არჩევნების შედეგების გადაფასება მრავალი მიმართულებით, დაუმორჩილებლობის მოლოდინი, გამკაცრებული კანაფმოხმარება, ახალი პრეზიდენტის ინტერვიუ

      წვიმით, ქარითა და მთებზე თოვლით გათენდა შემოდგომის ბოლო დღე და შეიძლება ითქვას, რომ სრული სისავსით გადაულოცა სეზონმა ზამთარს ასპარეზი - გარემოს ეროვნული სააგენტოს ინფორმაციით 1-3 დეკემბრის ჩათვლით საქართველოში უამინდობაა მოსალოდნელი. ნოემერი მიიწურა არჩევნებზე საუბრით - ევროპული შეფასებებით, დამარცხებულების დაუმორჩილებლობით და პრეზიდენტის ინტერვიუთი. ასევე, ოქტომრის ეკონომიკური ზრდის სიხარულით.

საქართველოს და მსოფლიოს ამბები / 30 ნოემბერი, 2018 /

      გამარჯვებულის ინტერვიუ - სალომე ზურაბიშვილი - ეს იყო არჩევანი ევროპელ დიპლომატსა და საბჭოთა დიპლომატს შორის. შეუძლებელია რუსეთთან მარტოდ დარჩენა მისი აგრესიული განწყობის გათვალისწინებით, იმ კონფიგურაციაში, რომელიც ახლაა. ვიდრე რუსეთი ისე იქცევა, როგორც ახლა, არ მგონია, ჩვენ შეგვეძლოს პირდაპირ ახალ თანამშრომლობაზე გადასვლა. სალომე ზურაბიშვილი - სააკაშვილმა დაკარგა კავშირი ამ ქვეყანასთან, ის დღეს უცხოელია, რომელიც საქართველოში ხალხს ვითარების დესტაბილიზაციისკენ მოუწოდებს. ქართველი ხალხი ხედავს, რომ უსაფრთხოების იმ დონეს, რომელსაც ნატო უზრუნველყოფს, ალტერნატივა არ აქვს. საქართველოს დასჭირდება ძლიერი პარტნიორები თავდაცვისუნარიანობის გაზრდისთვის და ამაში შეგვიძლია ისრაელთან ვითანამშრომლოთ.

      არჩევნების შეფასებები - დახარჯული ჯოკრები - ანა დოლიძე - ის ორი ჯოკერი, რომელიც „ქართულ ოცნებას“ ხელში ჰქონდა, დღეს უკვე დახარჯულია. რამდენმა ამომრჩეველმა გადახაზა პრეზიდენტობის ორივე კანდიდატი უცნობია, თუმცა 47 595 ბიულეტენი ბათილად ჩაითვალა. ბათუმის 79-ე საოლქო საარჩევნო კომისიაში საჩივრების განხილვა დღეს დაიწყო. გია ვოლსკი მიიჩნევს, რომ ავღანეთში საპრეზიდენტო არჩევნებში მიღებული შედეგი არ არის სალომე ზურაბიშვილისთვის ჯარის უარი. პრემიერი - არჩევნების შედეგების ეჭვქვეშ დაყენების ყველა მცდელობა განწირულია მარცხისთვის. მამუკა ბახტაძე არჩევნებში ჩართულ პირებს მადლობას უხდის. ჯეიმს აპატურაი სალომე ზურაბიშვილს საქართველოს პრეზიდენტად არჩევას ულოცავს. შსს-მ არჩევნებთან დაკავშირებულ ძალადობის შესაძლო ჩადენის 13 ფაქტზე გამოძიება დაიწყო. აშშ-ს საელჩო - მეორე ტურში კანდიდატებს თავისუფლად შეეძლოთ კამპანიის წარმოება - მოვუწოდებთ საქართველოს მთავრობას, დამკვირვებლების მიერ აღნიშნული ხარვეზები აღმოფხვრას. ნათია მეზვრიშვილი - არჩევნებზე დაფიქსირდა რამდენიმე ინციდენტი, მათ შორის ძალადობრივი, თუმცა, თუ შევადარებთ წინა პერიოდის ძალადობრივ ინციდენტებს არჩევნებთან მიმართებით, კლება შეინიშნებოდა. ირაკლი კობახიძე - მიუხედავად მძიმე და აგრესიული ფონისა, რომლის შექმნასაც ცდილობდნენ კონკრეტული პარტიები, არჩევნების სათანადოდ ჩატარება შევძელით. კონსტანტინე ჩოკორაია - პრეზიდენტის ორბელიანების სასახლეში გადასვლა გარკვეული პრობლემაა. ირაკლი კობახიძე - სალომე ზურაბიშვილმა ახალი კონსტიტუციური ტრადიცია უნდა ჩამოაყალიბოს და გახდეს პირველი ზეპარტიული პრეზიდენტი. „ევროპელი კონსერვატორების და რეფორმისტების“ ალიანსის პრეზიდენტმა სალომე ზურაბიშვილს გამარჯვება მიულოცა. ირაკლი კობახიძე - შეგვიძლია დავდოთ პირობა, რომ არჩევნებთან დაკავშირებით ეუთო-ს რეკომენდაციები ზედმიწევნით იქნება შესწავლილი და მხედველობაში მიღებული. ევროპარლამენტარი ვიქტორ ბოშტინარუ სალომე ზურაბიშვილს საპრეზიდენტო არჩევნებში გამარჯვებას ულოცავს. ცესკოსთან „ძალა ერთობაშიას" წევრებმა თამარ ჟვანიას გადადგომა და არჩევნების შედეგების არალეგიტიმურად ცნობა მოითხოვეს. თამარ ჩუგოშვილი - ყველა არჩევნების ჩატარების შემდგომ დამკვირვებლებს აქვთ რიგი რეკომენდაციები, როგორ შეიძლება, რომ საარჩევნო გარემო გახდეს უფრო უკეთესი. ირაკლი კობაძიძე - არ მგონია, რომ პრეზიდენტის სასახლის პრივატიზებაზე საუბარი სწორი ან სერიოზული იყოს, რა თქმა უნდა დარჩება სახელმწიფოს ბალანსზე.

