ასოცირებული შეხვედრები და ბარიერები მომავალი არჩევნებისთვის

      ხვალ ბევრი ჯარიმა დაიწერება ალბათ, რადგან მწვანე პასპორტები იწყებს ამოქმედებას. რაც შეეხება დღევანდელ დღეს - შემოდგომაც მიიწურა და ხვალიდან ზამთრის სიცივეებს შევეგებებით. ქვეყნის შიგნით მიშა კვლავ აქტუალურია, ქვეყნის გარეთ კი პრემიერი ღარიბაშვილი და მისი „ასოცირებული“ შეხვედრები. ასევე 2024-ის არჩევნების ბარიერები და სხვა. დოლარის ღირებულება - 3.1179 ლარია.

საქართველოს და მსოფლიოს ამბები | 30 ნოემბერი, 2021

qwellynews, სიახლეები, ნიუსები, ამბები, ნოემბერი

      #კოვიდსაქართველო - საქართველოში კორონავირუსით ინფიცირების 5050 ახალი შემთხვევა დაფიქსირდა, გარდაიცვალა კიდევ 80 პაციენტი. ეკატერინე ტიკარაძე - ჰანს კლუგემ აღნიშნა, რომ ორ კვირაში ექნებათ გაცილებით უკეთესი ხედვა, თუ როგორია „ომიკრონის“ ზუსტი მიმდინარეობა. ბოლო 24 საათში კორონავირუსის საწინააღმდეგო ვაქცინით 13 603 ადამიანი აიცრა. შოთა ბურჯანაძე - პარადოქსულია, რომ ობიექტზე მიმსვლელი ადამიანი ვალდებულია დაიცვას „მწვანე ბარათის“ პირობები, ხოლო დამხვედრი ვალდებული არ არის აკმაყოფილებდეს კრიტერიუმებს. 200-ლარიანი წამახალისებელი პროგრამის ამოქმედების შემდეგ კორონავირუსის საწინააღმდეგო ვაქცინით 60 წელს ზემოთ ასაკის 51 757 მოქალაქე აიცრა. ბექა ფერაძე - შრომის ინსპექცია ხვალიდან აღსრულებას დაიწყებს რამდენად არის დანერგილი კოვიდ აპლიკაცია სხვადასხვა ობიექტზე - პირველი დღეები სარეკომენდაციო ხასიათის იქნება.

