გირჩულ-ელისაშვილური ტანდემი, პანდემიის შემცირება და ნავალნის დაპატიმრება

      როცა შიდა ამბებში აქტიურობა კლებულობს, გარედან მეტი ნიუსი ისმისო, უთქვამთ. ასე იყო დღესაც - ნავალნის რუსეთში ჩასვლა და მისი დაპატიმრება ჩვენი პოლიტიკური ამბების ნაწილიც გახდა და შეფასებებიც ისმოდა ქართულ ინტერვიუებში. ქვეყნის შიგნით ელისაშვილის და გირჩის დამეგობრების და დანარჩენ ოპოზიციასთან კინკლაობის ამბავია. რაც შეეხება კორონავირუსს - დადასტურებული შემთხვევა - 247915, გუშინ დილის შემდეგ - 110; გამოჯანმრთელებული - 234636, გუშინ დილის შემდეგ - 1643; გარდაცვლილი - 2958, გუშინ დილის შემდეგ - 25; კარანტინის რეჟიმში - 460. დოლარის ფასი ლარში - 3.2994

საქართველოს და მსოფლიოს ამბები | 18 იანვარი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსით ინფიცირების 110 ახალი შემთხვევა გამოვლინდა, ქვეყანაში ბოლო 24 საათში 4 964 ტესტი ჩატარდა. 25 ადამიანი გარდაიცვალა. შსს-მ კოვიდ 19-ის წინააღმდეგ ბრძოლის მიზნით მოქმედი რეგულაციების დარღვევის 1107 ფაქტი გამოავლინა. ამირან გამყრელიძე - მივდივართ სტაბილიზაციისკენ, მაგრამ ეს არავითარი დამშვიდების საფუძველს არ გვაძლევს. ქვეყანაში შეზღუდვები არა ერთბაშად, არამედ ეტაპობრივად მოიხსნება. თუ საქართველოში პირბადის ტარების მაჩვენებლი 95%-ს მიაღწევს, მაისში ინფიცირების ყოველდღიური შემთხვევები 10-77-ის ფარგლებში შემცირდება. თამარ გაბუნიას ინფორმაციით, შეზღუდვების შემსუბუქებასთან დაკავშირებით დეტალურ გადაწყვეტილებებს მიმდინარე დღეებში მიიღებენ. სკოლებში სასწავლო პროცესის დროულად აღდგენა მნიშვნელოვანია, საკლასო ოთახში სწავლებას კიდევ თავისი დატვირთვა და მნიშვნელობა აქვს. ანაზღურება არის საკმარისი და შესაძლოა, საკმარისზე მეტი, რომ ეფექტური და ხარისხიანი სერვისი აწარმოონ კლინიკებმა, თუმცა ეს მექანიზმი ექვემდებარება გადახედვას. კლინიკების სიჭარბე, განსაკუთრებით მცირე ზომის, რომელიც უკავშირდება მაღალ ადმინისტრაციულ ხარჯს, არაეფექტურობის ერთ-ერთი მთავარი განმაპირობებელი ფაქტორია. 3 მლნ 900 ათასი ვაქცინის დოზაა საჭირო, რომ ქვეყანაში კორონავირუსის ვაქცინა მილიონ 700 ათასამდე ბენეფიციარს ჩაუტარდეს. სამივე ტემპერატურული რეჟიმის ვაქცინის შემოსატანად ქვეყანა მზადაა. ბექა ფერაძის განცხადებით, ბიზნესის წარმომადგენლების რეგისტრაციისთვის პლატფორმა შემუშავდა, რათა ბაზრებისა და მოლების გახსნამდე დასაქმებულების ტესტირება მოხდეს. ბაკურიანში არც ერთი კერძო საცხოვრისი არ შემოწმებულა, მითუმეტეს, ჯარიმებზე არ ყოფილა საუბარი და არ ყოფილა მითითება ობიექტის დატოვებაზე. მოლებსა და ბაზრობებზე დასაქმებულების პირველი ტესტირება სახელმწიფოს მხრიდან იქნება სუბსიდირებული და ეს ობიექტების გახსნის წინაპირობაა.

