მიხეილ უკრაინის რეფორმატორი და ევროპარლამენტარის კრიტიკა

      ევროპამ მოგვწერა სკანდალური და ხმაურიანი წერილი და ჩვენთან ზოგს უხაროდა, ზოგიც კი სწუხდა. როგორც ჩანს ევროპალრამენტარის მოსაზრება, დღის პრაიმნიუსია. ასევე სააკაშვილის უკრაინული თანამდებობა იყო მთელი დღის განხილვის საგანი. კორონას ამბები და სტატისტიკა უკვე მეორეხარისხოვნად ისმის, არადა ჯერ ყველაფერი წინ არისო, ამბობენ ინფექციონისტები. რიცხვები კი ასეთია - საქართველოში: 623 შემთხვევა, გამოჯანმრთელებული - 288, გარდაცვლილი - 10. მსოფლიოში: დადასტურებული შემთხვევა - 3 985 176, გამოჯანმრთელებული - 1 374 061, გარდაცვლილი - 274 675.

საქართველოს და მსოფლიოს ამბები / 8 მაისი, 2020

      სამედიცინო სამყაროს ამბავნარი - მარინა ეზუგბაია - PCR ტესტის მაქსიმალური მგრძნობელობა არის 85%, ამიტომ აუცილებელია მასთან ერთად პაციენტის კლინიკური მდგომარეობისა და ანამნეზის შეფასება. დაავადებათა კონტროლის ცენტრის წარმომადგენელი - თუ საგარეჯოში მოძიებული კონტაქტების პასუხი უარყოფითი იქნება, ჩაითვლება, რომ მედდის შემთხვევა კახეთს კი არა, გარე წყაროს უკავშირდება. წელს სამედიცინო დაწესებულებების რეაბილიტაციისა და აღჭურვისთვის 17 მილიონ ლარზე მეტი გამოიყოფა. ლევან რატიანი - ეს აურზაური მალე დასრულდება. კორონავირუსით უცხოეთში მყოფი საქართველოს 45 მოქალაქეა ინფიცირებული, გარდაცვლილია 13 ადამიანი. რესპუბლიკური საავადმყოფოს დირექტორის მოადგილე - ჩვენ ვენდობთ იმ პასუხებს, რასაც დაავადებათა კონტროლის ცენტრიდან გვიგზავნიან, რა თქმა უნდა, PCR ტესტი არის ოქროს სტანდარტი. საქართველოში კორონავირუსზე 4 მედიკამენტს გამოცდიან. მაია ბუწაშვილი - ვიდრე პანდემიის პერიოდში ვართ, უმჯობესია, სასწრაფოს ბრიგადები ყველა გამოძახებაზე შესაბამისი ეკიპირებით გადიოდნენ. საყოველთაო ტესტირება, ნებისმიერი ადამიანი რომ გავაჩეროთ და ჩავუტაროთ ტესტირება, ცოტა არარეალისტურია ჩვენს პირობებში და როგორც ვხედავთ, არც აუცილებელია. სიფრთხილითა და სხვადასხვა ზომის დაცვით საზოგადოებრივი ტრანსპორტის აღდგენაზეც უნდა ვიფიქროთ. შეზღუდვების მოხსნა ისე არ უნდა გაიგოს ხალხმა, თითქოს სრული თავისუფლებაა. იმედისმომცემია სტატისტიკა, ეპიდემია ჩვენს ქვეყანაში შეიძლება ჩავთვალოთ გადალახულად და აღარ ველოდოთ ახალი შემთხვევების სწრაფ აღმავლობას.

      ოკუპირებულ ცხინვალში კორონავირუსით ინფიცირებულთა რაოდენობა 15-მდე გაიზარდა. დიმიტრი მედოევი - როგორ დიდხანს ელოდა საქართველო ცხინვალში კორონავირუსის დადასტურებას, ერთ რაზმად შეიკრიბა ყველა, „ნაცი“ და „მეოცნებე“, გაერთიანებული ბოღმაში!

