ოქტომბერში მზე თითქის არ გამოჩენილა, ღრუბლებსა და ნისლებში მიდის თვე. პოლიტიკურ სიახლეებშიც ღრუბელია და წრეზე სიარული - კოვიდმა კვლავ იმატა და ბოლო დღეს 4700 ინფიცირებულს გასცდა. მიშას ჩამოსვლამ კვლავ აქციების ანონსები გამოიწვია და მისი გათავისუფლების მოთხოვნები. ბათუმის ტრაგედია ჯერ გვახსოვს და ჩვენი პრეზიდენტი, ავსტრიის პრეზიდენტს შეხვდა. ვალუტის კურსი - 1 აშშ დოლარი - 3.1329 ლარია.

საქართველოს და მსოფლიოს ამბები | 12 ოქტომბერი, 2021

qwellynews, სიახლეები, ნიუსები, ამბები, სექტემბერი

      #კოვიდსაქართველო - საქართველოში კორონავირუსით ინფიცირების 4774 ახალი შემთხვევა დაფიქსირდა, გარდაიცვალა კიდევ 37 პაციენტი. ბოლო 24 საათში კორონავირუსის საწინააღმდეგო ვაქცინით 6 817 ადამიანი აიცრა. ჩეხეთი საქართველოს მიერ გაცემულ ვაქცინაციის სერტიფიკატს აღიარებს. თამარ გაბუნიას განცხადებით, ამჟამად ჰოსპიტალურ სექტორში 9 ათასამდე საწოლია მობილიზებული. სკოლებისთვის დამატებითი რეგულაციების დაწესება არ იგეგმება. ჩვენთვის განსაკუთრებით პრობლემურია, რომ 60 წლის ზემოთ პირებში ვაქცინაციის მაჩვენებელი დაბალია. ე.წ. ბუსტერ დოზისთვის ქრონიკული დაავადების მქონე პირებმა ექიმის ცნობა, ან ფორმა #100 უნდა წარადგინონ. „მეხუთე ტალღას“ ნამდვილად ვერ დავარქმევთ, რადგან ჯერ „მეოთხე ტალღიდან“ ვერ გამოვედით. ამირან გამყრელიძე - ინფიცირების დღევანდელი შემთხვევებიდან ყველაზე მეტი გამოიკვეთა იმერეთში, ასევე სერიოზულად არის გაუარესებული სიტუაცია კახეთსა და სამეგრელოში. ქვეყანაში კორონავირუსის გამოვლენილი შემთხვევების 100% „დელტა“ შტამია. დღეს საკმაოდ სერიოზული ნახტომია, წინა სამშაბათთან შედარებით დაახლოებით 2000-ით მეტია ახალი შემთხვევების რაოდენობა. შარშან გრიპის სეზონმა იოლად ჩაირა, რადგან გრიპი კოვიდმა „დაჩაგრა“, წელს პროგნოზირებენ, რომ გრიპი უფრო სერიოზულად იქნება, ამიტომ განიხილება ტერმინი „ტვინდემია“, რომელზეც დამცინით. ვაქცინაციის წახალისების მიზნით, სოფლად მცხოვრები მოსახლეობისთვის წამახალისებელი ღონისძიებები განიხილება, რაც სასოფლო სამეურნეო სამუშაოებთანაა დაკავშირებული. სახელმწიფო ქონებით მოსარგებლე ფიზიკურ და იურიდიულ პირებს 2020 წლის 21 მარტიდან 2021 წლის 21 მარტის პერიოდში დარიცხული იჯარის და ქირის გადასახადი, ასევე გადაუხდელობის გამო გამოწერილი ჯარიმები ეპატიებათ. მამუკა ხაზარაძე - „ქართულმა ოცნებამ“ პანდემია ვერ მართა და მოაწყო ქართველი ხალხის გენოციდი.

