საპატრიარქოს გადაწყვეტილებები, კონსტიტუციის კომისარი, ჟურნალისტი და რუსეთი

      ძლიერმა სიცხემ ნაყოფი გამოიღო და უკვე აქტიურად განიხილება საკურორტო მოგზაურობები. ამასთან დაკავშირებით, საქართველოს რკინიგზას ინტერნეტ სივრცეში გაუვრცელეს ნიუსი - ბათუმამდე მგზავრობა 60 ლარი გახდებაო.

საქართველოს და მსოფლიოს ამბები /28 ივნისი, 2017/

      დღის სხვა ამბებს რაც შეეხება, ტრადიციისამებრ დავიწყოთ ვრცელი ბლოკებით და ყველაზე ვრცელი თემა ისევ საპატრიარქოდან არის. გუშინ ცნობილი გახდა რომ მამა გიორგი მამალაძეს შეუჩერეს სამღვდლო ხარისხი. დღეს ლაზეთის ეპარქიის განცხადება გავრცელდა - ბათუმისა და ლაზეთის ეპარქია - ეპისკოპოსმა იაკობმა დეკანოზ გიორგი მამალაძეს ზიარებაზე ეპიტემია თვითნებურად დაადო. განცხადების თანახმად, ეპარქიის ხელმძღვანელობა დარწმუნებული იყო, რომ ბოდბელ ეპისკოპოს იაკობის მიერ ეპიტემიის (სასჯელის) დადება პატრიარქთან შეთანხმებული იყო და მისი ლოცვა-კურთხევით მოხდა, თუმცა ეს არ აღმოჩნდა სიმართლე და ეპისკოპოსმა იაკობმა თვითნებურად მიღო ეს გადაწყვეტილება, რისი უფლებაც მას არ ჰქონდა. თორნიკე მამალაძე - პასუხი უნდა აგოს, როგორც მეუფე იაკობმა, ისე მიქაელ ბოტკოველმა, რადგან არასწორ ინფორმაციას ავრცელებდნენ. მიხეილ რამიშვილი - როგორც ჩანს, საპატრიარქოში მართლა არის ადამიანთა გარკვეული წრე, რომელიც საეკლესიო სამართლის დარღვევით ახორციელებს ყველა მოქმედებას. ადვოკატი - მამა გიორგი მიუთითებს საეკლესიო სამართლის მუხლებზე, რომლებიც საკუთარი ქმედებით მეუფე იაკობმა დაარღვია. ადვოკატი - სასულიერო პირებთან შეხვედრაზე საუბარი იყო ბევრ ისეთ საკითხზე, რომელზეც საპატრიარქოს მხრიდან ინტერესი უნდა მომდინარეობდეს. პროკურორი არ ადასტურებს ინფორმაციას, რომ ხვალინდელ პროცესზე შესაძლოა შორენა თეთრუაშვილი დაიკითხოს. დეკანოზი გიორგი მამალაძე საპატრიარქოსა და ბათუმისა და ლაზეთის ეპარქიისგან განმარტებებს ითხოვს. მოწმემ დაისვენა და გამობრუნდა უკან - ე.წ. ციანიდის საქმის მთავარი მოწმე ირაკლი მამალაძე საქართველოში დაბრუნდა და პარლამენტში საგამოძიებო კომისიის შექმნის შემთხვევაში ჩვენების მისაცემადაც უკვე მზად არის. უკვე საღამო ხანს, საპატრიარქო ოფიციალურ განცხადებებს აკეთებდა - საქართველოს საპატრიარქო - საეკლესიო კანონიკის თანახმად, დეკანოზ გიორგი მამალაძის ზიარებაზე გადაწყვეტილება უნდა მიეღო იმ ეპარქიის მმართველ მღვდელმთავარს, სადაც იგი მღვდელმსახურებას აღასრულებდა. გთავაზობთ საპატრიარქოს სრულ განცხადებას, რომელით მათ ვებ-გვერდზე გამოქვეყნდა:

საეკლესიო კანონიკის თანახმად, დეკანოზ გიორგი მამალაძის ზიარებასთან დაკავშირებით გადაწყვეტილება უნდა მიეღო იმ ეპარქიის მმართველ მღვდელმთავარს, სადაც იგი მღვდელმსახურებას აღასრულებდა და ვისაც იგი კანონიკურად ექვემდებარებოდა.

