დარწმუნებული ვარ თქვენც მოგისმენიათ, თუ არ გითქვამთ კიდეც, რომ სიკეთე გადამდებია. არ ვიცი, ვის გადაედო ან ვინ გადასდო, მეტიც, სამყაროში ერთადერთი კეთილი კაცის ისტორია სულ სხვა რამეებს გვეუბნება და შესაბამისად, როგორც სხვა ბევრი ფრთოსანი და მოფარფატე ფრაზა, ესეც სადღაც, კოსმოსში გამოკიდებული მგონია, მაგრამ ცდად ღირს. ქველნი ვართ და მნიშვნელოვანიც მგონია ისეთ ქველობაზე ვისაუბროთ, რომელიც მაინცდამაინც კამერებისთვის არ შემდგარა და ვინაიდან თავად მსურველებს არ მოუწადინებიათ, არც მე ვაპირებ მათი მარჯვენა-მარცხენა ხელთა სიკეთის გადასხვაფერებას და სააშკარაოზე გამოტანას სახელებითა და გვარებით (ნაცნობებმა ისედაც იციან ეს ამბავი).

      მცხეთა რომ იტალიის გულს, რომს ეჭიდავება სიძველით, ისტორიით და ხანდახან სიწმინდით, ახალი ამბავი არ არის. ანტიკური ქალაქი, მაკედონელის მსტოვრები, სადღაც პომპეუსიც, კვართი, და ათასი სხვა დახასიათების შემდეგ, რა გასაკვირია რომ ტურისტების ნაკადი არ წყდება მცხეთაში, მაგრამ იშვიათია ტური, რომელიც მოიცავს ბავშვთა სახლის მონახულებას. ჩემი ერთი ახლობლის ოჯახში, ორი, საშუალო ასაკის, იტალიელი ადამიანი ჩამოვიდა სტუმრად, ცოლ-ქმარნი (მაინცდამაინც სტუმარი არ ეთქმის ნათესავს, მაგრამ არ დავკონკრეტდები). ვინაიდან რამდენიმე დღე საქართველოში მოუწევდათ ყოფნა, ნელ-ნელა ქართული ბუნებით, კულტურით, სამზარეულოთი და იტალიელობის მიუხედავად, არქიტექტურით აღფრთოვანებას შეუდგნენ. შვებულების დასასრულს კი ერთი კითხვა დასვეს?

- მცხეთაში არ არის ბავშვთა სახლი? მოხუცთა ან უმწეოთა თავშესაფარი?

      დადებითი პასუხი მიიღეს ... და გზას გაუდგნენ საყიდლებისკენ. არც საარჩევნო კანდიდატები არიან; არც რომელიმე ევროპულ-ამერიკული დახმარების ფონდი; არც რუსთავი 2-ის ნომერი ჰქონდათ, რომ ეთქვათ - ევროპა ქართველებს ვეხმარებითო; გაგიკვირდებთ, და ბებიაც კი არ ჰყავდათ ქართველი; არც ნაცნობობა და მეტიც, არც სუფრაზე ყანწით დალეული საქართველოს კუთხე კუნჭულის ან ყველა გაჭირვებულს გაუმარჯოს სადღეგრძელო. უბრალო საქმე - მოჩხრიკეს ჯიბეები რისი საშუალებაც ჰქონდეთ საყიდლებზე საბავშვო სათამაშოები, ტკბილეული შეაგროვეს, ცოტა ფული გადაინახეს სასაჩუქრედ და გზას გაუდგნენ ძეგვისკენ.

      ძეგვისკენ მიმავალ გზაზე, არმაზს რომ გასცდებით, მძის ძირში, ტყის პირას ერთი სახლი დგას, სადაც ბავშვები ცხოვრობენ. ეს ბავშვთა სახლი, სულ რამდენიმე წელია რაც არსებობს და თავი ისე გააქვს, როგორც შეუძლია - გაჭირვებით და ვაი ვაგლახით. როგორც გვიყვებიან, დიდი სიხარული და ბედნიერება იყო მათთვის, ამგვარი თბილი სტუმრობა. დიდი ხანია ხელდამშვეებული არავინ მისულა მათთან ამდენი სითბოთი და სიყვარულით, ღიმილიანი თუ მზურნველი თვალებით.

sikete, qwellymoqmedeba, qwelly, blog, italielebi, bavshvta saxli, dzegvi, mcxeta, ქველი, ქველმოქმედება, სიკეთე, ბავშვთა სახლი, ძეგვის ბავშვთა სახლი, სიკეთე, მცხეთა, ევროპა, იტალია, ბლოგი, დღიური

sikete, qwellymoqmedeba, qwelly, blog, italielebi, bavshvta saxli, dzegvi, mcxeta, ქველი, ქველმოქმედება, სიკეთე, ბავშვთა სახლი, ძეგვის ბავშვთა სახლი, სიკეთე, მცხეთა, ევროპა, იტალია, ბლოგი, დღიური

      თავად იტალიელები რას ამბობ?