      აქცია მიშას საპატივცემულოდ - „ნაციონალური მოძრაობა“ 14 ოქტომბრის აქციაზე დასასწრებად, ზუგდიდიდან და სამეგრელოს სხვა რაიონებიდან მოსახლეობის ტრანსპორტირებას უზრუნველყოფს. ხატია დეკანოიძე - 14 ოქტომბრის აქციაზე ბევრნი უნდა ვიყოთ, მსოფლიოს უნდა ვაჩვენოთ, რომ არ ვაპირებთ პრეზიდენტისთვის თავისუფლების შეზღუდვას შევეგუოთ. პაატა მანჯგალაძე - თუ „ნაცმოძრაობა" კერძო აქციას ჩაატარებს და არ იქნება კონსულტაციები პარტიებთან, „ჩანგალზე“ ვერ მივალთ. მამუკა ხაზარაძის განცხადებით, „ლელო“ 14 ოქტომბერს მიხეილ სააკაშვილის გათავისუფლების მოთხოვნით დაგეგმილ აქციას არ შეუერთდება. ნათია თურნავა - შიმშილობს თუ არა სააკაშვილი, არ მიწყინოთ, ვფიქრობ, არაადეკვატური კითხვაა ეკონომიკის მინისტრის მიმართ - მსოფლიოში მილიონობით ადამიანი შიმშილობს სიღარიბის გამო. ირაკლი ზარქუა - ოპოზიციური პარტიები უარს ამბობენ 14 ოქტომბრის აქციაში მონაწილეობაზე და ეს სწორია - ფანჩატურში ჯდომამ ყველას დაანახა, რომ მათი ლუსტრაცია მოხდა და რეიტინგმა დაიკლო. ადვოკატი - დოკუმენტში, რომლითაც სააკაშვილს სატელეფონო ზარების განხორციელება შეეზღუდა, წერია, რომ მან შეიძლება ამით ზეგავლენა მოახდინოს მის მიმართ წარმოებულ საქმეებზე, რაც სრული აბსურდია. სააკაშვილის ადვოკატი - ჩანიშნონ ამ ოჯახაშენებულებმა სასამართლო პროცესი, ამდენი წელია ადამიანს ეძებდნენ, გულზე მჯიღს იცემდნენ, ჩამოსულია და წარადგინონ სასამართლოს წინაშე. ანრი ოხანაშვილი - სააკაშვილი არის რეციდივისტი. ირაკლი ქადაგიშვილი - მიხეილ სააკაშვილს იმედი ნუ ექნება, რომ პოლიტიკურ კრიზისს გამოიწვევს, სასჯელს მოიხდის ქვეყნის პენიტენციურ სისტემაში. გიგი უგულავა სააკაშვილს - ვიდრე ციხიდან არ გამოგიყვან, მე სხვა საქმე არ მაქვს, ვამაყობ შენით, როგორც არასდროს! მიხეილ სააკაშვილი სამარტოო საკანში მხოლოდ საკუთარი სურვილის საფუძველზე იმყოფება. რომან გოცირიძე - აქციაში მონაწილეობას მიიღებს ზოგიერთი ოპოზიციური პარტია, თუმცა, ყველა ოპოზიციური პარტია აცხადებს, რომ სააკაშვილი პოლიტიკური პატიმარია. სალომე სამადაშვილი - დარწმუნებული ვარ, აქციას ბევრი ადამიანი დაესწრება, რომელსაც ქვეყანაში პოლიტიკური დევნის დასრულება სურს. ბექა დავითულიანი - აქციები და პეტიციები ვერც ერთ დამნაშავეს მისჯილი პასუხისმგებლობისგან ვერ იხსნის. ხათუნა სამნიძე - „რესპუბლიკური პარტია” 14 ოქტომბერს დაგეგმილ აქციას არ შეუერთდება. ბექა ბასილაია - მიხეილ სააკაშვილის შიმშილობა შედის საკმაოდ რთულ ფაზაში, გადაადგილებაზე აქვს პრობლემები, ფეხები დაუსივდა. მიხეილ სააკაშვილი - არც ერთ შემთხვევაში არ შევწყვეტ შიმშილობას, ვისურვებდი, ჩემს გათავისუფლებას უკვე მეორე ტურამდე მივაღწიოთ, რათა ერთად შევძლოთ გარდაუვალი გამარჯვების დაცვა. შალვა პაპუაშვილი - დღეს ყველა, ვინც ამბობს „თავისუფლება მიშას“, ის ხალხი დასცინის მიხეილ სააკაშვილის დანაშაულის მსხვერპლებს. სახალხო დამცველი პენიტენციური სამსახურისა თუ მაღალი პოლიტიკური თანამდებობის პირების მხრიდან მიხეილ სააკაშვილის მისამართით გავრცელებულ განცხადებებს უარყოფითად აფასებს და აცხადებს, რომ ამან შეიძლება სააკაშვილს უფრო მძიმე შიმშილობის ფორმაზე გადასვლისკენ უბიძგოს. ამასთან, სახალხო დამცველი აცხადებს, იქმნება დამატებითი საფრთხე, რომ მოშიმშილე პატიმარმა უარი თქვას სამედიცინო მომსახურების მიღებაზეც.