      უცხოეთიდან საქართველოში უკვე 10 ათასზე მეტი მოქალაქე დაბრუნდა. დავით ზალკალიანის განცხადებით, პირველ რიგში, ქვეყანაში განსაკუთრებული საჭიროების მქონე მოქალაქეები ბრუნდებიან. განისაზღვრა ახალი მიმართულებები, რომელთა საშუალებითაც საზღვარგარეთ მყოფი საქართველოს მოქალაქეები სამშობლოში დაბრუნდებიან.

      სტატისტიკის მნიშვნელობა - „ევროპული საქართველო“ - იმის დადგენა, თუ დაახლოებით რამდენმა ადამიანმა გადაიტანა უკვე კორონავირუსი, საშუალებას მოგვცემდა, სწორად დაგვეგეგმა ეპიდემიასთან ბრძოლის სამომავლო სტრატეგია

      ეკონომიკის განვითარების მომავალი - ლადო პაპავა - ვისურვებდი, რომ პირველი ყოფილიყო არა ტურიზმის შესახებ გეგმა, არამედ სოფლის მეურნეობა, შემდეგ ეკონომიკის რეალური სექტორი. ნათია თურნავა - სექტემბერში, საქართველოში მსოფლო ტურიზმის ორგანიზაციის ეგიდით ჩატარდება მინისტერიალი, რომელშიც რამდენიმე ათეული ქვეყნის მინისტრი მიიღებს მონაწილეობას.

      იმ აბიტურიენტებისთვის, რომლებსაც ეროვნულ გამოცდებზე თერმოსკრინინგით ტემპერატურა დაუფიქსირდებათ, შესაძლოა, სპეციალური კაბინები მოეწყოს.

      თბილისის გამწვანება - ლევან დავითაშვილი - 700-ჰექტრიანი ახალი ენდემური სახეობებით განაშენიანებული ტყე, ესთეტიკურად შეცვლის თბილისის იერსახეს და მნიშვნელოვნად იმოქმედებს გარემოზე და სუფთა ჰაერზე. კახა კალაძე - გარწმუნებთ, რომ თბილისი აუცილებლად იქნება სიცოცხლით, სილამაზითა და სიმწვანით სავსე ქალაქი. კახა კუჭავა - რამდენიმე წელიწადში განახლებულ და უნიკალური, ენდემური ჯიშებით გაცოცხლებულ მთაწმინდის ფერდობებს ვიხილავთ.

      კალაძის ინტერვიუები - თბილისის მეტროს რეაბილიტაცია დაანონსებულ ვადებში დასრულდება. STOPCOV ფონდში ჩარიცხული თანხების ხარჯვა ჯერ არ დაწყებულა. ჩვენი მხრიდან არის სრული მზადყოფნა, რომ 120/30-ზე საარჩევნო სისტემასთან დაკავშირებული ცვლილება განხორციელდეს.

      ევროპასთან გარკვევა - სალომე სამადაშვილი ევროპარლამენტარის წერილზე - ეს იმ ზეწოლის დასაწყისია, რაც უახლოეს მომავალში ბიძინა ივანიშვილზე განხორციელდება. კახა კუჭავა - კუბილიუსის წერილი არ მიკვირს, ის ცდილობს ბოლომდე დაიცვას საქართველოში თავისი პოლიტიკური პარტნიორი. სერგი კაპანაძე არჩილ თალაკვაძის მიერ ანდრიუს კუბილიუსისთვის გაგზავნილი წერილის შინაარსს „თეთრზე შავის“ მტკიცებად აფასებს. გია ვოლსკი - კუბილიუსის განცხადება არამხოლოდ უსაფუძვლო, არამედ უსაშველოდ არაკომპეტენტურია. არჩილ თალაკვაძე ანდრიუს კუბილიუსს საპასუხო წერილით მიმართავს - შეშფოთებული ვარ თქვენი წერილის იმ ნაწილით, რომელიც ეხება ცალკეულ სისხლის სამართლის საქმეებს. ჩვენი მხრივ ეს გაგებულია, როგორც თქვენი მოწოდება, რომ პარლამენტი და მმართველი პარტია პოლიტიკურად ჩაერიოს მართლმსაჯულებაში. ეს კი ეწინააღმდეგება კანონის უზენაესობის ძირითად პრინციპებს. პოლიტიკური პარტიები ვერ უბრძანებენ და ვერ მართავენ საქართველოს სასამართლოებს. ვითარების ამგვარი ხედვა მოულოდნელია ევრონესტის საპარლამენტო ასამბლეის თანათავმჯდომარის მხრიდან. დარწმუნებული ბრძანდებოდეთ, რომ ნებისმიერ სისხლის სამართლის საქმეზე გადაწყვეტილება მიიღება მხოლოდ შესაბამისი ინსტიტუტების მიერ. უსუფაშვილი თალაკვაძის წერილზე - ვურჩევ მათ იმ საღ აზრზე დაბრუნდნენ, რომელმაც 8 მარტის შეთანხმება შესაძლებელი გახადა. ანდრიუს კუბილიუსი - ოპოზიციის ლიდერები კვლავაც პატიმრობაში რჩებიან, საჭიროა შეთანხმების დროული შესრულება.

