ყველაფერი ომის გარშემო ტრიალებს. მოლაპარაკებებიც არის, თუმცა შედეგები სახარბიელოდ არ ჩანს, განსაკუთრებით უკრაინელებისთვის. მსოფლიო კვლავ დუღს უკრაინის პრობლემების გარშემო, მაგრამ გამოსავალი ან ომის გაჩერება არ შეუძლია. საქართველოში კვლავ შიდა გაურკვევლობაა და დახმარება-დაუხმარებლობის ყვედრება. ლარის ამბავი - 1 დოლარის ღირებულება - 3.2385 ლარია.

საქართველოს და მსოფლიოს ამბები | 23 მარტი, 2022

qwellynews, სიახლეები, ნიუსები, ამბები, მარტი

      #კოვიდსაქართველო - ქავთარაძის ქუჩაზე მოწყობილი საველე ჰოსპიტალი დაიხურა. საქართველოში კორონავირუსით ინფიცირების 817 ახალი შემთხვევა დაფიქსირდა, გარდაიცვალა კიდევ 3 პაციენტი. ბოლო 24 საათში კორონავირუსის საწინააღმდეგო ვაქცინით 1 750 პირი აიცრა.

      ამბები ომის ცენტრიდან - ვოლოდიმირ ზელენსკი რომის პაპს უკრაინაში იწვევს. ზელენსკი მარიუპოლში ჰუმანიტარულ მისიას, საბერძნეთის საგარეო საქმეთა მინისტრის ხელმძღვანელობით, უახლოეს დღეებში ელოდება. ვოლოდიმირ ზელენსკი - ბოლომდე ვიბრძოლებთ, დავისვენებთ მაშინ, როცა გავიმარჯვებთ. რუსეთთან რთულ მოლაპარაკებებს ვაგრძელებთ - ნაბიჯ-ნაბიჯ წინ მივდივართ. რუსეთმა უკრაინის მშვიდობიანი ქალაქების წინააღმდეგ 1000-ზე მეტი რაკეტა და ურიცხვი რაოდენობის ავიაბომბი გამოიყენა, გაანადგურეს ათობით ჩვენი ქალაქი, ზოგიერთი მათგანი მიწასთან არის გასწორებული. ზელენსკი საფრანგეთის პარლამენტს - როგორ შევაჩეროთ ეს ომი? - პაზლების ნაწილი, რომლისგანაც შედგება პასუხი, სწორედ თქვენ ხელთ არის. ფრანგულმა კომპანიებმა უნდა შეწყვიტონ რუსეთის ომის მანქანის დასპონსორება. ერთად მოვახდინოთ ზეწოლა, რომ ვაიძულოთ რუსეთი, ეძებოს მშვიდობა. ვოლოდიმირ ზელენსკი იაპონიის პარლამენტს - თქვენ პირველები ხართ აზიაში, ვინც მხარი დაუჭირა სანქციებს რუსეთის წინააღმდეგ და მოგიწოდებთ, ეს გააგრძელოთ. ვოლოდიმირ ზელენსკი - ევროპას 80 წელია არ უნახავს ის, რაც ახლა ხდება უკრაინაში. ალექსეი არესტოვიჩი - უკრაინა რუს ოკუპანტებზე გამარჯვებას აპრილის ბოლოს - მაისის დასაწყისში იზეიმებს. აშშ-ის საელჩო - რუსულმა ძალებმა დონეცკსა და ლუგანსკიდან 2 389 