ჩამოცხა. ისე კარგად დათბა, რომ სიხალათე ადვილად შესამჩნევი გახდა ქალაქში. დღის მეინსტრიმული ამბები ასე გამოიყურებოდა - ნაციონალების შესვლა ან არ შესვლის საკითხი და ჯერ შიდა გაურკვევლობაც კი, ასევე საარჩევნო კოდექსის ცვლილებები, რომელსაც ხელმოწერილი დოკუმენტი გვავალდებულებს, ცესკოს თავმჯდომარეობა და ინტერნეტიზაციის პროექტი. ჩვენს ქვეყანაში, 1 აშშ დოლარი - 3.4186 ლარია.

საქართველოს და მსოფლიოს ამბები | 14 მაისი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 1 390 ახალი შემთხვევა გამოვლინდა, ქვეყანაში ბოლო 24 საათში 38 468 ტესტი ჩატარდა. 18 ადამიანი გარდაიცვალა. ლიეტუვამ საქართველოსთვის ვაქცინების 15 000 დოზა დაამტკიცა. თამარ გაბუნიას განცხადებით, ბიზნეს სექტორის წარმომადგენლების ვაქცინაციის პროცესის გააქტიურება იგეგმება. „კომენდანტის საათის“ გადაწევაზე აქტიური მსჯელობა მიმდინარეობს. წინასწარი ინფორმაციით, ლიეტუვა საქართველოს „ასტრაზენეკას“ 15 ათას ვაქცინას გადასცემს. მედეა ჯანიაშვილი - ვაქცინაციის პროცესში საქართველო იმ ერთეულ ქვეყნებს შორის არის, სადაც ტურიზმი პრიორიტეტულ დარგად დასახელდა.

      ნაციონალები პარლამენტში - ირაკლი კობახიძე - გავიგეთ, რომ 15 მაისის აქცია გადაიდო, რითაც ოფიციალურად, საბოლოოდ გაფორმდა ოპოზიციის მარცხი. ქართული დემოკრატიისთვის უკეთესიც იქნება, თუ „ნაციონალური მოძრაობა“ პარლამენტში არ იქნება წარმოდგენილი. იაგო ხვიჩია „ნაცმოძრაობაზე“ - სასწრაფოდ შემოვიდნენ, გვაკლია, გვენატრება - 35 ოპოზიციონერზე უარის თქმის ფუფუნება პარლამენტში არ გვაქვს. პეტრე ცისკარიშვილი - ბოიკოტს აზრი აღარ აქვს - „ნაციონალურმა მოძრაობამ“ საპარლამენტო საქმიანობაში მონაწილეობა უნდა მიიღოს. ლევან ხაბეიშვილი - "ნაციონალურ მოძრაობას" გადაწყვეტილების მიღება მოუწევს ცუდსა და უარესს შორის. გიორგი ბარამიძე - კობახიძე, როგორც ხელისუფლების წარმომადგენელი ნორმალურად უყურებს იმას, რომ მთავარი ოპოზიციური პარტია პარლამენტში არ უნდა იყოს - ეს პოლიტიკური ტვინმოგრეხილობაა. ნიკა მელიას განცხადებით, პარლამენტში შესვლასთან დაკავშირებით გადაწყვეტილებას მას შემდეგ გამოაცხადებს, რაც რეგიონებში ჩავა და საზოგადოების ფართო სპექტრთან ექნება კომუნიკაცია. ირაკლი კობახიძეს შეიძლება გაუმართლოს და განცხადება, რომელიც „ნაციონალურ მოძრაობასთან“ დაკავშირებით გააკეთა, დაკმაყოფილდეს - დაგველოდოს ბატონი ირაკლი! ხატია დეკანოიძე - კობახიძეს ვპირდები, ჩვენ მივიღებთ ისეთ გადაწყვეტილებას, რომელიც მას არ უნდა, რომ მივიღოთ. ზაალ უდუმაშვილი - ჩვენ თუ პარლამენტში შევედით, ეს იმას არ ნიშნავს, რომ უარს ვამბობთ საერთოდ ქუჩის აქციებზე - ერთდროულად ვიქნებით როგორც საპარლამენტო, ასევე ქუჩის ოპოზიცია.

      ინტერნეტიზაცია - ნათია თურნავა - ჩვენი მიზანია შევქმნათ ციფრული განვითარებისა და მაღალი ხარისხის ინტერნეტზე წვდომის ერთნაირი შესაძლებლობები მთელი ქვეყნის მასშტაბით. 2025 წლამდე ოპტიკური ინტერნეტის ქსელით დაიფარება საქართველოს 1000-მდე დასახლებული პუნქტი. მნიშვნელოვანია, საქართველოს ყველა რეგიონში, ყველა სოფელში თუ ქალაქში მცხოვრებ ადამიანს ჰქონდეს წვდომა ინტერნეტის სერვისებზე. საყოველთაო ინტერნეტიზაციის სახელმწიფო პროგრამის შემდეგი პროექტი ქობულეთის მუნიციპალიტეტში განხორციელდება.