      9 მაისის ზეიმი - აშშ და აღმოსავლეთ ევროპის ქვეყნები - მეორე მსოფლიო ომის დასრულება არ ნიშნავდა მთელი ევროპისთვის თავისუფლების მოპოვებას. თბილისის მერიამ მეორე მსოფლიო ომის ვეტერანებს 600 ლარი, ხოლო მარჩენალდაკარგულ პირებს - 300 ლარი ჩაურიცხა.

      სააკაშვილის უკრაინელობის ქართული გამოხმაურება - საგარეო საქმეთა სამინისტრო მიხეილ სააკაშვილის თანამდებობაზე დანიშვნის გამო, უკრაინაში საქართველოს ელჩს თბილისში იძახებს. ვლადიმერ ზელენსკი - ელჩის კონსულტაციებზე გამოწვევა შეცდომაა საქართველოს მხრიდან - ეს ჩვენი შიდა პოლიტიკაა, სააკაშვილი უკრაინის მოქალაქეა და მას უკრაინის პასპორტი აქვს. ოთარ კახიძე - ზელენსკის გადაწყვეტილების ფონზე კიდევ უფრო სამარცხვინოდ წარმოჩინდა ის სრული ისტერიკა, რომელიც „ქართული ოცნების“ წარმომადგენლებს სჭირდათ. კახა კუჭავა სააკაშვილის დანიშვნაზე - უკრაინაში საქართველოს ელჩთან კონსულტაციების შემდეგ, ჩვენს პოზიციას ჩამოვაყალიბებთ. ნიკა მელია - მიხეილ სააკაშვილის დანიშვნით საფუძველი ჩაეყარა უკრაინის რეფორმირებას განვითარების, წარმატების, სიმდიდრის, კეთილდღეობის გზაზე. ვანო მაჭავარიანი უკრაინიდან ელჩის კონსულტაციებზე გამოძახებაზე - ეს არის ივანიშვილის შიშებზე და მოთხოვნებზე აწყობილი „ქართული ოცნების“ მთავრობის რეაგირება. ნიკა ჩიტიძე - საქართველოს ხელისუფლების განცხადება უადგილოა, ელჩის კონსულტაციებისთვის გამოწვევის გადაწყვეტილება შეცდომა და გარკვეული დიპლომატიური დემარშია. გიორგი კახიანი - იმის მიუხედავად, რომ სააკაშვილი დაინიშნა ერთ-ერთ ადმინისტრაციულ თანამდებობაზე, ესეც მიუღებელია. დავით ზალკალიანსა და მის უკრაინელ კოლეგას შორის სააკაშვილის თანამდებობაზე დანიშვნასთან დაკავშირებით სატელეფონო საუბარი გაიმართა. თორნიკე შარაშენიძე - ელჩის კონსულტაციებისთვის თბილისში გაწვევა სიმბოლური ჟესტია, ამდენი მუქარის და ქვითინის შემდეგ რაღაც უნდა გაეკეთებინათ. სერგი კაპანაძე - საგარეო საქმეთა სამინისტროს გადაწყვეტილება, რომ ელჩი გამოიძახონ კონსულტაციებზე, სრულიად გაუგებარია და დამატებით კითხვებს აჩენს. კახა კალაძე - მოგონილი თანამდებობა, რომელიც სააკაშვილს შესთავაზეს, ესეც გარკვეულ სკეპტიციზმს იწვევს ჩვენს ხელისუფლებაში - ეს კინო უკვე ნანახი გვაქვს. უკრაინელი მინისტრი - მსოფლიოს ვერც ერთი მთავრობა ვერ მიგვითითებს, სად უნდა დავნიშნოთ სააკაშვილი და სად არა - თუ თბილისის მხრიდან მკვეთრი ნაბიჯები გადაიდგმება, რას ვიზამთ, გადავიტანთ. უკრაინის საგარეო უწყება - საქართველოს ელჩი უკრაინიდან კი არ გაიწვიეს, კონსულტაციებისთვის დაიბარეს - ამაში ვერანაირ საფრთხეს ვერ ვხედავთ მეგობრულ სახელმწიფოებს შორის ურთიერთობისთვის. მიხეილ სააკაშვილი - უკრაინასა და საქართველოს შორის ყველაფერი კარგად იქნება, ორი ქვეყნის მეგობრულ ურთიერთობებს ალტერნატივა არ გააჩნია. ხატია დეკანოიძე - საქართველო-უკრაინას ერთი მტერი ჰყავს და თავისუფლებისთვის ერთად იბრძვიან. ზელენსკის ხალხისგან აქვს მანდატი რომ უკრაინაში რეფორმები განახორციელოს.