      ელისაშვილ-გირჩული ამბავი - გიორგი ვაშაძე „გირჩსა“ და „მოქალაქეებთან“ ინდივიდუალურ შეხვედრაზე უარს ამბობს. ლევან იოსელიანი - სამწუხაროა, თუ გიორგი ვაშაძე ლაპარაკზეც კი უარს ამბობს - მე, ალეკო და „გირჩის“ სამი წარმომადგენელი რომ შევხვდეთ, გიორგის შევჭამთ, თუ რას ვუზამთ?! ანა ნაცვლიშვილი „გირჩის“ ინიციატივაზე - ინდივიდუალური შეხვედრები სწორად არ მიმაჩნია, არ მგონია, რომ ცალ-ცალკე უნდა მოხდეს რაიმე წინადადების განხილვა. ალეკო ელისაშვილი - გაუგებარია, რატომ გადაიფიქრა გიორგი ვაშაძემ შეხვედრა ორ დღეში, იაგო ხვიჩიას აქვს ვერსია, რომ შეიძლება, შანტაჟს აქვს ადგილი და ძველი ხელისუფლების წარმომადგენელებს კომპრომატები აქვთ მის წინააღმდეგ. გიორგი ვაშაძე - დიდი შანსი გამოჩნდა, საზოგადოების მხრიდან მესამე, ახალი პოლიტიკური ცენტრის ძალიან მძლავრი მხარდაჭერის - ამ მიმართულებით ვიმუშავებთ. აკაკი ბობოხიძე - ბატონი ელისაშვილი და „გირჩი“ პრაქტიკულად, “ქართული ოცნების” ტერმინოლოგიით გველაპარაკებიან, ბრალდებებსაც ისვრიან „ქოცური“ მენტალიტეტით. კახა კოჟორიძე "გირჩის" ინიციატივაზე - ერთიან ფორმატში სამსჯელოდ მზაობა არსებობს, თუმცა ვერ გეტყვით, რა იქნება ამ წინადადებაზე „ლელოს“ პოზიცია. გიორგი ვაშაძე - ძალიან ვწუხვარ, რომ ალეკო ელისაშვილის თუ „გირჩის“ მხრიდან მსგავს განცხადებებს აქვს ადგილი - თუ ვინმეს აქვს წინადადება, ეს უნდა იყოს განხილული საერთო ოპოზიციურ ფორმატში. ნინო ბურჯანაძე - ალეკო ელისაშვილის ქცევა მიმართულია იმისკენ, რომ დაიშალოს ოპოზიციური ერთობა. ალეკო ელისაშვილი - ნიკა მელიამ თქვა, თვის ბოლოს შევხვდეთო - ძალიან პატიოსანი სიტყვაა. ოპოზიციამ სიტყვა გატეხა პოლიტპატიმრებთან დაკავშირებით და ამიტომ შეწყდა რურუას გამოშვების პროცესი. ელისაშვილი - ოპოზიციამ სიტყვა გატეხა და რურუას გამოშვება გაჭირდა, დეტალებს მოყოლა არც უნდა. დეკანოიძე - ელისაშვილის განცხადება რურუაზე ძალიან მძიმეა, რაც ხელისუფლებას უქმნის კომფორტს.

      თავის მართლების ამბავი - მიკროსაფინანსო ორგანიზაციაზე თავდასხმის საქმეზე ბრალდებული ლევან ზურაბაშვილი ითხოვს, რომ მის საქმეზე სასამართლო პროცესები დისტანციურად არ ჩატარდეს.

      გამოძიება გელათზე - ანა ნაცვლიშვილი - პროკურატურისგან მოვითხოვე, დაიწყონ გამოძიება გელათის სამონასტრო კომპლექსის არასწორი რეაბილიტაციის გამო ძეგლის დაზიანების ფაქტზე.

      თბილისის მერია - მაჭავარიანის ქუჩაზე ინფრასტრუქტურული სამუშაოების გამო, მოძრაობა ნაწილობრივ შეიზღუდება.

      ჰესობანა - ნათია თურნავა - „ენგურჰესის“ რეაბილიტაცია ჩვენი ქვეყნის ენერგოუსაფრთხოებისთვის კრიტიკულად მნიშვნელოვანია. იმერეთში მოსახლეობამ „ნამახვანჰესის“ მშენებლობის გაგრძელების მოთხოვნით აქცია გამართა.

      ნატოსკენ - იენს სტოლტენბერგი - საქართველოს სურს ნატო-ში გაწევრიანება და რუსეთი ამას ხელს ვერ შეუშლის.