ბავშვი რუსეთში უკანონოდ გადაიყვანეს - ეს არ არის დახმარება, ეს არის გატაცება. უკრაინის საჰაერო ძალები - ერთ დღეში რუსი ოკუპანტების 6 თვითმფრინავი, 1 ვერტმფრენი და 5 დრონი გავანადგურეთ. სუმის ოლქში მასშტაბური ხანძრის ლიკვიდაცია დაბომბვისა და ქუჩაში მიმდინარე ბრძოლის გამო ვერ ხერხდება. რუსულმა ძალებმა მარიუპოლისკენ მიმავალი საევაკუაციოდ განკუთვნილი 11 ავტობუსი ხელში ჩაიგდეს. რუსულმა ძალებმა ჩერნობილში 6 მილიონი ევროს ღირებულების ლაბორატორია გაანადგურეს. პენტაგონის წარმომადგენელი - რუს სამხედროებს უკრაინაში საკვების, საწვავის და თბილი ტანსაცმლის დეფიციტი აქვთ. უკრაინელმა სამხედროებმა რუსეთის საზღვაო ქვეითების ბრიგადის მეთაური მოკლეს. რუსებმა კიევის ორი რაიონი დაბომბეს, არიან დაშავებულები. ოკუპანტების თავდასხმას უკრაინაში 121 ბავშვის სიცოცხლე ემსხვერპლა. მიხაილო პოდოლიაკი - ძვირფასო პარტნიორებო, თუ არ გსურთ სიზმარში მოკლული უკრაინელი ბავშვების მკვდარ თვალებს ხედავდეთ და გრძნობდეთ წვას მარიუპოლიდან, გადადგით 4 ნაბიჯი. ეროვნული პოლიციის უფროსი - უკრაინის პოლიცია ირპენში დაბრუნდა და სპეცრაზმი ქალაქს რუსული დივერსიული ჯგუფებისგან ასუფთავებს. დმიტრო კულება - რუსი სატელევიზიო პროპაგანდისტები რუს მფრინავებზე უარესები არიან. სუმის ოლქის სამხედრო ადმინისტრაციის თავმჯდომარე - სუმის ოლქში რუსი სამხედროები უარს ამბობენ უკრაინის შეიარაღებული ძალების წინააღმდეგ ბრძოლაზე. ვიტალი კლიჩკო - კიევს დღეს ესაჭიროება სახანძრო-სამაშველო აღჭურვილობა და სასწრაფო დახმარების მანქანები, მშვიდობიანი მოსახლეობის დაცვის საშუალებები. უკრაინის ვიცე-პრემიერი - მელიტოპოლის მერის გარდა, უკრაინასა და რუსეთს შორის არანაირი გაცვლა არ განხორციელებულა. რუსმა სამხედროებმა მარიუპოლი თითქმის, სრულად გაანადგურეს. მიხაილო პოდოლიაკი - მოლაპარაკებები მუდმივად, ონლაინ რეჟიმშია და საკმაოდ რთულად მიმდინარეობს, რადგან უკრაინულ მხარეს აქვს მკაფიო და პრინციპული პოზიციები. უკრაინის ჯანდაცვის მინისტრი - ომის დაწყებიდან რუსმა ოკუპანტებმა სასწრაფო სამედიცინო დახმარების 58 მანქანა დაცხრილეს და 6 მედიკოსი მოკლეს.