      სააკაშვილის განცხადებები - კახა კალაძე - საერთოდ არ არის საინტერესო კრიმინალი სააკაშვილის განცხადებები. გია ვოლსკი - ე.წ. გაერთიანებულ ოპოზიციას არაადეკვატური ლიდერი რევოლუციური სცენარის განვითარებისკენ მოუწოდებს. ხათუნა ლაგაზიძე მიიჩნევს, რომ ვადამდელ საპარლამენტო არჩევნებთან დაკავშირებით გაერთიანებული ოპოზიციის მოთხოვნა, ტაქტიკურად გამართლებულია. არჩილ თალაკვაძე - მიხეილ სააკაშვილის მორჩილება თუ დაუმორჩილებლობა საპრეზიდენტო არჩევნების შედეგებს ვერ შეცვლის. შს მინისტრის მოადგილე გაერთიანებული ოპოზიციის აქციაზე - ვიმოქმედებთ კანონის შესაბამისად და ამოცანა იქნება საზოგადოებრივი წესრიგის დაცვა. ზვიად ძიძიგური გაერთიანებულ ოპოზიციაზე - მათ აქვთ ძალიან დიდი შედეგი დადებული თუ არ აღიარებენ, თავიანთ თავს დააბრალონ. ირაკლი კობახიძე - დაუმორჩილებლობის იდეას პერსპექტივა არ აქვს - ხელისუფლება პასუხისმგებელია სიმშვიდისა და სტაბილურობის შენარჩუნებაზე. დავით ბაქრაძე - კვირას დაგეგმილ საპროტესტო აქციასთან მიმართებაში ჩვენ ვართ სოლიდარულები, მაგრამ ორგანიზებაში მონაწილეობას არ მივიღებთ. დავით ბაქრაძე - საზოგადოება გაიზარდა და აჩვენა, რომ ცვლილებებისთვის აუცილებელი აღარ არის ქუჩა, რევოლუცია და ბარიკადი.

     მკაცრი სამართალი მარიხუანას მოყვარულებისთვის - იკრძალება მარიხუანას მოხმარება საზოგადოებრივი თავშეყრის ადგილებში, საზოგადოებრივ ტრანსპორტში, სკოლების და საგანმანათლებლო დაწესებულებების მიმდებარე ტერიტორიაზე. ნარკოტიკების მოხმარების მავნე ზეგავლენისგან მოზარდების დასაცავად, მარიხუანას მოხმარება იკრძალება 21 წლამდე ასაკის პირებისთვის. ამასთან, 21 წლამდე პირის დაყოლიება ნარკოტიკული საშუალების მოხმარებაზე სისხლის სამართლის დანაშაული ხდება.

      ახალპრეზიდენტობა - აშშ-ის სახელმწიფო დეპარტამენტის წარმომადგენელი - აშშ ელოდება მუშაობას საქართველოს ახლად არჩეულ პრეზიდენტთან სალომე ზურაბიშვილთან. ლევან ბოძაშვილი - აქამდე საქართველოს არ ჰყავდა პირი, რომელიც კრიზისულ სიტუაციაში ევროპელ ლიდერებს პირდაპირ დაურეკავდა - ახლა ეყოლება.

      მსოფლიო ჩემპიონობა კიდევ ერთხელ - ნონა გაფრინდაშვილი კვლავ მსოფლიო ჩემპიონი გახდა.

      გერგეტის ახალი გზა - გერგეტის სამების ეკლესიამდე მისასვლელი ახალი გზის მშენებლობა დასრულდა. „ტურისტებს, ადგილობრივ მოსახლეობას და მომლოცველებს გერგეტის სამებამდე მისვლა უკვე განახლებული, კომფორტული და უსაფრთხო გზით შეუძლიათ. გერგეტის ტაძრამდე მისასვლელი ძველი გზა ვიწრო და გრუნტოვანია, რომელიც ახალი გზის პარალელურად იარსებებს.

