მინისტრი გადადგა, მაგრამ სხვა, დამნაშავეთა ნაწილი დააკავეს და ბრალიც წარუდგინეს, აქციები არ წყდება

      ივლისის პირველი კვირა მიიწურა ივნისის ამბებში და მგონი, სეზონების სესხებაზე თუ მიგება საქმე, ჯერ-ჯერობით პოლიტიკური დღის წესრიგი სრულად ისესხა ივნისმა და ახლა პროცენტებით იხდის. დაკავებების და ბრალის ოფიციალური წარდგენა მოხდა და მინისტრიც გადადგა, მაგრამ სხვა.

საქართველოს და მსოფლიოს ამბები / 5 ივლისი, 2019/

      დაკავებები და გამოძიება ივნისის აქციებზე, ივლისშიც რომ გრძელდება - შსს-ს მიერ დაკავებული 4 პირის შესახებ „ინტერპრესნიუსისთვის“ ახალი დეტალები ხდება ცნობილი - ცოტნე სოსელია წარსულში რამდენჯერმე იყო დაკავებული წვრილმანი ხულიგნობისა და პოლიციის დაუმორჩილებლობისთვის. ამავე ინფორმაციის თანახმად, ზურაბ ბადაღაშვილი ერთი წლის განმავლობაში ძებნილი იყო და არაერთგზის ნასამართლევია. ბესიკ თამლიანს 2006 წელს შეუწყდა საქართველოს მოქალაქეობა და 2018 წლამდე რუსეთის მოქალაქე იყო. კახაბერ კუპრეიშვილი რუსეთში 23 ივნისს გაემგზავრა და 25 ივნისს დაბრუნდა მოსკოვიდან. მაკა ჩიჩუა - გახარია უნდა იყოს დიდსულოვანი და უნდა გადადგეს. პროკურატურა - გამოძიება დეტალურად სწავლობს ცალკეულ ეპიზოდებს, სადაც იკვეთება სამართალდამცავთა მხრიდან უფლებამოსილების შესაძლო გადამეტების ნიშნები. აქციაზე მაკა ჩიჩუამ და უშიშროების საბჭოს ყოფილმა მდივანმა დავით რაქვიაშვილმა სიმღერა „არასდროს“ შეასრულეს. მაკა ჩიჩუა - ძალიან მიყვარს ბევრი რუსი ადამიანი, მაგრამ აქ პოლიტიკაა, რომელმაც ჩვენ დაგვღუპა, წაგვართვა ტერიტორია. გიგი უგულავა - ვიღაც საწყალი რომ დაიჭირეს, „მოლოტოვის კოქტეილები“ ჩაუდეს თუ ამოიღეს, აი, ამ საქმის ფარგლებში ვიკითხებით ჩვენ ყველა. „ნაცმოძრაობის" აჭარის ორგანიზაციის წევრებმა ბათუმი-ქობულეთის დამაკავშირებელ შემოვლით გზაზე ტრანსფარანტები - „გახარია წადი" გამოფინეს. ეკა გიგაური - ის, რასაც ვხედავთ, არის შერჩევითი სამართალი, სახელმწიფო ცდილობს ბრალი დემონსტრანტებზე გადაიტანოს და თავის დანაშაულებზე რეაგირება არ აქვს. რომან გოცირიძე - საქართველოს ხელისუფლება დაჰყვა რუსეთის ხელისუფლების ნებას და იმეორებს მათ შეფასებას, რომ სახელმწიფო გადატრიალება მზადდებოდა. „ნაცმოძრაობის” ინიციატივით, პარლამენტში დადგენილების პროექტი დარეგისტრირდება, რომელიც 20 ივნისის მოვლენების შეფასებას და პასუხისმგებელი პირების დადგენას ითვალისწინებს. ანა დოლიძე - გაუგონარი და სამარცხვინო ვითარებაა, როდესაც შს მინისტრის ხელმძღვანელობის ქვეშ მისივე უწყება იძიებს დანაშაულებს, სადაც შეიძლება თავად მინისტრის პასუხისმგებლობა იყოს. აქციის საქმეზე დაკავებული ზურაბ ბუდაღაშვილის დედა - ჩემი შვილი ცდილობდა პოლიციისთვის ფარი წაერთმია, რათა ტყვიებისგან თავი დაეცვა. სოფო ვერძეული - თუ მართლმსაჯულება მოქალაქეებისა და პოლიციელების მიმართ ერთნაირად არ განხორციელდება, გაჩნდება ეჭვი, რომ ხელისუფლების დამხობაზე ლაპარაკი გამოყენებულია პროტესტის ჩასაცხრობად. 20 ივნისის აქციის საქმეზე დაკავებულის ძმა - პოლიციელების მიმართ შენიშვნით შემოიფარგლებიან, უბრალო ადამიანს ემოციის გამოხატვისთვის კი შეიძლება დახვრეტაც მიუსაჯონ. ელიზაბეთ რუდი - თბილისის 20 ივნისის მოვლენები მოითხოვს სრულ, დაბალანსებულ და დროულ გამოძიებას. სალომე სამადაშვილი - საერთაშორისო პარტნიორებისთვის გასაგებია რას ნიშნავს, ის სამართლებრივ-პოლიტიკური შევიწროება, რაც ხელისუფლებამ ოპოზიციის წინააღმდეგ დაიწყო. პარლამენტის შენობის წინ მიმდინარე საპროტესტო აქციების საორგანიზაციო ჯგუფი განცხადებას ავრცელებს. როგორც ორგანიზატორები აღნიშნავენ, ხელისუფლებამ დაუყოვნებლივ უნდა შეწყვიტოს კრიტიკულად განწყობილი მოქალაქეების წინააღმდეგ სამართლისა და მართლმსაჯულების რეპრესიულ ინსტრუმენტად გამოყენება. ჯგუფური ძალადობის საქმეზე დაკავებულ ოთხივე პირს ბრალი ოფიციალურად წარედგინა. აქციის ორგანიზატორების ინფორმაციით, 6 ივლისს, 19:00 საათიდან, თავისუფლების მარში იგეგმება.

