცოპერაციის შედეგად დაკავებული 6 უკრაინელის და საქართველოს ერთი მოქალაქის ადვოკატი საქალაქო სასამართლოს გადაწყვეტილებას გაასაჩივრებს. პროკურორი - უნდა გამოვიძიოთ, საიდან ჰქონდათ და რა მიზნით კანონსაწინააღმდეგო ნივთები სპეცოპერაციისას დაკავებული უკრაინის 6 და საქართველოს ერთ მოქალაქეს. პროკურატურა სპეცოპერაციის დროს დაკავებული უკრაინის ექვსი და საქართველოს ერთი მოქალაქისთვის პატიმრობის შეფარდებაზე ინფორმაციას ავრცელებს. საქალაქო სასამართლო სპეცოპერაციის შედეგად უკრაინის 6 და საქართველოს ერთი მოქალაქისთვის პატიმრობის შეფარდებაზე ინფორმაციას ავრცელებს.

      განულების ნეგატივი - დემურ გიორხელიძე - კარგი იქნებოდა, რომ მთავრობა სესხების განულების საკითხში არ გარეულიყო, რადგან ყველაფერი ნეგატიური, საბოლოოდ, ისევ მთავრობას დაატყდება თავს.

      მოწოდება ხელმოსაწერად - „თავისუფალი დემოკრატები" - მოვუწოდებთ ყველა პოლიტიკურ ძალას, შევაგროვოთ 200 000 ხელმოწერა, რომ მაჟორიტარული საარჩევნო წესი გაუქმდეს.

საზღვარგარეთულები:

      ტოტალური იზოლაცია - პეტრო პოროშენკო მიიჩნევს, რომ რუსეთი ტოტალურ იზოლაციაში იმყოფება.

      უფროსი ბუშის გარდაცვალება - აშშ-ს პრეზიდენტი და პირველი ლედი ჯორჯ ბუშთან გამოსამშვიდობებელ ცერემონიაზე მივიდნენ.

      ძვირი საწვავი - „ფრანს პრესი“ - საფრანგეთის პრემიერი საწვავზე გადასახადების ზრდაზე მორატორიუმის გამოცხადებას აპირებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 71

ტეგები: qwellynews, ბლოგი, დეკემბერი, ნიუსები, სიახლეები

George: დეკემბერი 4, 2018||11:57pm

როგორ გეტყობა გიორგი, რომ პატარა ხარ - ნიკა რურუას პოლიტიკოსს უწოდებ ( ძალიან უზუსტო სათაურია

Giorgi: დეკემბერი 5, 2018||12:28am

მისი წოდება პარლამენტის ბიბლიოთეკიდან ამოვიკითხე და ამიტომ დავარქვი ასე. სამწუხაროდ, ვრცელ ინფორმაციას არ ვფლობდი.

George: დეკემბერი 5, 2018||12:50am

წყაროს ყოველთვის აქვს დიდი მნიშვნელობა ( აბა ჯგერენაია თავის პარტიელზე რას დაწერდა?)- ჩამონათვალში პოლიტიკოსიც ალბათ დაიწერებოდა..

ნახე რა აბსურდია როცა ადამიანს კლიშეს მიაწერ :

დღეს გარდაიცვალა ..

..ყოფილი მეჭურთლეთუხუცესი შოთა

..ცნობილი მოგზაური ვახუშტი

..ყოფილი მეცხვარე ვაჟა

..ოროსანი სემინარისტი იოსები

..ცნობილი პროფესორი ჯაბა

.. გამოჩენილი პენსიონერი ედუარდი

/ვფიქრობ, უპრობლემოდ, შენს შესძლებ ბევრის დამატებას/

Kakha: დეკემბერი 5, 2018||5:02pm

არადა რა წარსული იყო, მხედრიონი, იარაღით ვაჭრობა, 9 წელში კიდე რა აღარ, და ბოლოს პოლიტიკოსიც გახდა! 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დასკვნები ცუდ განვითარებაზე და მოწყალება შეწყალების გარეშე

გამოაქვეყნა Giorgi_მ.
თარიღი: სექტემბერი 17, 2019.
საათი: 11:04pm 0 კომენტარი

      ისევ აცივდა, ისევ გაწვიმდა და ვინ იცის როდემდე გაგრძელდება. როგორც იტყობინებიან, საქართველოში რამდენიმე დღის განმავლობაში არამდგრადი ამინდია მოსალოდნელი. დღეს კი, ვიდრე წვიმა შეგვაწუხებდა, დღის…

გაგრძელება

ადამი და ყვავილების გვირგვინი

გამოაქვეყნა nunu qadagidze_მ.
თარიღი: სექტემბერი 17, 2019.
საათი: 10:30pm 0 კომენტარი

გაცოცხლებული ქარაგმა (გაგრძელება)

      არა, არ შეუძლია სხვანაირად. არაფერს შეგარჩენს, აუცილებლად წასართმევად გამოგენთება, თუნდაც არაფრად…

გაგრძელება

სწავლის დასაწყისი და განათლების ეროვნულობა, პატრიოტიზმი „ანტირუსული“ ძახილით

გამოაქვეყნა Giorgi_მ.
თარიღი: სექტემბერი 16, 2019.
საათი: 11:30pm 0 კომენტარი

      სექტემბერის მთელი ხიბლი სწორედ დღევანდელ დღეს გადმოიღვარა - სწავლა დაიწყო და ათეთრებული, აბავშვებული, ამხიარულებული და გაოცებული ქალაქი მშვენიერი სანახავი იყო. დღის ამბავიც სწორედ, განათლების და…

გაგრძელება

ველური ბუნების ფოტოისტორია

გამოაქვეყნა Tamila Moshiashvili_მ.
თარიღი: სექტემბერი 15, 2019.
საათი: 11:32pm 2 კომენტარი

      უკვე 5 წელია, რაც ბუნების ისტორიის მუზეუმი, ლონდონში, ყოველწლიურად მართავს „წლის ველური ბუნების ფოტოგრაფიის“ კონკურსს. კონკურსისთვის, მთელი მსოფლიოდან იგზავნება ფოტოები - 100 ქვეყნის, 50 000…

გაგრძელება

Qwelly World

free counters