პერფორმანსით სავსე დღე იყო, განსაკუთრებული მიხეილ სააკაშვილის სასამართლო პროცესზე, ე.წ. პიჯაკების საქმეზე, სადაც პრეზიდენტყოფილს 9 მილიონს ედავებიან და ბიუჯეტის არამიზნობრივ ხარჯვაზე მსჯავრს ითხოვენ, საპასუხოდ პრეზიდენტმა უკრაინის ჰიმნი იმღერა და მხარდაჭერა გამოხატა. უკრაინა კვლავ მსოფლიო ყურადღების ცენტრშია. ჩვენი მთავარობა კი მინისტრების გადალაგებით არის დაკავებული და ეკონომიკას ახალ მეთაურს უნიშნავს. ლარის ამბავი - დოლარის ღირებულება - 2.9331 ლარია.

საქართველოს და მსოფლიოს ამბები | 9 თებერვალი, 2022

qwellynews, სიახლეები, ნიუსები, ამბები, თებერვალი

      #კოვიდსაქართველო - საქართველოში კორონავირუსით ინფიცირების 25 161 ახალი შემთხვევა დაფიქსირდა, გარდაიცვალა კიდევ 51 პაციენტი. ივანე ჩხაიძე - რამდენიმე ქვეყანაში დაფიქსირდა 2-პიკიანი მრუდი, ამ შემთხვევაში ინფიცირებულთა რიცხვმა შესაძლოა, 30 000-ზე მეტს მიაღწიოს. ვფიქრობთ, უახლოეს პერიოდში 8-დღიან იზოლაციის ვადას შევამცირებთ. ჯანდაცვის მინისტრის მოადგილის განცხადებით, ყველანაირი ეპიდემიური მონაცემით, ახლა ვირუსის გავრცელების პიკის ფაზაში ვართ. თამარ გაბუნია - პირველადი ჯანდაცვის ქსელში მედპერსონალი დისტანციურად აგრძელებს მუშაობას, მიუხედავად იმისა, რომ თავად არის ინფიცირებული - იზოლაციის ვადების შემცირება განიხილება.

      #მიშანიუსი - სასამართლოს დღე - გიული ალასანია - სასამართლო პროცესებზე ჩემი შვილის სანახავად დავდივარ, დანარჩენი არავითარი ილუზია არ მაქვს - ეს ყველაფერი ერთი დიდი უსამართლობაა. ადვოკატი - მიხეილ სააკაშვილის ბრალდების საქმე არის პოლიტიკური დევნისა და შერჩევითი მართლმსაჯულების მკაფიო ნიმუში. გიორგი ბარამიძე - დღეს მორიგი სამარცხვინო ფარსია ივანიშვილის ჯიბის სასამართლოში. მიხეილ სააკაშვილის სასამართლო პროცესზე ხმაური იყო. მიხეილ სააკაშვილი მოსამართლეს - ეს პროცესი არ არის, გინდა დახურე და გინდა მოხურე, სასამართლო არ არსებობს - თქვენი ზღაპრები მოუყევით ბებიათქვენს. გურამ მაჭარაშვილი - პატიმარი სააკაშვილი პროცესებზე არ საუბრობს მის საქმეზე, საუბრობს ასტროლოგიაში თავის ლიდერობაზე, იმაზე, რომ საქართველო და დედამიწა ბრუნავს მის ირგვლივ - ეს საზოგადოებას არ აინტერესებს. თაკო ჩარკვიანს მიხეილ სააკაშვილის სასამართლო პროცესი დაატოვებინეს. თაკო ჩარკვიანი - კორუფციონერი პროკურორი სამშობლოს მოღალატეა, აბა რა არის?! სირცხვილია სამარცხვინო პროკურორს ასამართებინოთ სახელმწიფო ინსტიტუციების აღმშენებელი. მე მიშას მოწინააღმდეგე ვიყავი 9 წელი, მაგრამ ახლა, რუსეთის კორუფციონერების ხელში ჩავარდა ქვეყანა. მიხეილ სააკაშვილმა სასამართლო პროცესზე უკრაინის სახელმწიფო ჰიმნი შეასრულა. ნონა მამულაშვილი - „ქართული ოცნება" ყველაფერს მოიგონებს, რათა პუტინის პირადი მტერი, მიხეილ სააკაშვილი დასაჯოს. პროკურორი - ბრალდებულმა სააკაშვილმა განცხადება უნდა გააკეთოს 9 მილიონის გაფლანგვაზე, 150 000 ლარი რომ სტილისტს გადაუხადა და 600 000 „ბოტოქსებზე“ დახარჯა. გიული ალასანია - საქართველოში მცირე ნაწილმა მიიტაცა მთელი ქვეყანა და სწორედ ეს მცირე ნაწილი ასამართლებს ჩემ შვილს. მიხეილ სააკაშვილის საქმის პროკურორის განცხადებით, ბრალდების მხარე ანზორ ჩუბინიძის დაკითხვას არასდროს ეთანხმებოდა. მოსამართლემ მიხეილ სააკაშვილის ადვოკატების შუამდგომლობა - სახელმწიფო დაცვის სამსახურის უფროსის ანზორ ჩუბინიძის ჩვენება წარმოედგენათ, რომელიც მან მიხეილ სააკაშვილთან დაკავშირებით პროკურატურას მისცა - არ დააკმაყოფილა. მოსამართლის თქმით, თუკი რჩება განცდა, რომ მოწმე სასამართლოში ჩვენების მიცემას თავს არიდებს, ეს საკითხი პროკურატურის შესაფასებელია. მიხეილ სააკაშვილი - დღეს, მაფიის ბოსის პირადი დაცვის წევრმა სასამართლოში ჩვენებაზე უარი თქვა, თუმცა, პროკურატურაში მიცემული აქვს საჩვენო ჩვენება. მიხეილ სააკაშვილის ადვოკატი - ანზორ ჩუბინიძე პროკურატურაში დაიბარეს და უთხრეს: ჭკუაზე მოდი, ჩვენებას თუ მისცემ, საქმე ჩამოგვეშლება, მოვიფიქროთ თითიდან გამოწოვილი მიზეზი. მოსამართლე - სასამართლო პენიტენციური სამსახურის დირექტორს ავალებს, მიიღოს ყველა აუცილებელი ზომა, რომ სააკაშვილის ჯანმრთელობის მდგომარება იყოს დაცული, მას არ დაემუქროს საფრთხე. მიხეილ სააკაშვილი - ივანიშვილს მინდა ვუთხრა: ცუდი ამბავი მაქვს შენთვის, ძალიან არასწორი "სტავკა" გააკეთე ძმაო. პროკურორი სააკაშვილს - რა გადაუდებელი აუცილებლობა იყო გიგი უგულავას გახდომა, რაც ქვეყანას 114 ათასი ლარი დაუჯდა?! სოფო ნიჟარაძის სასტუმროს მომსახურება, რაც სახელმწიფოს 5500 ლარი დაუჯდა?! ამაზე ისაუბრეთ!