      საქართველო აშშ-სგან საჩუქრად დამატებით 27 000 ტონა მაღალი ხარისხის ხორბალს მიიღებს.

      ბოლო 24 საათში, საგანგებო მდგომარეობის დარღვევის 80 ფაქტი გამოვლინდა.

საზღვარგარეთულები:

      #WorldCovid19: ანტონიო გუტიერესი - პანდემიამ სიძულვილის, ქსენოფობიისა და დაშინების ცუნამი გამოიწვია - ვირუსს არ აინტერესებს ვინ ვართ, სად ვცხოვრობთ ან რისი გვწამს. აშშ და იტალია რუსეთს კორონავირუსთან ბრძოლაში დახმარებას სთავაზობენ. სომხეთში კორონავირუსით ინფიცირებულთა რაოდენობამ 3000-ს გადააჭარბა. რუსეთში ბოლო 24 საათში კორონავირუსის 10 699 ახალი შემთხვევა გამოვლინდა, 98 ადამიანი დაიღუპა. ავღანეთის ჯანდაცვის მინისტრს კორონავირუსი დაუდგინდა. ჯანდაცვის მსოფლიო ორგანიზაცია - აფრიკის კონტინენტზე კორონავირუსს ერთ წელიწადში შესაძლოა, 190 000-მდე ადამიანი ემსხვერპლოს. იტალიაში კორონავირუსით გარდაცვლილთა რიცხვმა 30 000-ს გადააჭარბა. ევროკომისია წევრ ქვეყნებს ევროკავშირის საზღვრების 15 ივნისამდე ჩაკეტვისკენ მოუწოდებს. დონალდ ტრამპი ვარაუდობს, რომ აშშ-ში „კოვიდ-19“-ით 95 000 ადამიანი დაიღუპება. საფრანგეთში „კოვიდ-19“-ით გარდაცვლილთა რიცხვი 26 230-მდე გაიზარდა. კანადაში უმუშევრობის დონემ რეკორდულ ნიშნულს მიაღწია. თურქეთში კორონავირუსით გარდაცვლილთა რიცხვი 3 689-მდე გაიზარდა.

      თავდასხმები - ლიბიაში თურქეთისა და იტალიის საელჩოების მიმდებარე ტერიტორიაზე თავდასხმა მოხდა.