      საარჩევნო კოდექსის რეფორმა და ცესკოს ხელმძღვანელობა - ირაკლი კობახიძის განცხადებით, საარჩევნო კოდექსის მხოლოდ ის რეგულაციები განიხილება, რომელიც მიშელის შეთანხმებიდან გამომდინარეობს. იაგო ხვიჩია - “საარჩევნო კოდექსში“ ტექნიკურად რა ეწერება, ნაკლებად მნიშვნელოვანია, მთავარი, რაც „საარჩევნო კოდექსს“ სჭირდება, არის კონსენსუსი. საარჩევნო რეფორმის საკითხზე, პარლამენტში უმრავლესობისა და საპარლამენტო ოპოზიციის შეხვედრა მიმდინარეობდა. ლევან იოსელიანი საარჩევნო რეფორმაზე - ვერ ვიხსენებ საკითხს, რომელიც პრინციპულად შეუთანხმებელია. „სტრატეგია აღმაშენებლის” პოლიტსაბჭოს წევრის განცხადებით, ცვლილებების შესაბამისად დაკომპლექტდება ცენტრალური საარჩევნო კომისია, რომელსაც პოლიტიკური პარტიების და საზოგადოების ნდობა ექნება. ლაშა დამენია - ცესკო ჩქარობს, უშვებს პროფესიონალებს სამსახურიდან და ერთი დეპარტამენტის ქვეშ აქცევს ყველანაირ კონტროლს. პაატა მანჯგალაძე - თამარ ჟვანია ნდობის აღდგენის პროცესისთვის შეუთავსებელია, ნულოვანი ნდობა აქვს და კარგი იქნება, თუ გადადგება. ანრი ოხანაშვილი - თამარ ჟვანიასთვის ბოდიში აქვთ მოსახდელი ზოგიერთ არასამთავრობო ორგანიზაციას და ოპოზიციას. შალვა პაპუაშვილის განმარტებით, სამართლებრივად სისტემაში არ ჯდება ის ფაქტი, რომ ცესკო-ს თავმჯდომარის მოადგილე ოპოზიციური პარტიის წევრი უნდა იყოს. ხათუნა სამნიძის ინფორმაციით, მიმდინარეობს მსჯელობა, რომ ცესკო-ს თავმჯდომარეს ორი მოადგილე ჰყავდეს და აქედან ერთ-ერთი აუცილებლად ოპოზიციის წარმომადგენლი იყოს. იაგო ხვიჩიას განცხადებით, იმისთვის, რომ ცესკო-ში წარმომადგენლის ყოლის უფლება „პატრიოტთა ალიანსის“ ნაცვლად „ევროპელ სოციალისტებს“ ჰქონდეთ, „პატრიოტთა ალიანსის“ თანხმობა უნდა იყოს საჭირო. ფრიდონ ინჯია - მიგვაჩნია, რომ ჩვენი წარმომადგენელი უნდა იყოს როგორც ცესკო-ში, ასევე საუბნო და და საოლქო საარჩევნო კომისიაში - „პატრიოტთა ალიანსს“ არ ვეხებით. შალვა პაპუაშვილი - ოპოზიციამ ბოდიში უნდა მოუხადოს თამარ ჟვანიას და შემდეგ ჟვანია გადაწყვეტს, უნდა წასვლა თუ არ უნდა.

      კარტოგრაფია სამართალში - ივერი მელაშვილი - მეც ძალიან მაინტერესებს, ირაკლი ღარიბაშვილმა რა ჩვენება უნდა მისცეს. კომისია, მათ შორის, მეც და ნატალია ილიჩოვაც, ვიღწოდით, რომ ქვეყნის ინტერესები გაგვეტარებინა. ივერი მელაშვილის და ნატალია ილიჩოვას სასამართლო პროცესზე დღეს ბრალდების მხარის 3 მოწმე დაიკითხა. ე.წ. კარტოგრაფების საქმის პროკურორი - ბრალდების მხარის სამივე მოწმემ დაადასტურა, რომ კარტოგრაფიულ საქმიანობას, რუკების ალბომების შედგენას და რუკებზე სამუშაოების წარმოებას მხოლოდ ბრალდებულები ახორციელებდნენ.

      „საქსტატის“ ინფორმაციით, აპრილში, საქართველოში შრომისუნარიანი მამაკაცის საარსებო მინიმუმი გაიზარდა და 202.8 ლარი შეადგინა.

საზღვარგარეთულები:

      #კოვიდმსოფლიო - სომხეთში კორონავირუსით ინფიცირების 230 ახალი შემთხვევა გამოვლინდა და 10 პაციენტი გარდაიცვალა.

