მოსამართლეების განხილვა, სკოლაში ჩხუბი, ჩანაწერების დასჯილობა, განათლება რეგიონში და აქცია საპატრიარქოსთან

      დასავლეთ საქართველოში საკმაოდ ჩამოთბა და ტემპერატურის კიდევ უფრო მომატებასაც კი პროგნოზირებენ - 21 გრადუსამდე. სიცხე მთავარ ამბებშიც შეინიშნება. ჯერ კიდევ გუშინდელი ამბებით დავიწყოთ, ოღონდ ეს ამბები უკრაინას ეხება და საქართველოს პოლიტიკურ ჩართულობას. დღის მთავარ ამბებს შორის იყო მოსამართლეობა, პრემიერის მრავალმხრივი გამოსვლა, ჩანაწერები და განათლების მომავალი. ასევე საპატრიარქოსთან გამართული აქცია. დღის ბოლოს კი სამწუხარო ამბავი - გურანდა გაბუნიას გარდაცვალება 80 წლის ასაკში.

საქართველოს და მსოფლიოს ამბები / 4 თებერვალი, 2019/

      უკრაინის საეკლესიო ამბები კვირას - გიგი უგულავა კიევში უკრაინის ეკლესიის ავტოკეფალიისადმი მიძღვნილ საზეიმო წირვას და უკრაინის ეკლესიის მეთაურის ინტრონიზაციას დაესწრო. კიევში მიტროპოლიტ ეპიფანეს ინტრონიზაცია გაიმართა. საქართველოს ელჩი მიტროპოლიტ ეპიფანეს ინტრონიზაციის ცერემონიას დაესწრო.

      რელიგიური ძალადობა - იეჰოვას მოწმეზე ძალადობით განხორციელებული დევნის ბრალდებით ერთი პირი დააკავეს.

      დედაქალაქის მერიის ამბები - კახა კალაძე - თბილისის მერია და გამგეობები დახმარებას პარტიული ნიშნით არ გასცემენ. საკრებულოს ინფორმაციით, ნუცუბიძეზე მიწის ნაკვეთის მონაცვლეობასთან დაკავშირებით ინფორმაცია არასწორად, ინტერპრეტირებულად გადაიცა.

      მოსამართლეების დანიშვნა - „ადვოკატთა ასოციაციამ“ სასამართლო სისტემის დამოუკიდებლობისა და ხარისხიანი მართლმსაჯულების თაობაზე რეზოლუცია მიიღო. დავით ასათიანი - მივმართავთ პარლამენტს, რომ სამოსამართლო თანამდებობებზე კანდიდატთა უვადოდ დანიშვნაზე მორატორიუმი გამოცხადდეს. კახა კოჟორიძე - "ადვოკატთა ასოციაციას“ რეზოლუციაში მხარი უნდა დაეჭრა მანიფესტისთვის, რომელიც არასამთავრობოებმა და იურისტებმა მართლმსაჯულების გადასარჩენად შეიმუშავეს. ანა დოლიძე - მოსამართლეთა უვადოდ განმწესება რა ფორმითაც შემოიღეს, უდიდესი შეცდომა იყო, რადგან „კლანს“ სრული თავისუფლება მიენიჭა. ანა დოლიძე - მას შემდეგ, რაც დიმიტრი გვრიტიშვილს უზენაეს სასამართლოში გამზადებული ნახტომი ჩაეშალა, მისგან უარესს ველოდები. ნუკრი ქანთარია - მოსამართლეების უვადოდ განმწესებაზე მორატორიუმის გამოცხადებაზე გუნდში მკვეთრი და საწინააღმდეგო პოზიცია არავის აქვს. ირაკლი კობახიძე - საგაზაფხულო სესიის ერთ-ერთი უმთავრესი საკითხი უზენაესი სასამართლოს მოსამართლეების არჩევა იქნება. ირაკლი კობახიძე - ბიძინა ივანიშვილმა მოსამართლეების უვადოდ განმწესებაზე თავისი პოზიცია დააფიქსირა, რომ ამასთან დაკავშირებით მსჯელობა უნდა დაიწყოს. „ევროპული საქართველო“ ინიციატივით გამოდის, მოსამართლეთა ნომინირების საკითხზე დეპუტატთა ჯგუფმა ერთობლივი საკანონმდებლო პაკეტი შეიმუშაოს.

