კორონას ამბებში მთავრობის გადაწყვეტილებები დაწინაურდნენ. დღეს შეზღუდვების მოხსნის გადაწყვეტილებები ერთი ნაბიჯით წინ წავიდა და ცხადია მთავარი ამბავიც ეს იყო. ცხადია, რჩება მოლოდინების და განკურნებების ნიუსებიიც. ამინდს რაც შეეხება, სინოპტიკოსები გვპირდებიან, რომ 10 მაისამდე საქართველოში წვიმა, სეტყვა და ქარია მოსალოდნელი, არადა ამ წვიმებმა უკვ ხარაგაულის მუნიციპალიტეტს პრობლემები შეუქმნა. აღრიცხული კორონა - საქართველოში: 615 შემთხვევა, გამოჯანმრთელებული - 275, გარდაცვლილი - 9. მსოფლიოში: დადასტურებული შემთხვევა - 3 887 940, გამოჯანმრთელებული - 1 331 249, გარდაცვლილი - 269 002. დოლარის ახალი ფასი - 1 აშშ დოლარი - 3.2032 ლარი.

საქართველოს და მსოფლიოს ამბები / 7 მაისი, 2020

      მაკა სოლოღაშვილი - ბოჭორიშვილის კლინიკაში მყოფი კოვიდინფიცირებული 9 პაციენტი საყურადღებოა, დანარჩენების მდგომარეობა დამაკმაყოფილებელია. მარინა ეზუგბაია - კორონავირუსისგან გამოჯანმრთელებულების რაოდენობა უახლოვდება სტაციონარში მკურნალობაზე მყოფი პაციენტების რაოდენობას, რაც ძალიან კარგია. ლევან რატიანის ინფორმაციით, კლინიკაში შესულია რამდენიმე ორსული და ლუგარის ლაბორატორიიდან მათი ტესტის პასუხს ელოდებიან. გუდაურში მოწყობილი საკარანტინო სივრცეები 67_მა მოქალაქემ დატოვა. თბილისის ხანდაზმულთა პანსიონატში კორონავირუსზე ტესტირება ჩატარდა. კლინიკა „მედალფა“ კორონავირუსისგან გამოჯანმრთელებულმა ორმა პაციენტმა დატოვა. ამირან გამყრელიძე - ხალხში არ უნდა შეიქმნას ილუზია, რომ ვირუსს უკვე მოვერიეთ, კორონავირუსის პრობლემა არ მორჩება ერთ და ორ თვეში, შეიძლება ერთ წელიწადშიც, უნდა მივეჩვიოთ მასთან თანაცხოვრებას. სოციალური დისტანცირება დიდხანს დაგვჭირდება, ეს არ იქნება მხოლოდ ზაფხულში, დამერწმუნეთ, აუცილებლად იქნება შემოდგომაზეც. ყველაზე რთული იქნება, თუ შემოდგომაზე COVID19-ის და გრიპის ვირუსის ზედდება მოხდება, ამიტომ მოწოდებაა, რაც შეიძლება მეტი ადამიანი აიცრას გრიპის ვირუსზე. ანტივაქსერებმა ვერ დაძლიეს საღი აზრი - ვაქცინა მედიცინის აღმოჩენათა სამეულშია.

