ხანდახან ვფიქრობ და უკვე უფრო ხშირადაც რა სჯობს, იფიქრო და ეძებო თუ ფიქრისგან და ყოველივე შეგრძნებისგან გათავისუფლდე რათა სიმყუდროვე და სიმშვიდე ჰპოვო. "არა სიცოცხლე, არა სიკვდილი, არამედ რაღაც სხვა" - ნეტავ თუ არსებობს ეს სხვა?! სად?! და როგორ მიუახლოვდე?! ეჰ, ეგ კი არა ჯერ ის ვერ გაგვირკვევია სიცოცხლე რა არის, ვერც ის სიკვდილი რაა. და ქიმერებს და წარმოსახვებს სდიე როგორია... მაგრამ გინდა არ გინდა საზრისზე, აზრზე, მთავარზე, აბსოლიტურ ჭეშმარიტებაზე გეფიქრება. გინდა მიუახლოვდე მას ადამიანი და ეს ნახევრად იქეთ და ნახევრად აქეთ ყოფნა შეუგუებელია. უფრო რთული კი ისაა როცა ადამიანს შენი გამოცდილება რომ არ გყოფნის, შენი აზროვნება რომ ვერ წვდება რაღაცას და უფრო განათლებულს ან ზემდგომ ადამიანების შეხედულებებს მიმართავ ანდაც რწმენას, რელიგიას, იქაც კი აღმოაჩენ წინააღმდეგობებს. დისონანსს. ამ წუთისოფელში ვერ გაეცემა პასუხი ბევრ კითხვას მაგრამ ადამიანის ცნობისმოყვარეობა დაუოკებელი რამ არის. არადა ეს ცუდი არაა. ინდიფერენტულობის უფლებას არ გაძლევს და არ გყინავს ერთ ადგილას. გზრდის და ასეც უნდა იყოს თუმცა ეს გზა დაუსრულებელია და სიცოცხლეში არ უწერია გასვლა ფონს. არადა ლაო ძი რომ ამბობს ქვევრის არსს მასში მდგომი სიცარიელე შეადგენსო, აქვე ქარჩხაძე მახსენდება იმისათვის რომ რაღაც შეიმეცნო რაღაც ადგილი უნდა გაასუფთავო და დააცარიელოო.

      გამოდის რომ დაცლილი, ზეგავლენებისგან თავისუფალი ადამიანი გრძნობს სიმშვიდეს. მაგრამ ესეცაა რომ თუ არ იფიქრე და იაზროვნე ისე ვერ მიხვალო კონსესუსთან.

      "ვაზროვნებ მაშასადამე ვარსებობო" მაგრამ ბერდიაევი ფიქრობს რომ ჯერ ვარსებობ და მერე ვაზროვნებო.

      ასე განიბნევა ადამიანის გონება ერთიდან მეორეზე, აქედან იქით. ხან იმ კედელს მიაწყდება ხან მეორეს. და საბოლოოდ ნეტავ გამოვა რამე?!

      ეს ცოდნა ეს ინფორმაციული მარაგი მიიყვანს კი რამე კონკრეტულამდე? იქამდე სადაც ჯერ ვერავინ მისულა? ფაქტიურად ახლა მე ყველა კითხვებზე ვითხოვ პასუხს და ის მავიწყდება რომ ყოველ პასუხს ახალი კითხვა მოჰყვება და ასეა მარად ამ წუთისოფელში.

      ნიშნიანიძეს აქვს კარგი რამ ნათქვამი. "სწორი პასუხი სადაა თორემ, კითხვა ისედაც ყველა სწორიაო."

      რამდენი პრობლემატური კითხვა წამოიჭრება ამ თავში ხოლმე და რა ცუდია უპასუხობა და ის გზაბურუსიანობაც რომელსაც გთავაზობენ რელიგია და ფილოსოფია. გზები რთულია და იმაშიც ვერ იქნები დარწმუნებული სწორად მიდიხარ თუ არა. რელიგიურად იმას თუ მიხვდი მე სწორ გზაზე ვდგავარ და სწორად ვლოცულობ ან ასე გავაგრძელებო ესე იგი უკვე აღარაფერი არ გაქვს. რელიგიურად შენი უუნარობით შეიმეცნებ უფალს. ფილოსოფიაში კი საკუთარ სულა და პიროვნულობაში ჩაღრმავებით და ეგსისტენციალურად თუ იპოვი რამეს მაგრამ ესეცაა რომ შენი გონი და აზრი მთლად შენი და თავისუფალი არააა. ზეგავლენების და სწავლის ქვეშ რომ ხარ, ამას თან ისიც ერთვის რომ ჩვენს აზროვნებაში ბოროტიც ერევა და კეთილიც. ანუ ეშმაკიც და ანგელოზიც. ეშმაკს ხომ აქვს უფლება დატოვებული ჩაწეროს ჩვენს გონებაში მცდარი აზრი. და როგორი იმის მიხვედრა შენია ეს აზრობრივი მიმართულება და სწორია თუ პირიქით.

      საერთოდ იმდენ წვრილმანურ გადაკვეთამდე დავალთ რომ...

      საბოლოო ჯამში ვიღლები ასეთ დროს მაგრამ არ არსებობს დროის მონაკვეთი რომ ისევ არ გაჩნდეს მსგავსი აზრები, კითხვები. და ზოგი ამ ცხოვრების პრაქტიკულ, მექანისტური ყოფიდან რადიკალურად გმიჯნავს, ზოგიც საკუთარი თავიდანაც გმიჯნავს და ბუნებასთან გაახლოებს, ზოგიც პირიქით იმას განატრებინებს ნეტა საერთოდ ვერ ვაზროვნებდე და გამოქვაბულში დავრჩენილიყავიო, ზოგი კი მარადიულად გაქცევა გარბენის რეჟიმში გამყოფებს და გაშინებს, ამაზე ფიქრიც გაშინებს.