      მართლმადიდებლობის ფორუმის ამბავზედ - ალექსანდრ გნეზდილოვი - რუსი ოპოზიციონერის განცხადებით, მართლმადიდებლობის საპარლამენტთაშორისო ასამბლეაში რუსული დელეგაციის შემადგენლობა „ბევრ ეჭვებს და ვერსიებს აღძრავს“. პარტია „იაბლოკოს“ ერთ-ერთი ლიდერი არ გამორიცხავს, რომ რუსეთმა საქართველოს მიმართ უფრო მკაცრი ზომები მიიღოს. რუსი ოპოზიციონერი ორ ქვეყანას შორის ურთიერთობების მოწესრიგების ვარიანტებზე - ან საქართველო უნდა იქცეს რუსეთის ვასალად, ან რუსეთში უნდა მოხდეს პოლიტიკური ცვლილებები.

      რაგბისტების პროტესტი - საქართველოს რაგბის კავშირის პრეზიდენტის განცხადებით, მცდარია ინფორმაცია, რომ ქართველ მორაგბეებს რუსულმა კლუბმა კონტრაქტი თბილისის აქციების სოლიდარობისთვის შეუწყვიტა.

      ტურიზმის იღბალი - ეკონომიკის სამინისტროში საქართველო-პოლონეთს შორის ტურისტული ნაკადების გაზრდისა და ახალი ტურისტული მიმართულებების განვითარების საკითხები განიხილეს.

      ჰესის ფული ბიუჯეტში - მესტიის მერი - „ნენსკრა ჰიდროს“ გადასახადების სახით ადგილობრივ ბიუჯეტში დაახლოებით 8 მილიონი ლარი აქვს გადახდილი.

      მინისტრის წასვლა - მიხეილ გიორგაძე განათლების, მეცნიერების, კულტურისა და სპორტის მინისტრის პირველი მოადგილის თანამდებობას ტოვებს. განათლების მინისტრის ყოფილი პირველი მოადგილის მიხეილ გიორგაძის უფლება-მოვალეობებს ლევან ხარატიშვილი გადაიბარებს. მიხეილ გიორგაძის განცხადებით, მისი გადადგომა არც ერთ კონკრეტულ მოვლენას არ უკავშირდება და „არაჯანსაღი აჟიოტაჟის“ ავტორებისგან ბოდიშს ელოდება.