      ანტიკური ქედა - ქედის მერია - ქედაში ანტიკური პერიოდის ძეგლები აღმოაჩინეს.

      მზარდი ეკონომიკა - წინასწარი შეფასებით, ოქტომბერში ეკონომიკურმა ზრდამ 6.7% შეადგინა. ეკატერინე მიქაბაძე - ოქტომბერში მაღალი და საკმაოდ დივერსიფიცირებული ეკონომიკური ზრდა დაფიქსირდა. ნინო ჩიქოვანი - ეკონომიკური ზრდის ტემპის მატება პოზიტიური გზავნილია როგორც ადგილობრივი, ასევე საერთაშორისო ინვესტორებისთვის.

      გამტყუნებული ეკა გიგაური - სასამართომ გოგა ხაინდრავას წინააღმდეგ ეკა გიგაურის სარჩელი არ დააკმაყოფილა. ეკა გიგაურის ადვოკატი - თავიდანვე ვაცნობიერებდით, რომ სარჩელი დამოუკიდებელ სასამართლოში არ შეგვქონდა და ეს დაამტკიცა დღევანდელმა სასამართლომ. ეკა გიგაური - გავაგრძელებ ბრძოლას, თუ საჭირო გახდა სტრასბურგშიც! - არავინ იფიქროს, რომ პირში წყალს ჩავიგუბებ და გავჩერდები. გოგა ხაინდარავა ეკა გიგაურის საჩივარზე - თავიდანვე ვიცოდი, რომ ცამდე მართალი ვარ.

საზღვარგარეთულები:

       ქერჩის სტურეზე სოფლიო გამოხმაურება - აშშ-ს სენატმა რეზოლუცია მიიღო, რომლითაც ქერჩის სრუტეში რუსეთის ქმედებებს გმობს. ანგელა მერკელი - გერმანია თვალს ვერ დახუჭავს რუსეთის ქმედებებზე უკრაინაში, საქართველოში, მოლდოვასა და სხვა ქვეყნებში.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 66

ტეგები: qwellynews, ბლოგი, ნიუსები, ნოემბერი, სიახლეები

Kakha: დეკემბერი 1, 2018||11:51am

გაფრინდაშვილს ვულოცავ, კიდევ ბევრი მოეგოს!

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კვლევა ცხელ კვალზე, აქციის შედეგები და დაკავებულების სასამართლო, ექიმი ოკუპაციურ ტყვეობაში

გამოაქვეყნა Giorgi_მ.
თარიღი: ნოემბერი 19, 2019.
საათი: 11:31pm 0 კომენტარი

      პიკეტირების, ბოქლომების, ქვიშებისა და შეშის აქციები არ აპირებენ დასრულებას, თუმცა სამუშაო კვირა უფრო მშვიდი და ნაკლებ ხმაურიანი გამოდგა, როგორც მოსალოდნელი იყო, პრინიპში. მაგრამ ამ სიჩუმეში,…

გაგრძელება

პარლამენტის პიკეტირება და კარვობანა რუსთაველზე

გამოაქვეყნა Giorgi_მ.
თარიღი: ნოემბერი 18, 2019.
საათი: 11:30pm 0 კომენტარი

      კვირით დაწყებული აქციები ორშაბათსაც გაგრძელდა და პიკეტირებული პარლამენტი სპეცრაზმით გათავისუფლდა - ცხადია დღის მთავარი თემა ეს იყო და რა თქმა უნდა, ახსენებდნენ პრორუსობისა და რუსეთუმეობის…

გაგრძელება

ცისარტყელა თურქულ არქიტექტურაში

გამოაქვეყნა Tamila Moshiashvili_მ.
თარიღი: ნოემბერი 17, 2019.
საათი: 10:38pm 0 კომენტარი

      ბევრ თურქს რომ ჰკითხოთ, სტამბულს ეს გარეუბანი უბრალოდ ჩვეულებრივ ფერადი სახლების თავშეყრის ადგილია და განაკუთრებული არც არაფერია იქ, მაგრამ ხელოვანები ხომ იმიტომ არსებობენ რომ ჩვეულებრივობა…

გაგრძელება

ფაუნა და კულინარია

გამოაქვეყნა Tamila Moshiashvili_მ.
თარიღი: ნოემბერი 16, 2019.
საათი: 11:08pm 1 კომენტარი

      ფოტომანიპულაციებმა შეიძლება ზებრაც კი შოკოლადივით გემრიელი გახადოს, მელიისგან ტოსტი მოგამზადებინოს და თაგვები ბაბუაწვერასავით გაგაფურცლინოს. ყოველშემთხვევაში, ყველა ეს იდეა რონალდ ონგს (Ronald…

გაგრძელება

Qwelly World

free counters