      მთავრობის მორიგი გადაწყვეტილებები - თბილისში გადაადგილებაზე დაწესებული შეზღუდვა 11 მაისიდან, რუსთავსა და გარდაბანში - 14 მაისიდან, მარნეულში კი - 18 მაისიდან მოიხსნება. საქართველოში 11 მაისიდან ყველა სახის წარმოება და ყველა მაღაზია გაიხსნება, გარდა ტანსაცმლისა და ფეხსაცმლისა. 15 ივნისიდან საქართველოში ადგილობრივი ტურიზმი გაიხსნება, 1-ელი ივლისიდან კი ქვეყანა საერთაშორისო ტურისტებს მიიღებ. გიორგი გახარია - 2020 წლისთვის ტურიზმის სექტორი სრულად გათავისუფლდება ქონების გადასახადისგან. საქართველო უნდა იყოს ერთ-ერთი პირველი და რეგიონში პირველი ქვეყანა, რომელიც ტურიზმს აამუშავებს უახლოეს პერიოდში. მთავრობა მომდევნო 10 დღის განმავლობაში 4 სექტორის მხარდაჭერისა და დახმარების გეგმას წარადგენს. თითოეულ ბიზნესოპერატორს და კომპანიას მოვუწოდებ, გახსნის ის შემდგომი ეტაპი, რომელსაც დღეს გამოვაცხადებთ, ერთმნიშვნელოვნად ნიშნავს მათი მხრიდან კიდევ უფრო მეტ პასუხისმგებლობას. ტურიზმის სექტორში მომუშავე კომპანიებს საშემოსავლო გადასახადი წლის ბოლომდე გადაუვადდებათ. ყველა სასტუმროს, რომლის წლიური ბრუნვაც 20 მილიონ ლარამდე იყო, დავუსუბსიდირებთ საბანკო სესხის პროცენტის 80%-ს სესხის პირველ 5 მილიონ ლარზე. სულ მცირე 60 მლნ ლარია გათვალისწინებული სასტუმროების სესხების სუბსიდირებისთვის და ვვარაუდობთ, რომ ამ დახმარებით 3000 კომპანია ისარგებლებს. სახელმწიფო ტურისტულ კომპანიებს საბანკო გარანტიის პროცენტს 6 თვის განმავლობაში დაუსუბსიდირებს. ტურიზმის იმ მიმართულებებს ასახელებს, რაც პანდემიის დასრულების შემდეგ, მთელი მსოფლიოსთვის უფრო მეტად აქტუალური გახდება. წარმატებულ პოლიტიკას ვახორციელებდით ავიასფეროში და ამ პოლიტიკას გავაგრძელებთ, უბრალოდ ახალ რეალობას მოვარგებთ. მარიამ ქვრივიშვილი - ცალკე გაკეთდება გაიდლაინები სარესტორნო ბიზნესისთვის, ტურისტული კომპანიებისთვის, გიდებისთვის, განთავსების ობიექტებისთვის. თორნიკე რიჟვაძის ინფორმაციით, ტურიზმის მხარდაჭერისთვის აჭარის ბიუჯეტიდანაც იქნება რესურსი გამოყოფილი. ნათია თურნავა - პირველ ეტაპზე ალბათ, რეგიონის ქვეყნების ტურისტების შემოსვლას ველოდებით, თუმცა არ დავკარგავთ არც ერთ შანსს, რომ უახლოეს პერიოდში ევროპელი ტურისტებიც შემოვიყვანოთ. მთავრობა სარესტორნე ბიზნესს ახალი სესხების მოზიდვის დროს, 90%-ს თანაუზრუნველყოფას გაუკეთებს. ჩვენი ქვეყანა უსაფრთხოების ზომების დაცვით მზად არის, მათ შორის, რუსი ტურისტებიც მიიღოს და უმასპინძლოს. მეორე ნაწილია შეფასებები - დავით ბაქრაძე - მთავრობის მიერ დღეს წარმოდგენილ გეგმაში სწორი ელემენტებიც არის, მაგრამ მთლიანობაში, გეგმა ფრაგმენტული და დაგვიანებული ნაბიჯებისგან შემდგარია. დავით სონღულაშვილის შეფასებით, მთავრობა მზად არის, ტურიზმის სექტორს გვერდში დაუდგეს. გიორგი ვაშაძე - ჩვენმა საერთო ძალისხმევამ შედეგი გამოიღო და ხელისუფლება იძულებული გახდა, საკუთარი პირველადი მავნებლური გეგმა შეეცვალა.

      კორონა ცხინვალში - ქეთევან ციხელაშვილი - ხაზგასმით და კიდევ ერთხელ ვადასტურებ ჩვენ მზაობას - დავეხმაროთ ოკუპირებულ ტერიტორიებზე ჩვენს მოსახლეობას, მათ შორის კოვიდინფიცირებულებს. ოკუპირებულ „სამხრეთ ოსეთში“ კორონავირუსით ინფიცირებულთა რაოდენობა 11-მდე გაიზარდა. ოკუპირებულ ცხინვალში სიტუაცია მძიმდება - პანდემია რეგიონში რუსეთიდან შემოდის.

