ამერიკის დამოუკიდებლობის დღეს ჩვენი პოლიტიკოსები მას დამოუკიდებლობას ულოცავდნენ, ქვეყნის შიგნით კი ისევ 20 ივნისის აბები ისმოდა. ამჯერად, პროკურატურამ პროტესტი გადააკვალიფიცირა სახელმწიფო ამბოხის მუხლზე. უკვე არიან დაკავებულებიც. მთელი დღე ისევ 20 ივნისზე საუბრობდნენ.

საქართველოს და მსოფლიოს ამბები / 4 ივლისი, 2019/

      ჰესების და ფრენების ეკონომიკა - ეკონომიკის სამინისტრო - საქართველოში არსებული 93 ელექტროსადგურიდან 87 ჰესია, ახალი ჰესების მშენებლობის გარეშე კი მოხმარებასა და გამომუშავებას შორის დისბალანსი გაიზრდება. ყველაზე დიდი ჰიდროელექტროსადგური „ენგურჰესი“ და სხვა წყალსაცავიანი ჰესები დადგმული სიმძლავრის 40-50%-ს გამოიმუშავებენ. ნათია თურნავა - სასიხარულოა, რომ ქართულ ბაზარზე იტალიური კომპანიების წილი მუდმივად იზრდება. მგზავრებით რუკაზე - ქუთაისის საერთაშორისო აეროპორტის ახალი ტერმინალის მშენებლობით გათვალისწინებული მეორე ფაზის სამუშაოები დასასრულს უახლოვდება. გიორგი ჩოგოვაძე - მგზავრთნაკადის 4-ჯერ ზრდა საშუალებას მოგვცემს, საქართველო დავიტანოთ რუკაზე, როგორც რეგიონის ცენტრი ევროკავშირის მიმართულებით დაბალბიუჯეტიანი რეისების შეთავაზებისთვის. ავიაკომპანია AIR MALTA-მ საქართველოს ავიაბაზარზე ოპერირება დაიწყო.