      სპორტული ცხოვრება - ზურა დათუნაშვილი - ვდგები ჩემთვის უმძიმესი არჩევანის წინაშე - ან დავასრულო კარიერა, ან ვიფიქრო სხვა ქვეყნის სახელით ასპარეზობაზე. მიხეილ ბატიაშვილი ჭიდაობის ფედერაციასა და მოჭიდავე ზურაბ დათუნაშვილს შორის კონფლიქტის მოგვარების გზად დიალოგს მიიჩნევს.

      საპენსიო ფონდი და მამუკა ბახტაძის სხვა გამოსვლები - მამუკა ბახტაძე - საპენსიო ფონდის გარეშე ადეკვატური სოციალური დაცვის უზრუნველყოფა წარმოუდგენელია. მამუკა ბახტაძე - ჩვენ გვჭირდება დამატებითი სიმძლავრეები ენერგეტიკაში, თუმცა ეს არ უნდა მოხდეს ჩვენი ულამაზესი ბუნების ხარჯზე. პრემიერმა სვანეთის ისტორიულ-ეთნოგრაფიული მუზეუმის უნიკალური ექსპონატები დაათვალიერა. მამუკა ბახტაძე - 2013 წლამდე დღგ იყო იმ ტიპის გადასახადი, რომელსაც მეწარმისთვის მხოლოდ თავის ტკივილი მოჰქონდა. მამუკა ბახტაძე - ჩვენ სკოლა იმისთვის არ გვინდა, რომ მომავალი თაობა გამოცდებისთვის მოვამზადოთ, არამედ სკოლა გვჭირდება, რათა მომავალ თაობას მივცეთ განათლება. სოფლის მხარდაჭერის პროგრამა არის ძალიან კარგი ფორმატი. დარწმუნებული ვარ, ვენესუელაში ყველაფერი დემოკრატიისა და დემოკრატიული ძალების გამარჯვებით დასრულდება. მამუკა ბახტაძე - უშგულში ტურიზმი სწრაფად ვითარდება, რასაც შესაბამისი ინფრასტრუქტურის მოწესრიგება სჭირდება.

      კარასინის სიზანტე - გრიგორი კარასინი რუსეთ-საქართველოს შორის ტვირთბრუნვის საკითხზე - ნუ ელოდებით სწრაფ გარღვევას ამ საკითხში.

      მოჩხუბარი მოსწავლეები და ბავშვთა უფლებები - 61-ე სკოლის დირექცია - მოსწავლეებს შორის კონფლიქტის მიზეზი ხუმრობა გახდა, ჩხუბის შემდეგ მათ მხოლოდ ნაკაწრები აქვთ. მიხეილ ბატიაშვილი - იმედი მაქვს, მოსწავლეებს შორის ჩხუბი აღარ განმეორდება. ირაკლი კობახიძე - ბავშვთა უფლებების დაცვის მიმართულებით უმთავრესი პრობლემაა ბავშვთა მიმართ ძალადობა, ბავშვთა შორის ძალადობა, ბავშვებში სიღარიბის პრობლემა. ირაკლი კობახიძე - ბავშვთა უფლებების კოდექსი, სახელმწიფოში არსებული რესურსების მაქსიმალური გამოყენებით, ბავშვის უფლებების რეალიზაციაზე იქნება ორიენტირებული.

      ფარულად ჩაწერის ამბები - კრიმინალური პოლიციის დეპარტამენტის დირექტორი ფარულ ჩანაწერებზე - თუ დანაშაულის ჩამდენ პირებს ჰგონიათ, რომ შეუძლებელია მათ კვალზე გასვლა, ცდებიან. დიმიტრი ხუნდაძე ფარულ ჩანაწერებზე - ყველაზე მეტი ზიანი ხელისუფლებამ მიიღო. ირაკლი კობახიძე - პირველ რიგში, სწორედ ჩვენი პოლიტიკური ძალის ინტერესებშია ის, რომ ფარული ჩანაწერების საქმე ბოლომდე გაიხსნას. ირაკლი კობახიძე ფარულ ჩანაწერზე - „აიფონ 5“-ის შესახებ საუბარი მარტივი სპეკულაციაა, ჩანაწერში ტელეფონების გარჩევა შეუძლებელია. დავით მათიკაშვილი - პირველი მიზანი არის, რომ დადგინდეს და დაისაჯოს ფარული ჩანაწერების შემკვეთიც და ჩამდენიც. ეკა ბესელია - სოფო კილაძის განცხადება ვერავითარ კრიტიკას ვერ უძლებს, ეს არის მაგალითი, ადამიანის უფლებათა კომიტეტის თავმჯდომარე როგორ არ უნდა საუბრობდეს. კახა კალაძე - ვიდეო არ მინახავს და არ მაქვს მისი ნახვის არც სურვილი, არც ინტერესი - ყველამ უნდა ვიბრძოლოთ, რომ ასეთი ჩანაწერებით ადამიანების შანტაჟი არ ხდებოდეს. ირაკლი კობახიძე - ფარული ჩანაწერის გავრცელების უკან აშკარად იყო პოლიტიკური ინტერესი, დამკვეთიც სავარაუდოდ, უნდა იყოს პოლიტიკური სტატუსის მქონე.

      განათლება რეგიონებში - მიხეილ ბატიაშვილის განცხადებით, რეგიონებში პროფესიული სასწავლებლების რაოდენობის ზრდა იგეგმება. მიხეილ ბატიაშვილი - კერძო სექტორის ჩართულობით, ზუგდიდში სტუმარ-მასპინძლობის სასწავლებელი გაიხსნება. საპარლამენტო უმცირესობა განათლების მინისტრთან ია კერზაიას საქმეზე და გამოცდების გაუქმების საკითხზე საუბარს გეგმავს. მიხეილ ბატიაშვილი - ჩვენ უნდა გავზარდოთ კადრები, რომლებიც დასაქმდებიან და არა ისინი, რომლებიც ქაღალდის დიპლომს მიიღებენ. მიხეილ ბატიაშვილი - 40 000-მდე ბავშვი გვყავს, რომლებმაც საატესტატო გამოცდები ვერ ჩააბარეს, რომელთაც უნდა ვაჩვენოთ სწორი გზა და დავაბრუნოთ განათლებაში.

      ტურიზმისვის საუკეთესო ათეულში - The telegraph-მა საქართველო 2019 წლის 10 საუკეთესო ტურისტულ მიმართულებას შორის დაასახელა.

      აქცია საპატრიარქოსთან - მიხეილ რამიშვილი - სასულიერო პირებს უფლება არ აქვთ, ადამიანს ზიარებაზე უარი უთხრან - გადახედონ აღთქმას და სჯულის კანონს. მამალაძის ოჯახის წევრებმა და მეგობრებმა საპატრიარქოს წინ აქცია გამართეს და კარვებიც გაშალეს მთხოვნით - აზიარონ მსჯავრდებული დეკანოზი გიორგი (მამალაძე). ოჯახი დეკანოზ გიორგი მამალაძის ზიარებას ითხოვს და აცხადებს, რომ დაკავებულის სულიერი მდგომარეობა მძიმეა.

      სავალდებულო დაზღვევა - საქართველოში რეგისტრირებული ავტოსატრანსპორტო საშუალების მფლობელებისთვის სავალდებულო დაზღვევა შემოდის.

      კონკურსანტი ნათესავები - პრეზიდენტის ადმინისტრაციის ინფორმაციით, სალომე ზურაბიშვილის ნათესავები, რომლებიც ადმინისტრაციაში დასაქმდნენ, თანამდებობის დასაკავებლად კონკურსში მიიღებენ მონაწილეობას.

საზღვარგარეთულები:

      რომი პაპი არაბეთში - რომის პაპი ისტორიაში პირველად, არაბთა გაერთიანებულ საემიროებში გაემგზავრა.

      ვაშინგტონი ვენესუელაში - დონალდ ტრამპი არ გამორიცხავს, რომ ვაშინგტონმა ვენესუელაში სამხედრო ძალის გამოყენების შესაძლებლობა განიხილოს. ვენესუელას საგარეო საქმეთა მინისტრი - ტრამპი სამხედრო ძალის გამოყენებით იმუქრება, რაც იმას ადასტურებს, რომ ის სახელმწიფო გადატრიალების სათავეში დგას. ნიკოლას მადურო - ვენესუელა ან აშშ-ს დროშის კიდევ ერთ ვარსკვლავად იქცევა, ან თავისი დროშის ფრიალს განაგრძობს. საფრანგეთმა ხუან გუაიდო ვენესუელას დროებით პრეზიდენტად აღიარა. ესპანეთმა, შვედეთმა, დანიამ, დიდმა ბრიტანეთმა, პოლონეთმა და ავსტრიამ ხუან გუაიდო ვენესუელას დროებით პრეზიდენტად აღიარა. ნიკოლას მადურო რომის პაპს - ქრისტეს საქმეს ვემსახურები! დაგვეხმარეთ ვენესუელაში დიალოგის განმტკიცებაში!

      უკრაინა ნატოში - პეტრო პოროშენკო - უკრაინა ნატო-ში გაწევრიანების შესახებ გადაწყვეტილებას უახლოეს ხუთ წელიწადში მიიღებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 72

ტეგები: qwellynews, ბლოგი, თებერვალი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონასგან ჩაკეტილი სვანეთი და კანდიდატების ჭიდილი

გამოაქვეყნა Giorgi_მ.
თარიღი: აგვისტო 10, 2020.
საათი: 10:49pm 0 კომენტარი

      წინათ გასაჭირისა და შეჭირვების დროს ხალხი მთაში გარბოდა, ამჯერად ყველაზე მაღალი მთა ჩაიკეტა და იქიდან გამოქცევას ლამობენ. ის ორი კინკილა ტურისტიც კარანტინის ზონებში გადაიყვანეს - სვანეთში კორონას გავრცელებამ მისი ჩაკეტვა გამოიწვია. თბილისში კანდიდატებს ერთმანეთს აჯიბრებენ. ბაჩალიაშვილის საქმე ისევ პირადი ინფორმაციების გამომზეურებას მიყვება.

საქართველოს და მსოფლიოს ამბები / 10 აგვისტო, 2020

      კორონა მაღალ…

გაგრძელება

მელომანი დიასახლისის ალბომები

გამოაქვეყნა Tamila Moshiashvili_მ.
თარიღი: აგვისტო 9, 2020.
საათი: 11:38pm 1 კომენტარი

      კორონას ეპოქის შემოქმედება არ მგონია მსოფლიო კულტურის ისტორიასი ახალ რენესანსად შევიდეს, მაგრამ ეპიდემიების ისტორიაში ყველაზე არტისტულ ხანად ნამდვილად შევა. რამდენიმე კვირის წინ ალბომებზე დისტანციის დაცვა უკვე შევეხეთ - სოციალური დისტანცია ალბომებზე, ახლა კი ერთ საკარანტინე სასტუმროს ფოტოგრაფია უნდა შემოგთავაზოთ. ლონდონის ერთ გარეუბანში არის პატარა სასტუმრო, სიდმარ…

გაგრძელება

ქუჩების გამოცოცხლება - მთელი მსოფლიო ერთი სცენაა

გამოაქვეყნა Tamila Moshiashvili_მ.
თარიღი: აგვისტო 8, 2020.
საათი: 7:46pm 3 კომენტარი

      მთელი დედამიწა სცენაა - ასეთი სლოგანი გაეშურა ანა ულმანი (Anna Ulman) ესპანეთის ქუჩებში და მარბელას სანაპიროებზე მოცეკვვავეების გადასაღებად. ცხადია, მოცეკვავეებიც თან გაიყოლა, მაგრამ სანახაობა შთამბეჭდავი გამოვიდა. ცეკვა როგორც სულის გამოძახილი, ანდა სულის მოძრაობა, ერთ-ერთი ყველაზე უფრო სახასიათო და გამომსახველობითი ხელოვნებაა, სწორედ ამიტომ ცეკვამ ქალაქები გამოაცოცხლა. ანას ობიექტივი ძირითადად ბალერინებსა და ბალერონებს დაეთმო,…

გაგრძელება

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:00pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

Qwelly World

free counters