      ნატოს გმობა - ნატო-ს საპარლამენტო ასამბლეა გმობს რუსეთის მიერ საქართველოს, უკრაინისა და მოლდოვას რესპუბლიკის ტერიტორიული მთლიანობის დარღვევას და ამ ქვეყნების დესტაბილიზაციისკენ მიმართულ უწყვეტ მცდელობას, - ამის შესახებ ნატო-ს საპარლამენტო ასამბლეის მიერ მომზადებულ რეზოლუციაშია აღნიშნული.

      ბათუმის ტრაგედიის გამოხმაურება - ბათუმის მერია და აჭარის მთავრობა დაზარალებულ ოჯახებს ბინებსა და კომპენსაციას გადასცემს. პარლამენტის თავმჯდომარე სამშენებლო ზედამხედველობის გამკაცრების კუთხით საკანონმდებლო ცვლილებებს აანონსებს და პარლამენტის მიერ შესაბამისი ნორმების დროულად მიღების აუცილებლობაზე საუბრობს. ნათია თურნავას განცხადებით, ბათუმში მომხდარი ტრაგედიის გამო, შესაძლოა, მუნიციპალური სამსახურის უფლებამოსილება გაფართოვდეს. მაია ბითაძე - კანონპროექტის მიხედვით, დემონტაჟს დასაქვემდებარებელი ობიექტებისთვის დამატებითი ღირებულების გადასახადის შეღავათი კვლავ გავრცელდება. კახა კუჭავა - მიშენებებთან დაკავშირებულ პრობლემაზე შესაბამისი რეაგირება მოკლე ვადებში უნდა მოხდეს.

      თავდაცვის მინისტრმა კიბერუსაფრთხოების ფორუმი გახსნა.

      ავსტრიელი კოლეგა - ავსტრიის პრეზიდენტი - უნდა გავითვალისწინოთ შიდა სიტუაცია ევროკავშირის, რომელიც გაფართოების დაღლილობით გამოირჩევა, მაგრამ თქვენ ნუ დაკარგავთ იმედს! საქართველოში ჩატარებული ადგილობრივი არჩევნები საერთაშორისო დამკვირვებელთა მისიამ შეაფასა ძირითადად, კარგად, თუმცა მათი სურვილია დამთავრდეს პოლარიზაცია, ჩვენც ვუერთდებით ამ იმედს. ავსტრიას და საქართველოს უფრო მეტი აქვს საერთო, ვიდრე შეიძლება პირველი შეხედვით ჩანდეს, პირველ რიგში, მთები. სალომე ზურაბიშვილი - თუ არსებობს რაღაც ფორმით ევროკავშირში გაფართოების მიმართ დაღლილობა, ეს დაღლილობის სინდრომი საქართველოში არ შეიმჩნევა. პარტიებს შორის დაძაბულობა თავისთავად ქმნის მართვის პრობლემას, როცა შეიძლება, რაღაც ფორმით კოალიციური მთავრობა საჭირო გახდეს. სალომე ზურაბიშვილი ავსტრიის პრეზიდენტს სთხოვს, ავსტრიაში მყოფ ქართველ სტუდენტებს დაუწესდეთ სწავლის ისეთივე გადასახადი, როგორიც აქვთ ევროკავშირის წევრი ქვეყნების სტუდენტებს.

საზღვარგარეთულები:

      #კოვიდმსოფლიო - ბრაზილიის პრეზიდენტის განცხადებით, კორონავირუსით გარდაცვალების შემთხვევებზე კითხვები მომაბეზრებელია. სომხეთში კორონავირუსის 903 ახალი შემთხვევა დაფიქსირდა, გარდაიცვალა კიდევ 43 ადამიანი. რუსეთში კორონავირუსით გარდაცვალების რეკორდულად მაღალი დღიური მაჩვენებელი დაფიქსირდა - 973 ადამიანი გარდაიცვალა. აზერბაიჯანში კორონავირუსის 1 277 ახალი შემთხვევა გამოვლინდა, 15 ადამიანი გარდაიცვალა.