      წინა თვე ისევ დღის ამბებში - საზღვარგარეთ, 20 ივნისის აქციაზე დაშავებული 6 პირი მკურნალობს, საიდანაც ორი სამართლდამცველია, სამი დაშავებული კი დღეს გაემგზავრება. კორნელი კაკაჩია - ის მუხტი, რაც აქციებს ჰქონდა, ცოტა ჩაიკარგა და რთულია ვივარაუდოთ, რამდენად შესრულდება გიორგი გახარიას გადადგომის შესახებ მოთხოვნა. 20 ივნისის აქციისას დაზარალებულებს სახელმწიფოსგან მკურნალობის ხარჯების, სამსახურში განაცდურის და მორალური ზიანის ანაზღაურების მოთხოვნა შეუძლიათ. მაია ცქიტიშვილი - გიორგი გახარიას პოლიტიკური პასუხისმგებლობა იმაში გამოიხატება, რომ რჩება თანამდებობაზე და ახორციელებს ყველა ქმედებას, რათა სისტემა მუშაობდეს გამართულად. სერგი კაპანაძე - შეუძლებელია სპეცრაზმს თვითნებურად ემოქმედა და თუ ასე იყო, არ უნდა გაეცათ ბრძანება, რომ ეს თვითნებობა შეეწყვიტათ? - ნათია მეზვრიშვილის განცხადება შს მინისტრს უფრო ცუდ მდგომარეობაში აგდებს. ირაკლი სესიაშვილი ნათია მეზვრიშვილის განცხადებაზე - როდესაც პოლიციაზე ხდება თავდასხმა, პოლიციას კანონით აქვს უფლება, რეაგირება მოახდინოს. პროკურატურა - სამართალდამცავთა მხრიდან უფლებამოსილების შესაძლო გადამეტების გამოძიების ფარგლებში, ამოღებულია სამედიცინო ისტორიები, რეზინის ტყვიები და სხვა ნივთები. აკაკი ბობოხიძე - იმისთვის, რომ თავდასხმა განახორციელო, ცოტა მართალიც უნდა იყო - პროკურატურის გამოძიებას არანაირი პერსპექტივა არ აქვს. თამთა შამათავა - მოსაზრება, რომ დავიღლებით და პროტესტი გაქრება, მცდარია. პაატა მანჯგალაძე - პროკურატურამ თავისუფლებისთვის მებრძოლ ადამიანებს სახელმწიფო გადატრიალებაში დასდო ბრალი. ირაკლი სესიაშვილი - ხელისუფლებისკენ ხელის გაშვერა მარტივია, მაგრამ ის, რომ 20 ივნისის აქციაზე პოლიტიკოსებმა ხმა არ ამოიღეს და აგრესიულ ჯგუფებს ძალადობის შეჩერებისკენ არ მოუწოდეს, დანაშაულია. გიორგი ბარამიძე - სახელმწიფო გადატრიალებაზე საუბარი სასაცილოა - ხდება უზნეობის ტირაჟირება, რომ ეს უნდა ყოფილიყო „ვარდების რევოლუცია 2“. გიორგი მშვენიერაძე - ხელისუფლებას იმ ადამიანების დასჯა სურს, რომლებიც ოპონირებას უწევენ. შსს გიგი უგულავას, ირაკლი ოქრუაშვილისა და გიორგი ბარამიძის დაკითხვის მოთხოვნით სასამართლოს მიმართავს. გიგი უგულავა - ვაპირებ მაგისტრ მოსამართლესთან მოვყვე ყველა დეტალი - ხელისუფლებამ პანიკაში მიიღო დარბევის გადაწყვეტილება და მოლაპარაკების ნაცვლად, ადამიანებს დათვის ტყვიები დაუშინა. კახა კალაძე ჟურნალისტებს - თქვენ გჯერათ, რომ სპეცრაზმელებს გიორგი გახარია ეუბნებოდა თვალებში და თავში ესროლათ? გენერალური პროკურატურა - იგეგმებოდა ამბოხების გზით სახელმწიფო ხელისუფლების ძალადობრივი დამხობა და ხელში ჩაგდება. კახა კალაძე ნიკა მელიაზე - ჩვეულებრივად აკეთებს განცხადებებს, საუბრობს ტელევიზიასთან, სამაჯური რა პრობლემას წარმოადგენს? გენერალური პროკურატურის ინფორმაციით, ნიკა მელიას საქმეზე ამ დროისთვის გამოძიებას ჩვენება 60-მდე პირმა მისცა. გენერალური პროკურატურა - 20 ივნისის ღამის მოვლენების საქმეზე უახლოეს პერიოდში გაიზრდება ბრალდებულ პირთა რიცხვი. კახა კალაძე - აქციის დაშლისას დაშავებულებზე კომპენსაცია აუცილებლად გაიცემა და ამისთვის მაღალი კრიტერიუმები იქნება აღებული. სერგი კაპანაძე პროკურატურის განცხადებაზე - ეს ოპერა გავლილი გვაქვს - უკვე სიგიჟეში გადავიდნენ, ამბოხების ნიშნები ვინ დაინახა? რომან გოცირიძე - პოლიტიკური რეპრესიების დაწყება დააანონსეს - ალბათ, მერე გადამალულ საბურავებზე და რევოლუციებზე მოგვითხრობენ ზღაპრებს. ეკა ბესელია - როდესაც სახელმწიფო გადატრიალების მუხლს ახსენებს საგამოძიებო ორგანო, არც თუ ისე სასიამოვნო ასოციაციები ჩნდება - გვახსოვს წარსულის ცუდი გამოცდილება. გია ვოლსკი - პარლამენტში შეჭრის მცდელობა ჩვენს თვალწინ მიმდინარეობდა, ეს ყველამ დავინახეთ და ამის უარყოფა შეუძლებელია. გია ხუხაშვილი - ალბათ, ჩანაწერებს მოგვასმენინებენ, როგორ თხრიდა მიშა სააკაშვილი გვირაბს და სადაცაა ავლაბარში, შადრევანში ამოყვინთავს. 20 ივნისს აქციაზე ჯგუფურ ძალადობაში მონაწილეობის ბრალდებით 4 პირი დააკავეს. გია ბარამიძის ინფორმაციით, შსს-ს მიერ 20 ივნისის მოვლენებთან დაკავშირებით ერთ-ერთი დაკავებული „ნაციონალური მოძრაობის“ წევრია. შსს-მ გაავრცელა ვიდეოკადრები, რომლებიც, სავარაუდოდ, 20 ივნისის მოვლენებისას ჯგუფური ძალადობის ბრალდებით 4 პირის დაკავებას დაედო საფუძვლად. პარლამენტის შენობის წინ აქცია-კონცერტი დღესაც განახლდა.