      სააკაშვილის მეინსტრიმი - ნინო ლომჯარია - აშშ-ში სააკაშვილის საქმის გარშემო მოვლენები განვიხილეთ და აღვნიშნე, რომ არა მათი მხრიდან ღია მხარდაჭერა, ჩვენ შეიძლება რთულ მდგომარეობაში აღმოვჩენილიყავით. ალეკო ელისაშვილი - რა კომიტეტი უნდა შექმნან, რა „კალოშები“ ამოიცვან და შემოვარდნენ ფიწლით და ნამგლით?! - ბოდვებს თავი დაანებოს. იაგო ხვიჩია - მიხეილ სააკაშვილი ციხეში „ქართულ ოცნებასთან“ შეთანხმებით ზის - როგორც ჩამოიყვანეს, წინასაარჩევნოდ თვალწინ აგვიფრიალეს და ამით ხმები გადაინაწილეს, გამოსაშვებ გზასაც ერთად მოიფიქრებენ. ირაკლი ზარქუა - წარმოიდგინეთ, მიხეილ სააკაშვილის დანაშაულები საფრანგეთის სასამართლოში რომ ყოფილიყო, ალბათ, სამუდამოს მიუსჯიდნენ. არჩილ თალაკვაძე - კარგია, რომ ოპოზიციის დიდმა ნაწილმა სააკაშვილის აბსურდული კამპანია არ გაიზიარა და არ ჩაერთნენ იმ წაგებულ თამაშში, რომელშიც მან ოპოზიცია რამდენჯერმე შეიყვან. გია ვოლსკი - სააკაშვილის საუბარს, რომ გირგვლიანის თემა პოლიტიკის „პიარული“ ნაწილია, მდარე თავის მართლებაც არ ჰქვია, ეს უზნეობასთან უფრო ახლოს არის. პაატა მანჯგალაძე - არ გამოვრიცხავ, რომ სააკაშვილს შეცდომები ჰქონდა, მაგრამ ეს უნდა დაადასტუროს არა თადუმაძის სასამართლომ, რომელიც ივანიშვილის ადვოკატი იყო, მერე პროკურორი გახდა, არამედ თავისუფალმა სასამართლომ. სალომე სამადაშვილი - ქვეყანაში პოლიტიკური დევნა უნდა დასრულდეს - პოლიტიკოსებმა პოლიტიკური შეცდომებისთვის ფასი ელექტორალურად უნდა გადაიხადონ. ირაკლი კობახიძე - სააკაშვილის გუშინდელმა გამოსვლამ, ალბათ, ყველას გაგვახსენა მარკესის ცნობილი ნაწარმოები, „პატრიარქის შემოდგომა“ - ჩვენ ვიხილეთ ყოფილი დიქტატორი, რომელიც მისტირის ჭარბ ძალაუფლებას. დიმიტრი ხუნდაძე - მიხეილ სააკაშვილმა სასამართლოს დარბაზში, რომელიც, როგორც ჩანს, პარლამენტის ტრიბუნად აღიქვა, მსოფლიოს წინაშე ახალი იმიჯით, ახალი პოლიტიკური კეკლუცობა დაიწყო - სააკაშვილი არ იცვლება. სოზარ სუბარი - გუშინ ვნახეთ ადამიანი, რომელსაც არ აქვს არანაირი სინანულის გრძნობა, არის მკვეხარა, ბაქია და ვერ ვნახეთ ადამიანი, რომელსაც შიმშილობის კვალი ეტყობა. ალუდა ღუდუშაური - სააკაშვილისგან ვერ მოვისმინეთ რის გამო სცემეს 7 ნოემბერს უმოწყალოდ ჟურნალისტებს, რის გამო გააწამეს ჩვენი თანამოქალაქეები. ადვოკატი - მიხეილ სააკაშვილი მოხარულია, რომ შესაძლებლობა მიეცა ქართველი ხალხისთვის მიემართა - რაც შეეხება 2 დეკემბერს გასამართ სასამართლო სხდომას, აქაც ვითხოვთ მის მონაწილეობას. მამუკა გამყრელიძე - მიხეილ სააკაშვილის მომავალ ბედთან დაკავშირებით გადამწყვეტი იქნება დასავლეთის რეაქცია სასამართლო პროცესზე. მიხეილ სააკაშვილის მკურნალი ექიმი - დილით აღენიშნებოდა მცირე სისუსტე, მაგრამ არის მხნედ - რაც შეეხება რაციონს, გადავედით გაფართოებულ კვებაზე. გიორგი ბარამიძე - ის, რომ სააკაშვილი 7 ნოემბრის მოვლენებს ტელევიზორში უყურებდა, არ ნიშნავს, რომ შს მინისტრთან ტელეფონით კავშირი არ ჰქონდა, მაგრამ იქ თუ ვიღაცამ გადაცდომა ჩაიდინა, რადგან პრეზიდენტი ინფორმირებული იყო, დამნაშავე ის არის?

      ზვიადაური გარეთ - ანა დოლიძე - ლევან ზურაბიშვილს, რომლის ბანკში შევარდნას არც მსხვერპლი მოჰყოლია, არავინ გაუძარცვავს, 9 წლით პატიმრობა აქვს მისჯილი და ზვიადაურს, რომელიც საზოგადოებისთვის საშიშია, გირაოთი ათავისუფლებენ.