როგორც ცნობილია, დეკანოზი გიორგი სამსახურებრივად დაკავშირებული იყო მცხეთა-თბილისის ეპარქიასთანაც; თუმცა, ვიმეორებთ, იგი რჩებოდა ბათუმისა და ლაზეთის იურისდიქციაში.

ვინაიდან, ამ დრომდე ზიარებასთან მიმართებაში არ იყო ცნობილი მიტროპოლიტ დიმიტრის (შიოლაშვილი) პოზიცია, ხოლო ბოლო თვეების განმავლობაში გაცხადდა, რომ დეკანოზ გიორგი მამალაძისაგან ხდებოდა საეკლესიო იერარქიისა და სხვა პირების მიმართ ცილისმწამებლური წერილებისა და განცხადებების გაკეთება (რაც “ციანიდის საქმეს” უშუალოდ არ ეხება), ქორეპისკოპოსმა იაკობმა (იაკობიშვილი), კათოლიკოს-პატრიარქისთვის საკითხის გაცნობის შემდეგ, ციხეში დეკანოზთან შესულ სასულიერო პირებს მისცა ლოცვა-კურთხევა, ბათუმისა და ლაზეთის მიტროპოლიტის მხრიდან გადაწყევტილების მიღებამდე, თავი შეეკავებინათ მისი ზიარებისგან.

ამა წლის 27 ივნისს ცნობილი გახდა, რომ დეკანოზ გიორგი მამალაძისათვის დროებით ზიარების შეჩერება (დაცადება) მიტროპოლიტმა დიმიტრიმ სამართლებრივად გაამყარა.

დიდად ვწუხვართ, რომ უკვე ოთხ თვეზე მეტია საეკლესიო თემებით ხდება სპეკულირება, რაც მიზანმიმართული ქმედების შთაბეჭდილებას ტოვებს.

შევთხოვთ ღმერთს, მოგვანიჭოს მშვიდობა.

      მერობისთვის ბრძოლისწინა და ბრძოლაგამართული განცხადებები - ნიკა მელია - თითოეული ჩვენგანის ვალია, რაც შეიძლება მეტი თბილისელი გამოვიყვანოთ არჩევნებზე, ასეთ შემთხვევაში კრიმინალური კლანის წარმომადგენელს გამარჯვება არ უწერია. ”დემოკრატიული მოძრაობა” - თბილისის მერობის კანდიდატად ორი კანდიდატურა განიხილება.