      ომი მსოფლიოში - ბელარუსის ოპოზიციის ლიდერი, სვეტლანა ტიხანოვსკაია - თავისუფალი უკრაინის გარეშე არ იქნება თავისუფალი ბელარუსი - ჩვენი მთავარი ამოცანაა, უკრაინას გამარჯვებაში დავეხმაროთ. ფრანგული კომპანია TotalEnergies რუსული ნავთობის შესყიდვას წყვეტს. რუსული მხარის ინფორმაციით, შავ ზღვაში რამდენიმე ასეული ნაღმი დაცურავს, რომელიც ოდესის პორტიდან გავრცელდა. WSJ - აშშ 300-ზე მეტი რუსი დეპუტატის წინააღმდეგ სანქციებს ამზადებს. ურსულა ფონ დერ ლაიენი - ვლადიმერ პუტინის აგრესიას ევროპის ფარგლებს გარეთაც აქვს შედეგები - კრემლის ომი საფრთხეს უქმნის სასურსათო უსაფრთხოებას მთელ მსოფლიოში. რუსეთის ფედერაციის პრეზიდენტის პრესსპიკერი დიმიტრი პესკოვი რუსეთის ფედერაციის მხრიდან ბირთვული იარაღის გამოყენებას არ გამორიცხავს იმ შემთხვევაში, თუ „ქვეყნის არსებობას საფრთხე დაემუქრება“. პენტაგონი - ბირთვულ იარაღთან დაკავშირებით კრემლის განცხადებები სახიფათოა. პოლონეთი ნატო-ს საგანგებო სამიტზე უკრაინაში სამშვიდობო მისიის გაგზავნის საკითხის დაყენებას გეგმავს. რამზან კადიროვი ზელენსკის - მიტრიალდი რუსეთისკენ და ისტორიაში შეხვალ მშვიდობისმყოფელად, რომელმაც საკუთარი ხალხი გადაარჩინა. რუსეთის ელჩის ინფორმაციით, ვლადიმერ პუტინი G20-ის სამიტში მონაწილეობის მიღებას აპირებს. აშშ-ს პრეზიდენტის მრჩეველი - ნატო-ში არ გამორიცხავენ კოლექტიური პასუხის გაცემის შესაძლებლობას თუ ალიანსის რომელიმე ქვეყნის წინააღმდეგ კიბერშეტევა განხორციელდება. ჩინეთმა G20-დან რუსეთის შესაძლო გარიცხვის წინადადება გააკრიტიკა. კანადელი სნაიპერი მეტსახელად „ვალი“ ვიდეომიმართვას ავრცელებს და აცხადებს, რომ მისი სიკვდილის შესახებ ინფორმაცია რუსეთის მიერ გავრცელებული პროპაგანდაა. მარტის პირველი 15 დღის განმავლობაში უკრაინაში სხვა ქვეყნებისგან 102 038 ტონა ჰუმანიტარული დახმარება გაიგზავნა. პოლონეთი ქვეყნიდან რუს დიპლომატებს აძევებს. ოლაფ შოლცი - რუსული ძალები უკრაინაში წინ წაწევას ვერ ახერხებენ - პუტინმა სიმართლე უნდა მოისმინოს. მარია ზახაროვა - ევროკავშირი მილიტარიზაციისა და ნატოსთან შერწყმის კურსს აგრძელებს, მის დიპლომატიურობასა და მშვიდობიან ხასიათზე გაკეთებული განაცხადი კი ფიქციაა. ჯო ბაიდენის განცხადებით, რუსეთის მიერ ქიმიური იარაღის გამოყენება „რეალური საფრთხეა“. იენს სტოლტენბერგი - რუსეთის მიერ ქიმიური იარაღის გამოყენება სრულად შეცვლის კონფლიქტის ხასიათს. პრეზიდენტი პუტინის სასტიკი შეჭრა უკრაინაში ყოველდღე იწვევს სიკვდილს და ნგრევას - პუტინმა უნდა დაასრულოს ეს ომი. ველი, რომ შევთანხმდებით, გავაძლიეროთ მხარდაჭერა პარტნიორების მიმართ, რომლებიც რუსეთის ზეწოლის გამო რისკის ქვეშ არიან, მათ შორის საქართველო და ბოსნია-ჰერცეგოვინა. მოლოდინი მაქვს, რომ ლიდერები დათანხმდებიან ნატოს პოზიციის გაძლიერებას ყველა მიმართულებით, ძალების მნიშვნელოვანი გაზრდით ალიანსის აღმოსავლეთ ნაწილში, ხმელეთზე, ჰაერსა და ზღვაში. Bloomberg - პუტინის მრჩეველმა, ანატოლი ჩუბაისმა თანამდებობა დატოვა და რუსეთიდან წავიდა. Nestle-ს რუსული ბაზრიდან პოპულარულ ბრენდები, მათ შორის KitKat-ი და Nesquik-ი გააქვს. რუსეთი „არამეგობრულ ქვეყნებში“ ბუნებრივი აირის მიწოდების საფასურს მხოლოდ რუბლებში მიიღებს. „ბლუმბერგი“ - ევროკავშირმა უკრაინასთან შეთანხმება დაამტკიცა, რომელიც მას საშუალებას მისცემს კიევს საიდუმლო ინფორმაცია გაუზიაროს, მათ შორის სატელიტით გადაღებული ფოტოები. სერგეი ლავროვი - თუ ნატო უკრაინაში თავის მშვიდობისმყოფელებს გაგზავნის, ეს იქნება პირდაპირი შეტაკება რუსეთის შეიარაღებულ ძალებსა და ალიანსს შორის. შარლ მიშელი - ჩვენ უნდა უზრუნველვყოთ, ვლადიმერ პუტინის დამარცხება, ეს უნდა იყოს საერთო მიზანი. აშშ ოფიციალურად აცხადებს, რომ რუსმა სამხედროებმა უკრაინაში სამხედრო დანაშაულები ჩაიდინეს.

