ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.

საქართველოს და მსოფლიოს ამბები | 8 აგვისტო, 2022

qwellynews, სიახლეები, ნიუსები, ამბები, აგვისტო

      აგვისტოს მძიმე დღეები - საქართველოს მთავრობის ადმინისტრაციის შენობაზე სახელმწიფო დროშა დაეშვა. ირაკლი ღარიბაშვილი - ჩვენ ტერიტორიული მთლიანობის აღდგენისა და ქვეყნის გამთლიანების გზად მშვიდობიანი, გონივრული პოლიტიკა ავირჩიეთ და გვჯერა, აუცილებლად მივაღწევთ მიზანს - საქართველო გაერთიანდება. პრემიერი - ჩვენ უდიდესი ტრაგედია გამოვიარეთ აგვისტოს ომის დღეებში - ჩვენმა სამხედროებმა გვაჩვენეს სამაგალითო გმირობა და ღირსეულად დაიცვეს ჩვენი სამშობლო. თარიღებზე საუბარსა და სპეკულაციას თავი დავანებოთ - სააკაშვილის უგუნურმა პოლიტიკამ და პროვოკაციულმა ნაბიჯებმა განაპირობა ის, რომ ტრაგიკული ომი თავიდან ვერ აიცილეს, ეს იყო სააკაშვილის და მისი გუნდის ღალატი. თორნიკე რიჟვაძე - ჩვენ მშვიდობიანი, გონივრული პოლიტიკით აუცილებლად გავაერთიანებთ ჩვენს ქვეყანას. გორში, 2008 წლის რუსეთ-საქართველოს ომში დაღუპულ ჯარისკაცთა მემორიალთან სანთლების ტრადიციული აქცია მოეწყო. თავდაცვის უწყებაში აგვისტოს ომის მე-14 წლისთავთან დაკავშირებით სახელმწიფო დროშები დაშვებულია. თავდაცვის მინისტრი - ცივილურმა სამყარომ 14 წლის შემდეგ გაიაზრა, რომ 2008 წელს უნდა შეენარჩუნებინა პრინციპული პოზიცია - უნდა დაჩქარდეს საქართველოს ინტეგრაცია ცივილური სამყაროს მიმართულებით. ლიეტუვის პრემიერი - საქართველოში ომი სამშვიდობო შეთანხმებით დასრულდა, მაგრამ მშვიდობა არასოდეს დამდგარა, რადგან დაშოშმინება მხოლოდ აგრესორის მადას ასაზრდოებს. თორნიკე რიჟვაძე შეკითხვაზე: „ვინ დაიწყო ომი?“ - ამ კონტექსტით კითხვის დასმა, სამარცხვინოა. რატი იონათამიშვილი - თავადაც 8 აგვისტოს აკეთებდნენ იგივეს წლების განმავლობაში, უბრალოდ ბოლო წლებია „ნაცების“ „პიარმა“ ასე გადაწყვიტა და ასეთი დავალება გასცა - სულ ასეთი „მართლები“ და „პატრიოტები“ არიან. გიორგი გახარია - ომი დაიწყო ზუსტად მაშინ, როცა პირველმა რუსმა ჯარისკაცმა გადმოკვეთა საქართველოს საზღვარი - მილიონჯერ მითქვამს და კიდევ ერთხელ გავიმეორებ, რომ შენს ტერიტორიაზე ომს ვერ დაიწყებ. პატივის მიგება საკმარისი არ არის, უნდა გვესმოდეს ჩვენი მოვალეობა, დავიცვათ საქართველოს ტერიტორიული მთლიანობა - არ არსებობს არცერთი ძალა, ვისაც შეუძლია ქვეყანა მარტომ გაიყვანოს სამშვიდობოს. შალვა პაპუაშვილი - ვნახეთ, რა მოჰყვა 2014 და 2022 წლებში უკრაინაში