ოკუპაციით მოტაცებული მღვდელი, თავისუფლების სახლი საქართველოზე, გამოცდები და გენგეგმა

      თებერვლის პირველ რიცხვებში, მზე ნამდვილად არ მოგვკლებია და ნელ-ნელა პოლიტიკურ სიახლეებსიც იგრძნობა სითბო და აქტიურობა. პარლამენტიც თბილისში გადმოვიდა, მმართველი პოლიტიკური გუნდი შეკრებებს აგრძელებს. ოკუპაციაც უკან არ იხევს ხალხს იტაცებს.

საქართველოს და მსოფლიოს ამბები / 5 თებერვალი, 2019/

      დაკავებულ-გათავისუფლებული სასულიერო პირი - სოფელ ნიქოზის განაპირას ცხინვალისა და ნიქოზის ეპარქიის სასულიერო პირი, მამა დავითი დააკავეს. შიდა ქართლის გუბერნატორი - ყველა ბერკეტს ვიყენებთ, რომ მამა დავითი უმოკლეს დროში გათავისუფლდეს უკანონო პატიმრობიდან. სუს-ი - საოკუპაციო ძალების მიერ სასულიერო პირის დაკავების შესახებ ინფორმირებულია ევროკავშირის სადამკვირვებლო მისია და ამოქმედებულია ცხელი ხაზი. აფხაზეთის ამბებიც - ოკუპირებული აფხაზეთიდან გადმოსული მოქალაქეები ამბობენ, რომ ე.წ. საზღვარზე მხოლოდ მათ უშვებენ, ვისაც ბინადრობის უფლება ან ფორმა #9 აქვთ.

      პარლამენტის ცხოვრება - დღეს პარლამენტის საგაზაფხულო სესია გაიხსნა. ირაკლი კობახიძე დეპუტატებს პარლამენტის საქმიანობის ყოველწლიურ ანგარიშს წარუდგენს. პარლამენტი იურიდიულ საკითხთა კომიტეტის ახალ თავმჯდომარეს აირჩევს. დიმიტრი ხუნდაძე - პარლამენტის სრულად ძველ ადგილსამყოფელში ამოქმედება, უფრო ეფექტურს გახდის მის საქმიანობას. პარლამენტი თბილისში მუშაობას შეუდგა. სოფო კილაძემ პლენარულ სხდომაზე სამართლადამცავებს მიმართა, პასუხისგებაში მიეცნენ პირადი ცხოვრების ამსახველი ფირების გავრცელებაზე პასუხისმგებელი პირები. ოთარ კახიძე უმრავლესობას - მეგობრებო, ნუ გექნებათ ილუზია, რომ სულ ხელისუფლებაში იქნებით, გამოფხიზლდით. სერგი კაპანაძე - ვაპირებ, საკანონმდებლო ინიციატივის შეტანას, რომ ზოგადი უნარების ტესტი კანონით სავალდებულო გახდეს. ირმა ინაშვილი - დღევანდელი ხელისუფლება “წინა რეჟიმის დამნაშავეებს“ ხელს აფარებს. რომან გოცირიძე უმრავლესობას - ავლაბრის სასახლე საბანკეტო დარბაზად გინდათ გადააკეთოთ, თუ ფული დაგაკლდათ, შეიძლება საქორწინო დარბაზადაც დაიწყოთ მისი გაქირავება. ირმა ნადირაშვილი - აუდიტის სამსახურს მოვუწოდებ, შევიდეს ჭიდაობის ფედერაციაში და გაარკვიოს რა ხდება იქ. ირაკლი კობახიძის განცხადებით, პარლამენტი თავისი კომპეტენციის ფარგლებში სიღარიბის პრობლემის გადასაჭრელად აქტიურად მუშაობს. ირაკლი კობახიძე - პარლამენტი ზრუნავს მაღაროელების, მშენებლების და სხვა პროფესიების წარმომადგენლებისთვის სამუშაო ადგილებზე შრომის უსაფრთხო პირობების გაუმჯობესებაზე. ირაკლი კობახიძე - წელს არაერთ მნიშვნელოვან საკანონმდებლო რეფორმას განვახორციელებთ, მათ შორის მართლმსაჯულების სისტემის მიმართულებით. ირაკლი კობახიძის შეფასებით, ქართული პარლამენტარიზმის ისტორიაში პირველად, დროებით საგამოძიებო კომისიაში წევრთა უმრავლესობით ოპოზიცია იყო წარმოდგენილი.

      ჩანაწერების საქმე - ფარული ჩანაწერის საქმეზე დაკავებული ერთ-ერთი პირი გლდანის მე-8 საპყრობილეს დღეს დატოვებს.

      რეპერის გარდაცვალება - რეპერი „შავი პრინცი“ გარდაიცვალა.

      პოლიტსხდომა - "ქართული ოცნების" ოფისში პოლიტსაბჭოს სხდომა გაიმართა.