      ვენეციის კომისია ხომ ნამდვილ კომისარად იქცა - ანა დოლიძე - ჯანი ბუკიკიოსთან ყურადღება გამახვილდება ვენეციის კომისიის რეკომენდაციებთან მიმართებაში ჩვენი ხელისუფლების დამოკიდებულებაზე. ზურაბ ჭიაბერაშვილი - ჯანი ბუკიკიოს საკონსტიტუციო ცვლილებებთან დაკავშირებით ობიექტურ სურათს მივაწვდით. თინა ბოკუჩავა - ვენეციის კომისიასთან ვისაუბრებთ იმაზე, თუ როგორ შეცვალა ერთ ღამეში „ქართულმა ოცნებამ“ საკონსტიტუციო ცვლილებები. არჩილ თალაკვაძე - საკონსტიტუციო რეფორმის შესახებ ორი სიმართლე არ არსებობს. იანოშ ჰერმანი - ევროკავშირი განაგრძობს საკონსტიტუციო რეფორმის პროცესზე დაკვირვებას. გიორგი ახვლედიანი - ვენეციის კომისიას მივაწვდით ინფორმაციას, თუ როგორ უტიფრად მოატყუეს. აკაკი ზოიძე - საკონსტიტუციო ცვლილებები ღირსეულად გაუძლებს ათწლეულებისა და თაობების გამოცდას. ზურაბ ტყემალაძე - ვერ ვიზიარებ პოზიციას, რომ საკონსტიტუციო ცვლილებებზე ერთპარტიული გადაწყვეტილება იყო მიღებული. მარიამ ჯაში - დღემდე ქვეყანას სამართლებრივად ასეთი გამართული და ეროვნულ ღირებულებებზე დაფუძნებული კონსტიტუცია არ ჰქონია. ჯანი ბუკიკიო - პროპორციული სისტემის შემოღების 2024 წლამდე გადავადებით დამწუხრებული და იმედგაცრუებული ვარ. მამუკა მდინარაძე - იმედგაცრუების ხარისხი გაცილებით დიდი იქნებოდა, ჩვენ რომ ვერ მოგვეხერხებინა შევთანხმებულიყავით, რომ ქვეყანა საბოლოოდ პროპორციულ საარჩევნო სისტემაზე გადადის. ანა დოლიძე - ვენეციის კომისიამ თავის შუალედურ დასკვნაშიც არაერთხელ აღნიშნა, რომ კონსტიტუცია უნდა ეყრდნობოდეს კონსენსუსს, საერთო-საზოგადოებრივ შეთანხმებას. გედევან ფოფხაძე - ვენეციის კომისია არავის უდგენს, როგორი საარჩევნო და პოლიტიკური სისტემა უნდა გვქონდეს. ჯანი ბუკიკიო - ბოლო გადაწყვეტილებების შემდეგ ყველაფერი ჰაერშია. 

      მესამე ვრცელი თემა, ისევ მუხთარლია - სერგი კაპანაძე - პარლამენტი აფგან მუხთარლის გამოძიების პროცესში უნდა ჩაერთოს, რადგან სამართალდამცავ ორგანოებს ნდობა არ გააჩნიათ. სოფო კილაძე აფგან მუხთარლის საქმეზე - დაზარალებულის ინტერესი არ უნდა დაირღვეს, მაგრამ არც სახელმწიფო ურთიერთობები უნდა შეილახოს. გრიგოლ ლილუაშვილი - არ გამოვრიცხავ, მხარი დავუჭიროთ ოპოზიციის მოთხოვნას, შეიქმნას დროებითი საგამოძიებო კომისია აფგან მუხთარლის საქმეზე. უჩა ნანუაშვილი - აშშ-ში ყველა შეხვედრაზე, ყველა ოთახში, ყველა დერეფანში აფგან მუხთარლის საქმესთან დაკავშირებით დაისვა კითხვები. არჩილ თალაკვაძე მუხთარლის საქმეზე - გამოძიებამ გააკეთა განცხადება, რომ საზოგადოებას გააცნობს შუალედურ შედეგებს, ამიტომ ჩვენ ველოდებით მას. მამუკა მდინარაძე - მე მივემხრობოდი იმას, რომ აფგან მუხთარლის საქმეზე პარლამენტში საგამოძიებო კომისია შეიქმნას. გოგა ხაინდრავა - მუხთარლი არავის აინტერესებს, გააქტიურებული ფიგურაა ქალბატონი ლეილა, რომელიც უხეშად ერევა ქართულ პოლიტიკაში.

      ეს რუსეთი ხომ ვერ მოვიშორეთ თუ როგორ ამბობენ ხოლმე? - რომან გოცირიძე „როსნეფტის“ საკითხზე - უკვე მერამდენედ ვხედავთ რუსეთის მხრიდან საქართველოს აბუჩად აგდების ფაქტს. „ევროპულმა საქართველომ“ უმრავლესობას რუსეთის ქმედებებთან დაკავშირებით რეზოლუციების მიღების წინადადებით მიმართა.

      გამოჩნდა მერიის ამბებით ცნობილი სევდია უგრეხელიძე - ანტიდემოკრატიული ცვლილებებით ხელისუფლება მუნიციპალიტეტებზე კონტროლის გაიოლებას ცდილობს.

      ქვეყანა იცლება, გაედინება - თამარ ხულორდავა - ევროკავშირის მიმართულებით ნაკადი ორნახევარზე მეტჯერ არის გაზრდილი, რაც ძალიან სასიხარულოა.

      ელიავას გვართმევენ ან გვიკეთებენ ხალხო - გიორგი ალიბეგაშვილი - ”ელიავას ბაზრობის” მიმდებარე ტერიტორიაზე რეკრეაციული ზონის განვითარების პროექტი არსებობს.

      გავგრილდებით მგზავრებიც - „თბილისის მიკროავტობუსი“ მძღოლებს 1-ელი ივლისიდან კონდიციონერის ჩართვას ავალდებულებს.

      სახალხო დამცველის ბლოკი სულ უფრო ხშირად ხვდება ქველინიუსში - სახალხო დამცველი ყოფილი მოსამართლეებისათვის განსხვავებული ოდენობის კომპენსაციის დანიშვნას არაკონსტიტუციურად მიიჩნევს.

      დაწყნარდება ქვეყანა, დამშვიდდება, მიჩუმათდება, მიყუჩდება, რადგან პარლამენტმა ხმაურის დასაშვები ნორმების გადამეტებასთან დაკავშირებით კანონპროექტი დაამტკიცა. 

      ჩვენს დიდ მოკავშირესთან ახლობლობის გარდა დანაშაულიც გვაკავშირებს - აშშ-ში დაკავებული ქართველი მოკრივის, ავთანდილ ხურციძის მშობლებს იმედი აქვთ, რომ მათ შვილს სასამართლო ერთ კვირაში გაათავისუფლებს.

      სავალალო ნიუსი - „ფეისბუქის“ მომხმარებელთა რაოდენობამ 2 მილიარდს მიაღწია.

      ქვეყნის სიხარული, ისევ სპორტი თუ აღმოჩნდება ხოლმე და ამ სპორტშიც, ცხადია ფეხბურთი არა - ჭიდაობა - ევროპის ახალგაზრდულ ჩემპიონატზე ქართველმა მოჭიდავეებმა ოქროს, ვერცხლის და ბრინჯაოს მედლები მოიპოვეს.

      და სპორტის ნაირსახეობათა შორის - სექტემბერში საქართველოს და იტალიის პარლამენტების გუნდებს შორის საფეხბურთო მატჩი გაიმართება.

საზღვარგარეთულები:

      ვენესუელა ვერ წყანრდება - ვენესუელას უზენაესი სასამართლოს შენობაზე ვერტმფრენიდან შეტევა მიიტანეს. ვენესუელას კომუნიკაციების მინისტრი - ვერტმფრენი, რომელმაც შსს-სა და უზენაესი სასამართლოს შენობებზე თავდასხმა განახორციელა, პოლიციელმა მოიპარა.

      სახელმწიფო დეპარტამენტი აშშ-ის მოქალაქეებს მოუწოდებს, თავი შეიკავონ დონბასის ტერიტორიაზე და ყირიმში გამგზავრებისგან.

      ესპანეთის, დიდი ბრიტანეთისა და გერმანიის სამართალდამცავებმა „ისლამურ სახელმწიფოსთან“ კავშირის ბრალდებით ექვსი პირი დააკავეს.

      ეგვიპტის საგარეო უწყება - გაერო-ს უშიშროების საბჭომ უნდა დააფიქსიროს დოკუმენტებში ყატარის ქმედებები, რომელიც ლიბიაში მოქმედ ტერორისტულ დაჯგუფებებს უჭერს მხარს.

      ევროკავშირმა რუსეთისთვის დაწესებული სანქციები 31 იანვრამდე გაახანგრძლივა.

      რუსეთი ვაშინგტონს აფრთხილებს, სირიაში "უპასუხისმგებლო ქმედებებისგან" თავი შეიკავოს.

      ლონდონის პოლიციის განცხადებით, „გრენფელ თაუერში“ ხანძრის შედეგად დაღუპულთა რიცხვი კიდევ რამდენიმე თვის განმავლობაში არ იქნება ცნობილი. 

      ერაყის საჰაერო ძალებმა ქალაქ მოსულის დასავლეთით „ისლამური სახელმწიფოს“ ობიექტები გაანადგურეს.