იმას, რომ საერთაშორისო საზოგადოებას, შესაძლოა, 2008 წელს სათანადო რეაგირება არ ჰქონდა - ეს არის ერთი მთლიანი აგრესიის ნაწილი. თბილისის 15 ქუჩას საქართველოს ეროვნული გმირების და 2008 წლის რუსეთ-საქართველოს ომში დაღუპულ მებრძოლთა სახელები ოფიციალურად 9 აგვისტოდან მიენიჭება. ბადრი ჯაფარიძე - რუსეთის აგრესიიდან მე-14 წელს ჩვენ გვყავს ანტიევროპული ხელისუფლება, რაც ქვეყნისთვის საფრთხეებს ზრდის. შალვა პაპუაშვილი - ეს ომი არ დაწყებულა არც 8-ში, არც 7-ში ან 6-ში, ეს ომი დაიწყო 90-იან წლებში და არ დასრულებულა არც 12 აგვისტოს, ეს ომი დღემდე გრძელდება. სოზარ სუბარი - „ნაციონალური მოძრაობის“ წევრები მუხათგვერდის სასაფლაოზე 7 აგვისტოს იმიტომ მოიპარებიან, რომ დაღუპულთა ოჯახებს თვალებში ვერ უყურებენ. ბათუ ქუთელია - მნიშვნელოვანია, რომ საქართველო პოზიციონირებდეს, როგორც 14-წლიანი, განგრძობითი ომის უშუალო მხარე, თუმცა „ქართული ოცნების“ პირობებში ჩვენი ქვეყანა გაქრა დემოკრატიული სამყაროს დღის წესრიგიდან. ირაკლი ქადაგიშვილი - სააკაშვილის განკარგულებაში შავით თეთრზე წერია, რომ რუსეთის ძალებმა საქართველოს საზღვარი 8 აგვისტოს გადმოლახა - პრეზიდენტის განკარგულებაა, ირაკლი ქადაგიშვილის კი არა. გია ვოლსკი ჟურნალისტებს - 8 აგვისტო წერია რუსეთის ჯარების შემოსვლად თქვენი პრეზიდენტის ბრძანებულებაში - აქ უნდა ამოვიდეთ მაშინ, როდესაც ჭირისუფალი მოდის. ნინო ბურჯანაძე - არ შევეგუებით ოკუპაციას - მხოლოდ ხელისუფლებას ეკისრება პასუხისმგებლობა, გადადგას ქმედითი ნაბიჯები, რომ საქართველო იყოს კვლავ ერთიანი. საელჩო - საფრანგეთი და ევროკავშირი გმობენ რუსეთის უკანონო ყოფნას აფხაზეთისა და სამხრეთ ოსეთის/ცხინვალის რეგიონებში. დავით მათიკაშვილი - სტრასბურგის სასამართლოს ისტორიულ გადაწყვეტილებაში, ჩაიწერა, რომ რუსეთი 2008 წლიდან ახორციელებს ეფექტურ კონტროლს საქართველოს ორ რეგიონზე - მანამდე რუსული ჯარი ამ რეგიონებში, სამწუხაროდ, სამშვიდობოების სტატუსით იდგა. ჯიმ რიში - რუსეთის საქართველოში შეჭრის 14 წელი შესრულდა, სუვერენიტეტის ამ დარღვევამ და მსოფლიოს სუსტმა პასუხმა მიგვიყვანა დაუსჯელობამდე, რომელიც პუტინმა იგრძნო. ხავიერ კოლომინა - ნატო მოუწოდებს რუსეთს, შეასრულოს საერთაშორისო ვალდებულებები და გაიყვანოს სამხედრო ძალები საქართველოდან. ენტონი ბლინკენი - თუ საშუალებას მივცემთ დიდ ქვეყანას დააბულინგოს პატარა ქვეყანა, შეიჭრას და მიითვისოს ტერიტორიები, ამით სეზონი გაიხსნება არა მხოლოდ ევროპაში, არამედ მთელ მსოფლიოში.

      08.08.08 მედვედევისთვის - დიმიტრი მედვედევი - თავდასხმა ცხინვალსა და სხვა დასახლებებზე ამაზრზენად დაიწყო და ვალდებული ვიყავით, გვეპასუხა - არ შეგვეძლო უბრალოდ ცრემლები მოგვეწმინდა, თავი დაგვეხარა სისხლიანი სულელის წინაშე და მიგვეშვა ის ხალხის ნაწილებად დასაგლეჯად.

      ცესკოს კანდიდატები - ცესკოს მოქმედი თავმჯდომარე, გიორგი კალანდარიშვილი პრეზიდენტის მიერ პარლამენტისთვის წარდგენილ კანდიდატებს შორის ვერ მოხვდა. შალვა პაპუაშვილი გიორგი კალანდარიშვილის კანდიდატურაზე - პრეზიდენტის ქმედება არის სიგნალი, რომ კეთილსინდისიერება და პროფესიონალიზმი არ ფასდება და გადაწყვეტილება იმის მიხედვით მიიღება, პოლიტიკურად რამდენად ჩათვლის ვინმე საჭიროდ. სოზარ სუბარი - სალომე ზურაბიშვილი რა ლოგიკას მიყვება, გაუგებარია - გიორგი კალანდარიშვილის მიერ ჩატარებულ არჩევნებთან დაკავშირებით კითხვა არ არსებობდა. ცესკოს შეფასებით, პრეზიდენტმა თავმჯდომარისა და წევრობის კანდიდატების შერჩევისას „პოლიტიკური მოტივებით“ იხელმძღვანელა. ირაკლი ქადაგიშვილის განცხადებით, პრეზიდენტის მიერ ცესკო- ს თავმჯდომარის პოსტზე წარდგენილ კანდიდატებს მმართველი გუნდის მხარდაჭერა არ ექნებათ.

      ტურისტების მასპინძლობა - ბადრი ჯაფარიძე - საუბარი თითქოს ვინმეს ტურისტების შეზღუდვა ან მათთვის დაბრკოლების შექმნა უნდა, არის დემაგოგია და უსინდისო ტყუილი. გიორგი გახარია - სტუმრის მიღებას ვერავინ გვასწავლის, მაგრამ სტუმარმა თავისი ადგილი უნდა იცოდეს - სავიზო რეჟიმის საკითხი განხილული უნდა იყოს. პრემიერ-მინისტრი ოპოზიციაზე - ვინაიდან მიზანს ვერ მიაღწიეს და მეორე ფრონტი საქართველოში ვერ გადმოიტანეს, უნდათ, ჩვენი მოქალაქეები რამენაირად დააზიანონ და ტურისტების შემოდინება შეაფერხონ. შალვა პაპუაშვილი - ადამიანების გამორჩევა მათი ეთნიკურობის გამო არის ქსენოფობია - ე.წ ენჯეოების ნაწილმა მხოლოდ PowerPoint-ით და სემინარებზე ყავის სმის დროს იცის ადამიანის უფლებებზე საუბარი. ლევან დავითაშვილი - ყოფილი პრეზიდენტი თვითონ მოუწოდებდა რუს ტურისტებს შემოსვლას და ხვდებოდა საზღვარზე - იგივე პოლიტიკური ძალა დღეს ითხოვს სავიზო რეჟიმის დაწესებას, მხოლოდ იმისთვის, რომ დაზიანდეს ტურისტული სექტორი. ფინეთის პრემიერი - არასწორია, რომ იმ დროს, როდესაც რუსეთი აწარმოებს აგრესიულ, სასტიკ ომს ევროპაში, რუსებს შეუძლიათ ნორმალური ცხოვრებით ცხოვრება, ევროპაში მოგზაურობა და ტურისტებად ყოფნა.