      ჰმმმ... ვინმეს თუ შეუძლია რამეში გამარკვიოს? ან მირჩიოს რამე? :) რაც მეტს კითხულობ ადამიანი მით მეტი დომხალია ხოლმე.

      უნამუნო ხომ ამბობს ეჭვის შეტანაა ჩვენი მიზანიო, ეჭვის გარეშე არ არსებობსო ცნობა. ეჭვი გაწყებინებს მოძრაობას, კითხვას, ძიებას. არადა უფალი ამბობს ნეტა მათ ვისაც არ ვუხილავარ და მირწმუნესო, ბედნიერებაა ალბათ თვითნაბადი რწმენა თუ არსებობს რამე ასეთი...

ნახვა: 283

ტეგები: Qwelly, ბლოგი, მიზანი, სიცოცხლე, ძიება

ლაშა: იანვარი 23, 2017||11:25am

ჭეშმარიტება ათავისუფლებს, იცავს და კურნავს! შესაბამისად, მისი, როგორც უმაღლესი ღირებულების, გნებავს ძალაუფლების ძიება და მასში ყოფნა პრობლემურია, მაგრამ არა დამაბნეველი.  

Kakha: იანვარი 23, 2017||1:33pm

ამდენის წაკითხვას არ ვაპირებ, მაგრამ უნამუნო და მსგავსნი მისნი დგანან იმ კედელთან რომელსაც ხატავენ ძაან მუქად და უფრო ამძაფრებენ მისი რეცენზატორები, ცხოვრებაშია მდენი კარგი რამეა, მიმოიხედე ამდენი ფართი შოპინგი განტვირთვის საუკეთესო საშუალებებია :D (რატომ ასეთი მხიარული პასუხი? იმიტომ რომ რაც არ უნდა ჭეშმარიტი და დიდი გზა აღმოაჩინო მაინც არ გაყვები "ხსნას" კიარ ეძებ მოკლე დროის დეპრესიიდან გამოყვანას, ამას კი ასეთი სფეროები კურნავენ :D )

ნინო: იანვარი 23, 2017||6:49pm
თუ ასეთი სფეროები არ გიზიდავს და არ გაბედნიერებს :-/ არა პრინციპში რაც მაბედნიერებს და მინდა ვიცი მაგრამ არ გამოვა. არიან ადამიანები რომლებიც გარემო სიტუაციაზე დამოკიდებულნი არიან. მე მათ რიგებში ვარ. უბრალოდ იმის გამო რომ მყავს ადამიანები რომელთაც ვჭირდები ხოლო თუნდაც დროებით ხევსურეთში წასვლა საკუთარი ბედნიერებისთვის არ გამოდის.
საერთოდ ჩემი პრობლემა ეგაა მე თუ ისინი.
მეს თუ ავირჩევ რელიგიურად და მორალურად არ ვიქნები მართალი, მათ თუ ავირჩევ იმის გაკეთება მომიწევს რაც არასწორია და რაც პიროვნულობას დამიკარგავს. აი ჭეშმარიტება კი ერთადერთია სხვა ადამიანური ჭეშმარიტებები კი ცვალებადია დროსა და გარემოებებ-გამონაკლისებში. თუმცა ერთადერთი ჭეშმარიტება ვინაიდან უფალია, მისკენ სწრაფვა კი ერთადერთი ხსნა და სიმშვიდე არაა იოლი და დამაბნეველიცაა ვინაიდან ეს გზა დანის პირზე სიარულის ტოლფასია. და ძნელია მიხვდე მრუდე და სწორი ამ გზაზე მით უფრო ამ დროში როცა თავად სასულიერო პირებმაც არ იციან როგორ მოიქცნენ. ზოგადად ცხოვრების სირთულეს მიჰყავს ადამიანი ჩიხამდე.... ისეთ გარემოებებს რაც არა ადექვატურია. ასე იოლი რომ იყოს შოპინგი და სხვა.... ეგ კი არა ზოგს ისეთი ცხოვრება აქვს მშვიდად ვერც უსუნთქია.
ო , ეს "პროფილური" ისტორიები :D :D
ერთი და იგივე წამალი ყველა ადამიანზე და დაავადებაზე არ მიდის სამწუხაროდ :( :(
ლაშა: იანვარი 23, 2017||6:56pm
ციტ: მეს თუ ავირჩევ რელიგიურად და მორალურად არ ვიქნები მართალი, მათ თუ ავირჩევ იმის გაკეთება მომიწევს რაც არასწორია და რაც პიროვნულობას დამიკარგავს.

გამოდის, რელიგია პიროვნულობის წინააღმდეგია? რომელ რელიგიას გულისხმობ?
ნინო: იანვარი 23, 2017||7:11pm
არა. მათში ადამიანებს ვგულისხმობ და არა რელიგიას. ადამიანებს რომელნიც ჩემზე არიან დამოკიდებულნი და მე მათზე. სამწუხაროდ ეს ადამიანები თავიანთი არასწორი დამოკიდებულებით და საქციელით უკარგავენ ადამიანს პიროვნულობას..
მორალურად და რელიგიურად მოთმინებითა და სიყვარულით უნდა აღვიჭურვო ალბათ მაგრამ ესაა რომ ეს მოთმინება ანდაც მორჩილება ანდაც დახმარება სწორ გზას ან დადებითს არ მოემსახურება.
თორემ რელიგია რომ პირიქით პიროვნებას იცავს და პიროვნულობას ეგ კი ვიცი.

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters