ბიუჯეტი ღვინობისთვეში, საგარეო საქმეთა მინისტრების ხმაურიანი შეხვედრა და ქრისტიანობა პოლიტიკურ მართვაში

      ღვინობისთვე დაიწყო და საშემოდგომოდ მზის გაფიცხებაც დაანონსდა - 5 ოქტომბრის ჩათვლით, მაღალი ტემპერატურა გველოდება. ოქტომბერი 2020 წლის ბიუჯეტმა გახსნა და ამ ბიუჯეტის განაწილების განხილვამ, კრიტიკამ, ქებამ ან მოთქმამ. დღის მთავარი ამბავი, საქართველოს და რუსეთის მინისტრების შეხვედრაც გახლდათ და ამის გამო მინისტრის საპარლამენტო დაბარება. არ წყდება პრეზიდენტის შემწყნარებლობის თემის განხილვა და ბესელიას კადრებიც არავის დავიწყებია.

საქართველოს და მსოფლიოს ამბები / 1 ოქტომბერი, 2019

      უკომპრომისობა და ბიუჯეტის საპარლამენტო განხილვა - გიორგი გახარია მინისტრებს - ვერ იქნება ვერანაირი კომპრომისი, ყველა ვალდებულება, რომელიც თქვენს სამინისტროებს ბიუჯეტით გააჩნიათ, უნდა იყოს დროულად შესრულებული. მაია ცქიტიშვილი - 2020 წელს გზების 600 მონაკვეთის რეაბილიტაცია-შეკეთება მოხდება. საქართველო გენერალური საკონსულოების გახსნას საფრანგეთში, გერმანიასა და იტალიაში გეგმავს. ირაკლი ღარიბაშვილი - მთავარია იდეა, რაზეც დავაფუძნეთ ბიუჯეტის დაგეგმარება, ჯარისკაცებზე ზრუნვა და ქვეყნის თავდაცვისუნარიანობის გაძლიერებაა. 2020 წელს ინფრასტრუქტურის სამინისტრო 50-ზე მეტი ახალი საჯარო სკოლის და ამდენივე საჯარო ბაღის მშენებლობას გეგმავს. 2020 წელს შინაგან საქმეთა სამინისტროს 500 პატრულ-ოფიცრის საშტატო ერთეული დაემატება. ნათია თურნავა - 97 დასახლებულ პუნქტში, სადაც ისტორიულად არასოდეს ყოფილა გაზი, ვგეგმავთ შევიყვანოთ ინფრასტრუქტურა და გავუშვათ ბუნებრივი აირი. თბილისის მერიის ბიუჯეტი 100 მილიონი ლარით იზრდება. ქეთევან ციხელაშვილი - 2020 წლის ბიუჯეტით ასევე გათვალისწინებულია სამშვიდობო ინიციატივის „ნაბიჯი უკეთესი მომავლისკენ“ განხორციელების მხარდაჭერა. შს მინისტრის მოადგილე - 2020 წელს დაგეგმილია, როგორც ახალი საპოლიციო შენობების, ასევე მეხანძრე-მაშველებისთვის ახალი დეპოების მშენებლობა. სოციალური მუშაკებისთვის და სასწრაფო დახმარების ბრიგადების ექიმებისთვის ხელფასების მატება იგეგმება. ნათია თურნავა - მნიშვნელოვანი განვითარება იგეგმება ტურიზმის მიმართულებით, ჩვენი ყურადღების ცენტრში პირველ რიგში ბაკურიანი იქნება. ლევან დავითაშვილი - ჩვენთვის 2020 წელსაც ძალიან მნიშვნელოვანია, პრიორიტეტული იყოს ჩვენი მოქალაქეების, ფერმერებისა და კერძო ინიციატივების მხარდაჭერა. ივანე მაჭავარიანი - იმ პირობებში, როდესაც რეგიონში ზრდა არის სულ რაღაც 0,1 პროცენტი, ჩვენი 5%-იანი ზრდა არის ძალიან ამბიციური და გამბედავი განაცხადი. მომავალი წლის ბიუჯეტი ეყრდნობა ჯანსაღ ეკონომიკურ პარამეტრებს, რაც სრულ თანხვედრაშია საერთაშორისო სავალუტო ფონდის მოთხოვნებთან. დავით ბაქრაძე - მთავრობა პენსიის თემას წინასაარჩევნოდ ასაკოვანი მოსახლეობის მოსატყუებლად იყენებს. განათლების, მეცნიერების, კულტურისა და სპორტის სამინისტროს ბიუჯეტი მომავალ წელს 130 მლნ ლარით გაიზრდება. მომავალ წელს სპორტის მიმართულების დაფინანსება 14 მილიონი ლარით გაიზრდება. ფინანსთა მინისტრის მოადგილის განცხადებით, საკრედიტო-საგარანტიო მექანიზმის 20 მილიონიანი ბიუჯეტის ათვისება ძალიან მცირე იქნება. 2020 წელს საქართველოს მთავრობის ადმინისტრაციისთვის სახელმწიფო ბიუჯეტიდან გამოყოფილი დაფინანსება მცირდება. 2020 წლის საპარლამენტო არჩევნებისთვის ბიუჯეტიდან 42 მილიონ ლარზე მეტი გამოიყოფა. გიორგი გახარია - უახლოესი 10 წლის განმავლობაში ვინც არ უნდა იყოს ხელისუფლებაში, ძირითადი ამოცანა იქნება რეფორმირება, რეფორმირება და კიდევ ერთხელ რეფორმირება. გიორგი გახარია - შეიძლება ვიღაცამ თქვას, რომ 2020 წლის ბიუჯეტი არის საარჩევნო წლის ბიუჯეტი, მაგრამ ამომრჩევლის მოსყიდვა ვერანაირად ვერ იქნება.