      ჯუზეპეს ფესტივალი - ვერდის ფესტივალს საქართველოში თბილისის ოპერა და „ბლექ სი არენა“ უმასპინძლებენ.

      თბილისური ამბავნარი - კახა კალაძის განცხადებით, სამგორიდან ლილოს მიმართულებით ახალი მიწისზედა მეტროს სრული პროექტი წლის ბოლოსთვის იქნება წარმოდგენილი.

საზღვარგარეთულები:

      დახვედრა ვლადიმერს - უკრაინული დიასპორის წარმომადგენლები რომში ვლადიმერ პუტინს საპროტესტო აქციებით დახვდნენ.

      უკრაინის საარჩევნო ჩაშლა - ვლადიმერ ზელენსკის პარტიის ლიდერი არ გამორიცხავს, რომ მიხეილ სააკაშვილის პოლიტიკური ძალის გამო საპარლამენტო არჩევნები ჩაიშალოს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 15

ტეგები: qwellynews, ამბები, ბლოგი, ივლისი, ნიუსები, სიახლეები

George: ივლისი 5, 2019||11:34pm

რაგბისტებიც გაპაზორდნენ კათამაძევით : ლელოს დადების მერე -თვალი დახუჭეს, რუსებმა -აიბარგეთ და 4-მდეთქვენი სული არ იყოს რუსეთშიო და ბიჭებმა.... წუწუნი დაიწყეს: პოლიტიკური ჟესტი არ იყოო, რუსეთი ძაან გვიყვარს .. მეგობრული ურთიერთობა გვინდა და ასე შ... (მოკლედ სამი დღე ჩემოდნებზე გაატარებინეს და ბოლო მომენთში *მოწყალე* რუსებმა - დარჩითო ! გახარებულმა ლომგულებმა საპასუხოდ: თვალებს ცხოვრებაში აღარ დავხუჭავთ !! #qwellynews

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ვისი ფული და ვისი სახელი?!

გამოაქვეყნა Giorgi_მ.
თარიღი: ივლისი 22, 2019.
საათი: 11:21pm 0 კომენტარი

      როცა საქმე მედიას ეხება, თითქოს დანარჩენი მედიასაშალებები პირს კრავენ და მხოლოდ ერთსა და იმავე თემას აშუქებენ მეტისმეტი გაშლილობით. ცხადია, რუსთავი ორის ამბავი და ამჯერად მესაკუთრეების ისტორიები…

გაგრძელება

სათამაშო დიდები

გამოაქვეყნა Tamila Moshiashvili_მ.
თარიღი: ივლისი 21, 2019.
საათი: 11:09pm 1 კომენტარი

      ისტორიული თოჯინების სერია საკმაოდ ძველი მოფიქრებაა, ჯერ კიდევ ბარბების გამოჩენამდე არსებობდა ცნობილი პერსონების გასათამაშოების მცდელობები. ჩვენ დღევანდელ გმირს, დიტო ვონს (Dito Von)…

გაგრძელება

ილუზიური არქიტექტურა

გამოაქვეყნა Tamila Moshiashvili_მ.
თარიღი: ივლისი 20, 2019.
საათი: 4:00pm 0 კომენტარი

      მაშინ როდესაც ძალიან ბევრს ფიქრობენ ქალაქის იერსახეზე, ადგენენ რეგულაციებს, გენ-გეგმებს, გასცემებ ნებართვებს ან აჩერებენ მშენებლობებს, თუმცა ერთიანი ხაზი მაინც არ გვაქვს მოფიქრებული, ვფიქრობ,…

გაგრძელება

ყველა თავის წილს ითხოვს, IRI იკვლევს და მოსამართლეები სანთლით საძებარნი არიან

გამოაქვეყნა Giorgi_მ.
თარიღი: ივლისი 19, 2019.
საათი: 11:30pm 0 კომენტარი

      რა თმა უნდა, არ შეცვლილა ახალი ამბების მეინსტრიმი - რუსთავი ორი დღის ყველაზე პოპულარული და მედიაყურადღებიანი ობიექტია. მართალია ევროსასამართლო თავისი გადაწყვეტილება მიიღო, მაგრამ ახალი…

გაგრძელება

Qwelly World

free counters