      უკრაინა საქართველოში - ამ დროისთვის, თბილისის ბაგა-ბაღებში უკრაინიდან ჩამოსული 12 ბავშვია ჩარიცხული. ანა ნაცვლიშვილი - ნეიტრალიტეტის საპასუხოდ გავიხსენებდი ქართულ ხალხურ ზღაპარს ჩიტ ჩიორაზე - ხალხური სიბრძნე ამგვარ სიტუაციებზე საუკუნეების წინ სწორ ანალიზს აკეთებდა - როცა დედა ჩიტს აშანტაჟებენ, მონადირის ჩარევაა საჭირო. ოთარ გრიგოლია - ჩვენ ვდგავართ უკრაინელი ხალხის გვერდით თავისუფლებისთვის, მშვიდობისა და კეთილდღეობისთვის ბრძოლაში. გურამ მაჭარაშვილი - ნეიტრალიტეტის საკითხის განხილვაში არავისთან შევდივართ - ამით ქვეყანას ნებისმიერი ტიპის პროვოკაციას ავარიდებთ თავიდან. იაგო ხვიჩია - უკრაინის ხელისუფლებას არაფერი ეჩვენება, შემთხვევით არ გაუწვევია აქედან ელჩი, შემთხვევით არ აბრალებენ საქართველოს მთავრობას ამორალურ პოზიციას. ნინო დოლიძე - ნეიტრალიტეტი საქართველოს არ დაიცავს მეზობელი ქვეყნის მხრიდან აგრესიისგან, ეს რუსეთის რიტორიკის გაგრძელებაა. ეკა გიგაური - რუსეთი ომს აგებს უკრაინაში, არ ჰყოფნის რესურსები და ვერ დაიწყებს ყველა მიმართულებით საომარ მოქმედებებს, ამიტომ, ყველაფერი უნდა გავაკეთოთ, რომ შესაძლებლობების ფანჯარა გამოვიყენოთ, ვანახოთ დასავლეთს, რომ მათ გვერდით ვართ. გურამ მაჭარაშვილი - სამწუხაროა, რომ არასამთავრობოების ნაწილი ვერ ერკვევა იმაში, რუსეთისათვის საქართველოს უსაფრთხოების საბჭოზე გაკეთებული განცხადება უფრო მტკივნეულია თუ გაეროში, ეუთოსა და ჰააგაში გამოხატული პოზიცია. სალომე სამადაშვილი - ჩემი ინფორმაციით, ნეიტრალიტეტის თაობაზე საქართველოს ხელისუფლებას უკვე აქვს მიღებული გზავნილი რუსეთისგან - რუსეთმა დახურული ხაზებით ხელისუფლებაზე ზეწოლა უკვე დაიწყო. ბექა ლილუაშვილი - საქართველოს უსაფრთხოების გარანტია არის დასავლური ფარდა. პაატა ზაქარეიშვილი - ვიდრე რუსეთში სანქციები, მის ხელისუფლებაში კი პუტინია, შანსი გვაქვს საქართველომ ოკუპირებული ტერიტორიების დეოკუპაცია მოახდინოს და მოსკოვს ჯარები გააყვანინოს, მაგრამ „ქართული ოცნება“ მაინც და მაინც ახლა დადუმდა. რომან გოცირიძე - ნეიტრალიტეტი და მსგავსი იდეები საქართველოში ვერ გაიხარებს - ნეიტრალიტეტი ნიშნავს საქართველოს ბელარუსიზაციას. ევროსაბჭოს კონგრესის სადამკვირვებლო მისიის შეფასებით, საქართველოში არსებული საკანონმდებლო ჩარჩო ხელსაყრელ გარემოს ქმნის დემოკრატიული არჩევნების ჩასატარებლად. ნიკოლოზ სამხარაძე - არასამთავრობო ორგანიზაციებიდან, რომლებიც საქმის კურსში არ არიან და არ იციან დეტალები, ასეთ ზედაპირულ კრიტიკას ვერ მივიღებთ. ანდრეი კასიანოვი - ქედს ვიხრით ქართველი გმირების წინაშე, ვინც უკრაინის დაცვის დროს დაიღუპა, მათ უკრაინას შესწირეს ყველაზე ძვირფასი, რაც გააჩნდათ - საკუთარი სიცოცხლე. იგორ დოლგოვი იმყოფება საქართველოში და კონსულტაციები გრძელდება. უკრაინელები გულწრფელ მადლობას ვუხდით ქართველ ხალხს მხარდაჭერისათვის, ეს არის ის, რაც ყოველთვის გვემახსოვრება და რასაც არასდროს დავივიწყებთ - დიდება უკრაინას, დიდება საქართველოს! კასიანოვის განცხადებით, მიხეილ სააკაშვილის უკრაინისთვის გადაცემასთან დაკავშირებით, უკრაინის მთავრობის მხრიდან ოფიციალური მიმართვა არ მიუღია. კასიანოვის ინფორმაციით, საქართველოში ამ დროისთვის უკრაინის 20 000-მდე მოქალაქე იმყოფება. შალვა პაპუაშვილი განმარტავს, რატომ აქვს უკრაინის საჰაერო თავდაცვის გაძლიერების შესახებ 13 ქვეყნის განცხადებას საქართველოდან გრიგოლ ვაშაძის ხელმოწერა - მიმართვა, რომელიც რამდენიმე დღის წინ თავად უკრაინის რადას სპიკერმა, რუსლან სტეფანჩუკმა გამოაქვეყნა, ცალკეული ქვეყნების დეპუტატების ინიციატივაა, „ვისაც ერთმანეთთან კონტაქტი აქვს. ეს გახლავთ სხვადასხვა პარლამენტების ცალკეული დეპუტატების კერძო ინიციატივა. სახელმწიფოების მხრივ არ არის რაიმე ხელმოწერა.“ ლევან იოსელიანი - ხელისუფლება თუ ქვეყნის გარეთ თანმიმდევრულია, როცა მხარს უჭერს უკრაინის ხელისუფლებას და მის ინიციატივებს, ქვეყნის შიგნითაც არ უნდა ერიდებოდეს ამის არტიკულირება. შალვა პაპუაშვილი - უკრაინის საკითხთან საქართველოს თემის მიბმა არაკეთილსინდისიერი მიდგომა იქნება - საუბარს, რომ ახლა შესაძლებლობაა ჩვენი ტერიტორიების დეოკუპაციის, არანაირი რეალისტური საფუძველი არ აქვს. ჩვენ ზუსტად ისეთივე მიდგომა გვაქვს, როგორც ევროკავშირს და აშშ-ს - სანქციებს ორ ფილტრში ვატარებთ: გამოიწვევს თუ არა სამხედრო დაპირისპირებას და ეკონომიკურ-სოციალურ კოლაფსს. სალომე ზურაბიშვილი - იქნება თუ არა საქართველო შემდეგი? ეს ძალიან რთული კითხვაა, ვიმედოვნებ, არა - ჩვენ ძალიან დაუცველები ვართ და მნიშვნელოვანია, მსოფლიომ ყურადღება მიაქციოს საქართველოს, ისევე როგორც მოლდოვას.