      ქრისტიანი პრეზიდენტი - მიხეილ სააკაშვილი - უახლოეს თვეებში ვაპირებ საქართველოში ჩამოვიდე. ბოკერიამ და სხვებმა ყველაფერი გააკეთეს იმისთვის, რომ დისტანცირება მომხდარიყო ტრადიციული, ქართული, ქრისტიანული ფასეულობებიდან. გიგა ბოკერია - სააკაშვილი მალე ალბათ, ჩემი 9-წლიანი მმართველობის მსხვერპლად გამოაცხადებს თავს. გიგი უგულავა - სალომე ზურაბიშვილის და ლევან ვასაძის მერე ვიხილეთ ფარისევლობა #3, როცა მიხეილ სააკაშვილი ჯვრის სანახავად პერანგს ექაჩებოდა. დავით ბაქრაძე - პრობლემაა, რომ მიხეილ სააკაშვილი ლევან ვასაძის და „ქართული მარშის" ტერმინოლოგიის და მათი არგუმენტების გამოყენებით აკრიტიკებს ვინმეს, მათ შორის გიგა ბოკერიას. დავით უსუფაშვილი - 15 წელია ვლაპარაკობ, რომ სააკაშვილი ქვეყნისთვის დამაზიანებელია.

      ზურაბიშვილის სკანდალები - დავით მაღრაძე - სალომე ზურაბიშვილს თან სდევს სკანდალები - პრეზიდენტს მეტი სერიოზულობა მართებს. გელა ნიკოლაიშვილი - შეწყალებაზე ატეხილი აჟიოტაჟი შეწყალების ინსტიტუტის, ასევე ხელისუფლების და მის მიერ წამოყენებული პრეზიდენტის წინააღმდეგაა მიმართული. პრეზიდენტის მიერ შეწყალებული რამაზ დევაძის დედა - ჩემი შვილი თბილისში თარაშ მუკბანიანის სახელზე ტაძარს აშენებს.

      კადრები და სხვა საბესელიო ნიუსები - ეკა ბესელია - როცა პარტიის თავმჯდომარეს უწევს ყველას ნაცვლად ყველა დონეზე ჩართვა, ეს მმართველობითი სისტემის არაჯანსაღ ფორმას ნიშნავს - ეს ივანიშვილის ბოლო რესურსია. ეკა ბესელიას განცხადებით, გამოძიებას იმ დეპუტატების გვარებს მიაწვდის, რომლებიც „პირად გავლენებს საკუთარი ინტერესების ლობირებისთვის იყენებენ“. გიგა ბოკერია - პირადი ცხოვრების კადრების გავრცელება ამაზრზენი ამბავია, ამაზე პასუხისმგებლობას ჩვენც ვგრძნობთ, მიუხედავად იმისა, რომ საჯაროდ არასდროს მომხდარა ეს წინა ხელისუფლების დროს. ეკა ბესელიას განცხადებით, პირადი ცხოვრების ამსახველი ჩანაწერებით ადამიანების შანტაჟზე, კონკრეტულ პირთა თანხმობის შემთხვევაში მზადაა, გამოძიებას დეტალური ინფორმაცია მიაწოდოს. დავით მათიკაშვილი ეკა ბესელიაზე - გაკოტრებული პოლიტიკოსის უბადრუკი მცდელობაა თავის თავი დააბრუნოს პოლიტიკურ ორბიტაზე.