      ოპოზიციური განწყობები და მსჯავრი - ოპოზიციური პარტიები - ნიკა მელიას წინააღმდეგ გამოტანილი გადაწყვეტილება, ანტიდემოკრატიული მმართველობის გამოცდილების „საუკეთესო“ მაგალითს წარმოადგენს. თორნიკე შარაშენიძე - მგონი, აპირებენ უგულავასაც დაადონ სამაჯური. მაია ცქიტიშვილი - კანონი პოლიტიკურ ლიდერებზეც, მათ შორის ოპოზიციური პარტიის ლიდერებზეც ვრცელდება და ისინი კანონზე მაღლა არ დგანან. ვახტანგ ძაბირაძე - შესაძლოა, უგულავას, ოქრუაშვილს, ბარამიძესაც გაუკეთონ სამაჯურები, მაგრამ ეს რას ცვლის?! აბსოლუტურად არაფერს, ექნებათ ეს სამაჯური ხელზე და ექნებათ. სერგი კაპანაძე - ივანიშვილის ხელშია სასამართლოც, პროკურატურაც და შსს-ც, ჩვენი დაჭერა რომ მოუნდეს, დღესვე დაგვიჭერს ყველას.

      მომავლის განათლება - 3000 ახალგაზრდას ტექნოლოგიების სფეროში საერთაშორისო სტანდარტების მიხედვით გადაამზადებენ. მიხეილ ბატიაშვილის განცხადებით, სკოლების რეაბილიტაციასთან დაკავშირებით, მსოფლიო ბანკთან აქტიური მოლაპარაკებები მიმდინარეობს. ნიკოლოზ ალავიძე - საქართველოს 3000 მოქალაქეს ეძლევა შანსი, დასაქმდეს საინფორმაციო და საკომუნიკაციო ტექნოლოგიების საერთაშორისო ბაზარზე.

      ხორავას საქმის ფიგურანტები - მირზა სუბელიანი საპყრობილეს ტოვებს.

      გარდაიცვალა ცნობილი ტელეწამყვანი გიორგი გოგიჩაიშვილი.

საზღვარგარეთულები:

      მტრობაში დადანაშაულება - ჩრდილოეთ კორეა აშშ-ს მტრულ მოქმედებებში ადანაშაულებს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 828

ტეგები: qwellynews, ამბები, ბლოგი, ივლისი, ნიუსები, სიახლეები

Kakha: ივლისი 5, 2019||6:12pm

ატომური ელექტროსადგურიც მიგვემატებინა (აბა ჰიდროები ვერ ამართლებენ ტარიფი სულ უფრო იზრდება რამდენი ჰესიც ემატება :D ), ჩინეთი ამაში 10 მილიარდ დოლარსაც (ევროს(გირვანქას(ქუვეითურ დინარს(ქართული მოკრძალებული სურვილია საჭირო მხოლოდ)))) :D კი ჩადებენ, ან უკეთესი ძველი რო გავარემონტოთ და იქ ირო იყოს? თუმცა ზოგადად მთავრობა ხალხზე ზრუნავს და ეხლა ურანით ვერ მოწამლის ხალხს, ტყვიით ვართ მოწამლულები.... ეგ და ურანი ერთმანეთს მგონი აბათილებენ იქნებ დაფიქრდეს ამაზე :D არ უნდა იყოს ცუდი აზრი :D

ლაშა: ივლისი 5, 2019||9:16pm

ისეთ ჰაერს ვართ მიჩვეული, ურანი რას დაგვაკლებს, ხომ? ))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მოზარდების განაჩენი, ანექსიის დღე, კორონას ახალი ცენტრები და ჩატეხილი მაგიდა