საზღვარგარეთულები:

      #კოვიდმსოფლიო - აზერბაიჯანში მოქალაქეები, რომლებიც კორონავირუსის წინააღმდეგ აიცრებიან, სპეციალურ პასპორტებს მიიღებენ. სომხეთში კორონავირუსის 90 ახალი შემთხვევა გამოვლინდა და 6 პაციენტი გარდაიცვალა. გერმანიაში კორონავირუსის 7141 ახალი შემთხვევა გამოვლინდა და 214 ადამიანი გარდაიცვალა. აშშ-ში კორონავირუსის 174 513 ახალი შემთხვევა გამოვლინდა და 1723 ადამიანი გარდაიცვალა. რუსეთში 22 857 ახალი შემთხვევაა, 471 ადამიანი გარდაიცვალა. ბელგიაში დღეიდან ვაქცინაციის მეორე ეტაპი იწყება. ესპანეთის საგარეო საქმეთა მინიტრი - მალე გავაჟღერებთ „სოლიდარობის გეგმას“, რომ უზრუნველყოფილ იქნას ვაქცინაზე თანაბარი ხელმისაწვდომობა მსოფლიოს მასშტაბით. ლონდონში მოსახლეობის ვაქცინაცია 24/7 რეჟიმში განხორციელდება. ჯანმო-ს ხელმძღვანელი - ვაქცინებთან დაკავშირებით ქვეყნების „პირველი მე“ დამოკიდებულება პანდემიას მხოლოდ გაახანგრძლივებს.

      საგანგებოდ - აშშ-ის კაპიტოლიუმის შენობაში, მოსალოდნელი საფრთხის გამო, საგანგებო მდგომარეობა გამოცხადდა.

      ნავალნის ჩასვლა - მაიკ პომპეო - მკაცრად ვგმობთ რუსეთის გადაწყვეტილებას ნავალნის დაკავებასთან დაკავშირებით და მის დაუყოვნებლივ გათავისუფლებას მოვითხოვთ. Amnesty International - ალექსეი ნავალნი სინდისის პატიმარია, მის დაუყოვნებლივ და უპირობოდ გათავისუფლებას მოვითხოვთ. ალექსეი ნავალნი - არ შეგეშინდეთ, გამოდით ქუჩაში, არა ჩემთვის, არამედ თქვენივე თავისა და მომავლისთვის. გერმანიის საგარეო საქმეთა მინისტრი - ალექსეი ნავალნი დაუყოვნებლივ უნდა გათავისუფლდეს. ზურაბ ბატიაშვილი - ნავალნი არის მაგალითი იმისა, რომ პუტინის რეჟიმის მიმართ შეუპოვარი უნდა იყო - მან იცის, რომ ციხეში ჩაჯდომაც სჭირდება ასეთ სიტუაციას და ამაზე შეგნებულად წავიდა. სერგეი ლავროვი - დასავლელი პოლიტიკოსების კომენტარები ალექსეი ნავალნის რუსეთში დაბრუნებაზე მიზნად ისახავს ყურადღების გადატანას იმ ღრმა კრიზისისგან, რომელშიც მათი ქვეყნები აღმოჩნდნენ. ხიმკის პოლიციის განყოფილებაში ალექსეი ნავალნის სასამართლო სხდომა გაიმართა. ალექსეი ნავალნი პუტინზე - ალბათ ბაბუას ბუნკერში იმდენად ეშინია ყველაფრის, რომ სისხლის სამართლის კოდექსი დემონსტრაციულად გადახიეს და გადააგდეს. ევროკომისიის პრეზიდენტი - ვგმობ რუსეთის ხელისუფლების მიერ ალექსეი ნავალნის დაკავებას, ის დაუყოვნებლივ უნდა გაათავისუფლონ. სასამართლომ ალექსეი ნავალნის 30-დღიანი პატიმრობა მიუსაჯა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 57

ტეგები: qwellynews, ამბები, ბლოგი, იანვარი, ნიუსები, სიახლეები

vako: იანვარი 19, 2021||7:34am

ქართული შეფასებები არ გაიშვა

Kakha: იანვარი 21, 2021||3:32pm

სტრასბურგში საჩივარი მოგვიგია! 

Kakha: იანვარი 21, 2021||3:47pm

დალაი ლამას არჩევნები: საზეიმოდ 9.000 კაცი დახტუნაობს აქეთ-იქეთ დიდ ტახტზე ზის 2წლ ბავშვი, ამერიკა 2021: მაგდენივე ესკორტი მიაცილებს პრეზიდენტს )

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:20pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

Qwelly World

free counters