      მინისტრის დაბარება - „ევროპული საქართველო“ დავით ზალკალიანის პარლამენტში დაბარების თაობაზე "ნაციონალური მოძრაობის" მოთხოვნას უერთდება. ეკა ბესელიას აზრით, დავით ზალკალიანის პარლამენტში მისვლა აუცილებელი. გიგა მაქარაშვილი დავით ზალკალიანს - ჩვენ კიდევ მოვალთ და არ მოგასვენებთ - სირცხვილია. რომან გოცირიძე - ზალკალიანი ვერ გაექცევა შეკითხვებს და შესაძლოა, ვერც პასუხისმგებლობას, იმ სამარცხვინო შეხვედრის გამო, რომელმაც საქართველოს ავტორიტეტი შეულახა. მაია ცქიტიშვილი ზალკალიანი-ლავროვის შეხვედრაზე - მთავარია შეხვედრის შედეგები. ადა მარშანია - ჟენევაში არ იქნება სერიოზული და არც არასერიოზული პოზიტივი, სანამ არ დაიწყება ფართომასშტაბიანი კონტაქტები რუსეთის ფედერაციის პირველ პირებთან. გიორგი გახარია ზალკალიანი-ლავროვის შეხვედრაზე - ჩვენი სათქმელი იქნება ყოველთვის ჩვენი სათქმელი და იქ, სადაც შესაძლებელია დაძაბულობის მოხსნა, ეს უნდა გავაკეთოთ.

      პროტესტი ევროსაბჭოს - საქართველოს, უკრაინის, ლატვიის, ლიეტუვის და ესტონეთის დელეგაციებმა ევროსაბჭოს საიუბილეო ღონისძიებაში მონაწილეობა პროტესტის ნიშნად არ მიიღეს.

      სარაგბო გამარჯვება და შეცდომა - მსოფლიო რაგბიმ საქართველოს მატჩის შემდეგ რუსული სიმღერის ჩართვის გამო ბოდიში მოუხადა.

      პუტინის მავნეობა - ვლადიმერ პუტინი - რუსეთი აფხაზეთს ეროვნული უსაფრთხოების უზრუნველყოფაში დაეხმარება.

საზღვარგარეთულები:

      ხალხის მოთხოვნა პრეზიდენტს - უკრაინელები ვლადიმერ ზელენსკის მასსა და პუტინს შორის გამართული სატელეფონო საუბრების სტენოგრამის გამოქვეყნებას სთხოვენ.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 35

ტეგები: qwellynews, ამბები, ბლოგი, ნიუსები, ოქტომბერი, სიახლეები

Kakha: ოქტომბერი 3, 2019||9:48am

თუ ბოდიშს იხდის მსოფ რაგბი, მაშინ არაუშავს ))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მცხეთიდან ქუთაისში გადატანილი აქციები, ოცნების შიდა სამზარეულო და სასამართლოების საქმიანობა

გამოაქვეყნა Giorgi_მ.
თარიღი: დეკემბერი 6, 2019.
საათი: 9:08pm 0 კომენტარი

      დეკემბრის სიცივეები ჯერ ახლა იწყება, მაგრამ მზიანობაც არ ეპუება ზამთარს. ქვეყანაში კი ისევ არეულობა და მიტინგებია, საპროტესტო გამოსვლები და აქციები, რუსეთთან კომფლიქტები და სასამართლო საქმეები…

გაგრძელება

ცისფერი ჩხიკვის უცნაური სიტყვები

გამოაქვეყნა nunu qadagidze_მ.
თარიღი: დეკემბერი 3, 2019.
საათი: 3:00pm 0 კომენტარი

გაცოცხლებული ქარაგმა (გაგრძელება)

      ჩემი პაწიები თამაშით გაერთნენ, ხმამაღალი ჭყივილით დასდევდნენ ერთმანეთს მწვანე მდელოზე. კარგა ხანს…

გაგრძელება

ორპარტიათა აქტივისტები და ახალი განაჩენი მელიას

გამოაქვეყნა Giorgi_მ.
თარიღი: დეკემბერი 2, 2019.
საათი: 11:30pm 1 კომენტარი

      დეკემბერი დადგაო და ცამ ფერის ცვლის ნაცვლად, გააგრძელა წინა დღეების სითბო-სიცივე, წვიმა-ქარი, მზე და ღრუბელი. ამბობენ, კიდევ რამდენიმე დღეს გაგრძელდება ასეო (მერე ალბათ ზამთარიც დადგება).…

გაგრძელება

კლასიკა სხეულზე, სხეული ტილოზე

გამოაქვეყნა Tamila Moshiashvili_მ.
თარიღი: ნოემბერი 30, 2019.
საათი: 10:35pm 1 კომენტარი

      შეუძლებელია კლასიკა გაიმეორე, თუკი ეს კლასიკა უკვე ვიღაცამ შექმნა, მაგრამ შეიძლება კლასიკა შენი ნამუშევრების თანმდევი გახადო. ფრთოსანი ფრაზა კი გამომივიდა შესავალში, მაგრამ ჩვენი დღევანდელი…

გაგრძელება

Qwelly World

free counters