- ჩვენ მოვისმინეთ ქართული სიმღერა და გალობა და გაოცებულები ვიყავით, როგორ შეუძლია ერს ასეთ პოლიფონია შექმნას?! ჩვენ ვნახეთ სვეტიცხოველი და აღფრთოვანებას ვერ ვმალავდით, მიუხედავად იმისა, რომ იტალიელებს არქიტექტურით ვერ გააკვირვებთ, მაგრამ იყო ერთი განსაკუთრებული დღე, როდესაც ჩვენ შევძელით რამდენიმე საათით გაგვებედნიერებინა ბავშვების ცხოვრება და ამით ჩვენც უზომოდ ბედნიერები ვართ, ამ ბედნიერებისთვის კიდევ დავბრუნდებით საქართველოში!

      აი, ასეთი ტურიტები გვიმრავლოს ღმერთმა და იქნებ მერე გახდეს სიკეთე გადამდები. იმედით სავსე სურვილებით მომავალ მსგავს ქველმოქმედებამდე.

ნახვა: 346

ტეგები: Qwelly, ბლოგი, სიკეთე, ქველი, ქველმოქმედება

თათია: აგვისტო 15, 2016||9:09pm

სამაგალითოა!

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მოზარდების განაჩენი, ანექსიის დღე, კორონას ახალი ცენტრები და ჩატეხილი მაგიდა

გამოაქვეყნა Giorgi_მ.
თარიღი: თებერვალი 25, 2020.
საათი: 9:34pm 0 კომენტარი

      ზამთრის კუდის მოქნევა ალბათ მაინც მარტის საქმე იქნება, მაგრამ თებერვლის ბოლოს ჯერ მთებში აიკრძალა მოძრაობა, შემდეგ ბარშიც წვიმამ და თოვლ-ნამქერმა არ დააყოვნა. ალბათ, ასეთი თალხი ეხურა თბილისს 99 წლის უკან. დღის მთავარი თემა იუნკერების გახსენება იყო. ასევე მოლაპარაკებების შეუძლებლობაზე საუბრობდა ოპოზიცია, ხორავას საქმეზე განაჩენიც გამოიტანეს. კორონაც ისევ დაუმარცხებელია და მეტიც, ახალი ეპიცენტრები და კერები ჩნდება მსოფლიოში - ირანი,…

გაგრძელება

საზღვრებს ვირუსი აწესებს, მინისტრი პარლამენტს არ სწყალობს, მარში ტაძრებს იცავს

გამოაქვეყნა Giorgi_მ.
თარიღი: თებერვალი 24, 2020.
საათი: 10:00pm 4 კომენტარი

      ახლა ისეთი ამბავია მსოფლიო პანდემიასთან დაკავშირებით, რომ ხვალ წვიმა იქნება თუ ელჭექი, აღარავის აინტერესებს. არადა, დღეს გაზაფხულის მშვენიერი დარი იდგა. მსოფლიოს ახლა კორონავირუსი ადარდებს და რაც დრო გადის, უფრო რთული ხდება მისგან თავდაცვა - სამეზობლო იკეტება და ჩვენი ქვეყანაც ამ ჩაკეტილობას შეუერთდა. დღის მთავარი ამბავი იყო მინისტრის პარლამენტში მიუსვლელობაც, აქცია საპატრიარქოსთან და ანას ბაღის მცველები ვარკეთილში.

საქართველოს და…

გაგრძელება

პუდრიანი ბაროკო - სახიდან გვირგვინებამდე

გამოაქვეყნა Tamila Moshiashvili_მ.
თარიღი: თებერვალი 23, 2020.
საათი: 11:02pm 0 კომენტარი

      დღევანდელი ბლოგ-პოსტის ხელოვანები წყვილში მუშაობენ. და როგორც ორი და სამი კაცის ნაშრომი, შედეგიც უფრო საინტერესო და შთამბეჭდავია. წარმოშობის ამბავი არ ვიცი, მაგრამ დღესდღეობით, სანკტ-პეტერბურგში მოღვაწე ასია კოზინა და დმიტრი კოზინი (Asya Kozina, Dmitriy Kozin), თეთრი სკულპტურების ნამდვილი ოსტატები არიან. მათ კომპოზიციებში არა მხოლოდ გვირგვინებს (კორონებს) აქვთ განსაკუთრებული მნიშვნელობა, არამედ, თეთრი ფერუმარილით შერებილ პორტრეტებს.…

გაგრძელება

კიბერ ომი და კიბერ საზღვრები, ტრენდი მერაბიშვილი და გასაყიდი პარლამენტი

გამოაქვეყნა Giorgi_მ.
თარიღი: თებერვალი 21, 2020.
საათი: 11:00pm 0 კომენტარი

      სითბო მოვიდა, დაგვიანონსეს კიდეც, რომ უქმეებზე თბილი ამინდები გველის და შეგვიძლია ნელ-ნელა გაზაფხულის სურნელიც ვიგრძნოთ აქა-იქ. მოკლედ, კიბერშეტევის შედეგები იმაზე საინტერესო და ხმაურიანი გამოდგა, ვიდრე თავის დროზე თავად კიბერშეტევის ფაქტი. მსოფლიო გმობს რუსეთის მიერ კიბერშეტევას, ხოლო კარასინი გაკვირვებული კითხულობს - დადასტურდა რომ ეს ჩვენ ვქენით? ეჭვი მეპარებაო. მეორე ამბავია მერებაშვილის გატრენდებული ნიუსები. ახალი ამბავი - ქუთაისის…

გაგრძელება

Qwelly World

free counters