      უცნაური ამბავი - ინდოეთში მატარებელმა 14 მიგრანტს გადაუარა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 30

ტეგები: qwellynews, ამბები, ბლოგი, მაისი, ნიუსები, სიახლეები

Kakha: მაისი 9, 2020||2:55pm

მედოევს რა დღეში აქვს ნერვები :D მიხედოს თავის თავს იქნება და რუსეთმა ანალგინი მიაწოდოს ))

Kakha: მაისი 9, 2020||8:29pm

შრომას ყოველთვის უფასებდა: ჯერ შევარდნაძეს, მერე ჟვანიას მერე პოროშენკოს და აბა ეხლა ვისი ჯერია? :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

უფასური ლარის გამაჯანსაღებელი, ბაჩალიაშვილის გზა სიკვდილამდე და კორონა ისევ

გამოაქვეყნა Giorgi_მ.
თარიღი: სექტემბერი 18, 2020.
საათი: 11:45pm 0 კომენტარი

      როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია…

გაგრძელება

აიერაის გამოკვლეული მოსახლეობა და საერთო კანდიდატის პრობლემა

გამოაქვეყნა Giorgi_მ.
თარიღი: სექტემბერი 17, 2020.
საათი: 11:00pm 1 კომენტარი

      ეგზიტპოლებამდე ჯერ კიდევ დიდი დროა, მაგრამ წინასწარ კვლევებს უკვე დებენ კარგად დაფინანსებული კომპანიები - ამჯერად აირაიმ დადო კვლევა ვის რა უნდა, ვინ ვის ირჩევს, რა აწუხებს და ა.შ. როგორც ხდება ხოლმე, ამ კვლევის შედეგებიც საპოლიტიკუროდ სალაპარაკო გახდა. ოპოზიცია ჯერ კიდევ ვერ ჩამოყალიბებულა საკუთარ კანდიდატზე პრემიერის თანამდებობაზე, მაგრამ გაერთიანების ილუზია მაინც იქმნება. კორონა 179 ახალი შემთხვევით არ კარგავს აქტუალობას. დოლარი 3.20…

გაგრძელება

ტურიზმი და ეკონომიკა თბილისში, კორონას მწვერვალი და საარჩევნო საქმე

გამოაქვეყნა Giorgi_მ.
თარიღი: სექტემბერი 16, 2020.
საათი: 11:30pm 0 კომენტარი

      კორონა ვირუსის ახალი მწვერვალები დაპყრობას ახერხებს საქართველოში - უკვე 196 შემთხვევაა. ქვეყნის მთავარი ამბავი სწორედ ამ გაზრდილი შემთხვევების მკურნალობის შესაძლებლობის გარკვევას ეძღვნება, ასევე არ ივიწყებენ საარჩევნოდ ხმების დაგროვების მცდელობას და აქტიური კამპანიები მიმდინარეობს. ტურიზმის აღდგენისთვის უკვე საერთაშორისო სხდომები იმართება თბილისში და რჩევა-დარიგება-დაპირებებიც მრავლად ისმის. რთველი კვლავ პრობლემდება და რაგბისტები უკვე ტყვიებს…

გაგრძელება

ქართული კოვიდ ინფიცირებულები და წინასწარი ხმები

გამოაქვეყნა Giorgi_მ.
თარიღი: სექტემბერი 14, 2020.
საათი: 10:00pm 1 კომენტარი

      ახალ წელს გილოცავთ! თუმცა, როცა კოვიდი 165 ახალ ქართულ შემთხვევას ითვლის, ჩვენს ქვეყანაში ყველა ნიუსი მის გარშემო ტრიალებს. და მასთან ერთად ჩვენი ქვეყნის პოლიტიკოსებისთვის ყველაზე მნიშვნელოვანი ამბავიც არ ცხრება - არჩევნები 2020 კარზე გვადგება და დღითიდღე აქტიურდებიან ხმების მსურველები. დოლარი სადღა მიფრინავს - 1 აშშ დოლარის ოფიციალური ღირებულება 3.1308 ლარია.

საქართველოს და მსოფლიოს ამბები / 14 სექტემბერი, 2020…

გაგრძელება

Qwelly World

free counters