საზღვარგარეთულები:

      ომი უკრაინაში - ვოლოდიმირ ზელენსკი - დონბასში ვითარება კვლავ ძალიან მძიმე რჩება. ოკუპანტებმა ვინიცის ოლქის სამხედრო ობიექტებზე სარაკეტო დარტყმა განახორციელეს, არიან დაშავებულები. უკრაინის შეიარაღებული ძალების ავიაციამ ხერსონში ოკუპანტების წინააღმდეგ სამი დარტყმა განახორციელა. ვოლოდიმირ ზელენსკი - თუ რუსეთი „რეფერენდუმებს“ ჩაატარებს, ის მოლაპარაკებების შესაძლებლობას დახურავს. ანტონიო გუტერეში - ატომურ ელექტროსადგურზე ნებისმიერი თავდასხმა თვითმკვლელობაა. უკრაინის გენერალური პროკურატურა - რუსეთმა უკრაინაში 27 000-ზე მეტი ომის დანაშაული ჩაიდინა. მელიტოპოლის მერი - უკრაინელმა სამხედროებმა მელიტოპოლში რუსების დისლოკაციის პუნქტებს დაარტყეს - 100-ზე მეტმა ოკუპანტმა „კობზონის კონცერტის ბილეთი მიიღო“. ბრიტანეთის თავდაცვის უწყება - რუსეთი დონბასში, დიდი ალბათობით, ქვეითსაწინააღმდეგო ნაღმებს განათავსებს. გუბერნატორი - რუსებმა დონეცკში 5 მშვიდობიანი მოქალაქე მოკლეს. უკრაინულმა ძალებმა 42 340 რუსი სამხედრო მოკლეს. მიხაილო პოდოლიაკი - ოკუპირებულ ტერიტორიებზე ფსევდორეფერენდუმებისკენ გადადგმულ რუსეთის თითოეულ ნაბიჯს პასუხი იარაღის მიწოდების გაზრდით უნდა გაეცეს. უკრაინამ გერმანული „გეპარდის“ ტიპის თვითმავალი საზენიტო სისტემები მიიღო. ოლაფ შოლცი - წინ რთული თვეები გველის, მაგრამ მტკიცედ ვდგავართ უკრაინის მხარეს. მედია - ზაპოროჟიეს საოკუპაციო ადმინისტრაციის ხელმძღვანელმა ხელი მოაწერა განკარგულებას ე.წ. „რეფერენდუმის“ ჩატარების შესახებ. დმიტრო კულება - რუსეთი ყველა შესაძლო საშუალებით ცდილობს პარტნიორების მხრიდან უკრაინისთვის იარაღის მიწოდებას ხელი შეუშალოს - ავრცელებს „ფეიკებს”, მაგრამ ტყუილი მიზანს ვერ აღწევს. აშშ-ის თავდაცვის სამინისტრომ უკრაინისთვის სამხედრო დახმარების ახალი პაკეტი გამოაცხადა, რომელიც HIMARS-ის საარტილერიო სისტემებს, ჯაველინებს, ტანკსაწინააღმდეგო სისტემებსა და საბრძოლო მანქანებს მოიცავს. დიმიტრი პესკოვი - პრეზიდენტ პუტინისა და ზელენსკის შეხვედრა შესაძლებელია მხოლოდ მას შემდეგ, რაც დელეგაციები საშინაო დავალებას შეასრულებენ.

      ექსპორტი - უკრაინის პორტებიდან მარცვლეულით დატვირთული კიდევ ორი გემი გავიდა - „საკურას“ იტალიაში 11 000 ტონა სოიო გადააქვს, ხოლო „არიზონას“, სამხრეთ თურქეთში 48 458 ტონა მარცვლეული გადააქვს. დმიტრო კულება - თურქეთში უკრაინული მარცვლეულით დატვირთული პირველი გემის ჩასვლა ახლო აღმოსავლეთის, აფრიკისა და აზიის ყველა ოჯახისთვის იმედის სიგნალია.

      ცეცხლის შეწყვეტა - ისრაელსა და „ისლამურ ჯიჰადს“ შორის ცეცხლის შეწყვეტის რეჟიმი ამოქმედდა.