      საქართველოს დესპანობა - დავით ზალკალიანი ჩრდილოატლანტიკური ალიანსის მიწვევით, ნატო-ს წევრი ქვეყნების საგარეო საქმეთა მინისტრების შეხვედრაში მიიღებს მონაწილეობას. ირაკლი ღარიბაშვილი უკრაინელ და მოლდოველ კოლეგებთან ერთად, ევროკომისიის პრეზიდენტ ურსულა ფონ დერ ლაიენს შეხვდა. შარლ მიშელმა ასოცირებული ტრიოს პრემიერ-მინისტრებს უმასპინძლა. ირაკლი ღარიბაშვილი - საქართველოს, უკრაინას და მოლდოვას ევროპული მისწრაფებები და საერთო ღირებულებები გვაერთიანებს და აღმოსავლეთ პარტნიორობის ერთგული მონაწილეები ვართ. დავით ზალკალიანი - ასოცირებული სამეულის ფორმატში შეხვედრა მაქსიმალურად იყო გამოყენებული იმისთვის, რომ ჩვენი მოლოდინების შესახებ გვქონოდა საუბარი, რაც აღმოსავლეთ პარტნიორობის სამიტთან დაკავშირებით გვაქვს. ნატალია გავრილიცა - ბრიუსელში „ასოცირების ტრიოს“ ვიზიტის მიზანი აღმოსავლეთ ევროპის დაგეგმილი სამიტის წინ გაძლიერებულ თანამშრომლობაზე ნაკისრი ვალდებულების დადასტურებაა. ნათელი ხედვა გვაქვს და აღმოსავლეთ პარტნიორობის სამიტამდე მტკიცე და ძლიერი სამომავლო პოლიტიკური დეკლარაციები უნდა მივიღოთ. ვიქტორ დოლიძე - საქართველოს მონაწილეობა ნატო-ს საგარეო საქმეთა მინისტრების შეხვედრაში მეტყველებს საქართველოს, როგორც მოწინავე ასპირანტი ქვეყნის მნიშვნელობაზე. შარლ მიშელი - ევროკავშირი აღმოსავლეთ პარტნიორობის ყველაზე საიმედო პარტნიორია. საქართველოში ჩვენ ბოლომდე უნდა მივყვეთ დადგენილ რეფორმებს თანმიმდევრულად და სანდოდ დენის შმიგალი - ევროკავშირის მხარდაჭერა ჩვენი სამი ქვეყნისთვის მოახდენს დარგობრივი თანამშრომლობის სტიმულირებას და გაძლიერებას. ძალიან მნიშვნელოვანია, რომ პარტნიორობა განვითარდეს მიღწეული წინსვლის საფუძველზე და არსებული სისუსტეები გამოსწორდეს. ლინას ლინკევიჩუსი - საქართველოს თავს დაესხნენ 2008 წლის ნატოს სამიტის შემდეგ, როდესაც ჩვენ უარი ვთქვით წევრობის სამოქმედო გეგმის მინიჭებაზე.

      ფონდის ფული - დავით საგანელიძე - „საპარტნიორო ფონდს“ დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს. წინააღმდეგი ვარ და ყოველთვის წინააღმდეგი ვიყავი, ფონდი ბიუჯეტიდან დაფინანსებულიყო - ჩვენ უნდა ვიყოთ ის, ვინც ბიუჯეტში ფული უნდა გავაჩინოთ. დავით საგანელიძე პრემიერ-მინისტრს ფონდის რეფორმირების საკითხის დღის წესრიგში დაყენებისთვის მადლობას უხდის.

      ნათია თურნავა - ველოდებით, რომ წლის ბოლოს ორნიშნა ეკონომიკური ზრდა გვექნება, რაც საქართველოს ავტომატურად გაიყვანს ევროპული ლიდერების რანგში.

      ლევან იოსელიანი - ძალიან დიდი იმედგაცრუება იყო, რაც მოსამართლეთა კანდიდატებისგან მოვისმინეთ - დაილია ამ ქვეყანაში მოსამართლეები, იურისტები?! ანა ნაცვლიშვილი უმრავლესობას - ამ სასამართლოს სისტემის შემქმნელმაც კი აღიარა მისი უბადრუკება, მაგრამ თქვენ ამ სასამართლოს რეინკარნაციასა და მის უვადოდ ჩაბეტონებას მაინც ჯიუტად აგრძელებთ! ირაკლი კობახიძის განცხადებით, 2012 წლის შემდეგ მმართველი პარტიის ერთ-ერთი მთავარი მიღწევაა სასამართლო სისტემის ცვლილება, სასამართლო შემადგენლობის ცვლილების გარეშე.