      მილიონები სოფელს - სოფლად ბიზნესის განვითარების დასახმარებლად 9 მილიონი ლარის ღირებულების საგრანტო პროგრამა ამოქმედდება.

      პეტრეს ინტერვიუ - მეუფე პეტრე ეკლესიის მიწებზე რაც ჭყონდიდის ეპარქიაში ვარ, საპატრიარქოს შუამდგომლობით არაფერი გადმომცემია. აუდიტი უნდა შევიდეს საპატრიარქოში, იგივე პატრიარქის ფონდში. პატრიარქის სახით, საქართველოში უნდა დასრულდეს საბჭოთა მემკვიდრეობა.

      ოპოზიციის გეგმები - დავით ბაქრაძე - ჩვენი ამოცანაა, მოსახლეობას ვაჩვენოთ, რომ შესაძლებელია ბევრად მოცულობითი დახმარების პაკეტის მიღება, ვიდრე მთავრობის მიერ შემოთავაზებული ანტიკრიზისული გეგმაა.

      ფეისბუკ მბლოკავი - „თავისუფალი საქართველო“ - მივესალმით Facebook-ის გადაწყვეტილებას, „ქართულ ოცნებასა“ და „ნაცმოძრაობასთან“ დაკავშირებული იმ ანგარიშების გაუქმების შესახებ, რომლებიც სიძულვილსა და შუღლს აღვივებენ.

      გამოცდები - „ევროპული საქართველო“ მთავრობას მიმართავს, ეროვნულ გამოცდებზე საგნების რაოდენობა შეამციროს, საგამოცდო ცენტრები სკოლებში ჩამოაყალიბოს და ოთახებში აბიტურიენტები ინდივიდუალურად განათავსოს.

      რეჟიმის დამრღვევბი - პოლიციამ ბოლო 24 საათში საგანგებო მდგომარეობის რეჟიმის დარღვევის 77 ახალი ფაქტი გამოავლინა.

საზღვარგარეთულები:

      #WorldCovid19: კიევ-პეჩორის ლავრაში კორონავირუსი კიდევ 17 სასულიერო პირს დაუდგინდა. სომხეთში, ბოლო დღე-ღამის მანძილზე, კორონავირუსის 102 ახალი შემთხვევა გამოვლინდა. რუსეთმა კორონავირუსით ინფიცირებულთა შემთხვევებით საფრანგეთსა და გერმანიას გადაასწრო. რუმინეთის საკონსტიტუციო სასამართლომ საგანგებო მდგომარეობის დროს გამოწერილი ჯარიმები არაკონსტიტუციურად ცნო. მოსკოვის მერი - აშკარაა, რომ ქალაქში მეტი ადამიანია ინფიცირებული, ვიდრე გამოვლენილია, მათი რიცხვი შესაძლოა, 300 000 იყოს. კატერინ სმოლვუდი - კორონავირუსმა გადააჭარბა გავრცელების იმ დონეს, რომელსაც ყველანი ველოდით - როცა დრო მოვა, უკან მოვიხედავთ და ვნახავთ, რისი გაკეთება შეგვეძლო უკეთესად. ჯანმო-ს წარმომადგენელი - საქართველოს არ აქვს კორონავირუსით ინფიცირების მაღალი მაჩვენებლები, თუმცა „სოლიდარობის კვლევის“ მთელი აზრი იმაში მდგომარეობს, რომ ყველა ქვეყნას შეუძლია მონაწილეობის მიღება. მსოფლიოში კოვიდ 19-ით ყველაზე მეტად დაზარალებულ სახელმწიფოდ აშშ რჩება.

      ჩივილი - ლიეტუვა, ლატვია და ესტონეთი რუსეთს მეორე მსოფლიო ომთან დაკავშირებით, ისტორიის გაყალბების მცდელობაში ადანაშაულებენ.

      გამოძიების ინფორმაციით, „კოვიდ-19“-თან დაკავშირებულ კვლევებში მონაწილე პროფესორ ბინგ ლუს მკვლელობა მეცნიერულ საქმიანობასთან კავშირში არ არის.