      გერმანიის ბუნდესტაგი - აღმოსავლეთ პარტნიორობის პროგრამის ფარგლებში რეფორმების გატარების კუთხით საქართველო გამორჩეული ლიდერია

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 173

ტეგები: qwellynews, ბლოგი, ივნისი, ნიუსები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

წინწაგდებული საქმე ხიდის მშენებლობაზე

გამოაქვეყნა ლაშა_მ.
თარიღი: დეკემბერი 4, 2022.
საათი: 12:32am 0 კომენტარი

      მართალია, ჩემს უბნელებსაც კი ღიმილისმომგვრელად ეჩვენათ ჩემი იდეა, საბჭოთა „აზნევთის“, ევროპული, კლასიკური, არაორიგინალური სახელწოდებით „ხიდისუბანით“ ჩანაცვლებაზე, მაგრამ ეგ არაფერი - ფაქტი ერთია - აქამდე ორი ხიდი გვქონდა უბნის გადმოსახედზე, ახლა უკვე სამი გვაქვს.

      მცხეთის მუნიციპალიტეტის ვებ გვერდზე, 2019 წლის, 22 მარტით დათარიღებულ სტატიაში ვკითხულობთ „საქართველოს რეგიონული განვითარებისა და ინფრატსრუქტურის სამინისტროს,…

გაგრძელება

ვრცელი დღე ყოფილი პრეზიდენტის გარშემო

გამოაქვეყნა Giorgi_მ.
თარიღი: დეკემბერი 2, 2022.
საათი: 11:39pm 0 კომენტარი

      როგორც ჩანს დეკემბერი ცივი იქნება - ხვალიდან თოვლს ველოდებით. მთავარი ამბებიც ნელ-ნელა ერთფეროვნდება. ბოლო დღეები მთლიანად მიხეილ სააკაშვილის გარშემო ვითარდება. დღევანდელი მეინსტრიმიც ასეთი იყო - მიშა პატიმარი, მიშა ავადმყოფი, მიშა მოწამლული და ა.შ. ცხადია, ხმაურიანი უნდა ყოფილიყო რუსეთის აფხაზური „მივლინებების“, ასევე შიდა პოლიტიკური ნიუსები და ა.შ. დღეს 1 აშშ დოლარის ოფიციალური ღირებულება 2.7056 ლარია.…

გაგრძელება

On the difficulty of RuneScape stories

გამოაქვეყნა Nfkjasfas_მ.
თარიღი: დეკემბერი 2, 2022.
საათი: 10:00am 0 კომენტარი

On the difficulty of RuneScape stories, do not by any ignore the questlines OSRS GP. Here I've skilled gothic horror Epic myth, epic fantasy and one person's desire to bake a cake. I will never forget the time I spent inside the Temple of Light, although I occasionally wish I may want to. And then there's Old School RuneScape via which I can go back in time back to the game I fell in love with.

I've taken breaks, frequently during my time absorbed in the latest game that is, RuneScape…

გაგრძელება

მაღალი დონის შეხვედრები, პრეზიდენტის სამსჯავრო ჯანმრთელობა და მინისტრი პარლამენტში

გამოაქვეყნა Giorgi_მ.
თარიღი: დეკემბერი 1, 2022.
საათი: 11:30pm 0 კომენტარი

      დეკემბრის დადგომას ჯერ თოვლი არ მოყოლია, მეტიც, ბათუმში ცოტაც და საბანაოდ შევიდოდნენ ზღვაში. პოლიტიკურ ამბებში ის სიახლეებია, რომ ჩვენი პრემიერი და პარლამენტის უფროსი, საერთაშორისო შეხვედრებს მართავენ, სააკაშვილის ჯამრთელობის ამბავი დღის მეინსტრიმია, ასევე განათლების მინისტრის საათი პარლამენტში და ეკონომიკის მინისტრის სიახლეები. ჯანდაცვა და ომიც არ გვავიწყდება. დღეს 1 აშშ დოლარის ოფიციალური ღირებულება 2.7112 ლარია.…

გაგრძელება

Qwelly World

free counters