      სათბილისო - თბილისის მერია გუდიაშვილის მოედანზე არსებული სივრცეების აუქციონზე გატანას გეგმავს. კახა კალაძე - თუ დათოვლილი გზების გაწმენდაში მოსახლეობაც დაგვეხმარება, მადლობელი ვიქნებით - საკუთარი სახლის წინ რომ გაწმინდოს გზა ადამიანმა, მგონი, არ წარმოადგენს პრობლემას.

      მსოფლიო ბანკის ფული - მსოფლიო ბანკმა საქართველოს 400 მილიონი აშშ დოლარის მოცულობის დაფინანსება დაუმტკიცა. მსოფლიო ბანკი - მსოფლიო ბანკის დახმარებით, საქართველო რეგიონულ სატრანსპორტო კავშირს აუმჯობესებს. სებასტიან მოლინეუსი - ადამიანური კაპიტალის ტრანსფორმაციული პროგრამა დავამტკიცეთ, რაც ყველაზე დიდი მოცულობის ერთიანი ინვესტიციაა, რაც მსოფლიო ბანკს ოდესმე განუხორციელებია საქართველოში.

      საქართველოს ბერლინის საერთაშორისო ტურისტულ გამოფენაზე მასპინძლის სტატუსი ექნება.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 63

ტეგები: qwellynews, ამბები, ბლოგი, მარტი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ჩხუბი ამერიკის ტერიტორიაზე და ელჩობისგან გადადგომა

გამოაქვეყნა Giorgi_მ.
თარიღი: ივლისი 1, 2022.
საათი: 11:00pm 0 კომენტარი

      ეს ორი დღე ისევ აცივდებაო, წვიმებიც იქნება, სეტყვა-ქარბორბალაც, ჭექაც და ქუხილიც. მოკლედ, ზაფხული დაიწყო და ცხელი ივლისიც, „ამერიკაში“ ქართველების ჩხუბით გაიხსნა - გუშინ იჩხუბეს, დღეს განიხილეს. პარლამენტარი და ტელევიზიის დამფუძნებელი პირდაპირ საელჩოში დაეტაკნენ ერთმანეთს - კადრები ჯერ არ გასაჯაროვებულა. ცხადია, მთელი დღე ამ თემას დაეთმო. ასევე საფრანგეთის ელჩის განცხადებას წასვლაზე და ევროპული აგიტაციის დახვედრას რეგიონებში. ლარის ამბავი - 1…

გაგრძელება

ჩრდილოელები ნატოში და ჩვენ კვლავ ჭიშკართან

გამოაქვეყნა Giorgi_მ.
თარიღი: ივნისი 29, 2022.
საათი: 11:00pm 0 კომენტარი

      ნატომ მოსაწვევები დააგზავნა, მაგრამ არც კი უფიქრია ჩვენთვის გამოეგზავნა - შვედეთი და ფინეთი არიან მიწვეულები ჩახო-ში გასაწევრიანებლა. ნატოს სამიტზე ჩვენი პრემიერიც იმყოფებოდა და დღის ამბებში ეგეც აქტუალური იყო. ცხადია ოცნება ხმაურიანად დატოვო და მეორე დღეს მეინსტრიმი არ მიიღო, არ გამოდის - ასე მოხდა სამ დეპუტატსაც. დღეს ასევე აქტუალური იყო უკრაინაში ომი და მესა პეტრეს ტაძარში. ლარის ამბავი - 1 დოლარის ღირებულება - 2.9289 ლარია.…

გაგრძელება

ისტორიები ბენგალის მასწავლებელთან

გამოაქვეყნა Mosely_მ.
თარიღი: ივნისი 29, 2022.
საათი: 12:30pm 0 კომენტარი

C. J. Uzomah went toward Twitter toward chat in excess of the Cincinnati Bengals' Director of Rehabilitation and Efficiency, Nick Cosgray. "My gentleman acquired me again towards my Achilles problems in the direction of include the least difficult period of my occupation Isaiah Prince Jersey. "Uzomah was sidelined for 14 online games previous period with an Achilles harm, and disregarded highest of the year. Yet he arrived back again inside of 2021 towards background vocation highs within…

გაგრძელება

ცინცინატის მოგზაური

გამოაქვეყნა Mosely_მ.
თარიღი: ივნისი 29, 2022.
საათი: 12:00pm 0 კომენტარი

The 2022 NFL offseason is made up of now been the craziest a single in just existing memory, quite possibly at any time. This offseason is made up of been total of the equilibrium of electrical power transforming, trades and currently unheard of monster contracts. Several franchises comprise devoted towards heading all-inside of, and the unforgiving pendulums of standards are within comprehensive swing. There seems to be towards contain been a recognizable transfer within just staff…

გაგრძელება

Qwelly World

free counters