      გენგეგმაში გამარჯვებული - მცხეთის გენგეგმის შემუშავებისთვის გამოცხადებულ კონკურსში გამარჯვებული გამოვლინდა - ამხანაგობა „აქოლისი”, რომელშიც დარგობრივი სპეციალისტებისგან დაკომპლექტებული 8 საპროექტო ჯგუფია გაერთიანებული.

      სწავლა გამოცდების გარეშე - დიმიტრი შაშკინი - საატესტატო გამოცდების გაუქმებით სკოლებში დაბრუნდება კორუფცია, ბავშვებს ატესტატს „ბამბანერკების“, გოჭების და ფულის სანაცვლოდ მისცემენ.

      სასამართლო მაჩალიკაშვილის საქმეზე - სასამართლომ სუს-ის წინააღმდეგ თემირლან მაჩალიკაშვილის მშობლების სარჩელი არ დააკმაყოფილა. სუს-ის წარმომადგენელი - მაჩალიკაშვილების სარჩელთან დაკავშირებით, სასამართლომ კანონიერი გადაწყვეტილება მიიღო. თემირლან მაჩალიკაშვილის მშობლები თბილისის საქალაქო სასამართლოს გადაწყვეტილებას გაასაჩივრებენ. მალხაზ მაჩალიკაშვილი - სასამართლომ სუს-ის დამნაშავედ ცნობა ვერ გაბედა. ნიკა მელია - სახელმწიფომ ლოგინში, მობილურით ხელში დახვრიტა თემირლან მაჩალიკაშვილი, რა შუაშია აქ ეს „ჯანდაბა „ნაცმოძრაობა“ და „სისხლისმსმელი“ ნიკა მელია? მალხაზ მაჩალიკაშვილი მისი შვილის საქმეზე საგამოძიებო კომისიის შექმნის მოთხოვნით პარლამენტში ხელმოწერებს შეიტანს.

      ქვეყანა ხაფანგში - "ფრიდომ ჰაუსის" პროგრამების დირექტორი - მართლა მგონია, რომ საქართველო არის ამ ორი ადამიანის - ივანიშვილის და სააკაშვილის ხაფანგში. მთავრობას, პარტიებს, პოლიტიკურ სისტემას სჭირდება, რომ გადაილახოს მიშასა და ბიძინას დუელი. სუს-ის წარმომადგენელი - მაჩალიკაშვილების სარჩელთან დაკავშირებით, სასამართლომ კანონიერი გადაწყვეტილება მიიღო. Freedom House-ის ანგარიშის მიხედვით, საქართველო კვლავ ნაწილობრივ თავისუფალ ქვეყნებს შორის მოხვდა.

      მამალაძეების პროტესტი - თორნიკე მამალაძე - საპატრიარქოდან ჯერჯერობით არავინ გამოგვხმაურებია - სამწუხაროდ, თავი არავის შეუწუხებია და თბილი ოთახიდან გამოსვლა არავინ ინება.

      სასწრაფო ხშირად - გრიპის ვირუსთან დაკავშირებით, დეკემბერ-იანვარში, „112“-ში სასწრაფო დახმარების გამოძახების 48 748 შეტყობინება დაფიქსირდა.

      ემოციური სპორტსმენები - მიხეილ ყაველაშვილი - სპორტსმენები ცხელი ემოციით გამოირჩევიან, მაგრამ მთავარია პროცესი სამართლებრივ ჩარჩოებს დავუბრუნოთ. ზურა დათუნაშვილი - ჩემი ასპარეზობა ამ ეტაპზე შეუძლებელია, რადგან გეგა გეგეშიძე და მისი გარემოცვა ფედერაციაში ისევ რჩებიან.

      ტყვია სანელებლებში - სურსათის ეროვნული სააგენტოს ინფორმაციით, ნედლი რძის და სუნელ-სანელებლების 23 შემთხვევაში ტყვიის შემცველობა ნორმას აღემატება.

      ბოიკოტი გაზს - ალეკო ელისაშვილი - თუ ერთი თვის ვადაში „ყაზტრანსგაზი“ 1-წლიან სამოქმედო გეგმას არ წარმოადგენს, სამოქალაქო ბოიკოტისა და პროტესტის სერიოზულ ნაბიჯებს მივმართავთ.

საზღვარგარეთულები:

      პოროშენკოს უკრაინა - პეტრო პოროშენკო სასაზღვრო სამსახურს მიმართავს, არ დაუშვას ქვეყანაში ეუთო-ს სადამკვირვებლო მისიის შემადგენლობაში მყოფი რუსეთის მოქალაქეები.

      ვენესუელას პასუხი - ნიკოლას მადურო - ჩვენ არ გვეშინია თქვენი მუქარის, ბატონო დონალდ - სიგიჟეა იმაზე მსჯელობა, რომ ვენესუელაში ჯარს გამოაგზავნით.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 125

ტეგები: qwellynews, ბლოგი, თებერვალი, ნიუსები, სიახლეები

George: თებერვალი 5, 2019||11:38pm

დავიჯერო ოსებს(რუსებს) ასე მოენატრათ ქართული წირვა მღვდელი რომ გაიტაცეს ? ეხლა რა, მგალობლების ჯერია ? 