      აზერბაიჯანის თავდაცვის უწყება - სომხეთის შეიარაღებულმა ფორმირებებმა ბოლო დღის განმავლობაში აზერბაიჯანის არმიის პოზიციებზე ცეცხლი სულ მცირე 12-ჯერ გახსნეს. რეჯეფ თაიფ ერდოღანი - თუ სომხეთი სწორად შეაფასებს პროცესებს და უპასუხებს აზერბაიჯანისა და თურქეთის გულწრფელ მოწოდებებს, დარწმუნებული ვარ, რეგიონში სტაბილურობა მალე დამყარდება.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 40

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Dungeoneering talents

გამოაქვეყნა MacMillanwu_მ.
თარიღი: ოქტომბერი 5, 2022.
საათი: 4:30am 0 კომენტარი

I've stopped for breaks, usually while I'm playing a brand new sport, that is,  throughout the years. The longest break was taken off when I was playing Evolution of Combat (additionally called EoC) transformed into a launch by the talent and motion bars were against the RuneScape portion of my brain.



RuneScape is, however, constantly finds a way to entrap me and this time it was Legacy Combat Mode, which revived the tick-primarily based totally combat from the days of. EoC and I…

გაგრძელება

დაკეცილი ქანდაკება ანუ სკულპტურა კუბიკში

გამოაქვეყნა Tamila Moshiashvili_მ.
თარიღი: ოქტომბერი 2, 2022.
საათი: 10:41pm 0 კომენტარი

      სკულპტორები გამიბრაზდნენ, დიდი ხანია ჩვენზე არ დაგიწერიაო, - მომივიდა წერილები. ამიტომ ყველაზე თანამედროვე ამბავი ვიპოვე ინტერნეტში და უნდა გაგიზიაროთ. კლასიკოსები ალბათ ვერც წარმოიდგენდნენ მათ შედევრებს ასეთი ბედი თუ ეწეოდათ, მაგრამ ადამ პარკერ სმიტს (Adam Parker Smith) სხვა გეგმები აქვს. ამ ცნობილმა, თანამედროვე სკულპტორმა, ახალი ხაზის კოლექცია წარადგინა სახელწოდებით „მსხვრევა“ Crush. რომში ნასწავლ-დახელოვნებული…

გაგრძელება

თამაშებით შეცვლილი ცხოვრება

გამოაქვეყნა MacMillanwu_მ.
თარიღი: სექტემბერი 29, 2022.
საათი: 12:00pm 0 კომენტარი

While you're making your way to Lumbridge and begin to explore the town, all of the stage-playing addicts could be your in the future. It's intoxicating. "More than the other games I've played, the avatar is me - it's an amalgamation from the entire that I've accomplished in and is important to us gamers."

A variety of online games attempt to take over your life, but RuneScape is the maximum sincere about it. The magic isn't the quests or stories. If people talk about the…

გაგრძელება

ლუკაშენკოს ხავერდოვანი სეზონი და სამასპინძლო აქციები ლარსთან

გამოაქვეყნა Giorgi_მ.
თარიღი: სექტემბერი 28, 2022.
საათი: 11:30pm 0 კომენტარი

      გუშინ რომ სოხუმის დაცემა გაიხსენეს, დღეს ბელარუსის პრეზიდენტი სწორედ აფხაზეთში ჩავიდა ოფიციალური ვიზიტით და დაარღვია საქართველოს სახელმწიფოს კანონი. აქამდე ჯერ კიდევ მეგობართა სიაში იმყოფებოდა ოფიციალურ დონეზე მაინც. დღეს ასევე აქციები მოეწყო ლარსთან და ხოშტარიას დროამ „მასპინძლობა“ გაუწია რუსეთიდან გამოქცეულებს, რომლებაც რატომღაც დეზერტირებს ეძახიან ანუ ჯობდა ეომათ?! დღის მთავარ ამბებში კვლავ ომბუდსმენიც ფიგურირებს და კალაძის თბილისიც. დღეს…

გაგრძელება

Qwelly World

free counters