      გაერო ადასტურებს, რომ ლიბიაში რუსი დაქირავებულები იბრძვიან, რომლებიც ხალიფა ჰაფთარს უჭერენ მხარს.

      სააკაშვილ რეფორმატორი - მიხეილ სააკაშვილი უკრაინის რეფორმების აღმასრულებელი კომიტეტის თავმჯდომარედ დაინიშნა. ვლადიმერ ზელენსკი მიხეილ სააკაშვილს თანამდებობაზე დანიშვნას ულოცავს. ზელენსკი სააკაშვილზე - მჯერა, საბჭოს იმპულს მისცემს და ცვლილებების გატარებაში დაეხმარება

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 73

ტეგები: qwellynews, ამბები, ბლოგი, მაისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ჩხუბი ამერიკის ტერიტორიაზე და ელჩობისგან გადადგომა

გამოაქვეყნა Giorgi_მ.
თარიღი: ივლისი 1, 2022.
საათი: 11:00pm 0 კომენტარი

      ეს ორი დღე ისევ აცივდებაო, წვიმებიც იქნება, სეტყვა-ქარბორბალაც, ჭექაც და ქუხილიც. მოკლედ, ზაფხული დაიწყო და ცხელი ივლისიც, „ამერიკაში“ ქართველების ჩხუბით გაიხსნა - გუშინ იჩხუბეს, დღეს განიხილეს. პარლამენტარი და ტელევიზიის დამფუძნებელი პირდაპირ საელჩოში დაეტაკნენ ერთმანეთს - კადრები ჯერ არ გასაჯაროვებულა. ცხადია, მთელი დღე ამ თემას დაეთმო. ასევე საფრანგეთის ელჩის განცხადებას წასვლაზე და ევროპული აგიტაციის დახვედრას რეგიონებში. ლარის ამბავი - 1…

გაგრძელება

ჩრდილოელები ნატოში და ჩვენ კვლავ ჭიშკართან

გამოაქვეყნა Giorgi_მ.
თარიღი: ივნისი 29, 2022.
საათი: 11:00pm 0 კომენტარი

      ნატომ მოსაწვევები დააგზავნა, მაგრამ არც კი უფიქრია ჩვენთვის გამოეგზავნა - შვედეთი და ფინეთი არიან მიწვეულები ჩახო-ში გასაწევრიანებლა. ნატოს სამიტზე ჩვენი პრემიერიც იმყოფებოდა და დღის ამბებში ეგეც აქტუალური იყო. ცხადია ოცნება ხმაურიანად დატოვო და მეორე დღეს მეინსტრიმი არ მიიღო, არ გამოდის - ასე მოხდა სამ დეპუტატსაც. დღეს ასევე აქტუალური იყო უკრაინაში ომი და მესა პეტრეს ტაძარში. ლარის ამბავი - 1 დოლარის ღირებულება - 2.9289 ლარია.…

გაგრძელება

ისტორიები ბენგალის მასწავლებელთან

გამოაქვეყნა Mosely_მ.
თარიღი: ივნისი 29, 2022.
საათი: 12:30pm 0 კომენტარი

C. J. Uzomah went toward Twitter toward chat in excess of the Cincinnati Bengals' Director of Rehabilitation and Efficiency, Nick Cosgray. "My gentleman acquired me again towards my Achilles problems in the direction of include the least difficult period of my occupation Isaiah Prince Jersey. "Uzomah was sidelined for 14 online games previous period with an Achilles harm, and disregarded highest of the year. Yet he arrived back again inside of 2021 towards background vocation highs within…

გაგრძელება

ცინცინატის მოგზაური

გამოაქვეყნა Mosely_მ.
თარიღი: ივნისი 29, 2022.
საათი: 12:00pm 0 კომენტარი

The 2022 NFL offseason is made up of now been the craziest a single in just existing memory, quite possibly at any time. This offseason is made up of been total of the equilibrium of electrical power transforming, trades and currently unheard of monster contracts. Several franchises comprise devoted towards heading all-inside of, and the unforgiving pendulums of standards are within comprehensive swing. There seems to be towards contain been a recognizable transfer within just staff…

გაგრძელება

Qwelly World

free counters