      კიმ ჩენ ინმა პირობა დადო, რომ აშშ-ის მტრული პოლიტიკის საპასუხოდ „დაუმარცხებელ არმიას“ შექმნის.

      საფრანგეთში მიგრანტებს მატარებელი დაეჯახა, დაღუპულია 3 ადამიანი.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 68

ტეგები: qwellynews, ამბები, ბლოგი, ნიუსები, ოქტომბერი, სიახლეები

Giorgi: ოქტომბერი 12, 2021||10:58pm

#qwellynews: ამ წუთებში კოსოვო 0 - 1 საქართელო.

Kakha: ოქტომბერი 12, 2021||11:43pm

დაველოდები კოსოვო 9-1 საქართველო, ანგარიშს )

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

როგორ მოვხვდეთ ფანტაზიის ფინალურ ეტაპზე?!

გამოაქვეყნა Selena_მ.
თარიღი: ოქტომბერი 27, 2021.
საათი: 6:00am 0 კომენტარი

A mount is an item that allows players to quickly browse the huge digital world of this type, instead of walking and jogging like an idiot. In its ten-year existence, the stables of rideable creatures and devices in Final Fantasy XIV have expanded to nearly 200 mounts. Unlocking each mount has different requirements, from upgrading to paying actual money.

Players can participate in the game's regular activities to obtain the Final Fantasy XIV mount, in which they can interact with…

გაგრძელება

პროტესტი შიმშილით და შიმშილობის პროტესტი

გამოაქვეყნა Giorgi_მ.
თარიღი: ოქტომბერი 26, 2021.
საათი: 9:30pm 0 კომენტარი

      ქვეყანაში არეულ ამინდებს არეული პოლიტიკური ამბები მოჰყვა. მაგრამ ძირითადი თემა მაინც საარჩევნო სამზადისებია და კოვიდის მომატებული სტატისტიკა. ათასებს ვითვლით ყოველდღიურად იმფიცირებულ ადამიანებში და ნელ-ნელა საუბარი შეზღუდვების აუცილებლობაზე მიდის. წინ არჩევნებია და არჩევნების შემდეგ ვნახოთ რა იქნება. იქამდე, დღის მეორე თემა მოშიმშილე პატიმარი სააკაშვილი და მისი ჯანმრთელობის მდგომარეობაა. რაც შეეხება ეკონომიკას და ვალუტის კურსს - 1 დოლარის…

გაგრძელება

კარდინალები და იაგუარები

გამოაქვეყნა Weiweismart_მ.
თარიღი: ოქტომბერი 26, 2021.
საათი: 5:00am 0 კომენტარი

The Madden series has had mixed reviews in recent years, with critics acquiescing to the long-standing complaints of hardcore fans and casual players. EA has begun to introduce new features and game modes to Madden to emphasize the Madden nfl 22 coins fact that it's an actual videogame and not just a sport simulation. However, the gameplay on the field is still lacking and the fundamental single-player mode which do not include micro-transactions, such as Madden Ultimate Team go mostly not…

გაგრძელება

სიენას ფოტოკონკურსის გამარჯვებულები

გამოაქვეყნა Tamila Moshiashvili_მ.
თარიღი: ოქტომბერი 24, 2021.
საათი: 10:52pm 0 კომენტარი

      სილამაზე სუბიექტურია. მართალია ყველას თავისებურად ესმის ის, მაგრამ მსოფლიოში არაერთი კონკურსი ტარდება რომელიც სხვადასხვა სილამაზეს გამოავლენს. საბოლოოდ, ჟიური ირჩევს ერთს, მაგრამ ეს მაინც არ ნიშნავს რომ საზოგადოება ამ არჩევანს გახდის მისთვის მოსაწონს. სიენას საერთაშორისო ფოტო დაჯილდოება მსოფლიოში ერთ-ერთი ყველაზე ცნობილი და ავტორიტეტული ფოტოდაჯილდოებაა. ათასობით ფოტო იღებს მონაწილეობას და გამარჯვებლები 11 სხვადასხვა კატეგორიაში ჯილდოვდებიან.…

გაგრძელება

Qwelly World

free counters