      მინისტრის ცვლილებები - ეკონომიკის მინისტრის თანამდებობაზე ნათია თურნავას ლევან დავითაშვილი შეცვლის. მაია ბითაძე - ლევან დავითაშვილი მაღალკვალიფიციური სპეციალისტი და პროფესიონალია - ეკონომიკის სამინისტრომ განვითარების ახალ ეტაპზე უნდა გადაიყვანოს ჩვენი ქვეყანა. რატი იონათამიშვილი - ცვლილებები ბუნებრივი პროცესია და როგორც არ უნდა ეცადონ ჩვენი ოპონენტები აპოკალიფსური სურათი წარმოაჩინონ, სინამდვილეში ცხადია, რომ აპოკალიფსი მათთვის ყოველ არჩევნებზე დგება. გიგა ბოკერია - ეკონომიკის მინისტრის ცვლილებით არაფერს სასიკეთოს არ უნდა ველოდოთ, წლების განმავლობაში თანამდებობაზე მყოფი მინისტრები არიან დღევანდელ გაჩერებულ ეკონომიკაზე პასუხისმგებელი. ანზორ ჩუბინიძემ მიხეილ სააკაშვილის საქმეზე სასამართლოს წინაშე ჩვენების მიცემაზე უარი თქვა. მიხეილ სააკაშვილი - ანდჟეი დუდამ პრემიერთან შეხვედრა ითხოვა, რის მერეც ღარიბაშვილი აორთქლდა, დააავადეთ კოვიდით, ზალკალიანს დაურეკა ინგლისის საგარეო მინისტრმა, დაემართა კოვიდი - ბოლომდე გადასხდნენ რუსეთის ბოსტანში. ნათია თურნავა - მაქვს სურვილი, რომ შევიცვალო სფერო, სხვა ასპარეზზე მოვსინჯო ძალები - რა თქმა უნდა, გუნდის ერთგულ წევრად ვრჩები. გარემოს დაცვისა და სოფლის მეურნეობის ახალი მინისტრი - ჩემთვის დიდი პატივი და პასუხისმგებლობაა, ძალიან ძლიერ გუნდთან ერთად ვემსახურო ქვეყანას. გიორგი ვაშაძე - ქვეყანაში არაფერი შეიცვლება - ვერ ვხედავ, რომ ლევან დავითაშვილი დიდი ეკონომიკური რეფორმებით მოდის ან სოფლის მეურნეობის მიმართულებით მოახდენს გარღვევებს ახალი მინისტრი. პროკურორი - ანზორ ჩუბინიძის მიერ რა ხარჯი იქნა გაწეული და რა ფორმით, ეს არ ცვლის მოცემულობას მიხეილ სააკაშვილის და თეიმურაზ ჯანაშიას ბრალდების საქმეზე.

      კამერება ჯაჭლიანს - პაატა მანჯგალაძე - სოსო ჯაჭვლიანმა განცხადა, რომ საძინებელში სათვალთვალო კამერა იპოვა და ამ დროს მარტო არ იყო, ამიტომ უნდა გამოიკითხონ ლუკა კურტანაძე და ირაკლი სესიაშვილი. იაგო ხვიჩია - სოსო ჯაჭვლიანს კამერებს ჩვეულებრივი ადამიანები არ დაუყენებდნენ - როცა გამოძიების დამწყები კამერებს გიყენებს, რა შინაარსი აქვს გამოძიების დაწყებას? ირაკლი ზარქუა - სიმართლე გითხრათ, სახტად დავრჩი - სოსო ჯაჭვლიანს ვუჩევდი, თუ მტკიცებულებები აქვს, მოწმეებთან ერთად პროკურატურაში მიბრძანდეს.

      ტყულად შეთანხმდნენ - კარლ ჰარცელი - 19 აპრილის შეთანხმება წარმოადგენს გზამკვლევს დემოკრატიის გასაღრმავებლად - ეს არის ერთ-ერთი საიმედო გზა და თუ არჩევანი მასზე არ გაკეთდება, მაშინ ისმის კითხვა, რომელი გზაა? ოთხი არასამთავრობო ორგანიზაციის შეფასებით, შარლ მიშელის დოკუმენტით გათვალისწინებული მართლმსაჯულების რეფორმა სრულად ჩავარდა. გიორგი ვაშაძე - თავიდან „ნაციონალურმა მოძრაობამ“, შემდეგ „ქართულმა ოცნებამ“ დიდი ზიანი მიაყენა 19 აპრილის შეთანხმებას, მაგრამ არის საკითხები, რასაც მივაღწიეთ - საკონსტიტუციო ცვლილებები ბოლომდე უნდა მივიყვანოთ. გიგა ბოკერია - ბარიერის საკითხის ჩაგდების შემთხვევაში ივანიშვილმა და მისმა გარემოცვამ უნდა იცოდნენ, რომ გადაიხდიან პოლიტიკურ ფასს ქვეყნის შიგნით და გარეთ. კარლ ჰარცელი - 19 აპრილის შეთანხმების შეუსრულებელ საკითხებთან დაკავშირებით კითხვები რჩება.

      ოპოზიციის ლიდერობა - გივი მიქანაძე - ნიკა მელიას უკვე აქვს რეალური ხედვა, რომ მისი და მისი მომხრეების ადგილი „ნაციონალურ მოძრაობაში“ არ არის. გიორგი ბარამიძე - ნიკა მელიას პარტიის თავმჯდომარეობიდან გადაყენებას ნამდვილად არავინ აპირებს. გია ხუხაშვილი - ოპოზიციური პარტიების „ნაციონალური მოძრაობის“ ქოლგის ქვეშ გაერთიანებით ავაშენებთ „ტიტანიკს“, რომელიც განწირულია ჩაძირვისთვის. დავით ბერძენიშვილი - პარტიები მივიდნენ მიშასთან - რა მივიღეთ? ამომრჩევლები დარჩნენ პარტიების გარეშე და თუ აქამდე 5 3%-იანი პარტია იყო, ახლა 12 1% -იანი პარტია გვყავს.

      კალაძის ქალაქი - კახა კალაძე - უკანონო მშენებლობებზე მკაცრი რეაგირება იქნება - მშენებლის მიერ სამართლებრივი აქტის ჩაუბარებლობა, აღსრულების პროცესს ვეღარ შეაფერხებს. რეფორმის მესამე ეტაპის ფარგლებში, ტაქსი მგზავრის ასაყვანად გაჩერებას ავტობუსის ზოლში შეძლებს. „აუტიზმის სპექტრის დარღვევის მქონე ბავშვთა აბილიტაციის პროგრამა“ დღეისთვის 1 375 ბავშვსა და მოზარდს ემსახურება. თბილისის მერია ღვიძლის გადანერგვის ოპერაციას კვლავ 70 000 ლარით დააფინანსებს. ამ დროისთვის, 40 000 სამგზავრო აბონემენტია გაყიდული. მთლიანი ფასის და მგზავრობის რაოდენობის შეფარდებით, ტარიფი 32 თეთრი გამოდის.

საზღვარგარეთულები:

      #კოვიდმსოფლიო - ჯანმო - მსოფლიოში, გასულ კვირაში, კორონავირუსს 68 000-მდე ადამიანი ემსხვერპლა, რაც წინა კვირასთან შედარებით 7%-ით მეტია. სომხეთში კორონავირუსის 2 811 ახალი შემთხვევა დადასტურდა და 6 ადამიანი გარდაიცვალა.

      თეთრი სახლი - ბაიდენის მრჩეველმა და იენს სტოლტენბერგმა განიხილეს აშშ-სა და ნატო-ს მზადყოფნა, გააგრძელონ დიალოგი რუსეთთან, რათა იპოვონ დიპლომატიური გზა დეესკალაციისკენ. ჯოზეფ ბორელი - ემანუელ მაკრონის რუსეთში ვიზიტი განმუხტვის ელემენტი იყო, მაგრამ სასწაული არ მოუხდენია. „რუსეთმა ჯარები უნდა გაიყვანოს“ - ბრიტანეთის საგარეო საქმეთა მინისტრი მოსკოვში ჩავიდა. შოლცის თქმით, რუსეთმა გაიგო, რომ მკაცრი სანქციების დაწესებაში დასავლეთი ერთიანია. თეთრმა სახლმა კონფლიქტის შემთხვევაში უკრაინიდან ამერიკელების ევაკუაციის გეგმა დაამტკიცა. უკრაინამ ბრიტანეთისგან სამხედრო აღჭურვილობა, აშშ-სგან კი 80 ტონა ვაზნა მიიღო. იენს სტოლტენბერგის განცხადებით, მხარს უჭერს ნატო-ს სამიტზე საქართველოსა და უკრაინის ლიდერების მიწვევას.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 93

ტეგები: qwellynews, ამბები, ბლოგი, თებერვალი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

აღდგა, ვითარცა ერთადერთი

გამოაქვეყნა Nfkjasfas_მ.
თარიღი: ივლისი 29, 2022.
საათი: 10:00am 0 კომენტარი

The show is likely to follow the plot of the games fairly close, however, it could contain new features that contain flashbacks and characters that were mentioned, but were not featured on the screen. The show isn't set with a exact release date, however it is expected to launch sometime in 2023.

According to reports, the series may still filming, though it's likely to be close to wrapping the photography as of the moment.Twisted Metal will also be getting a small-screen debut and is…

გაგრძელება

Qwelly World

free counters