      ომიანობა - ისრაელის თავდაცვის ძალებმა „ჰამასის“ სათვალთვალო პოსტები და რაკეტის მიწისქვეშა გამშვები პუნქტები დაბომბეს. რეჯეფ თაიფ ერდოღანი - აუცილებელია, გაეროს უშიშროების საბჭომ სწრაფად გადადგას ნაბიჯები იერუსალიმში მშვიდობისა და წესრიგის უზრუნველსაყოფად. ბენიამინ ნეთანიაჰუ - მე ვთქვი, რომ „ჰამასსა“ და სხვა ტერორისტულ ჯგუფებს მნიშვნელოვან დარტყმას მივაყენებდით და ასეც ვიქცევით, ეს ჯერ არ მორჩენილა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 19

ტეგები: qwellynews, ამბები, ბლოგი, მაისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რა შორი ყოფილა შენამდე, თბილისო ანუ ისევ მარშრუტკები?!

გამოაქვეყნა ლაშა_მ.
თარიღი: მაისი 29, 2021.
საათი: 11:30pm 2 კომენტარი

სკოლაში მათემატიკას კარგად ვსწავლობდი.

მეუბნებოდნენ, A წერტილიდან უმოკლესი მანძილი B წერტილამდე ტოლია, B წერტილიდან A წერტილამდე უმოკლესი მანძილისო.

® მარი კიური

      ის ჟურალისტი ხომ გახსოვთ, „სერჩის“ ცოდნას რომ გვამადლიდა? ჰოდა, რომ „დასერჩოთ“ მცხეთა, გუგლისავე აღწერილობაში ამოიკითხავთ - მცხეთა თბილისიდან დაშორებულია 20 კილომეტრით. ახლა,…

გაგრძელება

შუაშისტი გუმათელები, ქირურგია სასამართლოში და 2024-ში ევროკავშირში თან კი, თან არა!

გამოაქვეყნა Giorgi_მ.
თარიღი: მაისი 28, 2021.
საათი: 11:31pm 2 კომენტარი

      ჯერ-ჯერობით წრეზე დავდივართ, იგულისხმება ის რომ დღის ამბებში კვლავ ამნისტიის კანონპროექტი, მოსამართლეების დანიშვნა-არ დანიშნვა ისმის და მისთანები. დღეს ასევე გახარიას პარტიის ლოგო გამოჩნდა და ხვალი პრეზენტაციის ანონსები. გუშინ გუმათში დაკავებულების სასამართლოებიც ჩაინიშნა და პროტესტის ორჭოფობული გამოხმაურებებიც. ევროკავშირში გველიან, მაგრამ არ მიგვიღებენ. დოლარმაც ცოტა კიდევ დაიწია - ჩვენს ქვეყანაში, 1 აშშ დოლარი - 3.2779 ლარია.…

გაგრძელება

რიონელები გუმათთან საპროტესტო ყიჟინით, გაძვირებული გაზი და ამნისტიის დამტკიცბის დასაწყისი

გამოაქვეყნა Giorgi_მ.
თარიღი: მაისი 27, 2021.
საათი: 11:00pm 0 კომენტარი

      მაისი ბოლო ისევ აქტიური იქნება და ბუნებაც გააქტიურდება, როგორც ააონსებენ - წვიმები და ძლიერი ქარები გველის. რაც შეეხება პოლიტიკურ ასპარეზს - პარლამენტმა დღეს ამნისტიის კანონპროექტი ნახევრად დაამტკიცა, ასევე დღეს, პოლონელი კოლეგა ესტუმრა ჩვენს პრეზიდენტს, პრემიერსა და პარლამენტის თავმჯდომარეს. დღის მთავარი საინფორმაციო ამბავი მაინც რიონის მცველების შეუპოვარი პროტესტია, ამჯერად ისევ ხეობაში, გუმათთან. დოლარმაც ცოტა კიდევ დაიწია - ჩვენს…

გაგრძელება

ჰესით პარალიზება შუაგულ თბილისში, ამნისტიის პოლიტიკური ამბები და მინსკი სკანდალში

გამოაქვეყნა Giorgi_მ.
თარიღი: მაისი 24, 2021.
საათი: 11:30pm 1 კომენტარი

      თბილისი უქმებიდან მოყოლებული აქციების მთავარ ეპიცენტად იქცა, როგორც ადრე. ამჯერად აქციას პარტიებისგან არც ისე მოწონებული და დაფასებული მოძრაობა მართავს, რომელიც ჰესის წინააღმდეგ გაერთიანდა და ხელისუფლებას მოთხოვნებიც წაუყენა. დღის მთავარი ამბავი სწორედ ეს აქციებია, თბილისის პიკეტირება და პარალიზება - როგორც თავად აანონსებენ. საერთაშორისო სკანდალია მინსკში. ჩვენთან, ამინდები გაუარესდებაო იუწყებიან სინოპტიკოსები - 25 მაისს, დღის მეორე…

გაგრძელება

Qwelly World

free counters