გამოაქვეყნა Giorgi_მ.
თარიღი: თებერვალი 25, 2020.
საათი: 9:34pm 1 კომენტარი

      ზამთრის კუდის მოქნევა ალბათ მაინც მარტის საქმე იქნება, მაგრამ თებერვლის ბოლოს ჯერ მთებში აიკრძალა მოძრაობა, შემდეგ ბარშიც წვიმამ და თოვლ-ნამქერმა არ დააყოვნა. ალბათ, ასეთი თალხი ეხურა თბილისს 99 წლის უკან. დღის მთავარი თემა იუნკერების გახსენება იყო. ასევე მოლაპარაკებების შეუძლებლობაზე საუბრობდა ოპოზიცია, ხორავას საქმეზე განაჩენიც გამოიტანეს. კორონაც ისევ დაუმარცხებელია და მეტიც, ახალი ეპიცენტრები და კერები ჩნდება მსოფლიოში - ირანი,…

გაგრძელება

საზღვრებს ვირუსი აწესებს, მინისტრი პარლამენტს არ სწყალობს, მარში ტაძრებს იცავს

გამოაქვეყნა Giorgi_მ.
თარიღი: თებერვალი 24, 2020.
საათი: 10:00pm 4 კომენტარი

      ახლა ისეთი ამბავია მსოფლიო პანდემიასთან დაკავშირებით, რომ ხვალ წვიმა იქნება თუ ელჭექი, აღარავის აინტერესებს. არადა, დღეს გაზაფხულის მშვენიერი დარი იდგა. მსოფლიოს ახლა კორონავირუსი ადარდებს და რაც დრო გადის, უფრო რთული ხდება მისგან თავდაცვა - სამეზობლო იკეტება და ჩვენი ქვეყანაც ამ ჩაკეტილობას შეუერთდა. დღის მთავარი ამბავი იყო მინისტრის პარლამენტში მიუსვლელობაც, აქცია საპატრიარქოსთან და ანას ბაღის მცველები ვარკეთილში.

საქართველოს და…

გაგრძელება

პუდრიანი ბაროკო - სახიდან გვირგვინებამდე

გამოაქვეყნა Tamila Moshiashvili_მ.
თარიღი: თებერვალი 23, 2020.
საათი: 11:02pm 0 კომენტარი

      დღევანდელი ბლოგ-პოსტის ხელოვანები წყვილში მუშაობენ. და როგორც ორი და სამი კაცის ნაშრომი, შედეგიც უფრო საინტერესო და შთამბეჭდავია. წარმოშობის ამბავი არ ვიცი, მაგრამ დღესდღეობით, სანკტ-პეტერბურგში მოღვაწე ასია კოზინა და დმიტრი კოზინი (Asya Kozina, Dmitriy Kozin), თეთრი სკულპტურების ნამდვილი ოსტატები არიან. მათ კომპოზიციებში არა მხოლოდ გვირგვინებს (კორონებს) აქვთ განსაკუთრებული მნიშვნელობა, არამედ, თეთრი ფერუმარილით შერებილ პორტრეტებს.…

გაგრძელება

კიბერ ომი და კიბერ საზღვრები, ტრენდი მერაბიშვილი და გასაყიდი პარლამენტი

გამოაქვეყნა Giorgi_მ.
თარიღი: თებერვალი 21, 2020.
საათი: 11:00pm 0 კომენტარი

      სითბო მოვიდა, დაგვიანონსეს კიდეც, რომ უქმეებზე თბილი ამინდები გველის და შეგვიძლია ნელ-ნელა გაზაფხულის სურნელიც ვიგრძნოთ აქა-იქ. მოკლედ, კიბერშეტევის შედეგები იმაზე საინტერესო და ხმაურიანი გამოდგა, ვიდრე თავის დროზე თავად კიბერშეტევის ფაქტი. მსოფლიო გმობს რუსეთის მიერ კიბერშეტევას, ხოლო კარასინი გაკვირვებული კითხულობს - დადასტურდა რომ ეს ჩვენ ვქენით? ეჭვი მეპარებაო. მეორე ამბავია მერებაშვილის გატრენდებული ნიუსები. ახალი ამბავი - ქუთაისის…

გაგრძელება

Qwelly World

free counters