Kakha: თებერვალი 6, 2019||4:48pm

მგალობელთა გუნდის გატაცება საინტერესო იქნება ))

George: თებერვალი 6, 2019||5:31pm

მგალობელთა გუნდის გატაცება საინტერესოა, მაგრამ არაორიგინალური - ოლიმპიური გუნდი ხომ გაიტაცეს ოდეზღაც !  აი მართლა ტუ ორიგინალიზმი უნდათ - *მესანთლე* უნდა გაიტაცონ !

Kakha: თებერვალი 6, 2019||8:58pm

მესანთლე :D კრემლიდან რო რეკავენ, და დავალებას გასცემენ, 2 მესანთლე და 1 შემომწირველი ხელს გამოაყოლეთო :D 

George: თებერვალი 6, 2019||9:56pm

შემომწირველებს იქ რა უნდათ ? - ყველა ქალქშია წამოსული ( ხომ ნახე - მამაო თვითონ ხნავდა და თესავდა)...უბრალოდ სტიქაროსანი დაგენანა მესანთლეს კომპანიისთვის ( ისე გეთანხმები - სტიქაროსანი ცოდოა,  მესანთლეს ჯობია ეკონომუსი მიაყოლონ)

Kakha: თებერვალი 6, 2019||11:29pm

სტიქაროსანი ისეთი პირია, ის კანდელს არ მოშორდება :D რა დროს უნდა დაამატოს ზეთი წინასწარ ვერ გამოთვლის :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Unless you prefer the core systems of osrs

გამოაქვეყნა Megaomgchen_მ.
თარიღი: სექტემბერი 25, 2020.
საათი: 4:25am 0 კომენტარი

Unless you prefer the core systems of osrs, in the event you need to just switch and OSRS gold you're actually playing…

გაგრძელება

ამბები კორონასა და არჩევნებზე

გამოაქვეყნა Giorgi_მ.
თარიღი: სექტემბერი 24, 2020.
საათი: 10:06pm 0 კომენტარი

      ორი მთავარი თემის გარშემო ტრიალებს მედია და სავარაუდოდ, ყოველგვარი წინასწარმეტყველების ნიჭის გარეშეც ცხადია, რომ მომავალშიც ასე გაგრძელდება. ერთი კორონას გაზრდილი შემთხვევები და მკურნალობის შესაძლო შეუძლებლობა და მეორე მხრივ, წინასაარჩევნო გარემო თავისი სრული სისასვსით, თუმცა შედარებით მცირე არეულობით. კორონავირუსის დადასტურებული 4399 შემთხვევაა, მათ შორის გამოჯანმრთელებული - 1705 და გარდაცვლილი - 26. 1 დოლარის ოფიციალური ფასი დღეს 3.2897…

გაგრძელება

რას უნდა ველოდოთ არჩევნების მერე?!

გამოაქვეყნა Giorgi_მ.
თარიღი: სექტემბერი 23, 2020.
საათი: 11:00pm 0 კომენტარი

      რაც უფრო ახლოვდება არჩევნები, მით უფრო მეტი ამბავი ისმის პარტიებიდან. თან, წელს ბევრს აქვს პარლამენტში მოხვედრისა და შესაბამიასდ, ფულის შოვნის შანსი (ან წინარე შანსები მაინც) და შესაბამიად გააქტიურება არ აკლია. კორონავირუსის დადასტურებული 4140 შემთხვევაა, მათ შორის გამოჯანმრთელებული - 1643 და გარდაცვლილი - 25. 1 დოლარის ოფიციალური ფასია 3.2641 ლარი ლარი, რაზეც ეროვნული ბანკი ამბობს რომ, დიდი ალბათობით, დღეს ლარი წონასწორულზე მეტად…

გაგრძელება

ასეული შემთხვევები კორონას სარბიელზე

გამოაქვეყნა Giorgi_მ.
თარიღი: სექტემბერი 22, 2020.
საათი: 11:00pm 0 კომენტარი

      მართალია არჩევნები სულ უფრო ახლოვდება და პარტიებიც მეტ ფულს ხარჯავენ ამომრჩევლებისთვის თავის მოწონებაში, მაგრამ დღის მთავარი ამბავი ასეულობით ახალი შემთხვევაა კორონა ვირუსის ორბიტაზე. კორონამ, თავისი ახალი გააქტიურებითა და განსაკუთრებული აქტივობით შესავალ ნაწილში გადმოინაცვლა, ამ დროისათვის - კორონავირუსის დადასტურებული 3913 შემთხვევაა, მათ შორის გამოჯანმრთელებული - 1574 და გარდაცვლილი - 23. დოლარის გაფრენაც გრძელდება - 1 დოლარის ოფიციალურად…

გაგრძელება

Qwelly World

free counters