      ცოტა კანონებზე - ბაზრობებზე მოვაჭრეებისთვის სალარო აპარატების გამოყენების ვალდებულება კიდევ ერთი წლით, 2023 წლის 1-ელ იანვრამდე გადავადდება. საგანმანათლებლო და სააღმზრდელო დაწესებულებებთან თამბაქოს ნაწარმის რეალიზაციაზე ჯარიმები იზრდება.

      ბარიერები სასამართლოში - ირაკლი კობახიძე - თუ საკონსტიტუციო ცვლილებებს მივიღებთ, პროპორციული სისტემის შესახებ ჩანაწერი, ისე როგორც ჩანაწერი ბარიერის კუთხით, უნდა ამოქმედდეს 2024 წლიდან. ალეკო ელისაშვილი - თუ ბარიერი არ შემცირდა, სულ ორი პარტია იქნება და მივიღებთ იმ „ბასტი-ბუბუს" და ზიზღის პინგ-პონგს, რაც გვაქვს ახლა - „არა შენი 9 წელი, არა შენი". გიორგი ვაშაძე - კობახიძე ერთი მხრივ ამბობს, 2024 წლამდე რიგგარეშე არჩევნები არ იქნება და მეორე მხრივ უნდა, რიგგარეშე არჩევნებთან დაკავშირებით ჩასწორებები შეიტანოს საკონსტიტუციო ცვლილებებში - ეს არის შიში. ბადრი ჯაფარიძე - "ოცნების" მხრიდან ადგილი აქვს მცდელობას, რომ პარლამენტს და საზოგადოებას უკვე შეთანხმებული საკონსტიტუციო ცვლილებები გადაახიოს. ხატია დეკანოიძე - მორიგი “გადაგდება” დააანონსა კობახიძემ.

საზღვარგარეთულები:

      #კოვიდმსოფლიო - მსოფლიოში კორონავირუსით ინფიცირებულთა რაოდენობამ 262 მილიონს გადააჭარბა. აშშ-ში „ბუსტერ“ დოზით აცრისკენ 18 წლის ასაკიდან ყველა მოქალაქეს მოუწოდებენ. სომხეთში კორონავირუსის 398 ახალი შემთხვევა დადასტურდა და 32 ადამიანი გარდაიცვალა. რუსეთში კორონავირუსის 32 648 ახალი შემთხვევა გამოვლინდა და 1229 ადამიანი გარდაიცვალა. აზერბაიჯანში კორონავირუსის 1 678 ახალი შემთხვევა გამოვლინდა, გარდაიცვალა კიდევ 23 ადამიანი.

      პოლონეთის პრემიერი - კრემლს და მის მოკავშირეებს გეოპოლიტიკური სისტემის შეცვლა და ევროკავშირის დაყოფა სურთ. ვლადიმერ პუტინი - უკრაინას სჭირდება ურთიერთობების დალაგება და თუკი ეს გამოუვა, საფრთხეებს არავინ გამოცდის - ვიმედოვნებ, „წითელი ხაზების“ გაჩენამდე საქმე არ მივა. მაქვს უფლება, ახალი ვადით ვიყარო კენჭი, გავაკეთებ თუ არა ამას, გადაწყვეტილება არ მიმიღია.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 69

ტეგები: qwellynews, ამბები, ბლოგი, ნიუსები, ნოემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

სარაკეტო სერტიფიკაცია

გამოაქვეყნა itemsigv rocket_მ.
თარიღი: აგვისტო 11, 2022.
საათი: 5:30am 0 კომენტარი

We will therefore discuss how you can improve your Rocket League inventory using our tips and tricks in this Rocket League guide. This guide is intended for traders who are just getting started. These aren’t necessarily new players, but rather people who want to get their feet wet in the Rocket League trading world.

Understand the market

If you want to become an expert in the Rocket League market, earn more credits and expand your inventory, you have to understand the nature of…

გაგრძელება

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

Qwelly World

free counters